ရှားတောဖက်တွင် သံလွင်မြစ်ကူးတံတား တည်ဆောက်ဖို့ရှိ

ဖဲဘူး

ရှားတော မြို့နယ် တာတမောတွင် သံလွင် မြစ်ကူးတံတားတစင်း တည်ဆောက်ရန် ရှိသည်ဟု ဆောက်လုပ်ရေးဝန်ကြီးဌာန မှ တံတားအထူးအဖွဲ့ ၆ တာဝန်ရှိသူ ကပြောသည်။

၎င်းတံတားမှာ ပေ ၁၂၅၀ ရှည်လျားမှာ ဖြစ်ပြီး သံကူကွန်ကရစ် တံတားအမျိုးအစား တည်ဆောက်မည်ဖြစ်သည်။

၂၀၁၇- ၁၈ ဘဏ္ဍာရေးနှစ်တွင် တည်ဆောက်ရန် လျာထားကြောင်း ဆောက်လုပ်ရေး ဝန်ကြီးဌာန ၊ လမ်းတံတားဦးစီးဌာနက ၏ ရသုံးမှန်းခြေ ငွေစာရင်းတွင် ဖော်ပြထားသည်။

“အခုလွိုင်ကော် နားမှာ၊ ရှားတောနားမှာ ဖောက်လိုက်မယ်ဆိုရင် ရှားတောဖက်ကနေ ထိုင်းဖက်ကို ဖြတ်သွားလို့ရမယ်။ အဲဒါလည်း သူတို့ လျာထားငွေထဲမှာလည်းပါတယ်။ အဖွဲ့ကတော့ သူတို့ ပြည်ထောင်စုအဖွဲ့ တွေ ဆုံးဖြတ်မယ်ဆိုတော့ ဘယ်အဖွဲ့က ဆောက်မလဲဆိုတာတော့ မသိဘူးပေါ့နော။ တံတား” ဟု တံတားအထူးအဖွဲ့ ၆ မှ ဦးလှိုင်မျိုးဝင်း ကပြောသည်။

လက်ရှိတွင် တံတားအတွက် တိုင်းတာမှုများ မလုပ်ရသေးကြောင်းဆိုပါသည်။ တံတားအတွက် ခန့်မှန်းခြေ လျာထားငွေသည် ကျပ်သန်းပေါင်း ၁ထောင် အဆိုပြု လျာထားကြောင်းလည်း ရသုံးမှန်းခြေငွေစာရင်းတွေ ဖော်ပြထားသည်။

၂၀၁၇-၁၈ ဘတ်ဂျက်နှစ်တွင် လွိုင်ကော်ခရိုင်အတွင်း တံတား စီမံကိန်း ၅ခု ဆောက်လုပ်မှာဖြစ်ပြီး ရှားတော သံလွင်မြစ်ဖြတ်တံတား မှာ အကြီးဆုံးစီမံကိန်းတခုဖြစ်သည်။

Comments

comments

Leave a Reply

Your email address will not be published. Required fields are marked *