spot_imgspot_imgspot_imgspot_img
Friday, March 29, 2024
spot_imgspot_imgspot_imgspot_img

ပင်လုံညီလာခံတွင် မြေယာကဏ္ဍ ဆွေးနွေးမှု အားမရဟု ကယားပြည်နယ်ဒီမိုကရက်တစ်ပါတီ ပြော

Author

Date

Category

ညီလာခံသို့ တက်ရောက်လာသည့် ကေအဲန်ပီပီနှင့် ကယားပြည်နယ်ဒီမိုကရက်တစ်ပါတီဝင်အချို့ကို တွေ့ရစဉ်(ဓါတ်ပုံ-ခူးစိုးရယ်ဦး/ကန္တာရဝတီတိုင်းမ်)

ခူးစိုးရယ်ဦး

နိုင်ငံရေးပါတီအစုအဖွဲ့အနေဖြင့် ပင်လုံညီလာခံ၌ မြေယာကဏ္ဍအတွက် ဆွေးနွေးမှုကို အားရကျေနပ်ခြင်းမရှိဟု ယခုသတင်းပတ်တွင် ကျင်းပနေသည့် ၂၁ ရာစု တတိယပင်လုံညီလာခံသို့ တက်ရောက်နေသည့် ကယားပြည်နယ်ဒီမိုကရက်တစ်ပါတီ(KDP)၏ ပြည်နယ်လွှတ်တော်ကိုယ်စားလှယ် ဦးသဲရယ်က ပြောသည်။

၎င်းတို့က ကယားပြည်နယ်ရှိ အရပ်ဘက်အဖွဲ့အစည်းများနှင့် ပူးပေါင်းကာ မြေယာကဏ္ဍအတွက် စာတမ်းပြုစုကာ ကြိုတင်ပြင်ဆင်ခဲ့သော်လည်း အစုအဖွဲ့၏ အစည်းအဝေးတွင် ဆွေးနွေးရာ၌ ကန့်သတ်မှုများရှိနေသည်ဟု ၎င်းက ပြောသည်။

၎င်းတို့က ဓလေ့ထုံးတမ်းနှင့် ပတ်သက်သော မြေယာအချက်အလက်များကို အဓိကထား ပြင်ဆင်လာသော်လည်း ၂၁ ရာစု ပင်လုံတတိယအစည်းအဝေးတွင် ကာကွယ်ရေးဆိုင်ရာ ဆက်နွယ်သည့် ကဏ္ဍကိုသာ ဆွေးနွေးခဲ့ကြခြင်းဖြစ်သည်။

“ပြင်ဆင်လာသည့်အပေါ် ၁ ရာခိုင်နှုန်းလောက်ဘဲ ပါဝင်တဲ့အတွက် ဒါဟာ အကန့်တစ်ခုဘဲ”ဟု ဦးသဲရယ်က ဆိုသည်။ မြေယာကဏ္ဍပိုင်းမှာ ဆွေးနွေးသွားတဲ့ခေါင်းစဉ်ပေါ် “ကျွန်တေ်ာ ကြီးကြီးတော့ မမျှော်လင့်ထားတော့ပါဘူး။ မျှော်လင့်ချက် မရှိဘူးလို့ဘဲ ပြောရမှာပေါ့။”

ပြီးခဲ့တဲ့ ဒုတိယညီလာခံတွင် ချမှတ်ထားတဲ့ အခြေခံဥပဒေကို အခြေပြုပြီး ၂၁ ရာစု ပင်လုံ တတိယညီလာခံသို့ တက်ရောက်လာသည့် အစုအဖွဲ့များနှင့် တပ်မတော်အစုအဖွဲ့များက ယခင်ပုံစံကိုသာ ပြန်လည်ဆွေးနွေးခဲ့ကြသည်။

အစိုးရ၊ လွှတ်တော်တပ်မတော်၊ တိုင်းရင်းသားလက်နက်ကိုင်အဖွဲ့များ၊ EAOs နိုင်ငံရေးပါတီအစုအဖွဲ့များ ကဏ္ဍအလိုက်လုပ်ငန်းညှိနှိုင်းအစည်းအဝေးများကို မြန်မာအပြည်ပြည်ဆိုင်ရာကွန်ဗင်းရှင်းဗဟိုဌာနတွင် ၂ဝ၁၈ ခုနှစ် ဇွန်လ ၂၆၊ ၂၇၊ ၂၈ ရက်နေ့များတွင် ပထမအကြိမ်၊ ၂ဝ၁၈ခုနှစ် ဇူလိုင်လ ၄၊ ၅၊ ၆ ရက်နေ့များတွင် ဒုတိယအကြိမ် ကျင်းပဆွေးနွေးခဲ့သည်။

ထိုဆွေးနွေးမှုမှာ အစိုး၊ လွှတ်တော်၊ တပ်မတော်အစုအဖွဲ့မှ ဆွေးနွေးရသည့် အချက် ၁၅ ချက်ပါ စာတမ်း တိုင်းရင်းသားလက်နက်ကိုင်အစုအဖွဲ့စတမ်း နိုင်ငံရေးပါတီအစုအဖွဲ့ စာတမ်း CNF စာတမ်း ရခိုင်ပြည်နယ်လွှတ်မြောက်ရေးပါတီ ALP စာတမ်း ဒုတိယအကြိမ် ကရင်အမျိုးသားအဆင့် နိုင်ငံရေးဆွေးနွေးပွဲမှ တင်ပြသည့်စာတမ်း စသည့်စာတမ်းများကို အခြေခံပြီး အကျေအလည်ဆွေးနွေးခဲ့ကြသည်။

ဖယ်ဒရယ်စနစ်ကို အခြေခံသော မြေယာမူဝါဒ၏ အခြေခံမှု ၆ ချက်၊ ပိုင်ဆိုင်ခွင့်ဆိုင်ရာ အခြေခံမှု ၁ ချက်၊ စီမံခန့်ခွဲမှုဆိုင်ရာအခြေခံမှု ၂ ချက်၊ အကာအကွယ်ပြုရေးအစီအခံများဆိုင်ရာ အခြေခံမှု ၁ ချက်စသဖြင့် မြေယာနှင့် သဘာဝပတ်ဝန်းကျင်ကဏ္ဍဆိုင်ရာမူဝါဒ ၁ဝ ချက်ကို သဘောတူညီချက်ရရှိခဲ့သည်။

UPJDC မှ ချမှတ်ထားသော မြေယာနှင့်သဘာဝပတ်ဝန်းကျင်ဆိုင်ရာ အကာအကွယ်ပြုရေးအစီအခံများမှ နိုင်ငံအတွင်းရှိ မြေယာများအား နိုင်ငံသားများသာ ပိုင်ဆိုင်ခွင့်ရှိပြီး နိုင်ငံခြားသားများနှင့် တရားမဝင်နေထိုင်သူများအား တိုက်ရိုက်ဖြစ်စေ သွယ်ဝိုက်၍ဖြစ်စေ ပိုင်ဆိုင်ခွင့် မရှိစေရေးစသည့် အချက်ပါ ဆွေးနွေးခဲ့သည်။

ပြည်ထောင်စုငြိမ်းချမ်းရေးဆွေးနွေးမှုပူးတွဲကော်မတီ UPJDC အစည်းအဝေးဆုံးဖြတ်ချက်အရ ကဏ္ဍအလိုက် ခေါင်းစဉ်ကြီး ၅ ခုအနက် မြေယာနှင့်သဘာဝပတ်ဝန်းကျင် ကဏ္ဍဆိုင်ရာမူဝါဒ၊ အဆိုပြုလွှာကို ပြည်ထောင်စုငြိမ်းချမ်းရေးညီလာခံ ၂၁ ရာစုပင်လုံ တတိယ အစည်းအဝေးတွင်အတည်ပြုဆွေးနွေးနေခြင်းဖြစ်သည်။

spot_img
spot_img

Recent posts