သဘာဝမြေသြဇာကို ကိုယ်ပိုင်ထုတ်လုပ် အသုံးပြုနည်း အသုံးပြုရန် လိုအပ်လာ

လယ်ခင်းထဲတွင် ပိုးသတ်ဆေးဖြန်းနေကြသည့် တောင်သူတဦး (ဓါတ်ပုံ – ဖဲဘီး)

ထျိုးမြာ

တောင်သူလယ်သမားများသည် ဓာတုဓာတ်မြေသြဇာအပြင် ပိုးသတ်ဆေးများကို အကာအကွယ်မပါပဲ သုံးစွဲမှုများလျော့နည်းလာစေရန်နှင့် သဘာဝမြေသြဇာအသုံးပြုတတ်လာစေရန် လိုအပ်လာသည်ဟု မိုးဗြဲတောင်သူလယ်သမားကွန်ယက် အဖွဲ့က ပြောဆိုလိုက်ကြသည်။

အကြောင်းမှာ မိုးဗြဲဒေသတွင်ရှိသည့် တောင်သူများအသုံးပြုလျက်ရှိသည့် မြေသြဇာနှင့် ပိုးသတ်ဆေးများသည် မိုးဗြဲဆည်တွင်းတွင် စီးဝင်လျက်ရှိသည့်အတွက် ဖြစ်သည်ဟု သိရသည်။

ထို့ကြောင့် ယခု မိုးဗြဲတောင်သူလယ်သမားကွန်ယက်အဖွဲ့က သဘာဝမြေသြဇာ ထုတ်လုပ်နည်း အသုံးပြုနည်းများကို စာတွေ့လက်တွေ့ပို့ချပေးလျက်ရှိသည်။

“ ပိုးသတ်ဆေးတွေ ဖြန်းတဲ့အချိန်မှာလည်း သူတို့မှာ အကာကွယ်အပြည့်အစုံမရှိဘူး။ ဗဟုသုတ အရမ်းနည်းတယ် အဲ့ဒါက တစ်ဘက်ပေ့ါနော။ ပြီးတော့ ကျနော်တို့မြေတွေက မြေဆီလွှာတွေ အရမ်းနည်းနေပြီး။ ခန့်မှန်းခြေပေါ့နော နောက်ထပ်နှစ်နှစ်ဆယ်လောက်နေရင် လယ်အကြောင်းတော့ကျနော်တို့အတိမကျမပြောနိုင်ဘူး။ ကျနော်တို့မြေတွေကတော့ နောက်ထပ်နှစ်နှစ်ဆယ်သုံးဆယ်ဆိုရင် မြေဆီလွှာလုံးဝကုန်ခမ်းသွားနိုင်တဲ့အခြေအနေရှိတဲ့အတွက် ကျနော်တို့လည်း ဒီစီမံကိန်းကိုလုပ်ရခြင်းဖြစ်တယ်ပေါ့နော ” ဟု မိုးဗြဲတောင်သူလယ်သမားကွန်ယက် ဥက္ကဌ ခွန်းစိန်ဝင်း ကပြောပါသည်။

တောင်သူများအနေနှင့် မိမိဒေသရှိအရင်းအမြစ်များကို အသုံးချပြီး သဘာဝပတ်ဝန်းကျင်ကိုပျက်စီးစေခြင်းမရှိစေပဲ နည်းပညာကိုအသုံးချပြီး ကိုယ့်အားကိုယ်ကိုးစိုက်ပျိုးတတ်စေရန်နည်းလမ်းများကို စာတွေ့လက်တွေ့ပိုချပေးလျက်ရှိသည်ဟု Future Organic Form , Inlay မှ စိုက်ပျိုးရေးမန်မေဂျာ ကိုအောင်မိုးဟိန်းက ပြောပါသည်။

၎င်းတို့အဖွဲ့သည် အော်ဂဲန်နစ်စိုက်ပျိုးမှုစနစ်ကို ၂၀၁၄ ခုနှစ်တွင် စတည်ဆောင်ရွက်ခဲ့ပြီး စာတွေ့လက်တွေ့များကို အများဆုံးချပြနိုင်ခဲ့သောကြောင့် ယခုအချိန်တွင် တောင်သူများစိတ်ဝင်စားမှုပိုမိုများပြားလာခဲ့သည်ဟု ဆိုပါသည်။

“ အောင်ဂဲန်းနစ် စိုက်ပျိုးရေးဆိုတာက ကျနော်တို့က အကျိုးအမြတ်တစ်ခုတည်းအတွက် မဟုတ်ဘူးပေါ့နော။ တော်တော်မျာများသိထားတာက အောင်ဂဲန်းနစ်စိုက်ပျိုးနည်းစိုက်ရင် ထုတ်ကုန်တွေက ဈေးကွက်ပိုကောင်းတယ်ပေါ့။ ပိုက်ဆံပိုရတယ်ပေါ့။ ဒါပေမဲ့ကျနော်တို့ လုပ်ရှားမှုရဲ့ အဓိကရည်ရွယ်ချက်ကတော့ လူတွေကျန်းမာရေးနဲ့ညီညွတ်တဲ့ အစားအစာကိုစားနိုင်ရမယ် တောင်သူတွေလည်း ကျန်းမရေးနဲ့ညီညွတ်တဲ့စီးပွားရေးတွေကို ကိုယ်ကိုယ်တိုင်ဖောင်စပ်ပြီးတော့ အသုံးချနိုင်ပြီးတော့ ကုန်ကျစရိတ်လည်း သက်သာလာမယ် ” ဟု ကိုအောင်မိုးဟိန်းကပြောပါသည်။

သင်တန်းတွင် ပိုးမွေးမြူဆေး၊ ပယက်အားခြင်း၊ ပိုးနှိမ်ဆေး၊ ပိုးသတ်ဆေး၊ မှုန်စိုက်ပျိုးရေးနည်းပညာ၊ မြေသြဇာထုတ်လုပ်ရေးနည်းပညာ စသည်များကို လက်တွေ့စာတွေ့ပို့ချပေးကြပြီး သင်တန်းပြီးရင်လည်း သင်တန်းသားများကို သင်တန်းတက်ရောက်မှုအလကားမဖြစ်စေရန်အတွက် မှုန်မျိုးစေ့တစ်ဘောင်စီပေးသွားပြီး ၎င်းတို့၏စိုက်ပျိုးမှုကို မှတ်တမ်းအဖြစ်ယူသွားမည်ဖြစ်သည်ဟု သိရသည်။

ဓါတုပစ္စည်းပါဝင်မှုများလာသည်ဟု ယူဆရသည့် မိုးဗြဲဆည်ရေကန်ရှိ ရေကိုလည်း စမ်းသပ်နိုင်ရန်အတွက် စတင်ဆောင်ရွက်နေပြီဟုသိရသည်။

Comments

comments