spot_img
Friday, March 24, 2023
spot_img

ကရင်နီပြည်နယ်ရဲတပ်ဖွဲ့ (KSP) ဖွဲ့စည်းလိုက်ရခြင်းအပေါ် KSPပြောရေးဆိုခွင့်ရှိသူ တစ်ဦးနဲ့ ဆက်သွယ်မေးမြန်းခြင်း

spot_imgspot_imgspot_imgspot_img

ဒီမိုကရေစီကျင့်စဉ်နဲ့အညီ ကရင်နီပြည်နယ်တွင်းရှိ ပြည်သူလူထုရဲ့ လုံခြုံရေး၊ တရားဥပဒေစိုးမိုးရေးအတွက် ပြည်သူ့ရဲဝန်ဆောင်မှုများ ပေးနိုင်ရန် စစ်အာဏာသိမ်းမှုကို ဖီဆန်ဆန့်ကျင်တဲ့ CDM ရဲ (၃၂၀)ဦး ပါဝင်တဲ့ ကရင်နီပြည်နယ်ရဲတပ်ဖွဲ့ (Karenni State Police-KSP) ကို ကရင်နီပြည်နယ်အတိုင်ပင်ခံကောင်စီ(KSCC) ရဲ့ နိုင်ငံရေးဦးဆောင်မှုအောက်မှာ ဩဂုတ်လ ၂၅ ရက်နေ့က ဖွဲ့စည်းလိုက်ပါတယ်။

ကရင်နီပြည်နယ်ရဲတပ်ဖွဲ့ဟာ ပြည်သူထူထုရဲ့အကျိုးစီးပွား နဲ့ ဘဝလုံခြုံရေးအတွက် အမှန်တကယ်စောင့်ရှောက်သွားမယ့် စံပြပြည်သူ့ရဲများအဖြစ် တော်လှန်ရေးကာလမှာ ပြည်သူတွေရဲ့လိုအပ်ချက်အရ လုပ်ငန်းစဉ်များချမှတ်ပြီး အတတ်နိုင်ဆုံးပါဝင်ဆောင်ရွက်သွားမယ်လို့ ကြေညာထားပါတယ်။

ကရင်နီပြည်နယ်ရဲတပ်ဖွဲ့ (KSP) ဖွဲ့စည်းလိုက်ရခြင်းနဲ့ KSPပြောရေးဆိုခွင့်ရှိသူ တစ်ဦးနဲ့ ဆက်သွယ်မေးမြန်းထားတာကို တင်ပြပေးလိုက်ပါတယ်။

ကန္တာရဝတီတိုင်း(မ်)။ ။ KSPကို ဘယ်လိုရည်ရွယ်ချက်နဲ့ ဖွဲ့စည်းဖြစ်ခဲ့တာလဲ။
KSP။ ။ အဓိကကတော့ အာဏာရှင်စနစ်ကို ဆန့်ကျင်ပြီးတော့ ဖက်ဒရယ်စနစ်ကိုအခြေခံပြီး ပြည်သူလူထုကိုဗဟိုပြုတဲ့ တရားဥပဒေစိုးမိုးရေး၊ လုံခြုံရေးနဲ့ ရဲလုပ်ငန်းများ ဝန်ဆောင်မှုပေးဖို့အတွက်ပေါ့။

ကန္တာရဝတီတိုင်း(မ်)။ ။ တပ်ဖွဲ့ဝင်ဦးရေ ဘယ်လောက်ရှိလဲ။ ဘယ်က ပါဝင်ကြတာလဲ။
KSP။ ။ ကျနော်တို့ကရင်နီပြည်နယ်မှာရှိတဲ့ CDM ပြုလုပ်တဲ့ ရဲတွေကနေပြီး ဖွဲ့စည်းလိုက်တာပါ။ ရဲတပ်ဖွဲ့ဝင် ၃၂၀ဦး ရှိပါတယ်။ အများစုကတော့ ကရင်နီပြည်နယ်ထဲကနဲ့ တခြားပြည်နယ်နဲ့တိုင်းက တာဝန်ထမ်းဆောင်ပြီး ကယားပြည်နယ်ကိုရောက်လာတဲ့ ရဲတပ်ဖွဲ့ဝင်အချို့ အနည်းအကျဉ်းပါပါတယ်။

ကန္တာရဝတီတိုင်း(မ်)။ ။ KSP ရဲ့ ဖွဲ့စည်းပုံဘယ်လိုရှိပါသလဲ။
KSP။ ။ ဖွဲ့စည်းပုံက ကရင်နီပြည်နယ်ရဲဖြစ်တဲ့အတွက် ပြည်နယ်အဆင့်ရဲဌာနအနေနဲ့ဖွဲ့စည်းထားတယ်။ အဲ့မှာ ပြည်နယ်အဆင့်ရဲမှူးကြီးရှိမယ်။ အောက်မှာအဆင့်ဆင့်ပေါ့။ အဲ့လိုမျိုးဖွဲ့စည်းထားပါတယ်။

ကန္တာရဝတီတိုင်း(မ်)။ ။ ရှေ့ဆက်ဘာတွေလုပ်ဆောင်သွားဖို့ရှိလဲ။
KSP။ ။ အခုလက်ရှိက အရေးတော်ပုံမအောင်ခင် ကြားကာလအနေနဲ့ လိုအပ်တဲ့နေရာမှာ လုံခြုံရေးတွေပေးဖို့ ဒုက္ခသည်စခန်းတွေမှာ ပြည်သူလူထုရဲ့လိုအပ်တဲ့ဟာတွေကို လိုက်ပြီးမှ ဝိုင်းဝန်းကူညီဖို့၊ KSP ရဲတပ်ဖွဲ့ဝင်တွေရဲ့ စွမ်းရည်မြှင့်တင်ရေးကို အွန်လိုင်းကနေလုပ်ဆောင်သွားဖို့ ရှိပါတယ်။

ကန္တာရဝတီတိုင်း(မ်)။ ။ လက်ရှိမှာ KSP ရဲ့ အခက်အခဲ၊ စိန်ခေါ်ချက် ဘာတွေရှိလဲ။
KSP။ ။ အခက်အခဲကတော့ အများကြီးရှိတာပေါ့။ ကျတော်တို့အခု တောထဲမှာနေနေတယ်။ စားရေးသောက်ရေးအတွက် ရန်ပုံငွေရှာဖို့လုပ်နေတယ်။ အဖက်ဖက်က အခက်အခဲရှိပေမယ့်လည်း အစွမ်းကုန်ကြိုးစားနေပါတယ်။ ကျနော်တို့တစ်ယောက်နဲ့တစ်ယောက်က မတူကြဘူးကော။ တစ်ယောက်ထဲသမားကျတော့ ကိစ္စမရှိဘူး။ တစ်ချို့ကျတော့လည်း မိသားစုတွေများတယ်။ အခက်အခဲကတော့ အဲ့လိုရှိတယ်။

ကန္တာရဝတီတိုင်း(မ်)။ ။ အကြမ်းဖက် စစ်ကောင်စီကို ခုခံတိုက်ခိုက်နေတဲ့ KNDF ၊ KA နဲ့ ဘယ်လိုချိတ်ဆက်ဆောင်ရွက်သွားမလဲ။
KSP။ ။ ကျနော်တို့က ပြည်သူလူထုအတွက် တိုက်ပေးနေတဲ့ အဖွဲ့အစည်းတွေနဲ့ ကျနော်တို့ အကောင်းဆုံး ချိတ်ဆက်ပူးပေါင်းပြီးမှ ပြည်သူလူထုလုံခြုံရေးအတွက် ပူးပေါင်းဆောင်ရွက်သွားမယ်။

ကန္တာရဝတီတိုင်း(မ်)။ ။ KSP ကိုယ်စားပြုအနေနဲ့ ကရင်နီပြည်သူလူထုကို ဘာပြောချင်လဲ။
KSP။ ။ ကျနော်အနေနဲ့ ကရင်နီပြည်သူလူထုကိုပြောချင်တာပေါ့။ KSP အနေနဲ့ ကရင်နီပြည်သူလူထုကို တတ်နိုင်သမျှ အစွမ်းရှိသမျှ ကူညီသွားမယ်လို့ ပြောချင်ပါတယ်။ ပြီးတော့ စစ်အာဏာရှင်အောက်မှာ ရှိနေတဲ့ CDMမလုပ်သေးတဲ့ ရဲတွေကိုလည်း CDM လုပ်ကြပါ။ ပြည်သူလူထုကို ကူညီပါလို့ တိုက်တွန်းချင်ပါတယ်။

ကန္တာရဝတီတိုင်း(မ်) ။ ။ ကျေးဇူးတင်ပါတယ်။

spot_imgspot_imgspot_imgspot_img

More from the blog

KNDF ဥက္ကဌ ခွန်းဘီထူးနဲ့ တွေ့ဆုံမေးမြန်းခြင်း

ကန္တာရဝတီတိုင်း(မ်) မတ်လအတွင်း ပြင်းထန်တဲ့ ထိုးစစ်တွေကြောင့် တိုက်ပွဲတွေ ဖြစ်ပွားတဲ့ ကရင်နီပြည်အတွင်းနဲ့ ရှမ်းပြည်နယ်တောင်ပိုင်းရဲ့ စစ်ရေးအခြေအနေ၊ တိုက်ပွဲကြောင့် ထပ်ဆင့်ထွက်ပြေးတိမ်းရှောင်ကြရတဲ့ စစ်ရှောင်လူထုတွေရဲ့ လတ်တလောရင်ဆိုင်ကြုံတွေ့ရတဲ့ အခြေအနေတွေနဲ့ ပတ်သက်ပြီး ကန္တာရဝတီတိုင်း(မ်) မှ ကရင်နီအမျိုးသားများ ကာကွယ်ရေးတပ် KNDF ရဲ့ ဥက္ကဌ ခွန်းဘီထူးနဲ့ တွေ့ဆုံမေးမြန်းမှုကို တင်ဆက်ပေးလိုက်ပါတယ်။ https://youtu.be/8DLngFbR4J4

ဒီးမော့ဆိုအရှေ့ခြမ်းကနေ အနောက်ခြမ်း ‌ရွေ့ပြောင်းလာရတဲ့ စစ်ရှောင်တွေရဲ့ ‌ပြောစကားတချို့

ကန္တာရဝတီတိုင်း(မ်) ဒီးမော့ဆို အရှေ့ဘက်ခြမ်းမှာ စစ်ကောင်စီစစ်ကြောင်းထိုးလာပြီး တိုက်ပွဲတွေ ဖြစ်ပွားတာတွေ ရှိတဲ့အတွက် စစ်ရှောင်တွေဟာ ဘေးလွှတ်ရာကို ထပ်ဆင့်ထွက်ပြေးတိမ်းရှောင်ရင်း အခက်အခဲမျိုးစုံနဲ့ ကြုံတွေ့နေရပါတယ်။ အဲဒီလို ထွက်ပြေးတိမ်းရှောင်ရင်း ဒီးမော့ဆို အနောက်ဘက်ခြမ်းမှာရှိတဲ့ စစ်ရှောင်စခန်းတွေကို ရောက်ရှိသွားသူတွေလည်းရှိနေပါတယ်။ ဒီးမော့ဆို အနောက်ဘက်ခြမ်းကို ရောက်ရှိသွားသူတွေဟာ လက်ရှိမှာ ဘာတွေကြုံတွေ့နေရလဲ။ ဘယ်လို အခက်အခဲတွေရှိနေသလဲ။ သူတို့ရဲ့...

ဒီးမော့ဆိုမြို့နယ် အရှေ့ဘက်ခြမ်းမှ ထပ်ဆင့်ပြောင်းရွေ့နေကြရတဲ့ စစ်ရှောင်လူထုတချို့ရဲ့ ပြောစကား

ကန္တာရဝတီတိုင်း(မ်) ကရင်နီပြည်နယ်အတွင်း တိုက်ပွဲပြင်းထန်တဲ့ ဒီးမော့ဆိုမြို့နယ်အရှေ့ဘက်ခြမ်းရှိ ခိုလှုံနေတဲ့ စစ်ရှောင်စခန်းကနေ ထပ်မံထွက်ပြေးတိမ်းရှောင်နေကြရတဲ့ စစ်ဘေးရှောင်လူထုတချို့ရဲ့ ရင်ဆိုင်ကြုံတွေ့နေရတဲ့ အခြေအနေတွေကို ကန္တာရဝတီတိုင်း(မ်) ရဲ့ မြေပြင်သတင်းထောက်မှ တွေ့ဆုံမေးမြန်းထားတာတွကို တင်ဆက်ပေးလိုက်တယ်။ ထပ်ဆင့်ပြောင်းရွေ့တိမ်းရှောင်နေရတဲ့ လူထုတွေဟာ နေရာထိုင်ခင်း၊ အမိုးအကာ၊ စားနပ်ရိက္ခာနဲ့ ဆေးဝါးတွေ အရေးပေါ်လိုအပ်နေဆဲ ဖြစ်ပါတယ်။ https://youtu.be/pFWfwuBvmJI

လက်နက်ကြီးသံကြားက နွေစပါးစိုက်ပျိုးနေရတဲ့ စစ်ရှောင်တောင်သူတို့ရဲ့ စကားသံ

အာဏာသိမ်းပြီးနောက်ပိုင်း ဒေသတွင်းတိုက်ပွဲတွေကြောင့် နေရပ်စွန့်ခွာထွက်ပြေးတိမ်းရှောင်ရတဲ့ ကရင်နီဒေသခံပြည်သူ ၂ သိန်းဝန်းကျင်ရှိနေပြီး စစ်ရှောင်ကာလကြာတာနဲ့အမျှ စားနပ်ရိက္ခာပိုင်း ပိုမိုလိုအပ်နေဆဲဖြစ်ပါတယ်။ တစ်ဖက်မှာ စစ်ရှောင်နေကြရပေမယ့် ရေရှည်စားသောက်ရေးအတွက် လက်ရှိမှာလည်း လက်နက်ကြီးသံကြားကနေ လယ်ယာစပါး စိုက်ပျိုးနေကြရပါတယ်။ လက်နက်ကြီးသံကြားမှာ စပါးစိုက်ပျိုးနေကြတဲ့ ဒီးမော့ဆိုမြို့ စစ်ရှောင်တောင်သူ တချို့ရဲ့ စကားသံတွေကို တင်ပြပေးလိုက်ပါတယ်။ https://youtu.be/JRtwxdlmIhE စစ်ရှောင်တောင်သူတစ်ဦး “စိတ်ထဲမှာ တအားခံစားတာပေါ့။...