spot_img
Thursday, February 9, 2023
spot_img

ဘောလခဲကနေ ရိက္ခာပို့ပြီးပြန်လာတဲ့ စစ်ကောင်စီယာဉ်တန်း တိုက်ခိုက်ခံရ၊ စစ်ကား၂စီး နဲ့ လက်နက်တချို့ ရရှိ

spot_imgspot_imgspot_imgspot_img

ကန္တာရဝတီတိုင်း(မ်)

ဘောလခဲကနေ ရိက္ခာပို့ပြန်လာတဲ့ စစ်ကောင်စီယာဉ်တန်းကို ကရင်နီဒေသခံကာကွယ်ရေးပူးပေါင်းတပ်ဖွဲ့တွေကနေပြီး ဖရူဆိုမြို့နယ် ထားလဲ ကျေးရွာမှာ တစ်ကြိမ်၊ ထားလဲ-လောကျေခူကျေးရွာ ကြားတစ်ကြိမ် ကြားဖြတ်တိုက်ခိုက်ခဲ့ပါတယ်။

ဇွန်လ ၁ရက်နေ့ နဲ့ ၂ရက် နေ့ နှစ်ရက်ဆက် တိုက်ပွဲဖြစ်ပွားခဲ့တာဖြစ်ပါတယ်။ ဇွန်လ ၂ ရက်နေ့ တိုက်ပွဲမှာတော့ စစ်ကောင်စီကနေ လေယာဉ်နဲ့ ဗုံးကြဲတိုက်ခိုက်ခဲ့တယ်လို့ ကရင်နီအမျိုးသားများကာကွယ်ရေးတပ် KNDF တာဝန်ရှိသူတစ်ဦးက ပြောပါတယ်။

“ ညနေ ၃ နာရီ ၁၅ လောက်မှာ လေယာဉ်နဲ့ ၆ ကြိမ်လာကျဲသွားတယ်။ သူတို့ဖက်တော့ ကျရှုံးတာတွေ ရှိတယ်။ ဒဏ်ရာရတာတွေ ရှိတယ်။ ကျနော်တို့ဖက်က မစိုးရိမ်ရတဲ့ ဒဏ်ရာ တစ်ဦးရတယ်။ လက်နက်ကတော့ ကျည်ဆံတွေ ကျည်ဆံအချို့နဲ့ လက်နက်ငယ်တချို့ ကျနော်တို့သိမ်းဆည်းရမိတယ်ပေါ့။ “ လို့ KNDF တာဝန်ရှိသူတစ်ဦးက ပြောပါတယ်။

စစ်ကောင်စီ ရဲ့ စစ်ကားနှစ်စီးကို ရရှိခဲ့ပြီး တစ်စီးကို ဖျက်ဆီးနိုင်ခဲ့တယ်လို့ သိရပါတယ်။ တိုက်ပွဲ အတွင်းတွေမှာစစ်ကောင်စီဖက် ထိခိုက်ကျဆုံးမှု ရှိခဲ့ပြီး အတည်မပြုနိုင်သေးဘူးလို့ သိရပါတယ်။


တိုက်ပွဲအတွင်းမှာ စစ်ကောင်စီရဲ့ စစ်ကား ၂စီး နဲ့ ဒရုန်းပစ်လက်နက် တွေ၊ လက်နက်ကြီးကျည်တွေ၊ သေနတ် ၊ ကျည်ဘောက် စတဲ့ စစ်အသုံးအဆောင် တွေကို သိမ်းဆည်းရမိခဲ့တယ်လို့ ခေတ်သစ်မီဒီယာ နဲ့ တာချီလိတ်သတင်းဌာန တို့မှာ ဖော်ပြထားပါတယ်။

တိုက်ပွဲသတင်းနဲ့ ပါတ်သက်ပြီး အသေးစိတ်ကို KNDFအနေနဲ့ သီးသန့် ထုတ်ပြန်ထားတာ မရှိသေးပါဘူး။

spot_imgspot_imgspot_imgspot_img

More from the blog

စစ်ရှောင်တွေ မွေးမြူတဲ့ကြက် အနာကျပြီး သေဆုံးမှုရှိ

ကန္တာရဝတီတိုင်း(မ်) ကရင်နီပြည် ဒီးမော့ဆိုမြို့နယ် အရှေ့ဘက်ခြမ်း စစ်ရှောင်စခန်းတစ်နေရာမှာ ပြီးခဲ့တဲ့ ဇန်နဝါရီလကစပြီး အာဟာရဓါတ်ရဖို့ မွေးမြူတဲ့ကြက်တွေ အနာကျ သေဆုံးတာတွေ ရှိတယ်လို့ စစ်ရှောင်တွေက ပြောပါတယ်။ တောင်ယာလုပ်ငန်းမှာလည်း ရိုးရာအရ ကြက်ရိုးထိုးရတာတွေ ရှိသလို ကျောင်းနေ အရွယ်ကလေး အာဟာရဓါတ် တိုက်ကျွေးမှုမှာလည်း အများအားဖြင့် ကြက်ကို အသုံးပြုကြတာကြောင့် အခုလို...

စစ်ကောင်စီရဲ့ အင်အားအလုံးအရင်း ထိုးစစ်ဆင်မှုကြောင့် မိုးဗြဲ-ပီကင်းလမ်း ယာယီပိတ်ထား

ကန္တာရဝတီတိုင်း(မ်) မိုးဗြဲမြို့မှာ ယမန်နေ့ (ဖေဖော်ဝါရီ ၇ရက်နေ့) က အင်အားအလုံးအရင်း ထိုးစစ်ဆင်လာတဲ့ စစ်ကောင်စီနဲ့ ထိတွေ့တိုက်ပွဲဖြစ်ပွားခဲ့ပြီး လက်ရှိမှာစစ်ကောင်စီဖက် လှုပ်ရှားမှု ရှိနေဆဲဖြစ်တဲ့အတွက် မိုးဗြဲ-ပီကင်းလမ်း ကိုလည်း ရက်အကန့်အသတ်မရှိ ယာယီပိတ်ထားတယ်လို့ မိုးဗြဲPDFတာဝန်ရှိသူတစ်ဦး ကပြောပါတယ်။ “ လောလောဆယ် မိုးဗြဲက မနေ့က စစ်ကောင်စီဖက်က အင်အားအလုံးအရင်းနဲ့ ထိုးတက်လာတော့...

စစ်ရှောင်စခန်းတစ်ခုမှာ ကိုယ်ပိုင်ဝင်ငွေတွေ ရနိုင်ဖို့ တစ်ပိုင်တစ်နိုင် မွေးမြူရေးပြုလုပ်

ကန္တာရဝတီတိုင်း(မ်) ဒီးမော့ဆိုအနောက်ခြမ်းမှာရှိတဲ့ သစ်ယားတောစစ်ရှောင်စခန်းမှ စစ်ရှောင်တွေဟာ တစ်ပိုင်တစ်နိုင် မွေးမြူရေးကို လုပ်ကိုင်ကြပါတယ်။ စစ်ရှောင်အိမ်တိုင်းလိုလို မွေးမြူရေးကို လုပ်ကိုင်ကြပြီး အဓိက ကြက် နဲ့ ဝက်ကို မွေးမြူကြတာဖြစ်ပါတယ်။ အခုလို တစ်ပိုင်တစ်နိုင်မွေးမြူရေး လုပ်ရတာဟာ နောင်တစ်ချိန် ရိက္ခာပစ္စည်းတွေလာရောက်ထောက်ပံ့ခြင်း မရှိတော့ရင် ကိုယ်ပိုင် ဝင်ငွေရစေဖို့ဖြစ်တယ် လို့ စစ်ရှောင်အမျိုးသမီးတစ်ဦးက အခုလိုပြောပါတယ်။ " နောင်တစ်ချိန်မှာ...

ဒိုယှက် စစ်ဘေးဒုက္ခသည်စခန်းမှာ ၅ နှစ်အောက် ကလေးငယ်တွေ ကာကွယ်ဆေး မထိုးနှံရသေး

CJ ကန္တာရဝတီတိုင်း(မ်) ကရင်နီပြည် ဖရူဆိုမြို့နယ် အနောက်ဘက်ခြမ်း ဒိုယှက် စစ်ဘေးဒုက္ခသည်စခန်းမှာ ၅ နှစ်အောက် ကလေးငယ်တွေ ကာကွယ်ဆေး မထိုးနှံရသေးတာကြောင့် ထိုးနှံဖို့ လိုအပ်နေတယ်လို့ ဒိုယှက် စစ်ဘေးဒုက္ခသည် ကော်မတီဝင်တစ်ဦးထံကနေ သိရပါတယ်။ ဒိုယှက် စစ်ဘေးဒုက္ခသည်စခန်း အနေနဲ့ ယခင်နှစ်ကတည်းက ၅ နှစ်အောက် ကလေးငယ်တွေ စာရင်းပြုစုထားတာရှိပေမယ့်...