spot_img
Monday, May 16, 2022
spot_img

စံပြ၆မိုင်မှာ မီးရှို့ခံထားရတဲ့ ရုပ်အလောင်းတစ်ခုတွေ့ရှိ

ကန္တာရဝတီတိုင်း( မ် )

ဒီးမော့ဆိုမြို့နယ် စံပြ၆မိုင်ကျေးရွာမှာ နယ်မြေရှင်းလင်းရေး ပြုလုပ်ရင်း မီးရှို့ခံထားရတဲ့ ရုပ်အလောင်းတစ်ခုကို တွေ့ရှိခဲ့တယ်လို့ KNDF B-09 က သတင်းထုတ်ပြန်ပါတယ်။

“ သူတို့ မီးရှို့ထားတဲ့ အလောင်းကတော့ လက်ကိုနောက်ပစ်ထားပြီးတော့ ကြိုးတုတ်ထားပြီးတော့ သူတို့ မီးရှို့ထားတယ်။ အဲ့လိုမျိုးတော့ တွေ့ရတယ်။ ဒါပေမယ့် အဲ့ဒီလက်တွေက အကုန်မလောင်သေးတာတော့ တွေ့ရတယ်ပေါ့နော။ ဒါကြောင့် ကျနော်တို့ မီးသွားပြန်ရှို့လိုက်တာပေါ့နော။ ဒီတွေ့တာကတော့ မနေ့ညက သွားတွေ့တာ။ “ လို့ နယ်မြေရှင်းလင်းရေးမှာပါဝင်တဲ့ KNDF B-09 တာဝန်ရှိသူ တစ်ဦးက ပြောပါတယ်။

ရုပ်အလောင်းမှာ မျက်နှာမီးလောင်ပျက်စီးသွားတဲ့အတွက် မည်သူဆိုတာကိုတော့ အတည်မပြုနိုင်ဘူးလို့ ဆိုပါတယ်။

ပြီးခဲ့တဲ့ မတ်လ ၂၃ရက်နေ့မှာလည်း ရိက္ခာပြန်ယူရင်း အသတ်ခံလိုက်ရတဲ့ အရပ်သား ၅ဦးထဲက သုံးဦးရဲ့ အလောင်းကို KNDF B-09 က ရှာဖွေတွေ့ရှိခဲ့ပါတယ်။

ကရင်နီပြည်မှာ စစ်အာဏာသိမ်းပြီးနောက်ပိုင်း အရပ်သားသတ်ဖြတ်ခံရမှု ၂၄၀ဦးအထိရှိသွားပြီလို့ ကရင်နီလူမှုအသင်းအဖွဲ့များကွန်ရက် ( KCSN ) က မတ်လ ၃၀ရက်နေ့မှာ ထုတ်ပြန်ထားပါတယ်။

spot_imgspot_imgspot_imgspot_img

More from the blog

စစ်ကောင်စီတပ်မှ ပြည်သူများကိုအသုံးချပြီး ပစ္စည်းသယ်ယူနေတာကြောင့် ရှားတော-လွိုင်ကော်လမ်းကို ယာယီပိတ်ထား

ကန္တရ၀တီတိုင်း(မ်) စစ်ကောင်စီတပ်ဟာ ခရီးသွားလာနေတဲ့ပြည်သူတွေကို အသုံးချပြီး ကြားဖြတ်ရိက္ခာတွေ သယ်ယူ ခိုင်းနေတာကြောင့် ရှားတော-လွိုင်ကော်လမ်းကို မေလ ၁၆ ရက်က စပြီး ယာယီပိတ်ထားကြောင်း KNDF B-17က ထုတ်ပြန်ထားပါတယ်။ “သူတို့က ပေါ်တင်မလှုပ်ရှားဘဲနဲ့ ပြည်သူလူထုထဲကနေပြီး ရိက္ခာသယ်ခိုင်းတဲ့ဟာမျိုးတွေ ပြည်သူထဲကနေ လှုပ်ရှားတဲ့ခါကျတော့ ကျမတို့အတွက်အဆင်မပြေလို့ အဲဒါလေးတွေဖျက်ချင်လို့ပဲ ဒီလမ်းကို ကျမတို့ပိတ်ထားရတာဖြစ်တယ်”...

ဖယ်ခုံအင်းအရှေ့ဘက်ခြမ်းကို စစ်ကောင်စီက လေကြောင်းဖြင့် ဗုံးကျဲတိုက်ခိုက်၊ နှစ်ဖက် ကျဆုံးမှုရှိ

ကန္တာရဝတီတိုင်း( မ် ) ရှမ်းပြည်နယ်တောင်ပိုင်း၊ ဖယ်ခုံအင်းရှေ့ဘက်ခြမ်းကျေးရွာတွေမှာ ယမန်နေ့(မေလ ၁၅ ရက်နေ့ ) က တိုက်ပွဲဖြစ်ပွားခဲ့ပြီး စစ်ကောင်စီဘက်က လေကြောင်းသုံးပြုပြီး သုံးကြိမ် ဗုံးကျဲတိုက်ခိုက်ခဲ့တယ်လို့ ဖယ်ခုံ PDF တာဝန်ရှိသူ တစ်ဦးက ပြောပါတယ်။ “ ဂျက်တိုက်လေယာဉ်ကတော့ နှစ်စီးဗျ။ သူတို့ ဗုံးကျဲတာကတော့ သုံးခေါက်ကျဲသွားတယ်။...

မူးယစ်ဆေးသုံးနေတဲ့ ပြည်သူတစ်ဦးကို KNDF B-10 ထိန်းသိမ်းထား

ကန္တာရဝတီတိုင်း(မ်) မေလ ၁၂ ရက်နေ့က ဒီးမော့ဆိုမြို့နယ် ကရင်နီတပ်မတော် KA ၊ အမှတ်(၁)ခရိုင်ထဲက ကျေးရွာတစ်ရွာ မှာ မိသားစုဝင်က လာရောက်တိုင်ကြားတဲ့အတွက် မူးယစ်ဆေး သုံးစွဲနေတဲ့ ပြည်သူတစ်ဦးကို သွားရောက်ခေါ်ဆောင် ပြီး ထိန်းသိမ်းထားနေတယ်လို့ KNDF B-10 တပ်ရင်းမှူးက ပြောပါတယ်။ “ ကျနော်တို့ သူ့ကို...

ဒီမော့ဆိုအရှေ့ဖက်ခြမ်းမှာ မူးယစ်ဆေးဝါးအလုံး (၃၀၀၀) ခန့် ဖမ်းဆီးရမိ

ကန္တာရဝတီတိုင်း(မ်) ကရင်နီပြည် ဒီးမော့ဆိုအရှေ့ဖက်ခြမ်းရှိ အမှတ် (၁) ခရိုင်မှ ကရင်နီတပ်မတော် KA/ ကရင်နီအမျိုးသားကာကွယ်ရေးတပ် KNDF B-09 တို့ ပူးပေါင်းပြီး မေလ ၁၅ ရက်နေ့ ညနေ (၇) နာရီ ဝန်းကျင်မှာ မူးယစ်ဆေးဝါးရောင်းဝယ်ဖောက်ကားသူ သုံးဦးထံကနေ ဆေးပြား အလုံး (၃၀၀၀)...