spot_img
Wednesday, August 10, 2022
spot_img

ဒီးမော့ဆိုမြို့ စစ်ရှောင်စခန်းတစ်ခုမှာ မူလတန်းကလေး ၃၉ ယောက် အတန်းတင်လက်မှတ်ပေး

spot_imgspot_imgspot_imgspot_img


ကန္တာရဝတီတိုင်း ( မ် )

ဒီးမော့ဆို အနောက်ဘက်ခြမ်း စစ်ရှောင်စခန်းတစ်ခုမှာ မူလတန်းကလေးတွေကို ၆ လသာ ပညာသင်ကြားမှု ပြုလုပ်ပြီးတဲ့နောက် ကျောင်းသူ/သား ၃၉ ယောက် အတန်းတင်လက်မှတ် ပေးအပ်ခဲ့တယ်လို့ သင်ကြားပေးခဲ့တဲ့ ဆရာမ မာတီးနာက ပြောပါတယ်။

အခုလို ပေးအပ်ရတဲ့ အကြောင်းအရင်းနဲ့ပတ်သက်ပြီး ဆရာမ မာတီးနာက အခုလိုရှင်းပြပါတယ်။

“ ကျမတို့က ကလေးတွေကို ယာယီအတန်းပြီးမြောက်ကြောင်း လက်မှတ်တစ်ခုကို ပေးသွားခဲ့တယ်ပေါ့နော။ ဘာကြောင့်လဲဆိုလို့ရှိရင် ဒီကလေးဟာ ဘယ်အတန်းစာကို လေ့လာခဲ့ပြီးပြီလဲ။ ဒါဆိုရင် အကယ်၍နောက် စစ်ရှောင်စခန်းသစ်မှာ ထပ်ပြောင်းရွေ့ခဲ့ရမယ်ဆိုလို့ရှိရင် ကလေးက ဘယ်အတန်းကို လေ့လာခဲ့ပြီးပြီလဲဆိုရင် ဘယ်အတန်းကို ဆက်ပြီးတော့ လေ့လာခဲ့ပြီးပြီလဲဆိုရင် အဆုံးအဖြတ်တစ်ခုဆိုရင်လည်း မမှားပါဘူး။ ဒါပေမယ့် တကယ်တမ်းကလေးဆိုရင် စဉ်ဆက်မပြတ် လေ့လာသင်ယူဖို့ရော လိုအပ်လိမ့်မယ်ပေါ့။“ လို့ ၎င်းက ဆက်ပြောပါတယ်။

ပြီးခဲ့တဲ့ ဇွန်လ ၂၉ရက်နေ့မှာ ကျောင်းဆင်းပွဲပြုလုပ်ရင်း အတန်းတင်လက်မှတ်ပေးအပ်ခဲ့တာ ဖြစ်ပါတယ်။ ကျောင်းတက်ရောက်ခဲ့တဲ့ ကျောင်းသား ၉၄ ဦးရှိပေမယ့် တစ်လ၊နှလသာ တက်ရောက်နိုင်တဲ့သူတွေလည်း ရှိတယ်လို့ ဆိုပါတယ်။

“ ပဉ္စမတန်းတက်ဖို့အတွက် စာကို ရအောင်ကြိုးစားတယ်။ ညတိုင်းစာကျက်တယ်။ မီးမရှိတဲ့အချိန်မှာတောင် စာကျက်တယ်။ အခက်အခဲတွေကြုံရတယ်။ စာအုပ်တွေ မလောက်လို့ အခက်အခဲတွေ အားလုံးကြုံရတယ်။” လို့ ကျောင်းသူ တစ်ဦးကပြောပါတယ်။

NUG, KSCC လမ်းညွှန်ထားတဲ့ သင်ရိုးညွှန်းတန်းတွေနဲ့ သင်ကြားခဲ့တာဖြစ်ပြီး နောက်ထပ်လည်း သင်ကြားပေးဖို့ ရှိတယ်လို့ဆိုပါတယ်။

ကရင်နီပြည်မှာ စစ်ဘေးရှောင်စခန်း အများစုတွေမှာ ယာယီစာသင်ကျောင်းဖွင့်လှစ်သင်ကြား ပေးနေတာရှိပါတယ်။ စစ်ရှောင်စာသင်ကျေင်းတွေမှာ လက်ရှိအချိန်အထိ ကလေးတွေအတွက် ဖတ်စာအုပ်၊ သင်ထောက်ကူပစ္စည်း လိုအပ်ချက်တွေ ရှိနေပါသေးတယ်။

spot_imgspot_imgspot_imgspot_img

More from the blog

ကျေးရွာဆေးပေးခန်းတစ်ခုကို စစ်ကောင်စီတပ်က လေကြောင်းတိုက်ခိုက် ဒေသခံတစ်ဦးသေဆုံး ၂ဦးထိခိုက်ဒဏ်ရာရ

ကန္တာရဝတီတိုင်း(မ်) ကရင်နီပြည် လွိုင်ကော်မြို့ အရှေ့ ခြမ်းက ကျေးရွာတစ်ရွာရှိ ဆေးပေးခန်းကို ဒီနေ့ ဩဂုတ်လ ၉ ရက်နေ့ မွန်းလွဲ ၁၀ နာရီကျော်အချိန်မှာ စစ်ကောင်စီတပ်က တိုက်လေယာဉ်တစ်စင်းနဲ့ အကြောင်းမဲ့ လာရောက် ပစ်ခတ်တိုက်ခိုက်ခဲ့ပါတယ်။ လေကြောင်းပစ်ခတ်မှုကြောင့် လူ ၁ ဦးသေဆုံးပြီး ၂ ဦး ထိခိုက်ဒဏ်ရာရရှိခဲ့ပြီး...

လွိုင်ကော်မြို့ ပွန်ချောင်းက စစ်ကောင်စီတပ်စခန်းကို KA ၊ KNDF တို့က ဒရုန်းဖြင့် သွားရောက်ပစ်ခတ်

ကန္တာရဝတီတိုင်း( မ် ) လွိုင်ကော်မြို့ ပွန်ချောင်းက စစ်ကောင်စီတပ်စခန်းကို ကရင်နီတပ်မတော် ( KA )၊ ကရင်နီအမျိုးသားများကာကွယ်ရေးတပ် ( KNDF ) တို့က ယမန်နေ့ ဩဂုတ်လ ၇ရက်နေ့မှာ ဒရုန်းနဲ့ သွားရောက်ပစ်ခတ်ခဲ့တယ်လို့ ကရင်နီပြည်အစိုးရ ကာကွယ်ရေး ဒု-ဝန်ကြီး ခူဒယ်နီယာယ်က ပြောပါတယ်။ “နှစ်နေရာတော့...

ဒေသခံတွေ တစ်နှစ်ကြာသိုလှောင်သိမ်းဆည်းထားတဲ့ စပါးမှိုတက်တာကြောင့် ပျက်စီးမှုတချို့ရှိ

ကန္တာရဝတီတိုင်း( မ် ) ကရင်နီပြည် ဒီးမော့ဆိုအရှေ့ဘက်ခြမ်းမှာ ဒေသခံတွေ ပြီးခဲ့တဲ့နှစ်ကတည်းက တောတောင်ထဲ သိုလှောင်သိမ်းဆည်းထားတဲ့ စပါးတွေကို ကြွက်စားတာ၊ မိုးရေစိုတာ၊ မှိုတက်တာတွေကြောင့် ပျက်စီးဆုံးရှုံးမှုတချို့ရှိခဲ့တယ်လို့ ဒေသခံတောင်သူတွေဆီကနေ သိရပါတယ်။ ပြီးခဲ့တဲ့ ၂၀၂၁ခုနှစ်မှာ စစ်ကောင်စီက အာဏာသိမ်းပြီးနောက် ဒေသတွင်းတိုက်ပွဲဖြစ်ပွားခဲ့ပြီး ကျေးရွာထဲလက်နက်ကြီးကျရောက်မှုတွေ စစ်ကြောင်းထိုးမှုတွေရှိတာကြောင့် ဒေသခံတွေဟာ ၎င်းတို့သိုလှောင်ထားတဲ့ စပါးတွေ...

ဩဂုတ်လပထမပတ်တိုက်ပွဲအတွင်း စစ်ကောင်စီတပ်မှ အနည်းဆုံး ၅ဦးသေဆုံး

ကန္တာရဝတီတိုင်း(မ်) ဩဂုတ်လ ပထမပတ်အတွင်း ကရင်နီဒေသခံကာကွယ်ရေးပူးပေါင်းတပ်ဖွဲ့နဲ့ စစ်ကောင်စီတပ်တို့ ဖြစ်ပွားခဲ့တဲ့တိုက်ပွဲတွေမှာ စစ်ကောင်စီတပ်မှ အနည်းဆုံး ၅ဦးသေဆုံးပြီး ထိခိုက်ဒဏ်ရာရရှိခဲ့တယ်လို့ KNDF သတင်းနှင့်ပြန်ကြားရေးဌာနက ဒီကနေ့ (ဩဂုတ်လ ၈ရက်) မှာ သတင်းထုတ်ပြန်ပါတယ်။ ပထမပတ်အတွင်း ဒီးမော့ဆိုမြို့နယ် သေးဆူလဲကျေးရွာအနီး၊ ဒီးမော့ဆိုမြို့မရဲစခန်း၊ စံပြ ၆ မိုင်၊ ဘက်တလိန်ကျေးရွာ တိုက်ပွဲတွေမှာ...