spot_img
Sunday, February 5, 2023
spot_img

တိုက်ပွဲ ဖြစ်ပွားခြင်းမရှိပဲ ကျေးရွာတွေဆီ စစ်ကောင်စီ လက်နက်ကြီး ၈ လုံး ပစ်ခတ်ခဲ့

spot_imgspot_imgspot_imgspot_img

ကန္တာရဝတီတိုင်း(မ်)

ယမန့်နေ့ (ဇူလိုင် ၆ရက်) မှာ စစ်ကောင်စီက တိုက်ပွဲ ဖြစ်ပွားခြင်းမရှိပဲ လက်နက်ကြီး ပစ်ခတ်ခဲ့ပြီး ဒီးမော့ဆို အရှေ့ဖက်ခြမ်း က ဒေါတမကြီးနဲ့ ဖဲလျားကျေးရွာ တွေဆီ လက်နက်ကြီး ကျရောက်ခဲ့တယ်လို့ သိရပါတယ်။

ဒေါမတကြီး ကျေးရွာအတွင်း မှာ လက်နက်ကြီး ၆လုံး ကျရောက်ခဲ့ပြီး ဖဲလျားကျေးရွာမှာ လက်နက်ကြီး ၂လုံး ကျရောက်ခဲ့တယ်လို့ ကရင်နီလူ့အခွင့်အရေး အဖွဲ့ (KnHRG) က ဒီကနေ့ (ဇူလိုင် ၇ရက်) ထုတ်ပြန်ထားပါတယ်။

“ ထိခိုက်မှုကတော့ လူထိခိုက်မှု ဘာညာ မရှိဘူးလို့ ပြောတယ်။ဘယ်တပ်ကလဲဆို ခန့်မှန်းခြေပဲ ပြောလို့ရမှာပေါ့။ တပ်ကလည်း ၂ခု ကပ်ရပ်ရှိနေတော့ ၁၀၂ မဟုတ်ရင် ၄၂၇ အဲ့နှစ်ခုထဲက တစ်ခုပဲပေါ့။ “ လို့ KNDF သတင်းနဲ့ ပြန်ကြားရေး တာဝန်ရှိသူ တစ်ဦးက ပြောပါတယ်။

ဒေါတမကြီး ကျေးရွာမှာတော့ နံနက် ၁၁နာရီ ၄၈ မိနစ်မှာ လက်နက်ကြီး ၄ လုံး နဲ့ ညနေ ၆နာရီ ၁၉ မိနစ်မှာ (၂) လုံး ပစ်ခတ်ခဲ့ပြီး ဖဲလျားကျေးရွာမှာတော့ ညနေ ၆နာရီ မှာ လက်နက်ကြီး (၂) လုံး ပစ်ခတ်ခဲ့တာဖြစ်တယ်လို့ ကရင်နီလူ့အခွင့်အရေး အဖွဲ့ ထုတ်ပြန်ချက် အရ သိရပါတယ်။

လူထုကျေးရွာအတွင်း ရည်ရွယ်ချက်ရှိရှိ ပစ်ခတ်တာက စစ်ရာဇဝတ်မှုမြောက် တဲ့အပြင် ကျေးရွာတွေကို ဦးတည်ပစ်ခတ်တဲ့အတွက် လူသားမျိုးနွယ်စုအပေါ် ရာဇဝတ်မြောက်တဲ့ ရာဇဝတ်မှု ဖြစ်တယ်လို့ ထုတ်ပြန်ချက်မှာ ပါရှိပါတယ်။

ဒီးမော့ဆို အရှေ့ဖက် ခြမ်း ကျေးရွာတွေမှာဆိုရင် စစ်ကောင်စီ လက်နက်ကြီး ပစ်ခတ်မှုကြောင့် နေအိမ်ထိမှန်တာတွေ၊ ဒေသခံ ထိခိုက်ဒဏ်ရာရတာတွေ၊ သေဆုံးတာတွေလည်း ရှိခဲ့ပါတယ်။ ပြီးခဲ့တဲ့ ဇွန်လ ၃ ရက်နေ့မှာဆိုရင် တိုက်ပွဲ ဖြစ်ပွားခြင်း မရှိပဲ ဒီးမော့ဆို အရှေ့ဖက်ခြမ်း ကျေးရွာ တစ်ရွာမှာ လက်နက်ကြီး လေးလုံး ကျရောက်ခဲ့ပြီး ဒေသခံ အမျိုးသားတစ်ဦး လက်နက်ကျည်စထိမှန် သေဆုံးခဲ့တာ ရှိပါတယ်။

spot_imgspot_imgspot_imgspot_img

More from the blog

လွိုင်ကော်တိုက်ပွဲအတွင်း စစ်ကောင်စီ (၁၅)ဦး ထက်မနည်းသေဆုံး၊ လက်နက်ကြီးပစ်ခတ်မှုကြောင့် ဘုရားကျောင်းအပါအဝင် နေအိမ်ပျက်စီးမှုရှိ

ကန္တာရဝတီတိုင်း(မ်) ကရင်နီပြည် လွိုင်ကော်မြို့နယ်တစ်နေရာမှာ ယမန်နေ့ (ဖေဖော်ဝါရီ ၄ရက်) ည အချိန် စစ်ကောင်စီတပ်နဲ့ ကရင်နီဒေသခံကာကွယ်ရေးပူးပေါင်းတပ်တို့ တိုက်ပွဲပြင်းထန်ခဲ့ပြီး နှစ်ဖက်ထိခိုက်ကျဆုံးမှုရှိခဲ့တယ်လို့ ကရင်နီတပ်မတော် စစ်ရေးချုပ် ဗိုလ်မှူးကြီး ဘုန်းနိုင် ကပြောပါတယ်။ “ ရန်သူဖက် ၁၅ယောက်သေတယ်လို့ ပြောတယ်။ ကျနော်တို့ဖက် KNDFက တစ်ယောက် ဒဏ်ရာရတယ်။ PDFဖက်က...

မိုးဗြဲစျေးမှာ အမျိုးသားတစ်ဦး သေနတ်ပစ်ခတ်ခံရ၊ ဈေးပိတ်သိမ်းခဲ့

ကန္တာရဝတီတိုင်း( မ် ) ဒီကနေ့ ဖေဖော်ဝါရီလ ၄ ရက်နေ့ နေ့ လည် ၁၂ နာရီ ဝန်းကျင်အချိန်မှာ ရှမ်း- ကရင်နီနယ်စပ် မိုးဗြဲမြို့ စျေးထဲ အမျိုးသားတစ်ဦး သေနတ်နဲ့ ပစ်ခတ်ခံရတယ်လို့ မျက်မြင်ဒေသခံတွေဆီကနေ သိရပါတယ်။ “စျေးထဲမှာ လူတစ်ယောက် သေနတ်နဲ့ ပစ်ခံရတယ်လေ။ နောက်ကျနော်ကြည့်တဲ့အခါတော့...

လွိုင်ကော်အရှေ့ဘက်ခြမ်းရှိ စစ်ရှောင်ဆေးခန်းတစ်ခု လေကြောင်းတိုက်ခိုက်ခံရ

ကန္တာရဝတီတိုင်း( မ် ) ယမန်နေ့ (ဖေဖော်ဝါရီလ ၃ရက်) က ကရင်နီပြည် လွိုင်ကော်မြို့ အရှေ့ဘက်ခြမ်းမှာ တိုက်ပွဲဖြစ်ပွားခြင်းမရှိဘဲ လေကြောင်းနဲ့ ဗုံးကျဲတိုက်ခိုက်ခံရမှုကြောင့် စစ်ဘေးရှောင်ဆေးခန်းတစ်ခု မီးလောင်ပျက်စီးသွားတယ်လို့ ကရင်နီပြည်ထဲရေးဝန်ကြီးဌာနမှ ပြည်ထဲရေးဝန်ကြီး ခူညေးရယ်က ပြောပါတယ်။ “ မနေ့ည ၆နာရီ ခွဲပေါ့ အဲ့မှာ လေယာဉ်တစ်စင်းနဲ့ လာပစ်တယ်။...

ကရင်နီပြည်မှာ ဇန်နဝါရီလ တစ်လအတွင်း တိုက်ပွဲ (၃၆)ကြိမ်ဖြစ်ပွားခဲ့ပြီး နှစ်ဖက်ထိခိုက်ကျဆုံးမှုရှိခဲ့

ကန္တာရဝတီတိုင်း(မ်) ကရင်နီပြည်မှာ ဇန်နဝါရီတစ်လအတွင်း စစ်ကောင်စီတပ်နဲ့ ထိတွေ့တိုက်ပွဲပေါင်း (၃၆)ကြိမ်ဖြစ်ပွားခဲ့ပြီး စစ်ကော်စီဖက် (၂၂)ဦး သေဆုံးခဲ့သလို KNDFမှရဲဘော် ၅ဦး ကျဆုံးခဲ့တယ်လို့ ကရင်နီအမျိုးသားများကာကွယ်ရေးတပ် (KNDF)က ဒီကနေ့ (ဖေဖော်ဝါရီ ၃ရက်နေ့ ) မှာ သတင်းထုတ်ပြန်ပါတယ်။ တိုက်ပွဲအတွင်း နှစ်ဖက်အကျအဆုံးရှိခဲ့သလို လက်ရှိအချိန်ထိ ဒီးမော့ဆိုအရှေ့ဖက်ခြမ်းမှာ ဇန်နဝါရီလ ဒုတိယအပတ်ကတည်းက...