spot_img
Monday, November 28, 2022
spot_img

ဖယ်ခုံမှာ တောင်ယာသွားနေတဲ့ ဒေသခံနှစ်ဦးကို စစ်ကောင်စီဖမ်းဆီး

spot_imgspot_imgspot_imgspot_img

ကန္တာရဝတီတိုင်း(မ်)

ဖယ်ခုံမြို့နယ်၊ ကုန်းဆုံကျေးရွာအုပ်စု၊ ရွှေပြည်အေးရပ်ကွက်က တောင်ယာသွားနေတဲ့ ဒေသခံနှစ်ဦးကို အကြမ်းဖက်စစ်ကောင်စီက ဒီကနေ့ စက်တင်ဘာ(၄)ရက်နေ့ မနက် ၈နာရီခွဲအချိန်မှာ ဖမ်းဆီးသွားတယ်လို့ KNDFတာဝန်ရှိသူတစ်ဦးက ကန္တာရဝတီတိုင်း(မ်)ကို အတည်ပြုပြောပါတယ်။

ကျေးရွာအနီးအနားတွေမှာ စစ်ကြောင်းထိုးရင်း ဖမ်းဆီးခဲ့တာဖြစ်ပါတယ်။ ဖမ်းခံရသူနှစ်ဦးက ဇနီးမောင်နှံဖြစ်တဲ့ ဦးမောင်ကြီးနဲ့ ဒေါ်ဝင်းကြည်တို့ကို ဖမ်းဆီးသွားတာဖြစ်ပါတယ်။ အခုလို ပြည်သူတွေ ဖမ်းဆီးခံနေရတာတွေရှိတဲ့အပေါ် လျစ်လျူရှုသွားမှာ မဟုတ်ဘူးလို့ KNDFတာဝန်ရှိသူတစ်ဦးက ပြောပါတယ်။

” ကျနောပြောနိုင်တာကတော့ လူထုကို အသုံးချပြီးတော့ ဓားစာခံ လုပ်တဲ့လုပ်ရပ်မျိုးကတော့ လုံးဝလက်ခံနိုင်စရာမရှိဘူး။ပြင်းပြင်းထန်ထန် ကန့်ကွက် ရှုတ်ချတယ်။ အဲ့ဒီအတွက်လည်း ကျနောတို့ ပိုပြီးတော့ တိုက်ထွက်လာအောင် လှုံ့ဆော်လိုက်တဲ့ လုပ်ရပ်တစ်ခုပဲလို့ ပြောချင်တယ်။ လူထုက စစ်ပွဲတွေ ကြားမှာ မြေစာပင် ဖြစ်နေရတဲ့ အနေအထားရောက်တယ်ပေါ့လေ။ ကျနောတို့ KNDFအနေနဲ့ ကတော့ အခုလို လူထုရဲ့ နစ်နာမှုတွေကို ကျနောတို့ ဘယ်တော့မှ လျစ်လျူရှုသွားမှာ မဟုတ်ဘူး။လူထုအတွက် ကျနောတို့ တန်ရာ တန်ကြေး ရအောင် ပြန်ယူရမှာပဲ။ ဒါက ကျနောတို့ အထူးတလည်ပြောချင်တဲ့ဟာပေါ့။ “

ပြည်သူတချို့ ဖမ်းဆီးပြီး ပြန်လွှတ်ပေးတာတွေတော့ရှိခဲ့ပေမယ့် အခုလက်ရှိဖမ်းခံခဲ့ရတဲ့ ပြည်သူနှစ်ဦးရဲ့ အခြေအနေကိုတော့ မသိရှိရသေးဘူးလို့ ဆိုပါတယ်။ အခုလို အကြမ်းဖက်စစ်ကောင်စီကနေပြီး လူထုတွေကို ဖမ်းဆီးတာတွေရှိနေပြီး လူသားဒိုင်းကာအဖြစ်အသုံးပြုတာတွေ၊ နှိပ်စက်တာတွေ၊ လမ်းကြောင်းပြခိုင်းတာတွေ ပြုလုပ်နေပါတယ်။

အခုရက်ပိုင်း ဖယ်ခုံမြို့နယ် ဖက်မှာ စစ်ကောင်စီဖက် ထိုးစစ်ဆင်တာတွေ၊ လက်နက်ကြီးတွေနဲ့ ပစ်ခတ်တာတွေ ရှိနေပြီး KNDFပူးပေါင်းတပ်ဖွဲ့တွေနဲ့ ယခုလမှာ တိုက်ပွဲနှစ်ကြိမ် ဖြစ်ပွားခဲ့ပါတယ်။
ဒီကနေ့မှာ လည်း စစ်ကောင်စီဖက်က လက်နက်ကြီးတွေနဲ့ ပစ်ခတ်နေတာတွေရှိပြီး ထိခိုက်မှုတွေ တော့မရှိဘူးလို့ သိရပါတယ်။

spot_imgspot_imgspot_imgspot_img

More from the blog

ဒီးမော့ဆို အနောက်ဘက်ခြမ်းက စစ်ရှောင်စခန်းတစ်ခုမှာ အလှူရှင်မရောက်ရှိတာ ၃လကျော်ရှိနေ

ကန္တာရဝတီတိုင်း( မ် ) ဒီးမော့ဆို အနောက်ဘက်ခြမ်းက စစ်ရှောင်စခန်းတစ်ခုမှာ အလှူရှင်တွေ မရောက်တာ ၃လကျော်ရှိနေပြီး စားဝတ်နေရေးအတွက် အခက်အခဲကြုံတွေ့နေရတယ်လို့ အဲဒီစစ်ရှောင်စခန်းနေ အမျိုးသမီးတစ်ဦးဖြစ်တဲ့ ချယ်ရီမိုးက ပြောပါတယ်။ “အစပိုင်း စစ်စရှောင်တုန်းက အလှူရှင်တွေ တော်တော်လေးကို ဝင်လာကြတယ်ပေါ့နော။ တော်တော်လေးကိုရတယ်။ မိုးကာတို့ ဆန်၊ဆီ၊ဆားတို့ အကုန်ပေးတယ်။ ဒါပေမယ့် အခုနောက်ပိုင်းတော့...

စစ်ကောင်စီရဲ့ လက်နက်ကြီး ပစ်ခတ်မှုကြောင့် လူနေအိမ် တစ်လုံး မီးလောင်ပျက်စီးခဲ့

ကန္တာရဝတီတိုင်း(မ်) ဒီးမော့ဆိုမြို့နယ်အတွင်းရှိ ကျေးရွာတွေကို ယမန်နေ့ (နိုဝင်ဘာလ ၂၅ရက်) ည ၇ နာရီ ခွဲဝန်းကျင်လောက်မှာစစ်ကောင်စီတပ်က လက်နက်ကြီး ၁၀ လုံး ထက်မနည်း ပစ်ခတ်ခဲ့ပြီး လူနေအိမ် တစ်လုံး ထိမှန် မီးလောင်ပျက်စီးသွားခဲ့ပါတယ်။ ဒီးမော့ဆို အခြေစိုက် ၁၀၂ တပ်က ပစ်ခတ်တာ ဖြစ်နိုင်ပြီး လူအထိအခိုက်တော့...

ကရင်နီပြည်သူ့ရင်ခွင်မှာ အဓိကအသုံးပြုမယ့် သေနတ် ၃လက် ကမ်ပိန်းပြည့်ဖို့ ၇၉ရာခိုင်နှုန်းလိုအပ်နေသေး

ကန္တာရဝတီတိုင်း(မ်) ကရင်နီပြည်သူ့ရင်ခွင်ကနေ “ ပြည်သူ ဘက်သို့ရပ်တည်ပေးသော CDMစစ်သားများအား ကူညီပေး” ဆိုတဲ့ M4 သေနတ် ၃လက်ရရှိဖို့အတွက် ပထမဆုံးကမ်ပိန်းတစ်ခုကို ပြုလုပ်ခဲ့ပြီး ကမ်ပိန်း ၂၆ရက်အထိ ၇၉ရာခိုင်နှုန်းလိုအပ်သေးတယ်လို့ ကရင်နီပြည်သူ့ရင်ခွင်တာဝန်ခံ ကိုယုန်လေးက နိုဝင်ဘာလ ၂၅ရက်နေ့မှာ ကန္တာရဝတီတိုင်း(မ်)ကို ဖြေကြားပါတယ်။ “ ကျနော်တို့ အမှန်ဆို တစ်လပဲ...

တော်လှန်ရေးအကြောင်းပြပြီး ခြိမ်းခြောက်ငွေတောင်းခံမှုတွေ ခပ်စိပ်စိပ်ရှိလာတယ်လို့ KNDF ဆို

ကန္တာရဝတီတိုင်း( မ် ) ကရင်နီပြည် မှာ နွေဦးတော်လှန်ရေးကာလအတွင်း တော်လှန်ရေးကို အကြောင်းပြပြီး လူထုတွေဆီ ခြိမ်းခြောက်ငွေတောင်းခံမှုတွေ ခပ်စိပ်စိပ်ရှိလာနေတယ်လို့ ကရင်နီအမျိုးသားများ ကာကွယ်ရေးတပ် ဗဟိုစုံစမ်းစစ်ဆေးရေး လုပ်ငန်းအဖွဲ့ ( ITF ) မှ တာဝန်ရှိသူ တစ်ဦးက ပြောပါတယ်။ “ လူတွေအများစု ကြုံရတာကတော့ အဖွဲ့စည်းတစ်ခုခုပေါ့လေ။...