spot_img
Wednesday, August 10, 2022
spot_img

ဖယ်ခုံမြို့နယ်အတွင်း စစ်ဘေးရှောင်စခန်းမှာ ကလေးအသေမွေးဖွားမှုတွေရှိနေ

spot_imgspot_imgspot_imgspot_img

လေးမြာ/ကန္တာရဝတီတိုင်း(မ်)

ရှမ်းပြည်နယ်တောင်ပိုင်း ဖယ်ခုံမြို့နယ်အတွင်း စစ်ရှောင်စခန်းတွေမှာ ကိုယ်ဝန်ဆောင်မိခင်တွေ ကာကွယ်ဆေးမထိုးရတဲ့အတွက် ကလေးအသေမွေးဖွားမှုတွေ ရှိနေတယ်လို့ စစ်ရှောင်တစ်ဦးက ပြောပါတယ်။

“ကိုယ်ဝန်ဆောင်မိခင်တွေ ကျမသွားပို့ရတယ်။ သူတို့က ကာကွယ်ဆေးမမီတာ အားဆေးမမီတာ အဲလိုမျိုး ဖြစ်တယ်လေ။ သူတို့ကရေမွှာပေါက်ပြီ။ ပေါက်ပြီးခါကျတော့ သူတို့သုံးရက်လည်း မမွှေးနိုင်ဘူး ဖြစ်တယ် ပေါ့နော်။ အမေက အားမရှိတာလား အဲမျိုးပေါ့နော် သူတို့ဆေးရုံရောက်တော့ သူတို့ကလေး မအောင်ဘူးပေါ့နော်။ သေသွားတယ် အဲလိုမျိုးပေါ့” လို့ ဝါရီဆူးပလိုင်ရွာမှ စစ်ရှောင်တစ်ဦးက ပြောပါတယ်။

ကရင်နီပြည်နဲ့ ရှမ်းတောင်ဒေသတွေမှာ ပြည်သူ့ကာကွယ်ရေးတပ်ဖွဲ့နဲ့ စစ်ကောင်စီတို့ တိုက်ပွဲဖြစ်တာ တစ်နှစ်ကျော်လာတာနဲ့အမျှ ဒေသခံအများအပြားဟာ တောတောင်ထဲစစ်ရှောင်ရတာကြောင့် ကိုယ်ဝန်ဆောင် မိခင်တွေအနေနဲ့ကာကွယ်ဆေးထိုးဖို့လက်လှမ်းမမီကြဘူးလို့ဆိုပါတယ်။

“ကလေးသေဆုံးတာ ၂ ယောက်တွေ့တယ်။ နောက်တခြားမိခင်ခါကျတော့ အောင်လား။ မအောင်လားတော့ မသိဘူး။ သိတဲ့အထဲမှာ ၄၊ ၅ ယောက်တော့ရှိတယ်။ သူတို့မှာ မမွေးနိုင်ဘူး အခက်အခဲရှိတယ်။ ကာကွယ်ဆေးလည်း မထိုးရဘူး အဲလိုမျိုးပေါ့။ ကာကွယ်ဆေးက အရင်တလောကျ‌တော့ ဖယ်ခုံမှာ သွားထိုး ရတယ်လေ။ အဲ့လိုသွားထိုးရတဲ့အခါမှာ တချို့က မသွားနိုင်တဲ့သူရှိတယ်။ တချို့က မသိလို့ မသွားလိုက်ရတာရှိတယ်။ စစ်ဘေးရှောင်ပြီး တောတောင်ထဲမှာနေရတော့ လက်လှမ်းမမီတာရှိတယ်။ ” လို့ ဝါရီဆူးပလိုင်ရွာက စစ်ရှောင်တစ်ဦးကဆက်ပြောပါတယ်။

ကလေးအသေမွေးရခြင်း အကြောင်းရင်းများစွာထဲက ကိုယ်ဝန်ဆောင်မိခင်မှာ နာတာရှည်ရောဂါရှိခြင်း၊ မိခင်မှ ကူးစက်ရောဂါများ ကူးစက်ခံရခြင်း (ဥပမာ- ဂျိုက်သိုး) စတာတွေ ဖြစ်နိုင်တာကြောင့် ကာကွယ်ဆေးထိုးရန် လိုအပ်တယ်လို့ ဆိုပါတယ်။

“ကိုယ်ဝန်ဆောင်စဉ် ကိုယ်ဝန်ဆောင်စောင့်ရှောက်မှုမရခြင်း၊ အာဟာရချို့တဲ့ခြင်းနဲ့ ပြင်းထန်တဲ့ စိတ်ဖိစီးမှုခံစားရခြင်းတို့ကလည်း ကလေးအသေမွေးဖွားနိုင်ခြင်း၊ ပေါင်မပြည့် လမစေ့ မွေးဖွားနိုင်ခြင်းကို ဖြစ်ပေါ်စေနိုင်တယ်” လို့ ဆရာဝန်တစ်ဦးက ပြောပါတယ်။


လက်ရှိစစ်ရှောင်ဘေးရှောင်ပြည်သူတွေဟာ စားနှပ်ရိက္ခာနဲ့ မိုးကာတွေ လိုအပ်နေသလို ရာသီဥတုကြောင့် ကလေးတွေမှာ တုတ်ကွေး၊ ဝမ်းပျက်ဝမ်းလျော စတဲ့ ရောဂါတွေ ဖြစ်ပွားနေပေမဲ့ ဆေးဝါးလုံလောက်မှု မရှိတာကြောင့် ဆေးကုသမှုမခံယူနိုင် ကြဘူးလို့ စစ်ဘေးရှောင်တွေကဆိုပါတယ်။

ဖယ်ခုံမြို့နယ် ရီလုံရီကန်ကျေးရွာအုပ်စုအတွင်း လက်ရှိအချိန်ထိ စစ်ရှောင်အိမ်ခြေ ၁ ထောင်ကျော်ရှိပြီး စစ်ရှောင်ဦးရေ ၄၅၀၀ ကျော် ရှိတယ်လို့ သိရပါတယ်။

spot_imgspot_imgspot_imgspot_img

More from the blog

ကျေးရွာဆေးပေးခန်းတစ်ခုကို စစ်ကောင်စီတပ်က လေကြောင်းတိုက်ခိုက် ဒေသခံတစ်ဦးသေဆုံး ၂ဦးထိခိုက်ဒဏ်ရာရ

ကန္တာရဝတီတိုင်း(မ်) ကရင်နီပြည် လွိုင်ကော်မြို့ အရှေ့ ခြမ်းက ကျေးရွာတစ်ရွာရှိ ဆေးပေးခန်းကို ဒီနေ့ ဩဂုတ်လ ၉ ရက်နေ့ မွန်းလွဲ ၁၀ နာရီကျော်အချိန်မှာ စစ်ကောင်စီတပ်က တိုက်လေယာဉ်တစ်စင်းနဲ့ အကြောင်းမဲ့ လာရောက် ပစ်ခတ်တိုက်ခိုက်ခဲ့ပါတယ်။ လေကြောင်းပစ်ခတ်မှုကြောင့် လူ ၁ ဦးသေဆုံးပြီး ၂ ဦး ထိခိုက်ဒဏ်ရာရရှိခဲ့ပြီး...

လွိုင်ကော်မြို့ ပွန်ချောင်းက စစ်ကောင်စီတပ်စခန်းကို KA ၊ KNDF တို့က ဒရုန်းဖြင့် သွားရောက်ပစ်ခတ်

ကန္တာရဝတီတိုင်း( မ် ) လွိုင်ကော်မြို့ ပွန်ချောင်းက စစ်ကောင်စီတပ်စခန်းကို ကရင်နီတပ်မတော် ( KA )၊ ကရင်နီအမျိုးသားများကာကွယ်ရေးတပ် ( KNDF ) တို့က ယမန်နေ့ ဩဂုတ်လ ၇ရက်နေ့မှာ ဒရုန်းနဲ့ သွားရောက်ပစ်ခတ်ခဲ့တယ်လို့ ကရင်နီပြည်အစိုးရ ကာကွယ်ရေး ဒု-ဝန်ကြီး ခူဒယ်နီယာယ်က ပြောပါတယ်။ “နှစ်နေရာတော့...

ဒေသခံတွေ တစ်နှစ်ကြာသိုလှောင်သိမ်းဆည်းထားတဲ့ စပါးမှိုတက်တာကြောင့် ပျက်စီးမှုတချို့ရှိ

ကန္တာရဝတီတိုင်း( မ် ) ကရင်နီပြည် ဒီးမော့ဆိုအရှေ့ဘက်ခြမ်းမှာ ဒေသခံတွေ ပြီးခဲ့တဲ့နှစ်ကတည်းက တောတောင်ထဲ သိုလှောင်သိမ်းဆည်းထားတဲ့ စပါးတွေကို ကြွက်စားတာ၊ မိုးရေစိုတာ၊ မှိုတက်တာတွေကြောင့် ပျက်စီးဆုံးရှုံးမှုတချို့ရှိခဲ့တယ်လို့ ဒေသခံတောင်သူတွေဆီကနေ သိရပါတယ်။ ပြီးခဲ့တဲ့ ၂၀၂၁ခုနှစ်မှာ စစ်ကောင်စီက အာဏာသိမ်းပြီးနောက် ဒေသတွင်းတိုက်ပွဲဖြစ်ပွားခဲ့ပြီး ကျေးရွာထဲလက်နက်ကြီးကျရောက်မှုတွေ စစ်ကြောင်းထိုးမှုတွေရှိတာကြောင့် ဒေသခံတွေဟာ ၎င်းတို့သိုလှောင်ထားတဲ့ စပါးတွေ...

ဩဂုတ်လပထမပတ်တိုက်ပွဲအတွင်း စစ်ကောင်စီတပ်မှ အနည်းဆုံး ၅ဦးသေဆုံး

ကန္တာရဝတီတိုင်း(မ်) ဩဂုတ်လ ပထမပတ်အတွင်း ကရင်နီဒေသခံကာကွယ်ရေးပူးပေါင်းတပ်ဖွဲ့နဲ့ စစ်ကောင်စီတပ်တို့ ဖြစ်ပွားခဲ့တဲ့တိုက်ပွဲတွေမှာ စစ်ကောင်စီတပ်မှ အနည်းဆုံး ၅ဦးသေဆုံးပြီး ထိခိုက်ဒဏ်ရာရရှိခဲ့တယ်လို့ KNDF သတင်းနှင့်ပြန်ကြားရေးဌာနက ဒီကနေ့ (ဩဂုတ်လ ၈ရက်) မှာ သတင်းထုတ်ပြန်ပါတယ်။ ပထမပတ်အတွင်း ဒီးမော့ဆိုမြို့နယ် သေးဆူလဲကျေးရွာအနီး၊ ဒီးမော့ဆိုမြို့မရဲစခန်း၊ စံပြ ၆ မိုင်၊ ဘက်တလိန်ကျေးရွာ တိုက်ပွဲတွေမှာ...