spot_img
Thursday, December 1, 2022
spot_img

စစ်ရှောင်အများစုရှိတဲ့ ဒေါရောက်ခူကျေးရွာ လေကြောင်းဗုံးကြဲတိုက်ခိုက်ခံရ၊ နှစ်ဦးသေဆုံး

spot_imgspot_imgspot_imgspot_img

ကန္တာရဝတီတိုင်း(မ်)

ကရင်နီပြည် ဒီးမော့ဆိုမြို့ ဒေါရောက်ခူကျေးရွာကို စစ်ကောင်စီက တိုက်လေယာဉ်နဲ့ ဒီကနေ့ မတ်လ ၁၁ရက်နေ့ မနက် ၂နာရီဝန်းကျင်မှာ တစ်ကြိမ်၊ မနက် ၇နာရီဝန်းကျင်မှာတစ်ကြိမ် တိုက်လေယာဉ်နဲ့ လာရောက်ဗုံးကြဲခဲ့မှုကြောင့် အရပ်သား ၂ သေဆုံး ခဲ့ပါတယ်။

“မနက် ၂နာရီတစ်ခါ ဒေါရောက်ခူနားတစ်ဝိုက်ကြဲတယ်။ တစ်ဦးသေတယ်။ မနက် ၇နာရီ ထပ်လာကြဲတယ်။ စစ်ရှောင်တစ်ဦးသေ၊ တစ်ဦး ဒဏ်ရာရတယ်။ ဒေါရောက်ခူနားတစ်ဝိုက်ပါပဲ လောဆယ်။ တိုက်ပွဲမရှိပါ အဲ့နားတစ်ဝိုက် စစ်ရှောင်တွေပဲရှိတယ်။ စစ်ရှောင်တွေကို ဦးတည်တိုက်ခိုက်နေတယ်။ အသေးစိတ်မသိရသေးဘူး”လို့ KNDF သတင်းနှင့်ပြန်ကြားရေးတာဝန်ရှိသူတစ်ဦးက ပြောပါတယ်။

တိုက်လေယာဉ်နှစ်စီးနဲ့ လေကြောင်းအသုံးပြုတိုက်ခိုက်မှုကြောင့် ဒေါရောက်ခူဒေသခံအပါအဝင် စစ်ရှောင်ပြည်သူတွေက ထပ်မံထွက်ပြေးတိမ်းရှောင်ခဲ့ရပါတယ်။ တိုက်ပွဲဖြစ်ပွားခြင်းမရှိဘဲ အရပ်သားပြည်သူ စစ်ရှောင်ရှိရာနေရာတွေကို ပစ်မှတ်ထားတိုက်ခိုက်နေတာဖြစ်တယ်လို့ ဒေသခံကာကွယ်ရေးတပ်တွေက ပြောဆိုကြပါတယ်။

မတ်လ ဒုတိယပတ်အတွင်း စစ်ကောင်စီကနေ အရပ်သားပြည်သူရှိတဲ့ ဒီးမော့ဆိုမြို့နယ်အတွင်းက ဆောင်ဒူလာ၊ ဒေါငံခါး၊ ဒေါရောက်ခူကျေးရွာကို လေယာဉ်နဲ့ ဗုံးကြဲတိုက်ခိုက်ခဲ့ပါတယ်။
တိုက်ခိုက်မှုကြောင့် အရပ်သားထိခိုက်သေဆုံးမှုရှိတဲ့အပြင် ဘာသာရေးအအောက်အအုံ၊ လူနေအိမ်အချို့လည်း ထိခိုက်ပျက်စီးခဲ့ပါတယ်။

မိုးဗြဲမြို့က စတင်တဲ့ စစ်ကောင်စီတပ်တွေရဲ့ ထိုးစစ်ကြောင့် စစ်ကောင်စီတပ်နဲ့ ကရင်နီပူးပေါင်းတပ်ဖွဲ့တို့ တိုက်ပွဲဖြစ်ပွားနေတာ ရက်ပေါင်း ၂၀ ကျော်ရှိနေပြီဖြစ်ပါတယ်။ စစ်ကောင်စီတပ်က မြေပြင်မှာ တင့်ကားအသုံးပြုမှုအပြင် လေကြောင်းပစ်ကူသုံးပြီး တိုက်ခိုက်နေတာဖြစ်ပါတယ်။ တိုက်ပွဲအတွင်း နှစ်ဖက်အကျအဆုံးလည်း ရှိခဲ့ပါတယ်။

spot_imgspot_imgspot_imgspot_img

More from the blog

သေးဆူလဲ – နန်းမယ်ခုံ ကျေးရွာ တစ်ကြောမှာ စစ်ကောင်စီတပ်ပြန်ဆုတ်ခွာ၊ စစ်ရေးတင်းမာနေသေး

ကန္တာရဝတီတိုင်း( မ် ) ဒီးမော့ဆိုမြို့ နယ် သေးဆူလဲ - နန်းမယ်ခုံ ကျေးရွာ တစ်ကြောမှာ စစ်ကောင်စီတပ် မနေ့က ( နိုဝင်ဘာလ ၃၀ ရက်နေ့ ) စပြီး ပြန်လည်ဆုတ်ခွာသွားတယ်လို့ ကရင်နီပြည် ကာကွယ်ရေး ဒု-ဝန်ကြီး ခူဒယ်နီယာယ်က ပြောပါတယ်။ “နှစ်ရက်သုံးရက်လောက်ရှိပြီ။ သေးဆူလဲ-...

စစ်ရှောင်နေအိမ်အမိုးပိုကြာရှည်ခံဖို့ မိုးကာအစား သက်ကယ်ကို အစားထိုးအသုံးပြု

ကေးဒူ (ကန္တာရဝတီ တိုင်း(မ်)) ကရင်နီပြည်တွင်းက စစ်ဘေးရှောင်အိမ်တွေမှာ ယခင်က မိုးကာနဲ့ အသုံးပြုပေမယ့် တစ်နှစ်မှာ မိုးကာ နှစ်ခါ သို့မဟုတ် သုံးခါ လဲလှယ်ရတဲ့အတွက် အဲဒီအစား တစ်နှစ်စာပိုခံနိုင်ဖို့ စစ်ရှောင်တွေဟာ သက်ကယ်ကို ရှာပြီးတော့ ရိတ်ယူနေကြပါတယ်။ ဒီးမော့ဆို အရှေ့ဘက်ခြမ်း စစ်ရှောင်စခန်းမှာ နေထိုင်တာ တစ်နှစ်ကျော်ပြီဖြစ်တဲ့ အာဒြေးကိုကတော့...

စစ်ရှောင်စာသင်ကျောင်းတစ်ခုမှာ သင်ပုန်းမလုံလောက်၊ မိုးကာပေါ် စာရေးသင်ကြားနေရ

ကန္တာရဝတီတိုင်း( မ် ) ဒီးမော့ဆိုအနောက်ဖက်ခြမ်း စစ်ရှောင်စာသင်ကျောင်းတစ်ခုမှာ KG တန်းအတွက် စာသင်ပုန်းမလုံလောက်တဲ့အတွက် ကျောင်းက အမိုးအကာ ပေါ်မှာ စာရေးသင်ကြားပေးနေရတယ်လို့ ဆရာမ တစ်ဦးက ပြောပါတယ်။ "ကျမတို့ KG တန်းမှာ White Board မရှိတော့ ဆရာမတစ်ယောက်ကနေပြီးတော့ မိုးကာပေါ်မှာဘဲ စာရေးပေးရတယ် အဲလိုမျိုးပေါ့။" လို့...

ယင်းတလဲစာပေတွေကို စာသင်ကျောင်းတွေမှာ ထည့်သွင်း သင်ကြားပေးနေ

ကန္တာရဝတီတိုင်း( မ် ) ကရင်နီပြည်ထဲမှာရှိတဲ့ ယင်းတလဲ လူမျိုးစု အနေနဲ့ လူမျိုးမပျောက်ကွယ်အောင် စာပေတွေကို ယင်းတလဲလူမျိုးတွေ အများစုနေထိုင်တဲ့ဒေသက စာသင်ကျောင်းတွေမှာ ဘာသာရပ်တစ်ခုအနေနဲ့ စတင်သင်ကြားပေးနေပြီလို့ ယင်းတလဲလူမျိုး တစ်ဦးက ပြောပါတယ်။ “လူမျိုးလည်း နည်းလာပြီပေါ့နော။ လူမျိုးနည်းလာတော့ အခုကလည်း ဘယ်လိုပြောရမလဲ။ ယဉ်ကျေးမှုပဲ လွှမ်းမိုးတာလား။ လူမျိုးအချင်းချင်းကပဲ လွှမ်းမိုးတာပဲဖြစ်ဖြစ်...