spot_img
Sunday, February 5, 2023
spot_img

စစ်ကောင်စီတပ်မှ ထေးငှားလျားအုပ်စုအတွင်းရှိ အသက်မပြည့်သေးတဲ့ ကလေးတစ်ဦးကိုဖမ်ဆီးခေါ်ဆောင်သွား

spot_imgspot_imgspot_imgspot_img

ကန္တာရဝတီတိုင်း(မ်)

ပြီးခဲ့တဲ့ ဇူလိုင်လ (၃) ရက်နေ့ ညနေပိုင်းမှာ စစ်ကောင်စီတပ်က ကျေးရွာထဲ ဝင်ရောက်စစ်ဆေးပြီး အသက်မပြည့်သေးတဲ့ (၁၇) နှစ်ဝန်းကျင်အရွယ်သာ ရှိသေးတဲ့ ယောကျာ်းလေးတစ်ယောက်ကို မျက်နှာဖုံးစွပ်ပြီး ဖမ်းဆီးခေါ်ဆောင်သွားတယ်လို့ မျက်မြင်ဒေသခံတွေက ပြောပါတယ်။

“သူတို့ ဘယ်ကို ဖမ်းသွားလည်းတော့ မသိဘူး။ စုံစမ်းလို့လည်း မရဘူးလို့ “လို့ ဒေသခံတစ်ဦးက ကန္တာရဝတီတိုင်း(မ်) ကို ပြောပါတယ်။

ဖမ်းဆီးခေါ်ဆောင်သွားခြင်းခံရသူမှာ သူငယ်ချင်းအိမ် အိပ်ဖို့သွားတာဖြစ်ပြီး နေအိမ်ကို ပြန်မရောက်လာတဲ့အတွက် စုံစမ်းရာကနေ ဖမ်းဆီးခံရကြောင်း သိရှိရတယ်လို့ မိသားစုဝင်တွေက ပြောပါတယ်။

ယနေ့အချိန်ထိ ဘယ်ကို ဖမ်းခေါ်သွားတာကိုတော့ မသိရှိရသေးဘူးလို့ မိသားစုဝင်တွေက ပြောပါတယ်။

“သူ့သူငယ်ချင်းအိမ်မာ သွားအိပ်မယ်ဆိုပြီးသွားတာ။ မနက်ကျတော့ ပြန်မရောက်ဘူး။ ညပိုင်းလောက်မှ ဖမ်းခေါ်သွားတယ်ဆိုတဲ့ အကြောင်း သိရတယ်။ ခုချိန်ထိတော့ ဆက်သွယ်မရသေးဘူး”လို့ ဖမ်းဆီးခံရသူရဲ့ မိသားစုဝင်တစ်ဦးက ပြောပါတယ်။

စစ်ကောင်စီတပ်တွေဟာ လွိုင်ကော်မြို့အနီးရှိ ကျေးရွာတွေထဲကို လက်နက်တွေနဲ့ ဝင်ရောက်ရှာဖွေတာတွေ ပြုလုပ်နေသလို မြောင်းတွေထဲမှာ ဝပ်နေတာတွေ ပြုလုပ်တဲ့အတွက် မှိုင်းတွေထောင်ထားမှာကို စိုးရိမ်တယ်လို့ ဒေသခံတွေက ပြောပါတယ်။

စစ်တပ်အာဏာသိမ်းလိုက်တဲ့ ၂၀၂၁ ခုနှစ် ဖေဖော်ဝါရီလကနေ ၂၀၂၂ ခုနှစ် ဇွန်လ အတွင်း ကရင်နီပြည်အတွင်း ဖမ်းဆီးခံရသူ ၂၅၃ ဦးရှိတယ်လို့ တိုးတက်သော ကရင်နီပြည်သူ့အင်အားစု PKPF က ဇွန်လ ၃၁ ရက်နေ့မှာ ထုတ်ပြန်ထားပါတယ်။

spot_imgspot_imgspot_imgspot_img

More from the blog

လွိုင်ကော်တိုက်ပွဲအတွင်း စစ်ကောင်စီ (၁၅)ဦး ထက်မနည်းသေဆုံး၊ လက်နက်ကြီးပစ်ခတ်မှုကြောင့် ဘုရားကျောင်းအပါအဝင် နေအိမ်ပျက်စီးမှုရှိ

ကန္တာရဝတီတိုင်း(မ်) ကရင်နီပြည် လွိုင်ကော်မြို့နယ်တစ်နေရာမှာ ယမန်နေ့ (ဖေဖော်ဝါရီ ၄ရက်) ည အချိန် စစ်ကောင်စီတပ်နဲ့ ကရင်နီဒေသခံကာကွယ်ရေးပူးပေါင်းတပ်တို့ တိုက်ပွဲပြင်းထန်ခဲ့ပြီး နှစ်ဖက်ထိခိုက်ကျဆုံးမှုရှိခဲ့တယ်လို့ ကရင်နီတပ်မတော် စစ်ရေးချုပ် ဗိုလ်မှူးကြီး ဘုန်းနိုင် ကပြောပါတယ်။ “ ရန်သူဖက် ၁၅ယောက်သေတယ်လို့ ပြောတယ်။ ကျနော်တို့ဖက် KNDFက တစ်ယောက် ဒဏ်ရာရတယ်။ PDFဖက်က...

မိုးဗြဲစျေးမှာ အမျိုးသားတစ်ဦး သေနတ်ပစ်ခတ်ခံရ၊ ဈေးပိတ်သိမ်းခဲ့

ကန္တာရဝတီတိုင်း( မ် ) ဒီကနေ့ ဖေဖော်ဝါရီလ ၄ ရက်နေ့ နေ့ လည် ၁၂ နာရီ ဝန်းကျင်အချိန်မှာ ရှမ်း- ကရင်နီနယ်စပ် မိုးဗြဲမြို့ စျေးထဲ အမျိုးသားတစ်ဦး သေနတ်နဲ့ ပစ်ခတ်ခံရတယ်လို့ မျက်မြင်ဒေသခံတွေဆီကနေ သိရပါတယ်။ “စျေးထဲမှာ လူတစ်ယောက် သေနတ်နဲ့ ပစ်ခံရတယ်လေ။ နောက်ကျနော်ကြည့်တဲ့အခါတော့...

လွိုင်ကော်အရှေ့ဘက်ခြမ်းရှိ စစ်ရှောင်ဆေးခန်းတစ်ခု လေကြောင်းတိုက်ခိုက်ခံရ

ကန္တာရဝတီတိုင်း( မ် ) ယမန်နေ့ (ဖေဖော်ဝါရီလ ၃ရက်) က ကရင်နီပြည် လွိုင်ကော်မြို့ အရှေ့ဘက်ခြမ်းမှာ တိုက်ပွဲဖြစ်ပွားခြင်းမရှိဘဲ လေကြောင်းနဲ့ ဗုံးကျဲတိုက်ခိုက်ခံရမှုကြောင့် စစ်ဘေးရှောင်ဆေးခန်းတစ်ခု မီးလောင်ပျက်စီးသွားတယ်လို့ ကရင်နီပြည်ထဲရေးဝန်ကြီးဌာနမှ ပြည်ထဲရေးဝန်ကြီး ခူညေးရယ်က ပြောပါတယ်။ “ မနေ့ည ၆နာရီ ခွဲပေါ့ အဲ့မှာ လေယာဉ်တစ်စင်းနဲ့ လာပစ်တယ်။...

ကရင်နီပြည်မှာ ဇန်နဝါရီလ တစ်လအတွင်း တိုက်ပွဲ (၃၆)ကြိမ်ဖြစ်ပွားခဲ့ပြီး နှစ်ဖက်ထိခိုက်ကျဆုံးမှုရှိခဲ့

ကန္တာရဝတီတိုင်း(မ်) ကရင်နီပြည်မှာ ဇန်နဝါရီတစ်လအတွင်း စစ်ကောင်စီတပ်နဲ့ ထိတွေ့တိုက်ပွဲပေါင်း (၃၆)ကြိမ်ဖြစ်ပွားခဲ့ပြီး စစ်ကော်စီဖက် (၂၂)ဦး သေဆုံးခဲ့သလို KNDFမှရဲဘော် ၅ဦး ကျဆုံးခဲ့တယ်လို့ ကရင်နီအမျိုးသားများကာကွယ်ရေးတပ် (KNDF)က ဒီကနေ့ (ဖေဖော်ဝါရီ ၃ရက်နေ့ ) မှာ သတင်းထုတ်ပြန်ပါတယ်။ တိုက်ပွဲအတွင်း နှစ်ဖက်အကျအဆုံးရှိခဲ့သလို လက်ရှိအချိန်ထိ ဒီးမော့ဆိုအရှေ့ဖက်ခြမ်းမှာ ဇန်နဝါရီလ ဒုတိယအပတ်ကတည်းက...