ပြည်နယ်အတွင်း မသန်စွမ်းမဲဆန္ဒရှင် ရာနဲ့ချီရှိ

နော်ဒွေးအယ်ခူ

၂၀၂၀ ရွးကောက်ပွဲမှာ ကယားပြည်နယ်ကနေ မဲပေးပိုင်ခွင့်ရှိတဲ့ မသန်စွမ်းဦးရေ ရာနဲ့ချီရှိတယ်လို့ ကယားပြည်နယ်ရွေးကောက်ပွဲအရာရှိ ဦးကျော်ဆန်းဝင်းကပြောပါတယ်။

ကယားပြည်နယ်ရွေးကောက်ပွဲကော်မရှင်ရဲ့ မဲစာရင်းအရပြည်နယ်တစ်ခုလုံးမှာ ဆန္ဒမဲပေးပိုင်ခွင့်ရှိသူဦးရေ နှစ်သိန်းခုနစ်ထောင်ကျော်ရှိထဲမှာ အမျိုးသမီးမဲဆန္ဒရှင်ဦးရေ ၅၁ ရာခိုင်နှုန်းရှိပြီး ၎င်းအနက် မသန်စွမ်းမဲဆန္ဒရှင် ၆၀၀ ကျော်ရှိပါတယ်။

ဦးကျော်ဆန်းဝင်းက ”ကျနော်တို့ကယားပြည်နယ်မှာက မျက်မမြင်က ၉၀ ဦးရှိတယ်။ နားမကြားတာက ၆၆ ဦးရှိတယ်။ ဆွံ့အက ၇၇ ဦးရှိတယ်။ ကိုယ်အင်္ဂါချို့တဲ့က ၄၃၀ လောက်ရှိတယ်။ အဲထဲမှာမှ ဝှီးချဲအသုံးပြုတဲ့သူက ၅၀ လောက်ရှိတယ်” လို့ပြောပါတယ်။

မသန်စွမ်းအတွက် သီးခြားမဲရုံဆောက်လုပ်ထားခြင်းမရှိပေမယ့်လည်း မသန်စွမ်းတွေ မဲပေးတဲ့အခါ အဆင်ပြေဖို့ မဲရုံမှူးသင်တန်းပို့ချတဲ့အခါ သက်ဆိုင်ရာမဲရုံမှူးတွေ၊ မဲရုံအဖွဲ့ဝင်တွေက မသန်စွမ်းတွေ အဆင်ပြေစွာမဲပေးနိုင်အောင် စီမံဆောင်ရွက်ထားတယ်လို့ ဦးကျော်ဆန်းဝင်းက ဆိုပါတယ်။

အထွေထွေရွေးကောက်ပွဲကျင်းပမဲ့ နိုဝင်ဘာ ၈ ရက်မှာ ကျန်းမာရေးနှင့်အားကစားဝန်ကြီးဌာနက ထုတ်ပြန်ထားတဲ့ ကိုဗစ်ကာကွယ်ထိန်းချုပ်ရေးလုပ်ငန်းနဲ့အညီ ဆောင်ရွက်ရမည့် ညွှန်ကြားချက်တွေကို လိုက်နာလုပ်ဆောင်သွားမှာဖြစ်ပြီး အပူချိန်တိုင်းကိရိယာ၊ Mask၊ Face shield၊ Hand Gelတွေကို မြို့နယ်အသီးသီးရှိ မဲရုံအဖွဲ့ထံသို့ ပေးအပ်သွားမှာဖြစ်တယ်လို့သိရပါတယ်။

ကယားပြည်နယ်ရှိ မြို့နယ်ခုနစ်မြို့နယ်မှာ မဲဆန္ဒနယ် ၃၄ နေရာ၊ မဲရုံပေါင်း ၂၃၃ ရုံရှိပြီး ဝင်ရောက်ယှဉ်ပြိုင်မည့် နိုင်ငံရေးပါတီ ၁၃ ပါတီနှင့် တစ်သီးပုဂ္ဂလ ၁၃ ဦးရှိတယ်လို့ ပြည်နယ်ရွေးကောက်ပွဲကော်မရှင်ရုံးကနေသိရပါတယ်။

Comments

comments

Next Post

ဦးလှမျိုးဆွေ

Fri Oct 9 , 2020
အမည် – ဦးလှမျိုးဆွေအသက် – ၅၃နှစ်လူမျိုး/ဘာသာ – ဗမာ၊ ဗုဒ္ဓပညာအရည်အချင်း – A.G.T.I(EP), B.A(History)အလုပ်အကိုင် – ဝန်ကြီး၊ ဗမာတိုင်းရင်းသားဝန်ကြီးမိဘအမည် – ဦးထွန်းကြည်၊ ဒေါ်စိန်ကြည်နေရပ် – မင်္ဂလာရပ်၊ လွိုင်ကော်ဝင်ရောက်ရွေးချယ်ခံမည့်ပါတီ – ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီရွေးချယ်ခံမည့် မဲဆန္ဒနယ် – ဗမာတိုင်းရင်းသားမဲဆန္ဒနယ် Comments comments