spot_img
Tuesday, January 31, 2023
spot_img

ကရင်နီပြည်နယ်တွင် ဒီးမော့ဆိုလူဦး‌ရေ အများဆုံးတိမ်းရှောင်နေရ

spot_imgspot_imgspot_imgspot_img

ကန္တာရဝတီတိုင်း(မ်)

ကရင်နီပြည်နယ်မှာ တိုက်ပွဲကြောင့် စစ်ဘေးရှောင်တဲ့ မြို့နယ်ထဲမှာ ဒီးမော့ဆိုမြို့က စစ်ဘေးရှောင် လူဦးရေအများဆုံးဖြစ်တယ်လို့ ကရင်နီလူမှုအသင်းအဖွဲ့များကွန်ယက်(KCSN) ရဲ့ ဩဂုတ် ၁၇ ရက်နေ့မှာ ထုတ်ပြန်ထားတဲ့ ထုတ်ပြန်ထားချက်အရ သိရပါတယ်။

KCSN ရဲ့ ကောက်ယူထားတဲ့စာရင်းအရ ဒီးမော့ဆိုမြို့နယ်မှာ စစ်ဘေးရှောင်သူ ၅သောင်းကျော် (၅၅၂၆၅) ရှိပါတယ်။

ဩဂုတ် ၁၅ရက်နေ့အထိ ကယားတစ်ပြည်နယ်လုံးက စစ်‌ဘေးရှောင်‌တွေအပြင် ဖယ်ခုံမြို့နယ်က စစ်ရှောင်‌တွေအပါအဝင် စုစုပေါင်း တစ်သိန်းနှစ်သောင်း ကျော်(၁၂၀၄၄၉) ရှိတယ်လို့ ဖော်ပြထားပါတယ်။

အဲ့ဒီစစ်ရှောင်တွေဟာ စားဝတ်နေရေးအခက်အခဲတွေနဲ့ ကြုံတွေ့နေရတယ်လို့ KCSM ရဲ့ assistant coordinator ခူးရူဘီက အခုလိုပြောပါတယ်။

”အခုအခက်အခဲကတော့ အဲ့ဒီ စစ်ကောင်စီရဲ့ ထိုးစစ်ကြောင့် တချို့ကညဟိုးဒလန်တွေကြောင့် ထပ်ထွက်ပြေးရတာတွေရှိတယ်လေနော။ ခုဏက ဆရာပြောသလို တစ်ပူပေါ် နှစ်ပူဆင့်ဆိုတာက စားဝတ်နေရေး အခက်အခဲတစ်ခုရယ် နောက်ပြီးတော့ အရွေ့အပြောင်းတစ်ခုပေါ့။ ဘာဖြစ်လို့လဲဆိုတော့ ကျနော်တို့သိရသလောက် အရင်ကဆိုရင်လဲ။ အရွေ့အပြောင်းထဲမှာ ကိုယ်ဝန်သည် မိန်းကလေးတွေလည်းပါတယ်။ ဒီမှာက သူတို့အတွက် ရွေ့ပြောင်းတာ မလွယ်ဘူးဆိုတဲ့ အနေအထား။ စားဝတ်နေရေးကလည်း တစ်ခါတည်းရွေ့ပြောင်းတယ်ဆိုတော့ ဒီအလှူရှင်တွေကလည်း တစ်ခါတည်းမရှိတဲ့အနေအထားမှာ သူတို့ကတော့ တော်တော်လေး ခက်ခဲတဲ့ အနေအထားမှာ ကျနော်တို့ တွေ့ရတယ်ပေါ့။”လို့ ပြောပါတယ်။

ကရင်နီပြည်နယ်မှာဆိုရင် မေလ ၂၁ရက်နေ့ ဒီးမော့ဆိုမှာ တိုက်ပွဲစတင် ဖြစ်ပွားခဲ့ပြီး ပြည်သူတွေ ယနေ့အချိန်ထိ စစ်ဘေးရှောင်နေကြရတာ ဖြစ်ပါတယ်။

ဒီးမော့ဆိုမှာဆိုရင် လူဦးရေ ရှစ်သောင်းကျော်ရှိသည့်အနက် လက်ရှိ ငါးသောင်းကျော် စစ်ဘေးရှောင်နေကြရတာ ဖြစ်တယ်လို့ သိရပါတယ်။

spot_imgspot_imgspot_imgspot_img

More from the blog

ယခင်နှစ်ထက် ဈေးတစ်ဆနီးပါးရတဲ့ ကယန်းဒေသထွက် ငရုတ်သီး

ခွန်းကလိုင်းဖရီး (ကန္တာရဝတီတိုင်း(မ်)) ကယန်းဒေသကထွက်ရှိတဲ့ ငရုတ်သီးတွေကို ပွဲစားတွေက ယခင်နှစ်ကထက် ဈေးတဆ လောက်ပိုပေးဝယ်နေတာကြောင့် ဈေးကောင်းရနေတယ်လို့ ငရုတ်စိုက်တောင်သူတွေက ပြောဆိုကြပါတယ်။ ငရုတ်သီးဈေးကောင်းရတဲ့အပေါ် အလယ်ကယန်းဒေသက ငရုတ်စိုက်တောင်သူ စခွန်းကြီးမောင်က "အရင်တစ်နှစ်က ဈေးနှုန်းက ရှစ်ထောင် ၊ တစ်သောင်း ဘားဆုံးပဲ။ ဒီတစ်နှစ်ကတော့ တစ်သောင်းရှစ်ထောင် များတယ်။ တစ်သောင်းကိုးထောင်၊ နှစ်သောင်းကတော့...

ဒေသခံတစ်ဦး လက်နက်ကြီး ထိမှန်ပြီး သေဆုံး

ကန္တာရဝတီ တိုင်း(မ်) ယမန်နေ့ ဇန်နဝါရီလ ၂၉ ရက်နေ့က ကရင်နီပြည် ဒီးမော့ဆိုမြို့နယ် အရှေ့ဘက်ခြမ်းမှာ အကြမ်းဘက်စစ်ကောင်စီရဲ့ လက်နက်ကြီး ပစ်ခတ်မှုကြောင့် ဒေသခံတစ်ဦး ထိမှန် သေဆုံးသွားခဲ့ပါတယ်။ လက်နက်ကြီးဟာ မနက်ပိုင်း ၉ နာရီခွဲ ဝန်းကျင်လောက်က ကျလာတာဖြစ်ပြီး နေအိမ်မျာ ပစ္စည်းပြန်ယူတဲ့ အသက် ၂၇ နှစ်အရွယ်...

စစ်ရှောင်လူဦးရေ ထပ်မံတိုးလာတာကြောင့် ရေအခက်အခဲကြုံတွေ့နေရ

ကန္တာရဝတီတိုင်း(မ်) ကရင်နီပြည် ဒီးမော့ဆိုအရှေ့ဘက်ခြမ်းမှာ ၂၀၂၃ခုနှစ် ဇန်နဝါရီလ နောက်ဆုံးပတ်လောက်ကစပြီး လူဦးရေ သုံးထောင်ငါးရာ ဝန်းကျင်လောက်ဟာ ထပ်ဆင့်ထွက်ပြေးတိမ်းရှောင်ရတဲ့အတွက် လက်ရှိမှာ ရေရှားပါးမှုပြသာနာနဲ့ ကြုံတွေ့နေကြရပါတယ်။ ယခင်ရှိပြီးသား စစ်ရှောင်စခန်းအများစုမှာလည်း ရေကိုမျှဝေသုံးစွဲနေကြရပြီး ယခုလို စစ်ရှောင်လူဦးရေ ထပ်မံတိုးပွားလာတာကြောင့် ရေရှည်မှာ ခက်ခဲလာနိုင်တယ်လို့ ကရင်နီလူ့အခွင့်အရေးအဖွဲ့မှ ဒါရိုက်တာ ဆရာဗညားက ပြောပါတယ်။ "အခုလောလောဆယ် ရှောင်တဲ့နေရာတွေ...

တိုက်ပွဲကြောင့် ထပ်ဆင့်ပြောင်းရွှေ့ရတဲ့ IDPs များ စားနပ်ရိက္ခာ အခက်အခဲ တွေနဲ့ ကြုံတွေ့နေရ

ကန္တာရဝတီ တိုင်း(မ်) ကရင်နီပြည် ဒီးမော့ဆို အရှေ့ဘက်ခြမ်းကို စစ်ကြောင်းထိုးလာတဲ့ စစ်ကောင်စီတပ်နဲ့ ဒေသခံ ပြည်သူ့ကာကွယ်ရေး တပ်ဖွဲ့တို့ ဇန်နဝါရီလ ၂၂ ရက်နေ့စ တိုက်ပွဲ ပြင်းထန်နေပြီး စစ်ရှောင်စခန်းအတွင်း လက်နက်ကြီးများ ကျရောက်ပေါက်ကွဲ ထိခိုက်မှုတွေကြောင့် IDPs စစ်ရှောင်စခန်း (၃)ခု ထပ်မံပြောင်းရွေ့ခဲ့ကြရပါတယ်။ ဇန်နဝါရီလ ၂၃ ရက်နေ့လောက်က...