spot_img
Monday, February 6, 2023
spot_img

ကရင်နီအမျိုးသားခုခံတော်လှန်ရေးနေ့အခမ်းအနား ကိုဗစ်ကြောင့် မကျင်းပနိုင်

spot_imgspot_imgspot_imgspot_img
KNPP ထိန်းချုပ်နယ်မြေတနေရာမှ သင်တန်းဆင်းပွဲ (ပုံဟောင်းအသုံပြုခြင်းသာဖြစ်)

ကန္တာရဝတီတိုင်း(မ်)

ဩဂုတ်လ ၉ ရက်နေ့မှာ ကျရောက်တဲ့ (၇၃)နှစ်မြောက် ကရင်နီအမျိုးသားခုခံတော်လှန်ရေးနေ့ အခမ်းအနားကို ကိုဗစ် – ၁၉ ရောဂါကြောင့် လူစုလူဝေး ပြုလုပ်ဖို့ အခက်အခဲဖြစ်နေတာကြောင့် မကျင်းပနိုင်ခဲ့ဘူးလို့ ကရင်နီအမျိုးသားတိုးတက်ရေးပါတီ KNPP မှ အခမ်းအနား ဖြစ်မြောက်ရေးကော်မတီ အဖွဲ့ခေါင်းဆောင် ခူးတော်ရယ် က ပြောပါတယ်။

“အစဉ်အလာ စတင်တာနဲ့ ကျင်းပပါတယ်။ ဒီနှစ်ကတော့ ရောဂါကြောင့် ပဲ တခြားဘာကြောင့်မှ မဟုတ်ဘူး။ ဥပမာ ကျနောတို့ ကရင်နီပြည်တွင်းက ဘယ်နေရာမှာမှ ဒီကပ်ရောဂါ အခြေအနေကို ကြည့်ရင် လုံခြုံတယ်လို့ မယူဆနိုင်ဘူး။ နယ်စပ်တပ်စခန်းတွေမှာလည်း ပုံမှန် နှစ်စဉ်နှစ်တိုင်း ကျင်းပတယ်။ ဒီနှစ်ပဲ ကျနောတို့ မကျင်းပဘူး။ ကျင်းပဖို့စီစဉ်သေးတယ်။ ဒါပေမယ့် အခြေအနေက တစ်ဖက်နိုင်ငံ ထိုင်းဖက်ကလည်း နယ်စပ်ဖက်ကို ကပ်ပြီးတော့မှ ကပ်ရောဂါတွေ ပေါ်လာတယ်။ ကျနောတို့ပြည်တွင်းဖက်ကလည်း ရှိတာတွေရှိလာတယ်။ အဲ့ဒီကြောင့် လူစုလူဝေးဖြစ်မယ့် အစီအစဉ်မျိုးကို ကျနောတို့ရှောင်ရှားတာပဲဖြစ်ပါတယ်။”လို့ အခမ်းအနားဖြစ်မြောက်ရေးကော်မတီ အဖွဲ့ခေါင်းဆောင် ခူးတော်ရယ် က ပြောပါတယ်။

လက်ရှိဖြစ်ပွားနေတဲ့ ကိုဗစ်-၁၉ ကပ်ရောဂါကြောင့် အခမ်းအနားကို လူစုလူဝေးဖြစ်စေမယ့် အခမ်းအနားမျိုး မပြုလုပ်ဘူးလို့ ဆိုပါတယ်။

သီးခြားလွတ်လပ်တဲ့ကရင်နီပြည်နယ်ကို ကျူးကျော်လာတဲ့ စစ်အာဏာရှင်တွေကို ကရင်နီအမျိုးသားများက ရရာလက်နက်စွဲကိုင်ပြီး ကရင်နီပြည်ရဲ့ အချုပ်အခြာအာဏာပိုင်ဆိုင်မှုကို ပြန်လည်ရရှိဖို့အတွက် တိုက်ပွဲဆင်နွဲခုခံတော်လှန်ခဲ့တဲ့ (၇၃) နှစ်မြောက်နေ့ပဲ ဖြစ်ပါတယ်။

၁၉၄၈ခုနှစ်၊ ဩဂုတ်လ ၉ ရက်နေ့မှာ ဖဆပလ စစ်အစိုးရက ကရင်နီပြည်ကောင်စီ ဥက္ကဌ ခွန်းဘီတူရီ တည်ရှိရာ မြလဲ(မန်းလား) ရွာကို စတင်ဝင်ရောက်တိုက်ခိုက်ခဲ့ပြီး ကရင်နီအမျိုးသားများကလည်း ရရာလက်နက်စွဲကိုင်ပြီး ပြန်လည်တွန်းလှန် တိုက်ခိုက်ခဲ့ကြတာပဲ ဖြစ်ပါတယ်။

“ခုခံတော်လှန်ရေးနေ့ကတော့ နဂိုက ကရင်နီက တသီးတခြားရှိတယ်။ မြန်မာပြည်လွတ်လပ်ရေးရတော့ အကြောင်းအမျိုးမျိုးကြောင့် ပါသွားတယ်။ အဲ့တုန်းက ကရင်နီခေါင်းဆောင် တချို့ အနည်းငယ် သုံးယောက်ပေါ့။ ဗမာပြည်နဲ့ ပူးပေါင်းရင် ပိုကောင်းမလားဆိုတဲ့ အယူအဆနဲ့ တိုင်းပြုပြည်ပြု လွှတ်တော်ကို သွားလိုက်တက်တယ်။ အဲ့ဒီနောက် လွတ်လပ်ရေးပေးတဲ့ အင်္ဂလိပ်အစိုးရကလည်း ဒါ ကရင်နီကလည်းပါတယ်။ သူဆန္ဒအလျောက်ပါတယ် ဆိုတဲ့ သဘောမျိုးနဲ့ ထည့်လိုက်တာပေါ့။ ဒါပေမယ့် ကျန်တဲ့ အဲ့ဒီတုန်းက ကရင်နီခေါင်းဆောင်က မဟုတ်ဘူး ကရင်နီပြည်က တသီးတခြား တောင်တန်းဒေသနဲ့ ပေါင်းမလား ပြည်မ ဗမာပြည်နဲ့ပေါင်းမလား ဒါနောက်မှရှင်းရမယ့်ကိစ္စ ပုံစံမျိုးနဲ့ တသီးတခြားပဲနေမယ်ဆိုတဲ့ သဘောထားနဲ့နေတယ်။ ဒါပေမယ့် ပါသွားတဲ့ဖက်ကနေပြီးတော့မှ ပါသွားတဲ့လူ တချို့ကြောင့် တော်လှန်ရေးက စတာပေါ့။ လာပြီးတော့မှ ဌာနချုပ်ကို တိုက်တယ် ဌာနချုပ်ကို လာပြီးတော့ ပစ်ခတ်မှုတွေ စဖြစ်တယ်။ အဲ့ဒီနေ့ကိုအစွဲ ပြုပြီးတော့မှ တော်လှန်ရေးနေ့ လို့ သတ်မှတ်ပြီးတော့မှ ကျင်းပလာတာပေါ့။” လို့ ခူးတော်ရယ်က ကရင်နီခုခံတော်လှန်ရေး သမိုင်းကြောင်း ဖြစ်တည်လာပုံကို ရှင်းပြပါတယ်။

ကိုယ်ကျိုးစွန့် အမျိုးသားရေးအတွက် အသက်ပေးဆပ်သွားကြရတဲ့ ခုခံတော်လှန်ရေးအဖွဲ့ဝင်တွေ၊ မိဘပြည်သူတွေကို အမြဲတမ်းအသိအမှတ်ပြု သတိရနေဖို့လိုအပ်ပြီး အမျိုးသားရေးဆိုတာ အမျိုးသားလို့ ခံယူထားတဲ့ လူတိုင်းနဲ့သက်ဆိုင်ကြောင်း (၇၃)နှစ်မြောက် ကရင်နီအမျိုးသား ခုခံတော်လှန်ရေးနေ့အခမ်းအနားကို ပေးပို့တဲ့ ကရင်နီအမျိုးသားတိုးတက်ရေးပါတီ၊ ပါတီဗဟိုဌာနချုပ်ရဲ့သဝဏ်လွှာမှာ ထည့်သွင်းဖော်ပြထားပါတယ်။

ဒါ့ကြောင့် ကရင်နီအမျိုးသားတွေရဲ့ ဘဝကံကြမ္မာဟာ တစ်မျိုးသားလုံးရဲ့တာဝန်ဖြစ်တယ်ဆိုတာ လေးလေးနက်နက်ခံယူထားဖို့ လိုအပ်သလို အမျိုးသားခေါင်းဆောင်ကြီးတွေ ပေးအပ်ခဲ့တဲ့ ပုခုံးပြောင်းတာဝန်တွေကို ကိုယ်စီ ဆက်လက်ထမ်းဆောင်ရင်း တရားသောစစ်ကို အောင်မြင်စွာ ဆင်နွဲနိုင်ကြစေကြောင်းလည်း ပါရှိပါတယ်။

spot_imgspot_imgspot_imgspot_img

More from the blog

ဇရပ်ဖြူရွာလမ်းမှာ ကားမိုင်းနင်းမိပြီး ၄ဦးသေဆုံး၊ ၂ဦး ဒဏ်ရာပြင်းထန်

ကန္တာရဝတီတိုင်း(မ်) ဒီကနေ့ (ဖေဖော်ဝါရီလ ၆ရက်) နေ့လည် ၂နာရီအချိန်မှာ အမျိုးသား ၆ဦး စီးနှင်လာတဲ့ ကားတစ်စီး ဇရပ်ဖြူရွာလမ်း မှာ မိုင်းနင်းမိပြီး ၄ဦးသေဆုံး ၂ဦး ဒဏ်ရာပြင်းထန်ခဲ့တယ်လို့ သွားရောက်ကယ်ဆယ်မှုမှာ ပါဝင်ခဲ့တဲ့ ရွှေလွိုင်ကော်ပရဟိတအသင်း ထံကနေ သိရပါတယ်။ “ အသက်ရှင်လျှက်ရှိသော လူနာ နှင့် ပြန့်ကျဲနေသော...

ထွက်ပြေးတိမ်းရှောင်နေရတဲ့ စစ်ရှောင်ကျောင်းသား ၁၀၀၀ကျော် ကျောင်းမတက်နိုင်သေး

ကေးဒူ (ကန္တာရဝတီတိုင်း(မ်)) ပြီးခဲ့တဲ့ ဇန်နဝါရီလ ၂၂ ရက်နေ့ကစ ကရင်နီပြည် ဒီးမော့ဆို အရှေ့ဘက်ခြမ်းမှာ စစ်ကြောင်းထိုးလာတဲ့ စစ်ကောင်စီတပ်နဲ့ ကရင်နီဒေသခံပြည်သူ့ကာကွယ်ရေးတပ်ဖွဲ့တို့ တိုက်ပွဲဖြစ်ပွားခဲ့ပြီး စစ်ရှောင်စခန်း ၃ ခု အပါဝင် ဒေသခံ ပြည်သူတွေလည်း အိုးအိမ်စွန့်ခွာပြီး ထွက်ပြေးတိမ်းရှောင်နေရတာကြောင့် စစ်ရှောင် ကျောင်းသားလေးတွေ ကျောင်းပြန်မတက်နိုင်သေးဘူးလို့ စစ်ရှောင်တွေကပြောပါတယ်။ ထွက်ပြေးတိမ်းရှောင်နေရတဲ့...

ရှားတောမြို့နယ်မှာ သွားလာခွင့်လက်မှတ်ရယူပြီးမှသာ သွားလာကြရန် စစ်ကောင်စီစာထုတ်

ကန္တာရဝတီတိုင်း( မ် ) ဇန်နဝါရီလ ၃၁ ရက်နေ့ကစပြီး ကရင်နီပြည် ရှားတောမြို့နယ်မှာ စစ်ကောင်စီထံကနေ သွားလာခွင့်လက်မှတ်တွေရယူပြီးမှ သွားလာကြဖို့ စစ်ကောင်စီက စာထုတ်ထားတယ်လို့ ရှားတောမြို့ ဒေသခံတွေဆီကနေ သိရပါတယ်။ “ဒီရှားတောမြို့ပေါ်မှာ ရှိတဲ့လူတွေခါကျတော့ တောင်ယာသွားတာပဲဖြစ်ဖြစ် ဒါမှမဟုတ် လယ်ထဲသွားတာပဲဖြစ်ဖြစ်ပေါ့နော။ လွိုင်ကော်သွားတာပဲဖြစ်ဖြစ် အဲဒီလိုသွားလို့ရှိရင် စစ်ကောင်စီဘက်မှာ လက်မှတ်တွေယူသွားပြီးတော့ ဒီ...

စစ်ကောင်စီရဲ့ ရွေးကောက်ပွဲကို ကရင်နီက တိုင်းရင်းသား နိုင်ငံရေးပါတီ ၂ခု ပါဝင်မည်မဟုတ်

  ကန္တာရဝတီတိုင်း( မ် ) ၂၀၂၃ခုနှစ်အတွင်း စစ်ကောင်စီပြန်လည်ပြုလုပ်မယ့် ရွေးကောက်ပွဲကို ကရင်နီပြည်အခြေစိုက်ပြီး ၂၀၂၀ ရွေးကောက်ပွဲမှာ ဝင်ရောက်ယှဉ်ပြိုင်ခဲ့တဲ့ ကယားပြည်နယ်ဒီမိုကရက်တစ်ပါတီ ( KySDP ) ၊ ကယန်းအမျိုးသားပါတီ ( KNP ) တို့က ဝင်ရောက်ယှဉ်ပြိုင်မှာမဟုတ်ဘူးလို့ ကန္တာရဝတီတိုင်း( မ် ) ကိုပြောပါတယ်။ စစ်ကောင်စီပြုလုပ်မယ့်...