spot_img
Tuesday, January 31, 2023
spot_img

စစ်ပြေးရှောင်ရာမှာ ယာဉ်မတော်တဆမှုဖြစ်ပြီး ကလေးငယ်တစ်ဦး ဆုံးပါး

spot_imgspot_imgspot_imgspot_img
ယာဉ်မတော်တဆမှုကြောင့် အသက်သေဆုံးသွားသော (၈)နှစ်အရွယ် ကလေးငယ်တစ်ဦး

ကန္တာရဝတီတိုင်း(မ်)

စက်တင်ဘာ ၇ရက်နေ့ ည(၇)နာရီဝန်းကျင် ဒီးမော့ဆိုမြို့မှာ စစ်ပြေးရှောင်ရင်း ယာဉ်မတော်တဆမှုဖြစ်ပြီး အသက်(၈)နှစ်အရွယ် ကလေးငယ်တစ်ဦး သေဆုံးသွားခဲ့ရတယ်လို့ သိရပါတယ်။

ဒီးမော့ဆိုမြို့နယ်၊ ဒေါ်ပေါ်ကူးကျေးရွာအဝင် လမ်းခွဲမှာ ကားနဲ့ ဆိုင်ကယ်ချိတ်မိပြီး ဆိုင်ကယ်ပေါ်ပါလာတဲ့ ကလေးငယ်နှစ်ဦးထဲမှ တစ်ဦးသေဆုံးသွားခဲ့တာ ဖြစ်ပါတယ်။ ဒဏ်ရာအပြင်းအထန်ရတဲ့ သူနှစ်ဦးရှိပြီး ဆေးရုံ၊ဆေးခန်းသွားဖို့ အခက်အခဲဖြစ်နေတယ်လို့ KNDFပြောဆိုခွင့်ရှိသူတစ်ဦးက ဆိုပါတယ်။

” accidentဖြစ်တာ ကားနဲ့ ဆိုင်ကယ်နဲ့ တစ်ယောက်က သေသွားပြီ ဒီမနက်ပဲ သင်္ဂြိုလ်လိုက်ပြီ။ နောက်ထပ် နှစ်ယောက်က အပြင်းအထန်ဒဏ်ရာရနေတယ်။ဆေးရုံကိုသွားဖို့ ဆေးခန်းကိုသွားဖို့ တော်တော့်ကို အဆင်မပြေတဲ့ အနေအထားမျိုး။ “

သေဆုံးသွားတဲ့ ကလေးမှာ ဒေါငံခါး(၂)ရပ်ကွက် တွင် နေထိုင်တယ်လို့ သိရပါတယ်။ တိုက်ပွဲတွေကြောင့် ဒီးမော့ဆိုမြို့က ပြည်သူတွေ တဖန် စစ်ရှောင်နေကြရပါတယ်။

ကရင်နီပြည်နယ်အတွင်းမှာ တိုက်ပွဲကြောင့် သေဆုံးသူ ၈၄ဦးရှိသွားပြီလို့ သိရပါတယ်။

spot_imgspot_imgspot_imgspot_img

More from the blog

ယခင်နှစ်ထက် ဈေးတစ်ဆနီးပါးရတဲ့ ကယန်းဒေသထွက် ငရုတ်သီး

ခွန်းကလိုင်းဖရီး (ကန္တာရဝတီတိုင်း(မ်)) ကယန်းဒေသကထွက်ရှိတဲ့ ငရုတ်သီးတွေကို ပွဲစားတွေက ယခင်နှစ်ကထက် ဈေးတဆ လောက်ပိုပေးဝယ်နေတာကြောင့် ဈေးကောင်းရနေတယ်လို့ ငရုတ်စိုက်တောင်သူတွေက ပြောဆိုကြပါတယ်။ ငရုတ်သီးဈေးကောင်းရတဲ့အပေါ် အလယ်ကယန်းဒေသက ငရုတ်စိုက်တောင်သူ စခွန်းကြီးမောင်က "အရင်တစ်နှစ်က ဈေးနှုန်းက ရှစ်ထောင် ၊ တစ်သောင်း ဘားဆုံးပဲ။ ဒီတစ်နှစ်ကတော့ တစ်သောင်းရှစ်ထောင် များတယ်။ တစ်သောင်းကိုးထောင်၊ နှစ်သောင်းကတော့...

ဒေသခံတစ်ဦး လက်နက်ကြီး ထိမှန်ပြီး သေဆုံး

ကန္တာရဝတီ တိုင်း(မ်) ယမန်နေ့ ဇန်နဝါရီလ ၂၉ ရက်နေ့က ကရင်နီပြည် ဒီးမော့ဆိုမြို့နယ် အရှေ့ဘက်ခြမ်းမှာ အကြမ်းဘက်စစ်ကောင်စီရဲ့ လက်နက်ကြီး ပစ်ခတ်မှုကြောင့် ဒေသခံတစ်ဦး ထိမှန် သေဆုံးသွားခဲ့ပါတယ်။ လက်နက်ကြီးဟာ မနက်ပိုင်း ၉ နာရီခွဲ ဝန်းကျင်လောက်က ကျလာတာဖြစ်ပြီး နေအိမ်မျာ ပစ္စည်းပြန်ယူတဲ့ အသက် ၂၇ နှစ်အရွယ်...

စစ်ရှောင်လူဦးရေ ထပ်မံတိုးလာတာကြောင့် ရေအခက်အခဲကြုံတွေ့နေရ

ကန္တာရဝတီတိုင်း(မ်) ကရင်နီပြည် ဒီးမော့ဆိုအရှေ့ဘက်ခြမ်းမှာ ၂၀၂၃ခုနှစ် ဇန်နဝါရီလ နောက်ဆုံးပတ်လောက်ကစပြီး လူဦးရေ သုံးထောင်ငါးရာ ဝန်းကျင်လောက်ဟာ ထပ်ဆင့်ထွက်ပြေးတိမ်းရှောင်ရတဲ့အတွက် လက်ရှိမှာ ရေရှားပါးမှုပြသာနာနဲ့ ကြုံတွေ့နေကြရပါတယ်။ ယခင်ရှိပြီးသား စစ်ရှောင်စခန်းအများစုမှာလည်း ရေကိုမျှဝေသုံးစွဲနေကြရပြီး ယခုလို စစ်ရှောင်လူဦးရေ ထပ်မံတိုးပွားလာတာကြောင့် ရေရှည်မှာ ခက်ခဲလာနိုင်တယ်လို့ ကရင်နီလူ့အခွင့်အရေးအဖွဲ့မှ ဒါရိုက်တာ ဆရာဗညားက ပြောပါတယ်။ "အခုလောလောဆယ် ရှောင်တဲ့နေရာတွေ...

တိုက်ပွဲကြောင့် ထပ်ဆင့်ပြောင်းရွှေ့ရတဲ့ IDPs များ စားနပ်ရိက္ခာ အခက်အခဲ တွေနဲ့ ကြုံတွေ့နေရ

ကန္တာရဝတီ တိုင်း(မ်) ကရင်နီပြည် ဒီးမော့ဆို အရှေ့ဘက်ခြမ်းကို စစ်ကြောင်းထိုးလာတဲ့ စစ်ကောင်စီတပ်နဲ့ ဒေသခံ ပြည်သူ့ကာကွယ်ရေး တပ်ဖွဲ့တို့ ဇန်နဝါရီလ ၂၂ ရက်နေ့စ တိုက်ပွဲ ပြင်းထန်နေပြီး စစ်ရှောင်စခန်းအတွင်း လက်နက်ကြီးများ ကျရောက်ပေါက်ကွဲ ထိခိုက်မှုတွေကြောင့် IDPs စစ်ရှောင်စခန်း (၃)ခု ထပ်မံပြောင်းရွေ့ခဲ့ကြရပါတယ်။ ဇန်နဝါရီလ ၂၃ ရက်နေ့လောက်က...