spot_img
Friday, December 9, 2022
spot_img

ကယားပြည်နယ်လွိုင်ကော်မြို့ နာရီစင်အနီးရှိ အ သုံးလုံးနေရာတွင်ထားရှိမည့် ဗိုလ်ချုပ်အောင်ဆန်း မြင်းစီးကြေးရုပ်ကို ထားရှိရန် အတည်ပြုလိုက်ပြီ

spot_imgspot_imgspot_imgspot_img

မူအက်စတာ

ဘတ်ဂျက်ပေါင်း သိန်း(၆၀၀)ခြောက်ရာဖြင့် ကြေးရုပ်နှင့်သွန်းလုပ်မည့် ဗိုလ်ချုပ်အောင်ဆန်း မြင်းစီးကြေးရုပ် အာဇာနည်နေ့မတိုင်မှီ အပြီးဆောင်ရွက်မည်ဟု ဖေဖော်ဝါရီလ (၁)ရက်နေ့ ကယားပြည်နယ်အစိုးရရုံးတွင် ပြုလုပ်သည့် အစည်းအဝေးတွင် အတည်ပြုပြောဆိုလိုက်သည်။

ဗိုလ်ချုပ်အောင်ဆန်းကြေးရုပ်ထားမည့်နေရာကို အာဇာနည်ကျောက်တိုင်နှင့် အ သုံးလုံးနေရာတွင် ထားရှိရန် လျာထားကြသော်လည်း အစည်းအဝေးသို့တက်ရောက်လာသော ပုဂ္ဂိုလ်များ၏ သဘောထားများအရ အ သုံးလုံးနေရာကို ရွေးချယ်လိုက်ခြင်းဖြစ်သည်။

ကယားပြည်နယ် အစိုးရရုံးအစည်းဝေးခန်းမမှာ ဗိုလ်ချုပ်အောင်ဆန်းကြေးရုပ် ဆောက်လုပ်မယ့် ကိစ္စနဲ့ပါတ်သက်ပြီး အစည်းဝေးလုပ်နေကြစဉ်

ဗိုလ်ချုပ်အောင်ဆန်း မြင်းစီးကြေးရုပ်သွန်းလုပ်နိုင်ရန်အတွက် အများပြည်သူများ ပါဝင်လှူဒါန်းနိုင်ရန် ဆောင်ရွက်ပေးမည်ဖြစ်ပြီး ကယားပြည်နယ်အစိုးရမှ ကြီးမှူးကျင်းပမည်ဖြစ်သောကြောင့် ငွေကြေးအတွက်ပူစရာမလိုကြောင်း ကယားပြည်နယ်ဝန်ကြီးချုပ် ဦးအယ်လ်ဖောင်းရှိုက အစည်းအဝေးတွင်ပြောကြားသွားသည်။

ကြေးဖြင့်သွန်းလုပ်မည့် ဗိုလ်ချုပ်အောင်ဆန်းမြင်းစီးကြေးရုပ် ကို ရန်ကုန်မှ ကြေးသွန်းပညာရှင် အောင်ကျော်ထွန်းက သွန်းလုပ်ပေးမည်ဖြစ်ကြောင်း သိရသည်။

အစည်းအဝေးသို့ လွိုင်ကော်မြို့ပေါ်ရှိ ရပ်ကွက်အုပ်ချုပ်ရေးမှူးများနှင့် သက်ဆိုင်ရာ ဌာနဆိုင်ရာမှတာဝန်ရှိသူများမှ တက်ရောက်ခဲ့ပါသည်။

Related Stories