spot_img
Wednesday, November 30, 2022
spot_img

ဒေါတော်ကူးကျေးရွာအတွင်း လက်နက်ကြီး ကျရောက်ပြီး ဒေသခံနှစ်ဦးထိ၊ တစ်ဦးသေဆုံး

spot_imgspot_imgspot_imgspot_img

ကန္တာရဝတီတိုင်း(မ်)

ကရင်နီပြည် ဒီးမော့ဆိုမြို့ ဒေါတော်ကူးကျေးရွာမှာ ယမန်နေ့ မတ်လ ၂၈ရက်နေ့ ညနေ ၂နာရီဝန်းကျင်အချိန်မှာ လက်နက်ကြီး ကျရောက်ပြီး ဒေသခံနှစ်ဦး လက်နက်ကြီးစ ထိမှန်ကာ တစ်ဦးသေဆုံးသွားတယ်လို့ သိရပါတယ်။

တိုက်ပွဲဖြစ်ပွားခြင်းမရှိပဲ စစ်ကောင်စီဖက်က လက်နက်ကြီးတွေ ရမ်းသန်းပစ်ခတ်ခဲ့ပြီး ဒေါတော်ကူးကျေးရွာအတွင်း လက်နက်ကြီးတစ်လုံး ကျရောက်ပေါက်ကွဲပြီး အသက် ၆၀အရွယ်အမျိုးသမီးတစ်ဦးနဲ့ အသက် ၅၀ ဝန်းကျင်အရွယ် အမျိုးသားတစ်ဦး လက်နက်ကြီးကျည်စ ထိမှန်သွားခဲ့တာပါ။

“ မနေ့က ညနေ ၃ နာရီလောက်မှာ သူတို့ အိမ်မှာ အများကြီးရှိတော့ တချို့ အရင်ပြန်နှင့်မယ် သူတို့ပြောတော့ ပထမတစ်ယောက် အရင်ထွက်ပြန်လိုက်တယ်။ သူလည်း ထွက်ပြန်တော့မလို့ အပြင်မှာ ဆိုင်ကယ်စီးဖို့ ထွက်စောင့်နေတဲ့ အချိန်မှာ လက်နက်ကြီးတစ်လုံးက သူ့ရှေ့မှာ လာကျတယ်။ ပြီးတော့ သူ့ရဲ့ ဦးခေါင်းကို ထိသွားတယ်။ သူအဲ့မှာပဲလဲသွားတယ်။ သူ့ကို ခေါ်ပြန်တဲ့အချိန်မှာ အသက်တော့ရှိသေးတယ်။ ဒါပေမယ့် ဆေးရုံရောက်တဲ့ အချိန်မှာတော့ အသက်မရှိတော့ဘူး။ သွေးထွက်လွန်သွားတယ်ကော။ ဦးနှောက်ပွင့်သွားတယ်လို့ ဆရာဝန်က ပြောတယ်။ ဆေးရုံမှာ ဆုံးသွားတာ။” လို့ မိသားစုဝင်တစ်ဦးက ကန္တာရဝတီတိုင်း(မ်) ကို ပြောပါတယ်။

အမျိုးသမီးတစ်ဦးက ဦးခေါင်းထိမှန်သွားပြီး ဆေးရုံပို့ဆောင်တဲ့လမ်းမှာပဲ သေဆုံးသွားခဲ့တာ ဖြစ်ပါတယ်။ အမျိုးသားတစ်ဦးကတော့ ညာဖက်လက်မှာ လက်နက်ကြီးစ ထိမှန် ဒဏ်ရာရသွားတာ ဖြစ်ပြီး ဆေးကုသမှု ခံယူနေရတယ်လို့ သိရပါတယ်။

ပြီးခဲ့တဲ့ မတ်လ ၁၉ရက်နေ့မှာလည်း ဒီးမော့ဆိုအရှေ့ဘက်ခြမ်း တနီးလားလဲကျေးရွာကို လက်နက်ကြီး ကျရောက်ခဲ့ပြီး ဒေသခံနှစ်ဦး ထိခိုက်ဒဏ်ရာရခဲ့ပါတယ်။

ကရင်နီပြည်နယ်မှာ စစ်အာဏာသိမ်းပြီးနောက်ပိုင်း စစ်ကောင်စီပစ်ခတ်သတ်ဖြတ်မှုတွေကြောင့် အရပ်သားပြည်သူ ၂၃၅ဦး သေဆုံးသွားပြီလို့ ကရင်နီလူမှုအသင်းအဖွဲ့များကွန်ယက် ( KCSN ) က မတ်လ ၁၆ရက်နေ့မှာ ထုတ်ပြန်ထားပါတယ်။

လက်နက်ကြီးထိမှန်ခဲ့သော ပြည်သူတဦး
spot_imgspot_imgspot_imgspot_img

More from the blog

ဖရူဆိုမြို့နယ်တွင်းက စစ်ကောင်စီတပ်စခန်းနဲ့ ခြေကုပ်စခန်းတို့ကို KA၊ KNDF တို့သွားရောက်တိုက်ခိုက်

ကန္တာရဝတီတိုင်း( မ် ) ကရင်နီပြည် ဖရူဆိုမြို့တွင်းမှာရှိတဲ့ စစ်ကောင်စီတပ်စခန်းနဲ့ ခြေကုပ်စခန်းတို့ကို သွားရောက်တိုက်ခိုက်ခဲ့ပြီး စစ်ကောင်စီဘက်က ၄ဦးသေဆုံးခဲ့တယ်လို့ KNDF B-15 က ဒီကနေ့ နိုဝင်ဘာလ ၂၉ ရက်နေ့မှာ ထုတ်ပြန်ထားပါတယ်။ ပြီးခဲ့တဲ့ နိုဝင်ဘာလ ၂၅ ရက်နေ့မှာ ဖရူဆိုမြို့နယ်တွင်းမှာရှိတဲ့ စစ်ကောင်စီရဲ့ အမှတ် (၁၄)...

ဖရူဆိုဒေသရဲ့ ရွှေ့ပြောင်းတောင်ယာ စပါးစိုက်ပျိုးမှု ယခုနှစ် အထွက်နှုန်းတစ်ဝက်လျော့ကျ

ကန္တာရဝတီတိုင်း(မ်) ကရင်နီပြည် ဖရူဆိုမြို့မှာ နေထိုင်ကြတဲ့ လူထုတွေဟာ ရွေ့ပြောင်းတောင်ယာ စပါးစိုက်ပျိုးတာကို အဓိကထားလုပ်ကိုင်ကြပြီး ယခုနှစ်မှာဆိုရင် စိုက်ပျိုးချိန် မိုးမရွာတာ၊ အပင်မပေါက်တာ ၊ အပင်သေတာတွေ ကြောင့် စပါးအထွက်နှုန်း တစ်ဝက်လောက် လျော့ကျနေတယ်လို့ တောင်သူတွေက ဆိုကြပါတယ်။ ရွှေ့ပြောင်းတောင်ယာ ပြန်လည်လုပ်ကိုင်တာ ၂နှစ်ရှိပြီဖြစ်တဲ့ ဦးရီဖဲ ကလည်း ယခုနှစ်...

ဖရူဆိုမြို့ အဝင်အထွက် ကရင်နီပြည်အစိုးရ ယာယီပိတ်မည်

ကန္တာရဝတီတိုင်း( မ် ) ကရင်နီပြည် ဖရူဆိုမြို့တွင်း ဝင်ထွက်သွားလာတာတွေကို လုံးဝခွင့်မပြုဘဲ ယမန်နေ့ နိုဝင်ဘာလ ၂၈ ရက်နေ့ကစပြီး လုံခြုံရေးအရ ယာယီပိတ်လိုက်တယ်လို့ ကရင်နီပြည်အစိုးရ ပြည်ထဲရေးဝန်ကြီးဌာနလက်အောက်ရှိ ကေးလျားမြို့နယ်အုပ်ချုပ်ရေးက ယမန်နေ့(နိုဝင်ဘာလ ၂၈ ရက်)မှာ ထုတ်ပြန်ထားပါတယ်။ “အခြေအနေကြည့်မယ်။ အကယ်၍ အခြေအနေကောင်းတယ်။ ကျနော်တို့ လူထုတွေ အိမ်ပြန်ကြည့်ဖို့အတွက်...

ဒီးမော့ဆိုအရှေ့ဖက်ခြမ်းမှာ နိုဝင်ဘာလနောက်ဆုံးပတ်အတွင်း စစ်ကောင်စီက လက်နက်ကြီးနဲ့ ပစ်ခတ်မှု ဆက်တိုက်လုပ်ဆောင်နေ

ကန္တာရဝတီတိုင်း (မ်) ကရင်နီပြည် ဒီးမော့ဆို အရှေ့ဘက်ခြမ်းရှိ ကျေးရွာတွေကို စစ်ကောင်စီရဲ့ အခြေစိုက်တပ်တွေက နိုဝင်ဘာလ ၂၃ ရက်နေ့က စတင်ပြီး လက်နက်ကြီးတွေနဲ့ နေ့ရောညပါ ဆက်တိုက် ပစ်ခတ်မှု လုပ်ဆေင် နေတယ်လို့ ဒေသခံတွေက ပြောပါတယ်။ တိုက်ပွဲဖြစ်ပွားမှုမရှိပဲ စစ်ကောင်စီက လက်နက်ကြီးတွေနဲ့ ဆက်တိုက်ပစ်ခတ်လာတဲ့အတွက် ကျေးရွာတွေထဲကျပြီး အရပ်သားထိခိုက်တာတွေ၊...