spot_img
Thursday, February 9, 2023
spot_img

ဒီးမော့ဆိုမြို့နယ် CDMမီးသတ်တပ်ဖွဲ့ ဖွဲ့စည်းပြီး ပြည်သူ့အကျိုးပြု ဆောင်ရွက်သွားမည်

spot_imgspot_imgspot_imgspot_img

ကန္တာရဝတီတိုင်း(မ်)

၂၀၂၂ခုနှစ် ဖေဖော်ဝါရီလ (၇)ရက်နေ့ မနေ့မှာ ဒီးမော့ဆိုမြို့နယ် CDMမီးသတ်တပ်ဖွဲ့ ဖွဲ့စည်းခဲ့ပြီး ပြည်သူ့အကျိုးပြုလုပ်ငန်းတွေကို အဓိက ဆောင်ရွက်သွားမယ်လို့ ဒီးမော့ဆိုမီးသတ် တပ်ကြပ်ကြီး တာဝန်ထမ်းဆောင်ခဲ့တဲ့ CDMမီးသတ်တပ်ဖွဲ့ဝင် ကိုဂျိုးက ကန္တာရဝတီတိုင်း(မ်)ကို ပြောပါတယ်။

“ကျနော်တို့ အစွမ်းကုန်ပေါ့နော၊ ကျနော်တို့ တတ်နိုင်တဲ့ဖက်က ကျနော်တို့ ပြည်သူကို ကျနော်တို့ ပြန်ပြီးတော့ အကျိုးပြုပေးဖို့ပေါ့။ အဲ့လိုမျိုးတော့ ကျနော်တို့ သံဓိဌာန် ချထားတယ်။ ဆုံးဖြတ်ချက်ချထားတယ်ပေါ့။ အဓိက ပြည်သူကို ပြန်ကြည့်ဖို့ပါပဲ၊ ကျနော်တို့ ရည်ရွယ်ချက်ကတော့။“ လို့ CDMမီးသတ်တပ်ဖွဲ့ဝင် ကိုဂျိုးက ကန္တာရဝတီတိုင်း(မ်)ကို ပြောပါတယ်။

ဒီးမော့ဆိုမြို့နယ် CDMမီးသတ်တပ်ဖွဲ့ မှာ CDMပြုလုပ်ခဲ့တဲ့ မီးသတ်တပ်ဖွဲ့ဝင် တချို့ပါဝင်ကြပြီး လက်ရှိမှာတော့ ခန့်မှန်းခြေ လူဦးရေ (၂၀)ဝန်းကျင်ရှိနေပြီလို့ သိရပါတယ်။ မီးငြိမ်းသတ်ရေး၊ ရှာဖွေကယ်ဆယ်ရေး စတာတွေကိုလည်း ဆောင်ရွက်နိုင်အောင် ကြိုးစားသွားမှာဖြစ်တယ်လို့ ဆိုပါတယ်။

လက်ရှိမှာတော့ စစ်ရှောင်စခန်းတွေ၊ ကျေးရွာတွေမှာ ရေရှားမှု စတင်ကြုံတွေ့နေရတဲ့ ပြည်သူတွေကို ရေလှူတာတွေ အဓိက ဆောင်ရွက်နေတာဖြစ်ပါတယ်။ ဒီးမော့ဆိုမြို့နယ် CDMမီးသတ်တပ်ဖွဲ့ဟာဆိုရင် လက်ရှိ ဒီးမော့ဆိုမြို့နယ်မှာသာ လက်လှမ်းမှီသလောက် ဆောင်ရွက်ပေးနိုင်သေးတယ်လို့ ဆိုပါတယ်။

“ ရေလှူတာကတော့ ကျနော်တို့ အခုမှ မဟုတ်ဘူးဗျ။ ကျနော်တို့ ပြီးခဲ့တဲ့ ၂၀၂၁ ခြောက်လပိုင်း လောက်ကတည်းကကို ကျနော်တို့ လှူနေတာပေါ့နော။ ဒီးမော့ဆို အရှေ့ခြမ်း နောက်ခြမ်း ပေါ့ အဲ့လို ခွဲထားတာပေါ့ နှစ်ဖွဲ့။ ရှေ့ဖက်ခြမ်း တစ်ဖွဲ့လှူတယ်။ နောက်ဖက်ခြမ်းတစ်ဖွဲ့လှူတယ် အဲ့လိုပေါ့။ “

စစ်ရှောင်စခန်းတွေလည်း များတဲ့အတွက် တစ်ပတ်တစ်ကြိမ်လောက်သာ လှူပေးနိုင်တာတွေရှိပြီး တခြားပရဟိတအသင်းတွေနဲ့ ပူးပေါင်းပြီး ဆောင်ရွက်သွားဖို့လည်း ရှိတယ်လို့ ဆက်ပြောပါတယ်။

ကယားပြည်နယ် မီးသတ်တပ်ဖွဲ့ဟာဆိုရင် (၁၂-၂-၂၀၂၁)ကစပြီး အာဏာရှင်ဖီဆန်ရေးလှုပ်ရှားမှု (CDM)မှာ စတင်ပါဝင်လာခဲ့ကြတာဖြစ်ပါတယ်။

ဒီးမော့ဆိုမြို့နယ် CDMမီးသတ်တပ်ဖွဲ့အနေနဲ့ အမျိုးသားညီညွှတ်ရေးအစိုးရ(NUG)၊ မြန်မာနိုင်ငံဆိုင်ရာ CDMမီးသတ်ဝန်ထမ်းများ ကိုယ်စားပြုကော်မတီ၊ တိုင်းရင်းသားလက်နက်ကိုင်အဖွဲ့အစည်းများ၊ ကရင်နီပြည်နယ်ရဲတပ်ဖွဲ့၊ ပြည်သူ့ကာကွယ်ရေးတပ်ဖွဲ့တွေ၊ ပရဟိတအသင်းတွေ၊ NGOs, INGOs စတဲ့ အဖွဲ့အစည်းတွေနဲ့လည်း ချိတ်ဆက်ဆောင်ရွက်သွားမှာ ဖြစ်တယ်လို့ သိရပါတယ်။

spot_imgspot_imgspot_imgspot_img

More from the blog

စစ်ရှောင်တွေ မွေးမြူတဲ့ကြက် အနာကျပြီး သေဆုံးမှုရှိ

ကန္တာရဝတီတိုင်း(မ်) ကရင်နီပြည် ဒီးမော့ဆိုမြို့နယ် အရှေ့ဘက်ခြမ်း စစ်ရှောင်စခန်းတစ်နေရာမှာ ပြီးခဲ့တဲ့ ဇန်နဝါရီလကစပြီး အာဟာရဓါတ်ရဖို့ မွေးမြူတဲ့ကြက်တွေ အနာကျ သေဆုံးတာတွေ ရှိတယ်လို့ စစ်ရှောင်တွေက ပြောပါတယ်။ တောင်ယာလုပ်ငန်းမှာလည်း ရိုးရာအရ ကြက်ရိုးထိုးရတာတွေ ရှိသလို ကျောင်းနေ အရွယ်ကလေး အာဟာရဓါတ် တိုက်ကျွေးမှုမှာလည်း အများအားဖြင့် ကြက်ကို အသုံးပြုကြတာကြောင့် အခုလို...

စစ်ကောင်စီရဲ့ အင်အားအလုံးအရင်း ထိုးစစ်ဆင်မှုကြောင့် မိုးဗြဲ-ပီကင်းလမ်း ယာယီပိတ်ထား

ကန္တာရဝတီတိုင်း(မ်) မိုးဗြဲမြို့မှာ ယမန်နေ့ (ဖေဖော်ဝါရီ ၇ရက်နေ့) က အင်အားအလုံးအရင်း ထိုးစစ်ဆင်လာတဲ့ စစ်ကောင်စီနဲ့ ထိတွေ့တိုက်ပွဲဖြစ်ပွားခဲ့ပြီး လက်ရှိမှာစစ်ကောင်စီဖက် လှုပ်ရှားမှု ရှိနေဆဲဖြစ်တဲ့အတွက် မိုးဗြဲ-ပီကင်းလမ်း ကိုလည်း ရက်အကန့်အသတ်မရှိ ယာယီပိတ်ထားတယ်လို့ မိုးဗြဲPDFတာဝန်ရှိသူတစ်ဦး ကပြောပါတယ်။ “ လောလောဆယ် မိုးဗြဲက မနေ့က စစ်ကောင်စီဖက်က အင်အားအလုံးအရင်းနဲ့ ထိုးတက်လာတော့...

စစ်ရှောင်စခန်းတစ်ခုမှာ ကိုယ်ပိုင်ဝင်ငွေတွေ ရနိုင်ဖို့ တစ်ပိုင်တစ်နိုင် မွေးမြူရေးပြုလုပ်

ကန္တာရဝတီတိုင်း(မ်) ဒီးမော့ဆိုအနောက်ခြမ်းမှာရှိတဲ့ သစ်ယားတောစစ်ရှောင်စခန်းမှ စစ်ရှောင်တွေဟာ တစ်ပိုင်တစ်နိုင် မွေးမြူရေးကို လုပ်ကိုင်ကြပါတယ်။ စစ်ရှောင်အိမ်တိုင်းလိုလို မွေးမြူရေးကို လုပ်ကိုင်ကြပြီး အဓိက ကြက် နဲ့ ဝက်ကို မွေးမြူကြတာဖြစ်ပါတယ်။ အခုလို တစ်ပိုင်တစ်နိုင်မွေးမြူရေး လုပ်ရတာဟာ နောင်တစ်ချိန် ရိက္ခာပစ္စည်းတွေလာရောက်ထောက်ပံ့ခြင်း မရှိတော့ရင် ကိုယ်ပိုင် ဝင်ငွေရစေဖို့ဖြစ်တယ် လို့ စစ်ရှောင်အမျိုးသမီးတစ်ဦးက အခုလိုပြောပါတယ်။ " နောင်တစ်ချိန်မှာ...

ဒိုယှက် စစ်ဘေးဒုက္ခသည်စခန်းမှာ ၅ နှစ်အောက် ကလေးငယ်တွေ ကာကွယ်ဆေး မထိုးနှံရသေး

CJ ကန္တာရဝတီတိုင်း(မ်) ကရင်နီပြည် ဖရူဆိုမြို့နယ် အနောက်ဘက်ခြမ်း ဒိုယှက် စစ်ဘေးဒုက္ခသည်စခန်းမှာ ၅ နှစ်အောက် ကလေးငယ်တွေ ကာကွယ်ဆေး မထိုးနှံရသေးတာကြောင့် ထိုးနှံဖို့ လိုအပ်နေတယ်လို့ ဒိုယှက် စစ်ဘေးဒုက္ခသည် ကော်မတီဝင်တစ်ဦးထံကနေ သိရပါတယ်။ ဒိုယှက် စစ်ဘေးဒုက္ခသည်စခန်း အနေနဲ့ ယခင်နှစ်ကတည်းက ၅ နှစ်အောက် ကလေးငယ်တွေ စာရင်းပြုစုထားတာရှိပေမယ့်...