ဖရူဆိုမြို့နယ်အတွင်း ရေရရှိရေး စီမံကိန်းအများဆုံးလိုအပ်

မူအက်စတာ

ယခုနှစ်အတွင်း ဖြစ်ပေါ်ခဲ့သည့် အယ်လ်နီညိုရာသီဥတုကြောင့် ကယား(ကရင်နီ)ပြည်နယ် ဖရူဆိုမြို့နယ်အတွင်းရှိ ကျေးရွာအများစုတို့မှာ ရေရရှိရေးစီမံကိန်းများကိုသာ အများဆုံးလိုအပ်နေကြသည်ဟု လူထုဗဟိုပြုစီမံကိန်း (CDD)ပရောဂျက် နည်း       ပညာအကြံပေးအဖွဲ့ ခေါင်းဆောင် ကိုကျော်စွာက ပြောသည်။

“ရေရှားလို့ အယ်နီညိုရာသီဥတုဖြစ်ပေါ်လို့ ရေခမ်းကုန်တာ” ဟု ကိုကျော်စွာက ပြောသည်။

Hprusowatershortage
ရေလာခပ်သူ ကလေး တဦးအားတွေ့ရစဉ် Photo – Mu_Esta

လူထုလိုအပ်ချက်များအတွက် ပြုလုပ်ပေးသည့် လူထုဗဟိုပြုစီမံကိန်းတွင် ဖရူဆိုမြို့နယ်အတွင်း ရေရရှိရေးမှာ အရေးကြီးဆုံး ကဏ္ဍ ဖြစ်လာခဲ့ပြီး စီမံကိန်းတွင်ပါဝင်နေသည့် လုပ်ငန်းပေါင်း ၆၄ ခုထဲမှ မဖြစ်မနေလုပ်ဆောင်သွားရမည့် အစိတ်အပိုင်း    လည်း ဖြစ်လာခဲ့သည်။လုပ်ဆောင်ခဲ့ပြီးသည့် စီမံကိန်းများကိုလည်း စောင့်ကြည့်လျှက်ရှိပြီး နှစ်စဉ်နှစ်တိုင်း ပြန်လည်ပြုပြင်ထိန်းသိမ်းသည့်အပိုင်းများကို ဆောင်ရွက်ပေးလျက်ရှိသည်ဟု ဖရူဆိုမြို့နယ် လူထုဗဟိုပြုစီမံကိန်း၊ မြို့နယ်စီမံကိန်း တာဝန်ခံ ဦးစောဘရာထူးက ပြော သည်။

“ တချို့နေရာတွေကတော့ ဒီဌာနဖြစ်ဖြစ် ၊ စီမံကိန်းဖြစ်ဖြစ် ဒီတစ်နှစ် လုပ်ပြီးသွားပြီဆိုရင် နောက်တစ်နှစ် ပျက်သွားနိုင်တယ် ။ နောက်တစ်နှစ်အတွက်ဆ်ို ကျနော်တို့ ပြန်လည်ပြုပြင်တဲ့အပိုင်းတွေကိုတော့ အမြဲလုပ်နေရမှာပေါ့” ဟု ဦးစောဘရာထူးက    ပြောသည်။

အခြားလုပ်ဆောင်ချက်များမှာ ကျေးရွာချင်းဆက်လမ်းများ ၊ ကျေးရွာခန်းမဆောင်၊ မူကြိုကျောင်းတို့ဖြစ်သည်ဟုသိရသည်။ ဒုတိယအများဆုံး လုပ်ဆောင်ပေးသည့် လုပ်ငန်းမှာ ကျေးရွာချင်းဆက်လမ်း ဆောက်လုပ်ပေးခြင်းဖြစ်ကြောင်း သိရသည်။
ကျေးလက်မှ ရေရရှိရေး လုပ်ဆောင်ပေးနေသည်မှာ အဆင်ပြေနေသော်လည်း လမ်းပန်းဆက်သွယ်ရေးအပိုင်းတွင် အခက်အခဲ များစွာရှိနေသေးသည်။

water
အဖွဲ့လိုက် ဒီလိုရေကို ရယူကြရပါတယ်။ Photo – Mu_Esta

လူထုဗဟိုပြုစီမံကိန်း၏ ဘတ်ဂျက်သည် ဖရူဆိုမြို့နယ်အတွက် ကျပ်သိန်းပေါင်း ၂၈၀၀ သိန်းရရှိပြီး အုပ်စုတိုင်းကို အချိုးကျပြန်လည် ခွဲဝေပေးရသည့်အတွက်ကြောင့် လမ်းပန်းဆက်သွယ်ရေးဘတ်ဂျက်အတွက် မလုံလောက်နိုင်သေး ကြောင်းသိရသည်။

ယခုနှစ်အတွင်း ဖရူဆိုမြို့နယ်တွင် ၎င်းစီမံကိန်းကို ကျပ်သိန်းပေါင်း ၂၈၀၀ အသုံးပြုခဲ့ရာ ရေရရှိရေးတွင် ကျပ်သိန်းပေါင်း ၁၆၈၀ ကျော် အသုံးပြုခဲ့သည်ဟု သိရသည်။ လူထုဗဟိုပြုဖွံ့ဖြိုးရေးစီမံကိန်းသည် စိုက်ပျိုးရေး၊ မွေးမြူရေး နှင့်ဆည်မြောင်ဝန်ကြီးဌာန ၊ ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ဆောင်ရွက်သည့်စီမံကိန်းတစ်ခုဖြစ်သည်။ ၎င်းစီမံကိန်းကို မြန်မာအစိုးရက   ကမ္ဘာ့ဘဏ်မှ ချေးငွေဖြင့် အကောင်အထည်ဖော်ခြင်းဖြစ်သည်။

Comments

comments

Leave a Reply

Your email address will not be published. Required fields are marked *