spot_img
Thursday, December 8, 2022
spot_img

ဖရူဆိုမြို့နယ်မှာ ဩဂုတ်လအတွင်း စနိုက်ပါပစ်ခတ်မှုကြောင့် စစ်ကောင်စီ ၁၅ဦးသေဆုံး

spot_imgspot_imgspot_imgspot_img

ကန္တာရဝတီတိုင်း( မ် )

ဖရူဆိုမြို့နယ် ဆိုလျားကူးကျေးရွာမှာ တပ်စွဲထားတဲ့စစ်ကောင်စီတပ်ကို စနိုက်ပါ ပစ်ခတ်မှုကြောင့် ဩဂုတ်လအတွင်း စစ်ကောင်စီတပ်သား ၁၅ဦး သေဆုံးတယ်လို့ အမျိုးသားညီညွှတ်ရေးအစိုးရ ( NUG ) ရဲ့ အလယ်ပိုင်းတိုင်းအထူးစစ်ဆင်ရေးအဖွဲ့ တာဝန်ရှိသူတစ်ဦးက ဒီကနေ့ ဩဂုတ်လ ၁၉ရက်နေ့မှာ ပြောပါတယ်။

ဩဂုတ်လ ၁၄ရက်နေ့မှာ ၁ဦး၊ ၁၆ရက်နေ့မှာ ၃ဦး၊ ၉ရက်နေ့မှာ ၁၁ဦး ပစ်ခတ်နိုင်ခဲ့တယ်လို့ ဆိုပါတယ်။ ဩဂုတ်လ ၁၄ရက်နဲ့ ၁၆ရက်နေ့ ပစ်ခတ်မှုတွေမှာ အလယ်ပိုင်းတိုင်းအထူးစစ်ဆင်ရေး Sniper အဖွဲ့ ၊ KNDF Sinper အဖွဲ့ ၊ Loikaw PDF Sinper အဖွဲ့တို့ ပူးပေါင်းပြီး စစ်ကောင်စီကို သွားရောက်ပစ်ခတ်မှုပြုလုပ်ခဲ့တာလို့ ဆိုပါတယ်။

ဩဂုတ်လ ၉ရက်နေ့ပစ်ခတ်မှုဟာ ဖရူဆိုမြို့နယ်ကို စစ်ကြောင်းထိုးလာတဲ့ စစ်ကောင်စီနဲ့ ကရင်နီဒေသခံကာကွယ်ရေးပူးပေါင်းတပ်ဖွဲ့တို့ တိုက်ပွဲဖြစ်နေစဉ်အတွင်း ပစ်ခတ်ခဲ့တာဖြစ်တယ်လို့ သူကပြောပါတယ်။

ဖရူဆိုမြို့နယ် ဆိုလျားကူးကျေးရွာကို စစ်ကြောင်းထိုးလာပြီး ခြေကုတ်ယူဖို့ ကြိုးစားနေတဲ့ စစ်ကောင်စီနဲ့ ကရင်နီဒေသခံကာကွယ်ရေးပူးပေါင်းတပ်ဖွဲ့တို့ ဩဂုတ်လ ၉၊ ၁၀၊ ၁၁၊ ၁၂ ရက်နေ့တွေမှာ ၄ရက်ဆက်တိုက် တိုက်ပွဲဖြစ်ပွားခဲ့ကြပါသေးတယ်။ တိုက်ပွဲဖြစ်ပွားမှုကြောင့် ဒေသခံတွေဟာ ထွက်ပြေးတိမ်းရှောင်ခဲ့ရပြီး နေအိမ်အချို့ပျက်စီးမှုလည်းရှိခဲ့တယ်လို့ ဒေသခံတွေကဆီကနေ သိရပါတယ်။

“စစ်ကောင်စီကတော့ အခုလက်ရှိ ဖရူဆိုနဲ့ ဒီးမော့ဆိုဘက်ကို ပြန်ထိုးဖို့ ကြိုးစားနေတယ်။ ဒါပေမယ့်လည်း သူတို့ တိုးမရဘူးဖြစ်နေတယ်။” လို့ အလယ်ပိုင်းတိုင်းအထူးစစ်ဆင်ရေးအဖွဲ့ တာဝန်ရှိသူတစ်ဦးက ပြောပါတယ်။

ပြီးခဲ့တဲ့ ဇူလိုင်လအတွင်းမှာလည်း ဖရူဆိုမြို့နယ်၊ ထီးကလူဒေါရွာမှာ တပ်စွဲထားတဲ့ စစ်ကောင်စီကို စနိုက်ပါနဲ့ ပစ်ခတ်မှုကြောင့် စစ်ကောင်စီဘက်က ၉ဦး သေဆုံးခဲ့တယ်လို့ အလယ်ပိုင်းတိုင်း အထူးစစ်ဆင်ရေးအဖွဲ့က ဩဂုတ်လ ၄ရက်နေ့မှာ ထုတ်ပြန်ထားပါတယ်။

အလယ်ပိုင်းတိုင်းအထူးစစ်ဆင်ရေးအဖွဲ့အနေနဲ့ ဒေသခံညီနောင်မဟာမိတ်အဖွဲ့တွေနဲ့ ပူးပေါင်းပြီး စစ်အာဏာရှင်စစ်ကောင်စီ ပြုတ်ကျရေးအတွက် ပုံသဏ္ဍာန်မျိုးစုံ ၊ တိုက်ခိုက်နည်းမျိုးစုံနဲ့ ဆက်လက်တိုက်ပွဲဝင်သွားမယ်လို့ ဆိုပါတယ်။

spot_imgspot_imgspot_imgspot_img

More from the blog

ဆီးသူးတော်စစ်ဘေးဒုက္ခသည်စခန်းမှာ အရေးပေါ်ရိက္ခာတွေကို အသုံးပြုနေရပြီး မကြာခင် ရိက္ခာပြတ်လပ်လာနိုင်

ကန္တာရဝတီတိုင်း( မ် ) ကရင်နီပြည် ဒီးမော့ဆိုမြို့နယ် အနောက်ဘက်ခြမ်းက ဆီးသူးတော်စစ်ဘေးဒုက္ခသည်စခန်းမှာ အလှူရှင်မရောက်တာ သုံးလကျော်ပြီဖြစ်တဲ့အတွက် အရေးပေါ်ရိက္ခာတွေကို အသုံးပြုနေရပြီး မကြာခင် ရိက္ခာပြတ်လပ်လာနိုင်တယ်လို့ စစ်ရှောင်စခန်းကော်မတီတစ်ဦးက ပြောပါတယ်။ လူဦးရေ ၁၀၀၀ကျော်နဲ့ အိမ်ခြေ ၁၆၀ ကျော်ရှိတဲ့ အဲဒီစစ်ဘေးဒုက္ခသည်စခန်းမှာ ၆ အိမ်လောက်က စားဝတ်နေရေး ခက်ခဲတဲ့အတွက် စစ်ဘေးဒုက္ခသည်စခန်းမှာ...

KNDF တပ်ရင်း ၄က ရဲဘော် ဂျေရုမ်း မိုင်းနင်းမိရင်း ကျဆုံး

ကန္တာရဝတီတိုင်း(မ်) ဖရူဆိုမြို့တွင်းတစ်နေရာမှာ နယ်မြေရှင်းလင်းရေးပြုလုပ်ရင်း စစ်ကောင်စီထောင်ထားတဲ့ မိုင်းနင်းမိတဲ့အတွက် ကရင်နီအမျိုးသားများ ကာကွယ်ရေးတပ် ( KNDF ) တပ်ရင်း ၄မှ ရဲဘော် ဂျေရုမ်းဟာ ဒီဇင်ဘာလ ၄ရက်နေ့က ကျဆုံးသွားခဲ့ရပါတယ်။ ရဲဘော် ဂျေရုမ်းဟာ တပ်ရင်း(၄) တည်ထောင်တဲ့အတောအတွင်း ပထမဆုံး ကျဆုံးသွားတဲ့ ရဲဘော်ဖြစ်တယ်လို့ KNDF တပ်ရင်း...

ဒီးမော့ဆိုအနောက်ခြမ်း စစ်ရှောင်စာသင်ကျောင်းတစ်ခုရဲ့ ကျောင်းဆင်းပွဲ

ကန္တာရဝတီတိုင်း(မ်) ဒီဇင်ဘာလ ၅ရက်နေ့က ဒီးမော့ဆိုအနောက်ဘက်ခြမ်း စစ်ရှောင်ကျောင်းတစ်ကျောင်းမှာ ကျောင်းဆင်းပွဲအခမ်းအနားပြုလုပ်ခဲ့ပါတယ်။ အဲဒီအခမ်းအနားကို ကျောင်းသူ၊ကျောင်းသားတွေ ၊ ကျောင်းသားမိဘတွေနဲ့ ကျောင်သားသမဂ္ဂအဖွဲ့ဝင်တွေ တက်ရောက်ခဲ့ပါတယ်။ အခုလိုကျောင်းဆင်းပွဲ အခမ်းအနားကျင်းပ‌ခွင့်ရတဲ့အတွက် ဝမ်းသာပီတိဖြစ်တဲ့အကြောင်းကို ဆရာမတစ်ဦးက အခုလိုပြောပါတယ်။ "ကျောင်းဆင်းပွဲဆိုကျွန်မ လုံးဝမမျှော်လင့်ဘူး။ အရင်နှစ်ကျမတို့လုပ်တာမိဘ( ၁၀ )ယောက်တောင်မလာဖူးပါဘူး။ ဒီတစ်နှစ်ကျတော့ ကျမဘယ်လိုမှ ပြောမပြနိုင်တဲ့ပီတိကို ကျမခံစားရပါတယ်။ မိဘတွေအများကြီးတက်ရောက်လာတယ်...

လွိုင်ကော် ၅ရက်တာ တိုက်ပွဲအတွင်း စစ်ကောင်စီဘက် တပ်ခွဲမှူးတစ်ဦးအပါအဝင် ၅ဦးသေဆုံး

ကန္တာရဝတီတိုင်း( မ် ) ကရင်နီပြည် လွိုင်ကော်မြို့ နယ်၊ ပါလောင်းကျေးရွာ နဲ့ ကျေးရွာဝန်းကျင်တွေမှာ နိုဝင်ဘာလ ၂၄ရက်နေ့မှ ၂၉ ရက်နေ့အတွင်း ၅ရက် တိုက်ပွဲပြင်းထန်ဖြစ်ပွားခဲ့ပြီး စစ်ကောင်စီဘက်က တပ်မ ၆၆ လက်အောက်ခံ ခမရ ၁၀၈ တပ်ရင်း တပ်ခွဲမှူးတစ်ဦးအပါအဝင် ၅ဦး သေဆုံးခဲ့တယ်လို့...