တောင်သူအရေးက သာသာနာ့  အရေးထက် အရေးကြီးနေလို့ပါ

ငြိမ်းချမ်းသာယာတဲ့ သာသနာ လုပ်ငန်းလုပ်ကိုင်ရာမှ တောင်သူအရေးအတွက် အသက်နဲ့ရင်းပြီး ရင်ဆိုင်ခဲ့သူကတော့ ကယား( ကရင်နီ) ပြည်နယ်မှ ပထဦးဆုံး တောင်သူအရေးလှုပ်ရှားသူ ခူးသဲရယ်ပဲ ဖြစ်ပါတယ်။

အသားညိုညို အရပ်ထောင်ထောင်မောင်းမောင်းနဲ့ အသက် (၃၈)နှစ်ရှိပြီဖြစ်တဲ့ ခူးသဲရယ်ဟာ ကယားပြည်နယ် ဖရူဆိုမြို့နယ် လောဂျာကျေးရွာမှာ နေထိုင်ပြီး ကက်သလစ်ဘာသာမှ သာသနာလုပ်ငန်းကို ဆောင်ရွက်နေသူတစ်ဦးဖြစ်ပါတယ်။

၂၀၁၄ ခုနှစ်မှာ ပထမဦးဆုံး ပြုလုပ်ခဲ့တဲ့ ထွန်တုံးတိုက်ပွဲကို လုပ်ဆောင်ဖို့ တောင်သူတွေကို အကြံပေးခဲ့သူ တစ်ဦးလည်းဖြစ်ပါတယ်။

၎င်းကိစ္စရပ်တွေနဲ့ ပတ်သက်ပြီး တရားစွဲဆိုခြင်းကိုလည်း ခံခဲ့ရသူ ဖြစ်ပါတယ်။ လက်ရှိအချိန်မှာတော့ သူဟာ တောင်သူအရေး လှုပ်ရှားမှုနဲ့ ပတ်သက်ပြီး လူမှုကွန်ယက်စာမျက်နာတွေမှာ ခြိမ်းခြောက်ခံနေရတာတွေ ရှိတဲ့အတွက် သူ့အနေနဲ့ စိုးရိမ်စရာတွေ ဖြစ်နေတယ်လို့ ပြောပါတယ်။

`ကျနော်စိုးရိမ်တာကတော့ တကယ်လို့များ နိုင်ငံရေးအခြေအနေက တခုခုများ ဖြစ်သွားခဲ့မယ် ဆိုလို့ရှိရင်ပေါ့နော ကျနော်အနေနဲ့ကတော့ အနည်းငယ် စိုးရိမ်စရာတော့ ရှိတာပေါ့နော။ ဒါပေမဲ့ ဥပဒေစိုးမိုးမှုရှိတယ် ကျနော်တို့လုပ်နေတဲ့ဟာက အကြမ်းဖက်မှု မရှိဘူးဆိုလို့ရှိရင်တော့ အစိုးရတွေက ဒီဟာတွေကို နားလည်တတ်တယ်ဆိုရင်တော့ သိပ်တော့ စိုးရိမ်စရာ မရှိဘူးပေါ့နော ´ လို့ပြောပါတယ်။

ခူးသဲရယ်ဟာ ၁၉၉၉ခုနှစ်မှာ သာသနာလုပ်ငန်းကို စတင်လုပ်ကိုင်ခဲ့ပြီး ၂၀၁၀ ခုနှစ်မှာ စစ်တပ်မှ မတရား သိမ်းဆည်းထားတဲ့ တောင်သူတွေရဲ့ မြေယာတွေကိုပြန်လည်ရရှိဖို့အတွက် စတင်လုပ်ဆောင်ခဲ့တာ ဖြစ်ပါတယ်။

သာသနာလုပ်ငန်းလုပ်ဆောင်နေချိန်မှာလည်း နိုင်ငံရေး အခြေအနေ ဆိုးရွားမှုကြောင့် ဖမ်းဆီးချုပ်နှောင်ခံခဲ့ရတာတွေ ရှိတယ်လို့ သူက ပြောပါတယ်။

” ကျနော်တို့ လုပ်နေတဲ့ အချိ်န်မှာတော့ ဥက္ကဌက မရှိလို့ ဥက္ကဌက ထွက်ပြေးလို့ ဆိုပြီးတော့မှ ကျနော်တို့ ဒီသာသနာ အမှုဆောင်အဖွဲ့ ဓမ္မဆရာပေါ့နော ကျတော်ကိုယ်တိုင်ကလည်း ပြန်ပေးဆွဲခံရတယ်ပေါ့နော ဥက္ကဌကို မမိမချင်းတော့ ကျတော်တို့ ခင်များတို့ကို ဖမ်းထားမှ ရမယ်ဆိုပြီးတော့ အစိုးရ တပ်မတော်ကနေပြီးတော့မှ ကျနော် ဒီလို ပြန်ပေးဆွဲဖူးတာလည်း တစ်ခါနှစ်ခါ ရှိတယ်ပေါ့” လို့ပြောပါတယ်။

ယခုအချိန်မှာ သူဟာ သာသနာလုပ်ငန်းနဲ့အတူ တောင်သူအရေးကိုလည်း လုပ်ဆောင်နေတာ ဖြစ်ပါတယ်။

လက်ရှိအလုပ်ဟာ သူ့အတွက် စိန်ခေါ်မှုတွေ၊ အခက်အခဲတွေ ရှိနေတဲ့အပြင် သာသနာလုပ်ငန်းနဲ့ တောင်သူအရေးကို လုပ်ဆောင်ရာမှာ ဝေခွဲမရတဲ့ အပိုင်းတွေ ရှိနေပေမဲ့ တောင်သူအရေးကို ပိုပြီးတော့ လုပ်ဆောင်ချင်တယ်လို့ သူကပြောပါတယ်။

ယခင်အစိုးရသာမက လက်ရှိအစိုးရကလည်း တောင်သူအရေးဖြစ်တဲ့ မြေယာပြသနာနဲ့ ပတ်သက်ပြီး ထိထိရောက်ရောက် ဖြေရှင်းလုပ်ကိုင်ပေးမှု မရှိသေးတဲ့အတွက် ပြည်သူတွေရဲ့ ပြသနာကို အစိုးရတွေ သိရှိလာအောင် ဆက်လက်ဆွေးနွေးညှိနှိုင်း ဆောင်ရွက်သွားမယ်လို့လည်း ပြောပါတယ်။

“ကျနော့အနေနဲ့ကတော့ ဘယ်လိုပဲဖြစ်ဖြစ် တစ်နေ့ကျရင်တော့ ဒီဘာသာရေးကနေပြီးတော့ အပြီးအပိုင် နားဖို့တော့ ရှိတာပေါ့နော။ နိုင်ငံရေး ပြောင်းလဲလာပြီ နိုင်ငံရေးကလည်း ပြုပြင်ပြောင်းလဲဖို့လိုအပ်တယ်ဆိုလို့ရှိရင်တော့ ကျနော့အနေနဲ့ တစ်ထောင့်တစ်နေရာကနေပြီးတော့မှ နိုင်ငံရေး ပြုပြင်ပြောင်းလဲတဲ့အထဲမှာ ကျနော်ပါဝင်ပြီးတော့မှ ကြိုးစားဆောင်ရွက်ဖို့အတွက်လည်း ကျနော်ဆုံးဖြတ်ထားတယ်ပေါ့ ” လို့သူက ပြောပါတယ်။

ခူးသဲရယ်ဟာ ပြီးခဲ့တဲ့ ၂၀၁၄ ခုနှစ်မှာ ပြုလုပ်တဲ့ ထွန်တုံးတိုက်ပွဲနဲ့ ပတ်သက်ပြီး ထွန်တုံးတိုက်ပွဲကို ဦးဆောင်သူဟုဆိုကာ တရားစွဲဆိုခံခဲ့ရပါတယ်။ တရားရုံးမှာ ၁၅ကြိမ်ရုံးချိန်းခဲ့ပြီး နောက်ဆုံးမှာတော့ ပြစ်မှုကင်းလွတ်သူအဖြစ် ပြန်လည်လွှတ်မြောက်ခဲ့ပါတယ်။

၎င်းကိစ္စရပ်နဲ့ ပတ်သက်ပြီး ကယားပြည်နယ် သာသနာရေးရာ ဌါနမှလည်း ဘာသာရေးကို ချိုးဖောက်သူဟုဆိုကာ ရုံးချိန်းစစ်ဆေးမေးမြန်း ခြိမ်းခြောက်မှုတွေ ရှိခဲ့ပါတယ်။

ဆန္ဒပြ မှုတနေရာတွင် မြင်တွေ့ ရသော သဲရယ်
ဆန္ဒပြ မှုတနေရာတွင် မြင်တွေ့ ရသော သဲရယ်

ယခင် အပစ်ခတ်ရပ်စဲရေး မယူခင်ကာလမှာ ကယား ပြည်နယ်ရှိ ကျေးရွာတိုင်းက သေနတ်ပြောင်းအောက်မှာ ကျပ်တည်းစွာ နေထိုင်ခဲ့ရတာ ဖြစ်ပြီး တောင်သူများအနေဖြင့် တောင်ယာအသွား အလာမှာလည်း နုတ်ဖြင့်သော်လည်းကောင်း၊ တောင်သူများကို ကျွန်များသဖွယ်သော်လည်းကောင်း ပြုမူ ဆက်ဆံတာတွေ ရှိခဲ့ပါတယ်။

ပြည်နယ်မှာ လက်ရှိအချိန်ထိ မြေယာသိမ်းဆည်းမှုတွေ ရှိနေဆဲဖြစ်ပါတယ်။ ကျေးလက်နေ တောင်သူများမှာ စာပေတတ်မြောက်သူတွေ နည်းပါးတဲ့အတွက် ၎င်းတို့ရဲ့ မြေယာများ သိမ်းဆည်းခံရပေမဲ့ ကြောက်ရွံ့စိတ်နှင့်သာ ဖြတ်ကျော်လာခဲ့ကြတဲ့အတွက် သာသနာလုပ်ငန်းလုပ်ဆောင်နေတဲ့ ခူးသဲရယ်မှ ၎င်းကိစ္စကို မခံမရပ်နိုင်ပဲ သိရှိထားတဲ့ ပြည်သူအခွင့်အရေး၊ တောင်သူအခွင့်အရေးကို တောင်သူများအား ဝေမျကာ တောင်သူများနှင့်အတူ တိုက်ပွဲကို ရင်ဆိုင်နေတာဟာ ယခုအချိန်ထိပါပဲ။

လက်ရှိအလုပ်ဟာ သူ့အတွက် စိန်ခေါ်မှုတွေ၊ အခက်အခဲတွေ ရှိနေပေမဲ့လည်း
မတရားသိမ်းဆည်းခြင်းခံလိုက်ရတဲ့ တောင်သူတွေရဲ့ မြေယာပြန်လည် ရရှိရေးအတွက် ဆုံးခန်းတိုင်အောင် ဆောင်ရွက်သွားမယ်လို့ သူကပြောပါတယ်။

` ကျနော်လုပ်နိုင်သရွေ့တော့ ကျနော်လုပ်သွားမယ်လို့ ဆုံးဖြတ်ထားတယ် နောက်ပြီးတာ့ ဒီအစိုးရတွေက မပြောင်းမချင်းပေါ့နော အစိုးရတွေကတောင်သူဘက် ပြည်သူလူထုဘက် မရပ်တည်မချင်းတော့ ကျနော်ဆက်ပြီးတော့ လုပ်သွားမယ်လို့ ဆုံးဖြတ်ထားပါတယ် ´

Comments

comments

Leave a Reply

Your email address will not be published. Required fields are marked *