spot_img
Friday, December 2, 2022
spot_img

ဒီမော့ဆိုမြို့နယ်မှ သုံးဦး မိုးကြိုးထိမှန်၍သေဆုံး

spot_imgspot_imgspot_imgspot_img

ကန္တာရဝတီတိုင်း(မ်)

ဒီမော့ဆိုမြို့တွင် လေတိုက် မိုးသည်းထန်းစွာရွာပြီး လယ်ကွင်းမှာ အလုပ်လုပ်နေသူ သုံးဦး မိုးကြိုးထိမှန်၍သေဆုံးသွားတယ်လို့ ဒီးမော့ဆိုမြို့မရဲစခန်းကနေ သိရပါတယ်။

မေလ ၁၁ရက်နေ့ မွန်းလွဲပိုင်း ၂နာရီဝန်းကျင်ခန့်တွင် ငွေတောင်ကျေးရွာအုပ်စု၊ ညောင်ကုန်းစိုက်ကွင်းမှာလယ်စိုက်နေတဲ့ အသက်(၄၁)နှစ်အရွယ်အမျိုးသမီးတစ်ဦး နဲ့ ၎င်းရဲ့သမီး အသက်(၇)နှစ်အရွယ် ကလေးငယ်တစ်ဦး မိုးကြိုးထိမှန်၍ ဒီမော့ဆိုဆေးရုံရောက်ရှိနေကြောင်းသိရပြီး ၎င်းတို့နှစ်ဦးမှာ ဒီမော့ဆိုမြို့၊ ဒေါငံခါးကျေးရွာမှာနေထိုင်သူများဖြစ်ကြောင်း သိရပါတယ်။

၎င်းတို့အပိုင် လယ်ကွင်းမှာ စပါးစိုက်ပျိုးနေစဉ် မိုးကြိုးထိမှန်၍ သေဆုံးသွားခဲ့တာပဲဖြစ်ပါတယ်။

နောက်တစ်ဦးမှာ မွန်းလွဲပိုင်း သုံးနာရီခန့်က နန်းမယ်ခုံတိုက်နယ်ဆေးရုံသို့ မိုးကြိုးပစ်ခံရသူ အမျိူးသားတစ်ဦးရောက်ရှိတဲ့အကြောင်း ဒီမော့ဆိုရဲစခန်းကိုအကြောင်းကြားခဲ့တာကြောင့် ရဲအုပ်နောင်စိုး ဦးစီးအဖွဲ့မှ သွားရောက်စိစစ်ခဲ့ပါတယ်။

သေဆုံးသူအမျိုးသားမှာ အိုကေအုပ်စု၊ အိုကေကျေးရွာနေသူဖြစ်ပြီး လယ်ကွင်းမှာ ထွန်စက်ဖြင့်လယ်ထွန်နေစဉ် မိုးကြိုးထိမှန်၍ သေဆုံးခဲ့ပါတယ်။

၎င်းတို့သုံးဦး ဓမ္မတာအတိုင်းသေဆုံးခြင်းဟုတ်/မဟုတ် အမှုဖွင့် အရေးယူဆောင်ရွက်သွားမယ်လို့ သိရပါတယ်။

Related Stories