spot_img
Wednesday, November 30, 2022
spot_img

ကရင်နီပြည် ဖရူဆိုမြို့နယ် ငွေတောင်ရွာသစ်ကျေးရွာမှာ တိုက်ပွဲဖြစ်ပွားခဲ့ပြီး နှစ်ဖက်အကျအဆုံးရှိခဲ့

spot_imgspot_imgspot_imgspot_img

ကန္တာရဝတီတိုင်း(မ်)

မတ်လ ၂၄ ရက်နေ့က ကရင်နီပြည် ဖရူဆိုမြို့နယ် ငွေတောင်ရွာသစ်ကျေးရွာမှာ စစ်ကြောင်းထိုးလာတဲ့ အင်အား ၅၀ ခန့် ဝန်းကျင် ရှိတဲ့ စစ်ကောင်စီတပ်နဲ့ ဒေသခံ ကာကွယ်ရေးတပ်ဖွဲ့တို့ တိုက်ပွဲဖြစ်ပွားခဲ့ပြီး နှစ်ဖက်အကျအဆုံးရှိခဲ့တယ်လို့ KNDF B-15 တာဝန်ရှိသူ တစ်ဦးက ပြောပါတယ်။

“ ဒီထူးလွီးဘီလာကနေ ဒီငွေတောင်ရွာသစ်ဘက်ကို စစ်ကြောင်းထိုးလာ စစ်ကြောင်းထိုးလာရင်းနဲ့ ကျနော်တို့ တပ်ရင်း ၁၅ရယ်၊ KA နဲ့ တအားပူးပေါင်းတပ်ဖွဲ့တွေ ခုခံတိုက်ခိုက်တာ ကျနော်တို့ ခုခံတိုက်ခိုက်ရင်း ကျနော်တို့ ရဲဘော်တစ်ဦးကျသွားတယ်။ ပြီးတော့ ကျနော်တို့ တပ်ရင်း ၁၅ထဲက ရဲဘော်တစ်ယောက် မစိုးရိမ်ရတဲ့ ဒဏ်ရာ ရသွားတယ်။ ရဲဘော်တွေ ပြောကြားချက်အရ ၁၀ယောက်ထက်မနည်းကျတယ်ပြောတယ်။” လို့ ၎င်းက ဆက်ပြောပါတယ်။

မတ်လ ၂၄ရက်နေ့ ညနေ ၂နာရီမှာ တိုက်ပွဲ ဖြစ်ပွားခဲ့ပြီး ၅နာရီခွဲအထိ ဖြစ်ပွားခဲ့တယ်လို့ ဆိုပါတယ်။ တိုက်ပွဲအတွင်း စစ်ကောင်စီက ဒေသခံ နေအိမ်တွေကို မီးရှို့ဖျက်စီးတာတွေရှိနေပြီး အရေအတွက် အတိအကျကိုတော့ မသိရသေးဘူးလို့ ဆိုပါတယ်။

ငွေတောင်ရွာသစ်ကျေးရွာနဲ့ အနီးအနားကျေးရွာက ဒေသခံတွေကတော့ စစ်ဘေးရှောင်နေကြပါတယ်။ အခုလို စစ်ကောင်စီက ဖရူဆိုဖက်ကို စစ်ကြောင်းထိုလာတာဟာ ရိက္ခာပို့ဆောင်ဖို့ ဖြစ်နိုင်တယ်လို့ KNDF B-15 တာဝန်ရှိသူက ပြောပါတယ်။

“ကျနော့်အမြင်ကတော့ ဒီဖရူဆို၊ ဖားဆောင်း၊ ဘောလခဲ၊ ဒီမော့ဆိုပေါ့။ ဒီလမ်းကြောင်းက အဓိက ဖရူဆိုနဲ့ ဒီးမော့ဆို လမ်းကြောင်းမှာ ရှိတဲ့ တံတားတစ်ခုကို ကျနော်တို့ ဖျက်ထားတယ်။ သူတို့ အဓိက တံတား ပြန်ပြင်ဖို့လား။ ပြန်ပြင်ပြီးတော့မှ သူတို့ ရိက္ခာပြန်သယ်ယူပို့ဆောင်ဖို့လား လို့တော့ ကျနော်ထင်တယ်။ “ ၎င်းက ပြောပါတယ်။

ပြီးခဲ့တဲ့ မတ်လ ၂၂ရက်နေ့မှာလည်း ငွေတောင်ရွာသစ်ကျေးရွာအနီးရှိ ထူးလွီးဘီလာကျေးရွာမှာ စစ်ကြောင်းထိုးလာပြီး ကင်းပုန်းတိုက်ခိုက်ခံရတဲ့ စစ်ကောင်စီတပ်သားတွေဟာ ဒေသခံနေအိမ်နှစ်လုံးကို မီးရှို့ခဲ့ပါတယ်။

spot_imgspot_imgspot_imgspot_img

More from the blog

ဖရူဆိုမြို့နယ်တွင်းက စစ်ကောင်စီတပ်စခန်းနဲ့ ခြေကုပ်စခန်းတို့ကို KA၊ KNDF တို့သွားရောက်တိုက်ခိုက်

ကန္တာရဝတီတိုင်း( မ် ) ကရင်နီပြည် ဖရူဆိုမြို့တွင်းမှာရှိတဲ့ စစ်ကောင်စီတပ်စခန်းနဲ့ ခြေကုပ်စခန်းတို့ကို သွားရောက်တိုက်ခိုက်ခဲ့ပြီး စစ်ကောင်စီဘက်က ၄ဦးသေဆုံးခဲ့တယ်လို့ KNDF B-15 က ဒီကနေ့ နိုဝင်ဘာလ ၂၉ ရက်နေ့မှာ ထုတ်ပြန်ထားပါတယ်။ ပြီးခဲ့တဲ့ နိုဝင်ဘာလ ၂၅ ရက်နေ့မှာ ဖရူဆိုမြို့နယ်တွင်းမှာရှိတဲ့ စစ်ကောင်စီရဲ့ အမှတ် (၁၄)...

ဖရူဆိုဒေသရဲ့ ရွှေ့ပြောင်းတောင်ယာ စပါးစိုက်ပျိုးမှု ယခုနှစ် အထွက်နှုန်းတစ်ဝက်လျော့ကျ

ကန္တာရဝတီတိုင်း(မ်) ကရင်နီပြည် ဖရူဆိုမြို့မှာ နေထိုင်ကြတဲ့ လူထုတွေဟာ ရွေ့ပြောင်းတောင်ယာ စပါးစိုက်ပျိုးတာကို အဓိကထားလုပ်ကိုင်ကြပြီး ယခုနှစ်မှာဆိုရင် စိုက်ပျိုးချိန် မိုးမရွာတာ၊ အပင်မပေါက်တာ ၊ အပင်သေတာတွေ ကြောင့် စပါးအထွက်နှုန်း တစ်ဝက်လောက် လျော့ကျနေတယ်လို့ တောင်သူတွေက ဆိုကြပါတယ်။ ရွှေ့ပြောင်းတောင်ယာ ပြန်လည်လုပ်ကိုင်တာ ၂နှစ်ရှိပြီဖြစ်တဲ့ ဦးရီဖဲ ကလည်း ယခုနှစ်...

ဖရူဆိုမြို့ အဝင်အထွက် ကရင်နီပြည်အစိုးရ ယာယီပိတ်မည်

ကန္တာရဝတီတိုင်း( မ် ) ကရင်နီပြည် ဖရူဆိုမြို့တွင်း ဝင်ထွက်သွားလာတာတွေကို လုံးဝခွင့်မပြုဘဲ ယမန်နေ့ နိုဝင်ဘာလ ၂၈ ရက်နေ့ကစပြီး လုံခြုံရေးအရ ယာယီပိတ်လိုက်တယ်လို့ ကရင်နီပြည်အစိုးရ ပြည်ထဲရေးဝန်ကြီးဌာနလက်အောက်ရှိ ကေးလျားမြို့နယ်အုပ်ချုပ်ရေးက ယမန်နေ့(နိုဝင်ဘာလ ၂၈ ရက်)မှာ ထုတ်ပြန်ထားပါတယ်။ “အခြေအနေကြည့်မယ်။ အကယ်၍ အခြေအနေကောင်းတယ်။ ကျနော်တို့ လူထုတွေ အိမ်ပြန်ကြည့်ဖို့အတွက်...

ဒီးမော့ဆိုအရှေ့ဖက်ခြမ်းမှာ နိုဝင်ဘာလနောက်ဆုံးပတ်အတွင်း စစ်ကောင်စီက လက်နက်ကြီးနဲ့ ပစ်ခတ်မှု ဆက်တိုက်လုပ်ဆောင်နေ

ကန္တာရဝတီတိုင်း (မ်) ကရင်နီပြည် ဒီးမော့ဆို အရှေ့ဘက်ခြမ်းရှိ ကျေးရွာတွေကို စစ်ကောင်စီရဲ့ အခြေစိုက်တပ်တွေက နိုဝင်ဘာလ ၂၃ ရက်နေ့က စတင်ပြီး လက်နက်ကြီးတွေနဲ့ နေ့ရောညပါ ဆက်တိုက် ပစ်ခတ်မှု လုပ်ဆေင် နေတယ်လို့ ဒေသခံတွေက ပြောပါတယ်။ တိုက်ပွဲဖြစ်ပွားမှုမရှိပဲ စစ်ကောင်စီက လက်နက်ကြီးတွေနဲ့ ဆက်တိုက်ပစ်ခတ်လာတဲ့အတွက် ကျေးရွာတွေထဲကျပြီး အရပ်သားထိခိုက်တာတွေ၊...