spot_imgspot_imgspot_imgspot_img
Friday, March 29, 2024
spot_imgspot_imgspot_imgspot_img

မော်ချီး LEVEL-6 သတ္တုကျင်း တူးဖေါ်လုပ်ကိုင်ရန် ပြည်နယ်အစိုးရထံသို့ KMPC တင်ပြထား

Author

Date

Category

လင်းသန့်

ကယားပြည်နယ်သတ္ထုထုတ်လုပ်ရေးကုမ္ပဏီ(KMPC)မှ ရင်းနှီးမြှပ်နှံထားသည့် မော်ချီသတ္တုတွင်းစီမံကိန်း ဧရိယာတွင် အသစ်ဖေါက်လုပ်နေသည့် LEVEL (6)  သတ္တုကျင်းတူးဖေါ်လုပ်ကိုင်ရန် ပြည်နယ်အစိုးရထံသို့ တင်ပြထားကြောင်း သိရသည်။

ပြည်ထောင်စုအဆင့် တင်ပြရမည့် ယင်းစီမံကိန်းကို KMPC က ကယားပြည်နယ်အစိုးထံသို့ ဦးစွာတင်ပြထားသည်ဟု ကယားပြည်နယ် သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီး ဦးတီရယ်က ပြောသည်။

“ကျနော်တို့ ပြည်နယ်အစိုးရကို သူတို့ တင်ထားတယ်။ အဲ့ဒီနေရာမှာ ကျင်းဖေါက်ပြီး ခဲထုတ်မယ်ဆိုတဲ့အကြောင်းကို။”ဟု ဝန်ကြီး ဦးတီရယ်က ပြောသည်။

စိစစ်ပြီး သဘောထားမှတ်ချက်များ ပေးရမည်ဖြစ်ကာ ပြည်နယ်အစိုးရက လေ့လာစုံစမ်းမှုများ ပြုလုပ်နေဆဲဟု သိရသည်။

အဆိုပါ သတ္တုတွင်းဖေါက်လုပ်ခြင်းကို ၂၀၁ရ ခုနှစ် နှစ်လည်ပိုင်ကတည်းက စတင်လုပ်ဆောင်နေလျှက်ရှိကာ ကနဦး စပ်သပ်တူးဖေါ်မှုများ စတင်နေပြီဟု မော်ချီးသတ္တုတွင်းစီမံကိန်း(ရုံခွဲ) တာဝန်ခံ ဦးစန်းဝင်းအောင်က ကန္တရဝတီတိုင်း(မ်)ကို ပြောသည်။

“သူတို့ အဲ့ဒီကျင်းကိုတော့ စနစ်ကျကျထုတ်ဖို့ လုပ်ထားတယ်။ ထုတ်လုပ်မှုတွေ ပိုထွက်ရှိလာအောင် ကုမ္ပဏီက ရင်းနှီးမြှပ်နှံတာတွေ လုပ်နေတာ။”ဟု ၎င်းက ပြောသည်။

သတ္ထုတွင်း ဖေါက်လုပ်နေသည့်အတောအတွင်း မိုင်းခွဲသံများဖြင့် ကျယ်လှောင်လျှက်ရှိကာ ပတ်ဝန်းကျင်အတွက် အနှောက်အယှတ်ဖြစ်ကြောင်း ဒေသခံများက ဆိုကြသည်။

“တခါတလေဆို ညအချိန် မိုင်းခွဲသံအကျယ်ကြီးပဲ။ အိမ်တောင်တုန်တယ် တခါတလေ လန့်တောင်နိုးတယ်။”ဟု မော်ချီးအောက်ရွာနေ ဒေါ်နော်ထူးက ပြောသည်။

မော်ချီး LEVEL-6 သတ္တုကျင်း တူးဖေါ်ထားသည့် နေရာအတွင်းပိုင်းကို ပြည်နယ်အစိုးရ ကြည့်ရှုလေ့လာခဲ့စဉ်(ဓါတ်ပုံ-U Sai Gyi-fb)

ကုမ္ပဏီမှ ယင်းစီမံကိန်းအတွက် အကြီးစားရင်းနှီးမြှပ်နှံရန် အလားအလာရှိနေကြောင်း   ဖါးဆောင်းလွှတ်တော်ကိုယ်စားလှယ် ဦးရန်နိုင်ဆွေက ဆိုသည်။

အဆိုပါ စီမံကိန်း အကောင်အထည်ဖေါ်ဖြစ်ပါက မော်ချီးတွင် စနစ်တကျထုတ်လုပ်မည့် လုပ်ငန်းခွင်သတ္တုတွင်းအဖြစ်မြင်တွေ့နိုင်ဖွယ်ရှိဟု ၎င်းက ခန့်မှန်းသည်။

ကန္တာရဝတီတိုင်း(မ်)မှ မော်ချီးသို့ သွားရောက်စဉ် အဆိုပါ LEVEL (6) ကျင်းဖေါက်လုပ်နေသော လုပ်ငန်းခွင်သို့ သွားရောက်မှတ်တမ်းရယူရန် တာဝန်ရှိသူများကို ခွင့်တောင်းခဲ့သော်လည်း ခွင့်မပြုခဲ့ပေ။   

ကယားပြည်နယ်သတ္တုတူးဖေါ်ထုတ်လုပ်ရေးကုမ္ပဏီ(KMPC)အား ၂၀၀၂ တွင် အစိုးရက မော်ချီးတွင် သတ္တလုပ်ငန်းလုပ်ကိုင်ရန် တရားခွင့်ပြုပေးခဲ့ပြီး သတ္တုတွင်းဝန်ကြီးဌာန အမှတ်(၂)သတ္တုတွင်းလုပ်ငန်းနှင့် သတ္တုထုတ်လုပ်မှုအပေါ် ခွဲဝေခံစားသည့်စနစ်ဖြင့် တူးဖေါ်လုပ်ကိုင်နေသည်။

KMPC ၏ လက်ရှိထုတ်လုပ်ခွင့် သက်တမ်းသည် ၂၀၁၉ ခုနှစ်တွင် ပြီးဆုံးမည်ဖြစ်သည်။ နောက်ထပ် အကြီးစားတူးဖေါ်ခွင့် နှစ် ၅ဝ ရင်းနှီးမြှပ်နှံခွင့်ရရှိရန် အစိုးရထံသို့ ၎င်းကုမ္ပဏီက တင်ပြထားကြောင်း သိရသည်။  

 

spot_img
spot_img

Recent posts