spot_img
Monday, May 16, 2022
spot_img

မူးယစ်ဆေးဝါး ရောင်းဝယ်ဖောက်ကားသူတွေကို KSP ပြစ်ဒဏ်ပေး

ဘလက်ဇင်း (ကန္တာရဝတီတိုင်း(မ်))

ကရင်နီပြည်အတွင်း မကြာခဏ မူးယစ်ဆေးဝါးရောင်းဝယ်ဖောက်ကားသူတွေကို ဖမ်းဆီးမိပြီး ၎င်းတို့ကို ပြစ်ဒဏ်ချမှတ်ထားတာရှိတယ်လို့ ကရင်နီပြည်ရဲဌာန(KSP) ပြောဆိုခွင့်ရှိသူ ကိုဘိုဘိုက ပြောပါတယ်။

“မူးယစ်ဆေးဝါးရောင်းဝယ်ဖောက်ကားတဲ့ တရားခံနဲ့ပတ်သက်ပြီးတော့ ပြစ်မှုကတော့ အများကြီးရှိတာပေါ့။ ကျနော်တို့ အရေအတွက် ပမာဏအပေါ်မူတည်ပြီးတော့ ကျနော်တို့ပြစ်ဒဏ်တွေထားတယ်။ ပြီးတော့မှ ပထမတစ်ကြိမ်က နည်းနည်းပါးပါးမိတာမျိုးဆိုရင် ကျနော်တို့ ပစ္စည်းသိမ်းတယ်။ ထောင်တစ်လလောက်ချပြီး ပြန်လွှတ်တယ်။ တစ်ပြားနှစ်ပြားပဲမိတာ။ နောက် ဒုတိယအကြိမ်ဖြစ်ရင် ပိုပြီးတော့မှ အပြစ်ကြီးသွားမယ် အဲ့လိုပုံစံမျိုးနဲ့။ တခြားပြစ်ဒဏ်တွေ အများကြီး ရှိတယ်။”လို့ ကိုဘိုဘိုက ပြောပါတယ်။

ကရင်နီပြည် ဒီးမော့ဆို၊ လွိုင်ကော်၊ ဖရူဆိုမြို့နယ်အတွင်းမှာ မူးယစ်ဆေးဝါးရောင်းဝယ်ဖောက်ကားသူနဲ့ သုံးစွဲသူကို မကြာခဏဖမ်းဆီးမိနေရတယ်လို့ ဆိုပါတယ်။

ပြီးခဲ့တဲ့ ဧပြီလ ၂၁ ရက်နေ့မှာ လွိုင်ကော်မြို့နယ်အတွင်း လွိုင်လင်လေးမြို့ ပိန်းချစ်ကျေးရွာမှာ မူးယစ်ဆေးဝါး ရောင်းဝယ်ဖောက်ကားသူ (၁၀) ဦးကို သတင်းအရ KNDF B-14 ၊ KSP ပူးပေါင်းအဖွဲ့တို့ သွားရောက်ဖမ်းဆီးခဲ့တယ်လို့ KNDF B-14 က ဧပြီလ ၂၂ ရက်နေ့မှာ သတင်းထုတ်ပြန်ထားပါတယ်။

သိမ်းဆည်းမိတဲ့ (WY) စာတန်းပါ စိတ်ကြွရူးသွပ်ဆေးပြား (၂၃၁ ) ပြား၊ မူးယစ်ဆေးဝါးရောင်းဝယ်ဖောက်ကားသူ (၁၀)ဦးနဲ့ သက်သေခံပစ္စည်းတွေကို KSP ထံလွှဲပြောင်းပေးခဲ့တယ်လို့ သိရပါတယ်။

လက်ရှိအချိန်ထိ သိမ်းဆည်းမိတဲ့မူးယစ်ဆေးဝါးတွေကို အများရှေ့မှာ ပွင့်လင်းမြင်သာစွာနဲ့ မီးရှို့ဖျက်ဆီးသွားမယ်လို့ KSP ပြောဆိုခွင့်ရှိသူ ကိုဘိုဘိုက ဆိုပါတယ်။

“မူးယစ်ဆေးဝါးနဲ့ပတ်သက်ပြီးတော့မှ ဖမ်းဆီးရမိတဲ့ မူးယစ်ဆေးဝါးတွေကိုတော့ ကျနော်တို့ လုံလုံခြုံခြုံ သိမ်းထားတာပေါ့နော။ အတိုင်းအတာတစ်ခုထိ များလာတဲ့အချိန်ကျရင် ပွင့်ပွင့်လင်းလင်း မြင်မြင်သာသာနဲ့ အများရှေ့မှာ မီးရှို့ဖျက်ဆီးဖို့ရှိမယ် နောက်ကျရင်ပေါ့။” လို့ သူက ပြောပါတယ်။

ပြည်သူလူထုအနေနဲ့ မူးယစ်ဆေးဝါးလက်ဝယ်ထားရှိခြင်း၊ သုံးစွဲခြင်း၊ ရောင်းဝယ်ဖောက်ကားခြင်း၊ သယ်ဆောင်ခြင်း မပြုလုပ်ကြဖို့ နဲ့ တွေ့ရှိပါက သက်ဆိုင်ရာတာဝန်ရှိသူထံ အကြောင်းကြားဖို့ KNDF နဲ့ KSP က အသိပေးထားပါတယ်။

Photo – KNDF B-14
Photo – KNDF B-14
Photo – KNDF B-14
spot_imgspot_imgspot_imgspot_img

More from the blog

စစ်ကောင်စီထုတ်ကုန်တွေကို မိုးဗြဲ PDF စစ်ဆေး ဖျက်စီး

ကန္တာရဝတီတိုင်း( မ် ) မိုးဗြဲမြို့အတွင်းမှာရှိတဲ့ ကျေးရွာ၊ ရပ်ကွက်တွေကို စစ်ဆေးမှု ပြုလုပ်ခဲ့ပြီး စစ်တပ်ထုတ်ကုန်တွေကို တွေ့ရှိခဲ့တဲ့အတွက် ဖျက်စီးမှုတွေ ပြုလုပ်ခဲ့တယ်လို့ မိုးဗြဲ PDFက ယမန်နေ့ မေလ ၁၅ ရက်နေ့မှာ ထုတ်ပြန်ထားပါတယ်။ စစ်တပ်ထုတ်ကုန်တွေဖြစ်တဲ့ Dagon အနီ/အ၀ါ/အစိမ်း၊ မုယော ၄၅ဖာ၊ Army Rum...

ဖယ်ခုံပြည်သူ့အုပ်ချုပ်ရေးအဖွဲ့က ထုတ်ပြန်ချက်အပေါ် တစ်စုတစ်စည်းတည်းဖြစ်ဖို့လိုတယ်လို့ ( KSCC ) ကပြန်လည်တုန့်ပြန်

ကန္တာရဝတီတိုင်း( မ် ) ဖယ်ခုံမြို့ ကို ကရင်နီပြည်အတွင်းရှိ ဖယ်ခုံမြို့ လို့မသုံးစွဲဲဘဲ ရှမ်းပြည်နယ်တောင်ပိုင်းရှိ ဖယ်ခုံမြို့လို့ သုံးစွဲခေါ်ဝေါ်ပေးဖို့ ပြည်သူ့လွှတ်တော်ကိုယ်စားပြုကော်မတီ (CRPH) လမ်းညွှန်မှုအရ ဖွဲ့စည်းထားတဲ့ ဖယ်ခုံပြည်သူ့အုပ်ချုပ်ရေးအဖွဲ့ က မေလ ၉ရက်နေ့မှာ ထုတ်ပြန်ကြေညာခဲ့ပါတယ်။ ဒီလိုထုတ်ပြန်ထားချက်အပေါ်မှာ ကရင်နီပြည်အတိုင်ပင်ခံကောင်စီ ( KSCC ) အနေနဲ့စတင်ဖွဲ့စည်းချိန်က...

ယနေ့နံနက် ကင်းပုန်းဝပ်နေတဲ့ စစ်ကောင်စီကို မိုးဗြဲPDF ဝင်ရောက်တိုက်ခိုက်ပြီး စစ်ကောင်စီ သုံးဦးသေဆုံး

ကန္တာရဝတီတိုင်း( မ် ) ယနေ့ မေလ ၁၄ရက်နေ့ နံနက်အစောပိုင်းမှာ မိုးဗြဲအခြေစိုက် ခမရ-၄၂၂ တပ်ရင်းအနီးမှာ ကင်းပုန်းဝပ်နေတဲ့ စစ်ကောင်စီကို မိုးဗြဲ PDF ကပျောက်ကြားဝင်ရောက်တိုက်ခိုက်ခဲ့ပြီး စစ်ကောင်စီဘက်က သုံးဦးသေဆုံးသွားခဲ့တယ်လို့ မိုးဗြဲ PDF က ထုတ်ပြန်ထားပါတယ်။ နာရီဝက်ကြာ ပစ်ခတ်မှုရှိခဲ့ပြီး မိုးဗြဲ PDF ဘက်ကလည်း...

KSCC က ပအိုဝ်းလူထုအပေါ် အိတ်ဖွင့်ပေးစာ ပေးပို့

ကန္တာရဝတီတိုင်း( မ် ) ကရင်နီပြည်အတိုင်ပင်ခံကောင်စီ ( KSCC ) က ပအိုဝ်းကိုယ်ပိုင်အုပ်ချုပ်ခွင့်ရ ဒေသမှာရှိတဲ့ ပအိုဝ်းအမျိုးသား၊ အသင်းအဖွဲ့နဲ့ ပြည်သူလူထုအတွက် အိတ်ဖွင့်ပေးစာ တစ်စောင်ကို ဒီကနေ့ မေလ ၁၄ရက်နေ့မှာ ထုတ်ပြန်ခဲ့ပါတယ်။ ကရင်နီပြည်မှာ စစ်ကောင်စီကို တော်လှန်တဲ့ တိုက်ပွဲတွေ ဖြစ်ပွားနေပြီး ကရင်နီပြည် နယ်စပ်တစ်လျှောက်မှာလည်း...