spot_img
Monday, May 16, 2022
spot_img

စစ်ရှောင်စခန်းရှိ နာတာရှည်ရောဂါသည်တွေနဲ့ မသန်စွမ်းတွေအတွက် ဆေးဝါးလိုအပ်နေ

ကန္တာရဝတီတိုင်း(မ်)

ကရင်နီပြည် ဖရူဆိုမြို့နယ် အနောက်ဘက်ခြမ်းက စစ်ရှောင်စခန်းတွေမှာရှိနေတဲ့ နာတာရှည်ရောဂါသည်တွေနဲ့ မသန်စွမ်း တွေအတွက် ဆေးဝါးလိုအပ်နေတယ်လို့ စစ်ရှောင်စခန်းတခုရဲ့ တာဝန်ရှိသူတစ်ဦးကပြောပါတယ်။

ကရင်နီပြည်တွင်း တိုက်ပွဲတွေကြောင့် ပြည်နယ်ရဲ့ လူဦးရေ ထက်ဝက်ကျော်ဟာ တောတောင်တွေထဲမှာ တိမ်းရှောင်နေရတာပါ။

ဒီလိုထွက်ပြေးပုန်းခိုနေတဲ့ ပြည်သူတွေထဲမှာ ဆေးဝါးတွေကိုမှီခိုနေရတဲ့ မသန်စွမ်းတွေနဲ့ သက်ကြီးရွယ်အို နာတာရှည် ရောဂါသည်တွေအတွက် ဆေးဝါးတွေလိုအပ်နေတယ်လို့ သိရပါတယ်။

” သူတို့အတွက် အဓိကလိုအပ်တာကတော့ ဆေးဝါးရယ် နောက်ပြီးတော့ အဟာရဓာတ်တွေ ဖူဖူလုံလုံလေးလိုချင်တာပေါ့။ ဘာလို့လဲဆိုရင် တစ်ချို့မသန်စွမ်းတွေဟာလည်း အဟာရပြတ်သွားတာလည်းဖြစ်နိုင်တယ်။ တစ်ချို့က အာရုံပိုင်းနဲ့၊ တစ်ချို့က စိတ်ပိုင်းနဲ့၊ တစ်ချို့က ခန္ဓာကိုယ်ပိုင်းနဲ့ အဲ့လို သူ့အစိပ်အပိုင်းနဲ့သူရှိတော့ တစ်ခုခုပြတ်လပ်သွားရင် သူတို့ကချွတ်ယွင်းချက်ဖြစ်လာတယ်လေး။ အဲ့လိုရှိတယ်။ ” လို့ ဖရူအနောက်ဖက်ခြမ်းရှိ စစ်ရှောင်စခန်းတစ်ခုရဲ့ တာဝန်မှုးက ပြောပါတယ်။

သူကိုယ်တိုင်ကလည်း ပန်းနာရင်ကြပ်ရောဂါရှိနေပြီး တစ်လကို အနည်းဆုံး ၂ ကြိမ်လောက်မသောက်ရရင် သွားလာလှုပ်ရှားရတာ အားမရှိဘူးလို့ ဆိုပါတယ်။

စစ်ရေးအခြေအနေကြောင့် သွားလာရခက်ခဲလာတဲ့ နောက်ပိုင်းမှာ လိုအပ်တဲ့ ဆေးဝါးတွေကို ပိုက်ဆံပေးဝယ်ချင်ရင်တောင် ရှာဝယ်လို့မရဘူးလို့ စစ်ရှောင်တချို့ကပြောပါတယ်။

ဆေးမသောက်ရရင် ရယ်လိုက် ငိုလိုက်၊ တစ်ယောက်တည်း ကနေတတ်တဲ့ စိတ်ရောဂါသည် ညီမလေးအတွက် ဆေးက ၂ လစာသာ ကျန်တော့တဲ့အကြောင်းနဲ့ ဆေး ရှာဝယ်ရတာလည်း အခက်အခဲဖြစ်နေတယ်လို့ စိန်တောင်တန်းစစ်ရှောင်စခန်းမှ စိတ်ရောဂါသည်ရဲ့ အမဖြစ်သူကပြောပြပါတယ်။

” အရင်တစ်လောက ဝယ်လို့မရတော့ဘူးလေး။ လွိုင်ကော်မှာဝယ်လို့မရတော့ တောင်ကြီးမှာ မှာတယ်။ တောင်ကြီးမှာလည်း မရှိတော့ဘူးလေးနော်။ အဲ့တာ အခုဆို သူ့ဆေးက တစ်လနှစ်လစာပဲ ကျန်တော့တယ် အဲ့လိုမျိုးပေါ့” လို့ပြောပါတယ်။

ဒူးအကြောလွဲပြီး နေ့စဥ်ဒူးကိုက်ခဲတဲ့ဝေဒနာကိုခံစားနေရတဲ့ စိန်တောင်တန်း စစ်ရှောင်စခန်းရှိ မုဆိုးမတစ်ဦးဟာလည်း လိမ်းဆေးတွေ ပုံမှန်မလိမ်းနိုင်တာကြောင့် ညညအိပ်မပျော်ဘူးလို့တိုပါတယ်။

” ညအိပ်တဲ့ချိန်ဆို ကွေးလို့လည်းမရဘူး။ ဆန့်လည်းနာတယ်။ ကွေးလည်းနာတယ်။ နောက်ပြီးတော့ အရမ်းခံစားရတယ်။ အိပ်ရေးဝဝ ကောင်းကောင်း မအိပ်ရဘူး” လို့ သူမကပြောပါတယ်။

သူမအနေနဲ့ နေ့စဥ်နေ့တိုင်းစစ်ရှောင်စခန်းက ဆေးခန်းမှာသွားပြပေမယ့် သူမဝေဒနာကို သက်သာစေမယ့် ဆေးမရှိတာကြောင့် ဖြစ်နိုင်မယ်ဆိုရင် ဒူးနာပျောက်ဖို့ အနည်းဆုံးလိမ်းဆေးနဲ့ ဒူးပတ် ပတ်တီးလေးတွေ လိုချင်တယ်လို့ ဆိုပါတယ်။

ကရင်နီပြည် ဖရူဆို မြို့နယ် အနောက်ဖက်ခြမ်းမှာ စစ်ရှောင်နေတဲ့ လူဦးရေ ဟာ ၆ထောင်ကျော် ၇ထောင်နီးပါးရှိနေပြီး အဲဒီအထဲမှာ အခုလိုမသန်စွမ်းနဲ့ နာတာရှည်ရောဂါသည် ဦးရေဟာ ၁၀၀ ဝန်းကျင်လောက်ရှိတယ်လို့ သိရပါတယ်။

spot_imgspot_imgspot_imgspot_img

More from the blog

စစ်ကောင်စီတပ်မှ ပြည်သူများကိုအသုံးချပြီး ပစ္စည်းသယ်ယူနေတာကြောင့် ရှားတော-လွိုင်ကော်လမ်းကို ယာယီပိတ်ထား

ကန္တရ၀တီတိုင်း(မ်) စစ်ကောင်စီတပ်ဟာ ခရီးသွားလာနေတဲ့ပြည်သူတွေကို အသုံးချပြီး ကြားဖြတ်ရိက္ခာတွေ သယ်ယူ ခိုင်းနေတာကြောင့် ရှားတော-လွိုင်ကော်လမ်းကို မေလ ၁၆ ရက်က စပြီး ယာယီပိတ်ထားကြောင်း KNDF B-17က ထုတ်ပြန်ထားပါတယ်။ “သူတို့က ပေါ်တင်မလှုပ်ရှားဘဲနဲ့ ပြည်သူလူထုထဲကနေပြီး ရိက္ခာသယ်ခိုင်းတဲ့ဟာမျိုးတွေ ပြည်သူထဲကနေ လှုပ်ရှားတဲ့ခါကျတော့ ကျမတို့အတွက်အဆင်မပြေလို့ အဲဒါလေးတွေဖျက်ချင်လို့ပဲ ဒီလမ်းကို ကျမတို့ပိတ်ထားရတာဖြစ်တယ်”...

ဖယ်ခုံအင်းအရှေ့ဘက်ခြမ်းကို စစ်ကောင်စီက လေကြောင်းဖြင့် ဗုံးကျဲတိုက်ခိုက်၊ နှစ်ဖက် ကျဆုံးမှုရှိ

ကန္တာရဝတီတိုင်း( မ် ) ရှမ်းပြည်နယ်တောင်ပိုင်း၊ ဖယ်ခုံအင်းရှေ့ဘက်ခြမ်းကျေးရွာတွေမှာ ယမန်နေ့(မေလ ၁၅ ရက်နေ့ ) က တိုက်ပွဲဖြစ်ပွားခဲ့ပြီး စစ်ကောင်စီဘက်က လေကြောင်းသုံးပြုပြီး သုံးကြိမ် ဗုံးကျဲတိုက်ခိုက်ခဲ့တယ်လို့ ဖယ်ခုံ PDF တာဝန်ရှိသူ တစ်ဦးက ပြောပါတယ်။ “ ဂျက်တိုက်လေယာဉ်ကတော့ နှစ်စီးဗျ။ သူတို့ ဗုံးကျဲတာကတော့ သုံးခေါက်ကျဲသွားတယ်။...

မူးယစ်ဆေးသုံးနေတဲ့ ပြည်သူတစ်ဦးကို KNDF B-10 ထိန်းသိမ်းထား

ကန္တာရဝတီတိုင်း(မ်) မေလ ၁၂ ရက်နေ့က ဒီးမော့ဆိုမြို့နယ် ကရင်နီတပ်မတော် KA ၊ အမှတ်(၁)ခရိုင်ထဲက ကျေးရွာတစ်ရွာ မှာ မိသားစုဝင်က လာရောက်တိုင်ကြားတဲ့အတွက် မူးယစ်ဆေး သုံးစွဲနေတဲ့ ပြည်သူတစ်ဦးကို သွားရောက်ခေါ်ဆောင် ပြီး ထိန်းသိမ်းထားနေတယ်လို့ KNDF B-10 တပ်ရင်းမှူးက ပြောပါတယ်။ “ ကျနော်တို့ သူ့ကို...

ဒီမော့ဆိုအရှေ့ဖက်ခြမ်းမှာ မူးယစ်ဆေးဝါးအလုံး (၃၀၀၀) ခန့် ဖမ်းဆီးရမိ

ကန္တာရဝတီတိုင်း(မ်) ကရင်နီပြည် ဒီးမော့ဆိုအရှေ့ဖက်ခြမ်းရှိ အမှတ် (၁) ခရိုင်မှ ကရင်နီတပ်မတော် KA/ ကရင်နီအမျိုးသားကာကွယ်ရေးတပ် KNDF B-09 တို့ ပူးပေါင်းပြီး မေလ ၁၅ ရက်နေ့ ညနေ (၇) နာရီ ဝန်းကျင်မှာ မူးယစ်ဆေးဝါးရောင်းဝယ်ဖောက်ကားသူ သုံးဦးထံကနေ ဆေးပြား အလုံး (၃၀၀၀)...