ရွေးကောက်ပွဲမှာ ရွှေ့ပြောင်းအလုပ်သမားတွေအနေနဲ့ ပုံစံ ၃ (က) ဖြင့်မဲပေးနိုင်

အန်ထော်နီ

မကြာမီကျင်းပပြုလုပ်တော့မယ့် အထွေထွေ ရွေးကောက်ပွဲမှာရွှေ့ပြောင်းအလုပ်သမားတွေအနေနဲ့ မိမိတို့ရောက်ရှိရာဒေသမှာ မဲပေးနိုင်ရေးအတွက် ပုံစံ ၃ (က) ဖြင့်လျှောက်ထားနိုင်တယ်လို့ သိရပါတယ်။

“ ရွှေ့ပြောင်းအလုပ်သမားတွေက သူတို့က သူတို့နေထိုင်ခဲ့တဲ့ရွာတွေမှာ သူတို့နာမည်မဲစရင်းမှာမပါခဲ့ရင် ဒီမှာမဲထည့်ပြီးတော့ပေးလို့ ရတယ်ပေါ့နော်။ ပေးလို့ရတယ်ဆိုတာက ဒီမှာရက်ပေါင်း ၉၀ ကျော်နေထိုင်ခဲ့ပြီးပြီဆိုရင် နိုင်ငံသားစစ်ဆေးရေးကပ်ပြားပါခဲ့ရင်တော့ သူတို့အခုလက်ရှိလုပ်ကိုင်တဲ့နေရာမှာ အုပ်စုမှာ မဲစရင်းထည့်သွင်းပြီးတော့မှ မဲပေးလို့ရပါတယ်။” လို့ ငွေတောင်ကျေးရွာအုပ်စု ကော်မရှင်ဥက္ကဌ ဦးလှဝင်း ကပြောပါတယ်။

တစ်ချို့သောရွှေ့ပြောင်းအလုပ်သမားတွေက မိမိတို့ရဲ့အလုပ်ရှင်တွေကတဆင့် သက်ဆိုင်ရာအုပ်ချုပ်ရေးမှူးတွေဆီမှာ နာမည်စာရင်းသွင်းပြီး လို့သိရပါတယ်။

လက်ရှိမယ်စဲ့မြို့နယ်တွင် လမ်းခင်းကျောက်လုပ်ကိုင်နေသော ရွှေ့ပြောင်းအလုပ်သမား ကိုဇင်မျိုးထိုက် က “ဘာတွေပြင်ဆင်နေပြီလဲဆိုတော့ အစတုန်းကတော့ ရုံးတော့သွားပြီးပြီပေါ့။ ရုံးသွားပြီးတော့ နောက်တစ်သုတ်ကျရင် မှတ်ပုံတင်ရှိတဲ့လူကို လှမ်းခေါ်မယ်လို့ ရုံးကအဲ့လိုပြောထားတယ်လေး” လို့ ရွှေ့ပြောင်းအလုပ်သမား ကို ဇင်မျိုးထိုက် ကပြောပါတယ်။

၎င်းတို့အလုပ်သမားအဖွဲ့မှာ လူဦးရေ ၂၀ ကျော်ရှိပြီး ၄ ယောက်လောက်က မှတ်ပုံတင်မပါလာတာကြောင့် နေရပ်သို့ပြန်သွားကြတယ်လို့ ဆိုပါတယ်။

ရွှေ့ပြောင်းအလုပ်သမားတွေအနေနဲ့ မိမိတို့ရောက်ရှိရာဒေသမှာ မဲပေးနိုင်ဖို့ အတွက် အိမ်ထောင်စုစာရင်း၊ နိုင်ငံသားစစ်ဆေးရေးကတ်ပြား နှင့်အတူ ထိုနေရာတွင် ရက်ပေါင်း ၉၀ ကျော်နေထိုင်ပြီးသူဖြစ်ရပါမယ်။

Comments

comments

Next Post

KySDP မှ ဝင်ရောက်ယှဉ်ပြိုင်မယ့် ရွေးကောက်ပွဲကိုယ်စားလှယ်လောင်းအချို့ရဲ့ရွေးကောက်ပွဲကတိကဝတ်၊ ဒေသလိုအပ်ချက်အတွက် ဆောင်ရွက်ပေးလိုတဲ့ အကြောင်းအရာအချို့

Wed Sep 9 , 2020
နိုဝင်ဘာလ(၈)ရက်နေ့ ၂၀၂၀ အထွေထွေရွေးကောက်ပွဲမှာ ကယားပြည်နယ်အခြေစိုက်ပါတီဖြစ်တဲ့ ကယားပြည်နယ်ဒီမိုကရက်တစ်ပါတီကနေ ပြည်နယ်တွင်း မြို့နယ် (၇)မြို့နယ်ထဲက မဲဆန္ဒနယ် (၃၄)ရှိတဲ့အနက် (၃၀)နေရာ အသီးသီးမှာ ဝင်ရောက်ယှဉ်ပြိုင်သွားမယ်လို့ သိရပါတယ်။ ဝင်ရောက်ယှဉ်ပြိုင်မယ့် ရွေးကောက်ပွဲကိုယ်စားလှယ်လောင်းအချို့ရဲ့ရွေးကောက်ပွဲကတိကဝတ်၊ ဒေသလိုအပ်ချက်အတွက် ဆောင်ရွက်ပေးလိုတဲ့ အကြောင်းအရာအချို့ကို ကောက်နုတ်ဖော်ပြပေးလိုက်ပါတယ်။ ခူးမိုက်ကယ်ဘိုးရယ် (ရှားတောမြို့နယ်၊ ပြည်နယ်လွှတ်တော် မဲဆန္ဒနယ်အမှတ်(၁))ခူးမိုက်ကယ်ဘိုးရယ်ဟာ ကယားပြည်နယ်ဒီမိုကရက်တစ်ပါတီကနေ ဝင်ရောက်အရွေးခံမယ့် အသက်အငယ်ဆုံးလူငယ်ကိုယ်စားလှယ်လောင်းဖြစ်ပါတယ်။ ရှားတောဒေသခံဖြစ်တဲ့အတွက်ကြောင့် ဒေသရဲ့လိုအပ်ချက်တွေကို ဆောင်ရွက်သွားပေးချင်တယ်လို့ ဆိုပါတယ်။ “ဒေသရဲ့လိုအပ်ချက်နဲ့အညီ လူထုတွေရဲ့တောင်းဆိုလာတဲ့အကြောင်းအရာတွေကို အစောနပြောခဲ့သလိုပဲ ညီအစ်ကိုစိတ်ထားနဲ့ကျတော်တို့အကောင်းဆုံး ကူညီပေးပြီးတော့မှ လုပ်ဆောင်သွားဖို့ကတိပေးပါတယ်။” ခူးပလုရယ် (ဒီမော့ဆိုမြို့နယ်၊ ပြည်နယ်လွှတ်တော် မဲဆန္ဒနယ်အမှတ်(၁))ခူးပလုရယ်ဟာ ဒေသရဲ့ငြိမ်းချမ်းရေးဖြစ်စဉ်တွေမှာ ထဲထဲဝင်ဝင်ပါဝင်လုပ်ရှားတဲ့သူဖြစ်ပါတယ်။ ငြိမ်းချမ်းရေးအပြင် ဌာနေတိုင်းရင်းသားတွေရဲ့ စာပေ၊ ယဉ်ကျေးမှု၊ ဘာသာစကား စတာတွေကို မြှင့်တင်ပေးချင်တယ်လို့ဆိုပါတယ်။ […]