spot_img
Tuesday, January 31, 2023
spot_img

မိုးရာသီကာလအတွင်း လမ်းချဲ ့ထွင်ခြင်းလုပ်ငန်းများ ရွှေ့ဆိုင်းပေးရန် ဒေသခံများတောင်းဆို

spot_imgspot_imgspot_imgspot_img

ခူးစိုးရယ်ဦး

ဒီးမော့ဆိုမြို့နယ်၊ ထီးဖိုုးကလိုးအုပ်စုရှိ ကျေးရွာအချို့တွင် မိုးရာသီအတွင်း ကွန်ကရစ်လမ်း တိုးချဲ့ဆောက်လုပ်ရာ မိုးရွာလျှင် သွားလာရခက်ခဲသည့်အတွက် အခြားရာသီတွင် ရွှေ့ဆိုင်းရန် ဒေသခံများက လမ်းဦးစီးဌာနသို့ တောင်းဆိုကြသည်။

ထိုသို့တောင်းဆိုရာ စီမံကိန်းကိုတာဝန်ယူနေသည့် အဖွဲ့က စီမံကိန်းကျသည့်အတိုင်း လုပ်ဆောင်နေရကြောင်း ကျေးလက်ဖွွံံ့ဖြိုးရေးဌာနအဖွဲ့မှ အငယ်တန်းအရာရှိ (၂) အင်ဂျင်နီယာကျော်မိုးဦးက ပြောပါသည်။

“ကျွန်တော်တို့ကဦးစီးဌာနနဲ့ သွားနေရတော့ ချမှတ်ထားတဲ့ စီမံကိန်းအတိုင်းပဲသွားရတာပေါ့။” ဟု ၎င်းကပြောသည်။

အဆိုပါ ကျေးလက်ဒေသဖွံ့ဖြိုးရေးအဖွဲ့ ဦးဆောင်ဆောက်လုပ်သည့် ၎င်းစီမံကိန်းလမ်းပိုင်းသည် ထီးပိုးကလိုးကျေးရွာအုပ်စုအတွင်းရှိ ဒေါကူလီကျေးရွာ၊ ဒေါတဒါး၊ ထီးပိုးကလိုးစသည့် ကျေးရွာများဖြစ်သည်။

၎င်းမြေနီလမ်းပိုင်းကို လမ်းလွှဲမှမောင်းနှင်ရသည့်အချိန်တွင် ရွှံ့ဗွက်ထူသည့်အတွက် လမ်းချော်နေသည်။ မိုးမရွာသည့်အချိန်တွင် လုပ်ဆောင်ပေးရန် ဒေသခံများက တောင်းဆိုနေကြသည်။

“ကျွန်မတို့ သွားလာရအဆင်ပြေအောင်တော့ လုပ်ပေးတာကောင်းပါတယ်၊ ဒါမဲ့ မိုးရာသီချိန်ကျတော့ အခက်ခဲကြုံနေရတယ်၊ လမ်းချော်လို့ ဆိုင်ကယ်မှောက်တာပေါ့နော်”ဟု ဖဲလျားကျေးရွာနေ ဒေါ်ပလျားမာက ပြောသည်။

လက်ရှိလမ်းပိုင်းသည် ထီဖိုုးကလိုးအုပ်စုအပြင် ဒေါဖုအုပ်စု၊ ဒေါတမကြီးအုပ်စုများမှ ဒေသခံပြည်သူများအဓိက အသုံးပြုနေသည့် လမ်းဖြစ်သည်။

ကျေးလက်မှ လက်ရှိ၎င်းတို့ချဲ့ထွင်နေသည့်လမ်းကို လာရောက်စစ်ဆေးပြီး ပြည်ထောင်စုဘတ်ဂျက်ဖြင့် ၂ဝ၁၉-၂ဝတွင် ကွန်ကရစ်လမ်းဆက်လက်ခင်းသွားမည် ဖြစ်ကြောင်း သိရသည်။

Related Stories