spot_img
Monday, March 27, 2023
spot_img

ဖယ်ခုံမြို့နယ်အတွင်းက စစ်ရှောင်အဘွားအိုတစ်ဦး သေဆုံး၊ ဒေသခံ နှစ်ထောင်နီးပါး စစ်ဘေးရှောင်နေရ

spot_imgspot_imgspot_imgspot_img
ဓါတ်ပုံ – CJ

ကန္တာရဝတီတိုင်း (မ်)

ရှမ်း-ကယားနယ်စပ် ဖယ်ခုံမြို့နယ် ကျေးရွာလေးရွာဖြစ်တဲ့ ရွှေပြည်အေး(ကသဲ) ကျေးရွာ၊ ခေါင်းအိကျေးရွာ၊ လွယ်လုံကျေးရွာ၊ လွယ်ဝှဲကျေးရွာ က ဒေသခံနှစ်ထောင်နီးပါး စစ်ဘေးကြောင့် ထွက်ပြေးတိမ်းရှောင်ပြီး စစ်ဘေးရှောင်နေတဲ အဘွားအိုတစ်ဦး သေဆုံးသွားတယ်လို့ KNDF ဖယ်ခုံဇုန် ထံကနေ သိရပါတယ်။

” အခုထိတော့ ကျနော်တို့ ရွာထဲကို တက်လို့မရသေးဘူး။ ဆုံးသွားတဲ့ အဘွားတစ်ယောက်ကလဲ။ ရွာထဲမှာပဲရှိတယ်။ ကျန်တဲ့လူကိုလည်း ရွေ့ထားပြီးပြီ လွယ်လုံဆိုတဲ့ ရွာတစ်ရွာကိုလည်း ထပ်ရွေ့ထားတယ်။ အခုလွယ်လုံမှာလည်း စစ်တပ်ကရောက်နေပြီ။ စစ်တပ်က လွယ်လုံတို့ ကသဲတို့မှာ ရောက်နေပြီ။ ကျနော်တို့ကလည်း ဒီဘက်အနီးအနားက ရွာတွေအကုန်လုံး ရွေ့ထားပြီးပြီ။ ” လို့ KNDF ဖယ်ခုံဇုန်မှ တာဝန်ရှိသူ တစ်ဦးက ကန္တာရဝတီတိုင်း(မ်) ကို ပြောပါတယ်။

အကြမ်းဖက်စစ်ကောင်စီတပ်က ရွာမီးရှို့မယ်ဆိုတဲ့ သတင်းကြောင့် ရွှေပြည်အေး( ကသဲ) ကျေးရွာက အောက်တိုဘာ၂၇ရက်နေ့မှာ စစ်ဘေးရှောင်ခဲ့ပါတယ်။

ဒါ့အပြင် အကြမ်းဖက်စစ်ကောင်စီတပ်နဲ့ KNDF ပူးပေါင်းတပ်ဖွဲ့တို့ နိုဝင်ဘာလ ၂ရက်နေ့မှာ ဖြစ်ပွားတဲ့ တိုက်ပွဲကြောင့် လွယ်ဝှဲကျေးရွာနဲ့ လွယ်လုံကျေးရွာက ဒေသခံတွေ ထပ်မံတိမ်းရှောင်ခဲ့ပြီး အသက်၇၀အရွယ် အဘွားတစ်ယောက် ဆုံးသွားတယ်လို့ သိရပါတယ်။

ဒီကနေ့မှာလည်း စစ်ကောင်စီက လာရောက်တပ်စွဲနေတဲ့အတွက် ခေါင်းအိကျေးရွာက ဒေသခံတွေလည်း ထပ်မံတိမ်းရှောင်နေရတယ်လို့ တာဝန်ရှိသူက ဆက်ပြောပါတယ်။

ကရင်နီပြည်နယ်မှာ ၆လအတွင်း စစ်ကောင်စီနဲ့ KNDF ပူးပေါင်းတပ်ဖွဲ့တို့ တိုက်ပွဲပေါင်း ၁၀၀ကျော် ဖြစ်ပွားခဲ့ပါတယ်။ ကရင်နီလူ့အခွင့်အရေးအဖွဲ့ ရဲ့ လက်လှမ်းမှီသလောက် ကောက်ယူထားတဲ့ စာရင်းအရ အာဏာသိမ်းပြီး ၉လအတွင်း စစ်ကောင်စီရဲ့ လက်ချက်ကြောင့် သေဆုံးသွားသူ ၉၂ ဦးအထိ ရှိသွားပြီလို့ သိရပါတယ်။

spot_imgspot_imgspot_imgspot_img

More from the blog

ဒီးမော့ဆိုမြို့နယ် အရှေ့ဘက်ခြမ်းကို စစ်ကောင်စီတပ်မှ လက်နက်ကြီးတွေ အမြောက်အများ ပစ်ခတ်နေ

ကန္တာရဝတီ တိုင်း(မ်) ကရင်နီပြည် ဒီးမော့ဆိုမြို့နယ် အရှေ့ဘက်ခြမ်းကို ဒီးမော့ဆို အခြေစိုက် ခလရ ၁၀၂ တပ်မှ (၁)မိနစ် (၁) လုံးနုန်းနဲ့ လက်နက်ကြီးတွေ အမြောက်အများ ပစ်ခတ်နေတယ်လို့ သိရပါတယ်။ ယနေ့ ( မတ်လ ၂၆ ) ရက်နေ့ မနက် ၉ နာရီလောက်ကစပြီး...

စစ်ရှောင်ပြည်သူတွေကို ရိက္ခာဝေမယ်လို့ပြောဆိုပြီး ဓါတ်ပုံရိုက်ပြီးနောက် ဝေထားတဲ့ရိက္ခာတွေကို ပြန်သိမ်းယူသွား

ကန္တာရဝတီတိုင်း(မ်) လွိုင်ကော်မြို့ နမ့်ဘော်ဝမ် ရပ်ကွက်အတွင်းရှိ စစ်ဘေးရှောင်ပြည်သူတွေကို စစ်ကောင်စီ က ရိက္ခာဝေပေးမယ်လို့ပြောဆိုကာ ဒီကနေ့ (မတ်လ ၂၅ ရက်နေ့ ) မှာ စုရုံးခေါ်ဆောင်ပြီး ဓါတ်ပုံမှတ်တမ်းရယူခဲ့ပေမဲ့ ဝေငှထားတဲ့ ရိက္ခာထုပ်တွေကို ပြန်လည်တောင်းယူခဲ့တယ်လို့ စစ်ရှောင်တွေဆီကနေ သိရပါတယ်။ နမ့်ဘော်ဝမ်ရပ်ကွက်အတွင်းမှာ ရှိတဲ့ဘုရားကျောင်းမှာ စစ်ဘေးရှောင်တွေကို ခေါ်ယူစုရုံးပြီး ကုလားပဲထုပ်...

ဒီးမော့ဆိုအနောက်ဘက်ခြမ်းမှာ လက်နက်ကြီးကျပြီး ဒေသခံထိခိုက်မှုရှိခဲ့၊ ဖရဲသီးစိုက်ခင်းလည်းပျက်စီး

ကန္တာရဝတီတိုင်း( မ် ) ယမန်နေ့ မတ်လ ၂၄ရက်နေ့ မနက် ၁၀နာရီကျော်အချိန်မှာ ကရင်နီပြည် ဒီးမော့ဆိုမြို့နယ်အနောက်ဘက်ခြမ်းကို စစ်ကောင်စီက လက်နက်ကြီးတွေနဲ့ ပစ်ခတ်ခဲ့တဲ့အတွက် ဒေသခံတချို့ ထိခိုက်ခဲ့သလို ဖရဲသီးစိုက်ခင်းလည်း ပျက်စီးခဲ့တယ်လို့ ဒီးမော့ဆိုအနောက်ဘက်ခြမ်းမှာ နေထိုင်သူတစ်ဦးက ပြောပါတယ်။ "အိမ်ကတော့ လူနေအိမ်ပဲ မိန်းက‌လေးထိတယ်ပြောတယ်။ မိန်းကလေးနှစ်ယောက်။ ဒီကျတာက ဖရဲသီးခြံစိုက်ခင်းထဲမှာက...

ဒီမော့ဆို အရှေ့ဘက်ခြမ်းမှ ဆွေမျိုးများထံ ယာယီ ပြောင်းရွေ့လာတဲ့ စစ်ရှောင်ကလေးအချို့ ဝမ်းပျက်ဝမ်းလျောဖြစ်နေ

CJ (ကန္တာရဝတီတိုင်း(မ်)) ကရင်နီပြည် ဒီမော့ဆိုမြို့နယ် အရှေ့ဘက်ခြမ်းမှာ မတ်လ ၁၀ ရက်နေ့ ကတည်းက ဖြစ်ပွားတဲ့ တိုက်ပွဲတွေကြောင့် အနောက်ဘက်ခြမ်းက ဆွေမျိုးတွေဆီကို ယာယီ ပြောင်းရွေ့လာတဲ့ စစ်ရှောင်တွေအထဲက ကလေးတွေဟာ ဝမ်းပျက်ဝမ်းလျောဖြစ်နေတယ်လို့ စစ်ရှောင်အမျိုးသမီးတစ်ဦးက ပြောပါတယ်။ "အကြောင်းရင်းက ဘာလဲ မသိဘူး၊ ရေရှားတဲ့ နေရာလဲ မဟုတ်ဘူး၊...