spot_img
Monday, November 28, 2022
spot_img

ရိက္ခာပြန်လာယူတဲ့ စစ်ရှောင်၂ဦး ပစ်ခတ်ခံရ ၊ နေအိမ်အချို့ကို မီးရှို့သွား

spot_imgspot_imgspot_imgspot_img

ကန္တာရဝတီတိုင်း(မ်)

ကရင်နီပြည်နယ် ဒီးမော့ဆိုမြို့နယ်မှာ ရိက္ခာပြန်လာယူတဲ့ စစ်ရှောင် ၂ ဦး အကြမ်းဖက်စစ်ကောင်စီရဲ့ကင်းပုန်းတပ်နဲ့ ထိပ်တိုက်တိုးမိတဲ့အတွက် လိုက်လံပစ်ခတ်ခံရသလို ငူးပလော့ရပ်ကွက်ရှိ နေအိမ်ကိုလည်း မီးရှို့ခဲ့တယ်လို့ ဒီးမော့ဆို ပြည်သူ့ကာကွယ်ရေးတပ် ပြန်ကြားရေးတာဝန်ခံက ပြောပါတယ်။

“ဒီးမော့ဆိုမြို့နယ်မှ ဒီ/ကျေး ကျေးရွာအုပ်စုရယ် ငွေတောင်ကျေးရွာအုပ်စုရယ်။ ဒီးမော့ဆိုအုပ်စုလို့ပြောရမှာပေါ့နော။ မြို့မရပ်ကွက်ဖက်မှာ စစ်ကောင်စီက အမြဲတမ်းလှုပ်ရှားသွားလာနေတယ်။ အန္တာရာယ်ရှိတဲ့အုပ်စုထဲမှာ ပါနေတယ်ပေါ့နော။ လူထုတွေက စစ်ဘေးရှောင်နေတယ်။ ဟုတ်တယ် သူတို့ခင်မျာလည်း ပြေးရခါကျတော့ စားနပ်ရိက္ခာမစုံဘူး။ ဥပမာ-စောင်တို့ အဝတ်အထည်ပေါ့။ ဆန်ရော သူများထောက်ပံ့တာလည်း သိပ်ထိရောက်မှုမရှိဘူးလေ။ အဲ့ကြောင့် သူတို့က အရေးကြီးလိုအပ်တဲ့ဟာ ပြန်လာယူတာ ပြန်လာယူခါကျတော့ စစ်ကောင်စီရဲ့ ကင်းပုန်းနဲ့တိုးတာပေါ့။ ပစ်လိုက်တယ်လေ အိမ်ကိုပါ မီးရှို့လိုက်တယ်။” လို့ ဒီးမော့ဆို ပြည်သူ့ကာကွယ်ရေးတပ် ပြန်ကြားရေးတာဝန်ခံက ပြောပါတယ်။

ပစ်ခတ်ခံရတဲ့ ပြည်သူနှစ်ဦးရဲ့ အခြေအနေ အသေးစိတ်မသိရှိရသေးတဲ့အတွက် အတည်မပြုနိုင်သေးဘူးလို့ အဆိုပါ ပြန်ကြားရေးတာဝန်ခံက ပြောပါတယ်။

ဒီကနေ့ ညနေပိုင်း ၅ နာရီအချိန်မှာ ဒီးမော့ဆိုမြို့နယ် ငူးပလော့ကျေးရွာမှ ပြည်သူနေအိမ်အချို့ မီးရှို့ဖျက်ဆီးခဲ့ရပြီး စစ်ကောင်စီတပ်မှ ဒီးမော့ဆိုမြို့နယ် ရပ်ကွက်အတွင်း ကင်းပုန်းချထားသလို လက်နက်တွေနဲ့ ရမ်းသန်းပစ်ခတ်နေပြီး နေ့လည်ပိုင်းမှာလည်း ရိက္ခာပြန်လာယူတဲ့ ပြည်သူနှစ်ဦးကို လက်နက်ကြီး လက်နက်ငယ်တွေနဲ့ လိုက်လံပစ်ခတ်ခဲ့တာဖြစ်တယ်လို့ သိရပါတယ်။

ဒါ့အပြင် ညနေ ၆နာရီဝန်းကျင်မှာ ဒီးမော့ဆိုမြို့ပေါ်မှာ ပစ်ခတ်သံတွေလည်း ကြားနေရတယ်လို့ ဒေသခံတွေက ပြောပါတယ်။

spot_imgspot_imgspot_imgspot_img

More from the blog

ဒီးမော့ဆို အနောက်ဘက်ခြမ်းက စစ်ရှောင်စခန်းတစ်ခုမှာ အလှူရှင်မရောက်ရှိတာ ၃လကျော်ရှိနေ

ကန္တာရဝတီတိုင်း( မ် ) ဒီးမော့ဆို အနောက်ဘက်ခြမ်းက စစ်ရှောင်စခန်းတစ်ခုမှာ အလှူရှင်တွေ မရောက်တာ ၃လကျော်ရှိနေပြီး စားဝတ်နေရေးအတွက် အခက်အခဲကြုံတွေ့နေရတယ်လို့ အဲဒီစစ်ရှောင်စခန်းနေ အမျိုးသမီးတစ်ဦးဖြစ်တဲ့ ချယ်ရီမိုးက ပြောပါတယ်။ “အစပိုင်း စစ်စရှောင်တုန်းက အလှူရှင်တွေ တော်တော်လေးကို ဝင်လာကြတယ်ပေါ့နော။ တော်တော်လေးကိုရတယ်။ မိုးကာတို့ ဆန်၊ဆီ၊ဆားတို့ အကုန်ပေးတယ်။ ဒါပေမယ့် အခုနောက်ပိုင်းတော့...

စစ်ကောင်စီရဲ့ လက်နက်ကြီး ပစ်ခတ်မှုကြောင့် လူနေအိမ် တစ်လုံး မီးလောင်ပျက်စီးခဲ့

ကန္တာရဝတီတိုင်း(မ်) ဒီးမော့ဆိုမြို့နယ်အတွင်းရှိ ကျေးရွာတွေကို ယမန်နေ့ (နိုဝင်ဘာလ ၂၅ရက်) ည ၇ နာရီ ခွဲဝန်းကျင်လောက်မှာစစ်ကောင်စီတပ်က လက်နက်ကြီး ၁၀ လုံး ထက်မနည်း ပစ်ခတ်ခဲ့ပြီး လူနေအိမ် တစ်လုံး ထိမှန် မီးလောင်ပျက်စီးသွားခဲ့ပါတယ်။ ဒီးမော့ဆို အခြေစိုက် ၁၀၂ တပ်က ပစ်ခတ်တာ ဖြစ်နိုင်ပြီး လူအထိအခိုက်တော့...

ကရင်နီပြည်သူ့ရင်ခွင်မှာ အဓိကအသုံးပြုမယ့် သေနတ် ၃လက် ကမ်ပိန်းပြည့်ဖို့ ၇၉ရာခိုင်နှုန်းလိုအပ်နေသေး

ကန္တာရဝတီတိုင်း(မ်) ကရင်နီပြည်သူ့ရင်ခွင်ကနေ “ ပြည်သူ ဘက်သို့ရပ်တည်ပေးသော CDMစစ်သားများအား ကူညီပေး” ဆိုတဲ့ M4 သေနတ် ၃လက်ရရှိဖို့အတွက် ပထမဆုံးကမ်ပိန်းတစ်ခုကို ပြုလုပ်ခဲ့ပြီး ကမ်ပိန်း ၂၆ရက်အထိ ၇၉ရာခိုင်နှုန်းလိုအပ်သေးတယ်လို့ ကရင်နီပြည်သူ့ရင်ခွင်တာဝန်ခံ ကိုယုန်လေးက နိုဝင်ဘာလ ၂၅ရက်နေ့မှာ ကန္တာရဝတီတိုင်း(မ်)ကို ဖြေကြားပါတယ်။ “ ကျနော်တို့ အမှန်ဆို တစ်လပဲ...

တော်လှန်ရေးအကြောင်းပြပြီး ခြိမ်းခြောက်ငွေတောင်းခံမှုတွေ ခပ်စိပ်စိပ်ရှိလာတယ်လို့ KNDF ဆို

ကန္တာရဝတီတိုင်း( မ် ) ကရင်နီပြည် မှာ နွေဦးတော်လှန်ရေးကာလအတွင်း တော်လှန်ရေးကို အကြောင်းပြပြီး လူထုတွေဆီ ခြိမ်းခြောက်ငွေတောင်းခံမှုတွေ ခပ်စိပ်စိပ်ရှိလာနေတယ်လို့ ကရင်နီအမျိုးသားများ ကာကွယ်ရေးတပ် ဗဟိုစုံစမ်းစစ်ဆေးရေး လုပ်ငန်းအဖွဲ့ ( ITF ) မှ တာဝန်ရှိသူ တစ်ဦးက ပြောပါတယ်။ “ လူတွေအများစု ကြုံရတာကတော့ အဖွဲ့စည်းတစ်ခုခုပေါ့လေ။...