Thursday, January 27, 2022

လာရောက်ပူးပေါင်းပါက ဆုတော်ငွေချီးမြင့်မည်ဖြစ်ကြောင်း စစ်ကောင်စီတပ်သားများကို KNDF မှ ဖိတ်ခေါ်

ကန္တာရဝတီတိုင်း(မ်)

ကရင်နီအမျိုးသားကာကွယ်ရေးတပ်(KNDF)မှ ပြည်သူလူထုနဲ့လာရောက်ပူးပေါင်းတဲ့ ပြည်သူ့ဘက်တော်သား တပ်မတော်သားများကို လှိုက်လှဲစွာကြိုဆိုကြောင်းနဲ့ ဆုတော်ငွေချီးမြှင့်မယ့် ပန်ကြားချက်တစ်စောင်ကို ကရင်နီအမျိုးသားကာကွယ်ရေးတပ် KNDF သတင်းနှင့်ပြန်ကြားရေးအဖွဲ့မှ ဩဂုတ်လ (၂၀)ရက်နေ့မှာ ထုတ်ပြန်လိုက်ပါတယ်။

ပြည်သူ့ဘက်တော်သား တပ်မတော်သားရဲ့လုံခြုံရေးကို အထူးအာမခံပေးမယ့်အပြင် ပြည်သူများမှ ပံ့ပိုးထားတဲ့ဆုတော်ငွေကိုလည်း ချီးမြှင့်မှာ ဖြစ်တဲ့အတွက် ပြည်သူနဲ့လာရောက်ပူးပေါင်းပေးပါရန် ပန်ကြားထားပါတယ်။

KNDF နဲ့ စစ်ကောင်စီ မကြာခဏဖြစ်ပွားတဲ့ တိုက်ပွဲမှာ အကြမ်းဖက် စစ်ကောင်စီ အောက်ခြေတပ်မတော်သားများရဲ့ ထိခိုက်ဒဏ်ရာရမှု၊ အသက်သေဆုံးမှု စတဲ့ မလိုလားအပ်တဲ့ ပေးဆပ်မှုဆုံးရှုံးမှုကို တွေ့ရတဲ့ အကြမ်းဖက်စစ်ကောင်စီတပ်မှာ ဆက်လက်တာဝန်မထမ်းဆောင်တော့ဘဲ ပြည်သူလူထုနဲ့အတူ လာရောက်ပူးပေါင်းပြီး စစ်အာဏာရှင်စနစ်ကို အမြစ်ပြတ်တဲ့အထိ အတူတွန်းလှန်ရန် ဖိတ်ခေါ်ထားပါတယ်။

KNDF ဟာ အာဏာရှင်စနစ်ချုပ်ငြိမ်းရေး၊ ဖက်ဒရယ်ဒီမိုကရေစီပေါ်ပေါက်ရေးအတွက် နိုင်ငံတော်အာဏာကို မတရားသိမ်းယူထားတဲ့ အကြမ်းဖက်စစ်ကောင်စီကို တိုင်းရင်းသားလက်နက်ကိုင်အဖွဲ့အစည်းများနဲ့အတူ တော်လှန်တိုက်ခိုက်နေတဲ့ ပြည်သူ့ကာကွယ်ရေးတပ်ဖွဲ့ ဖြစ်ပါတယ်။

More from the blog

ဖရူဆိုမြို့နယ် အနောက်ဘက်ခြမ်းမှာ စစ်ဘေးရှောင်တွေ ရိက္ခာတွေနဲ့ ကလေးဘောင်းဘီအနွေးထည် လိုအပ်လျက်ရှိ

ကန္တာရဝတီတိုင်း(မ်) ကရင်နီပြည်နယ် ဖရူဆိုမြို့ အနောက်ဘက်ခြမ်းမှာ စစ်ဘေးရှောင်တွေ ဆောင်းတွင်း ရက်ကြာရှည်လာတာနဲ့အမျှ စားနပ်ရိက္ခာနဲ့ ကလေးဘောင်းဘီအနွေးထည်တွေ လိုအပ်လျက်ရှိနေတယ်လို့ စစ်ဘေးရှောင်နေတဲ့ ဒေသခံတွေဆီကနေ ကြားသိရပါတယ်။ ဖရူဆိုမြို့နယ်အနောက်ဘက်ခြမ်းက စစ်ရှောင်စခန်းတခုမှာ လူဦးရေ...

ကရင်နီပြည်နယ်မှာ အင်တာနက်လိုင်းဖြတ်တောက်ခံနေရမှု ပိုမိုဆိုးဝါးလာ

ကန္တာရဝတီတိုင်း(မ်) ကရင်နီပြည်နယ်မှာ တိုက်ပွဲဖြစ်ပွားတဲ့နောက်ပိုင်း အင်တာနက်လိုင်း ဖြတ်တောက်ခံနေရမှုဟာ ပိုမိုဆိုးဝါးလာတယ်လို့ ဒေသခံတစ်ဦးဆီကနေသိရပါတယ်။ လွိုင်ကော်မြို့ပေါ်မှာဆိုရင် ( Mytel) နဲ့ MPT တို့သာ ရရှိနေပြီး တယ်လီနောနဲ့ အော်ရီဒူးဟာ...

ဟိုဖိတ်ကျေးရွာမှာ ဒေသခံတစ်ဦးကို KNPPနဲ့ PDF သတ်ဖြတ်ခဲ့တယ်လို့ စစ်ကောင်စီ သတင်းမှားဖြန့်

https://youtu.be/dGz4XnoH9hc ကန္တာရဝတီတိုင်း(မ်) ကရင်နီပြည် ဒီးမော့ဆိုမြို့နယ် ဟိုဖိတ်ကျေးရွာမှာ သေဆုံးသွားတဲ့ ပြည်သူတစ်ဦးကို KNPPနဲ့ PDF သတ်ဖြတ်ခဲ့ပြီး War Crime (စစ်ရာဇဝတ်မှု) ကျူးလွန်ခဲ့တယ်လို့...

ကရင်နီပြည်နယ်မှာ လေကြောင်းတိုက်ခိုက်မှုရှိနေတဲ့အတွက် ပြည်သူတွေ ဗုံးခိုကျင်းတူး

https://youtu.be/yA1wSv22iXA ကန္တာရဝတီတိုင်း(မ်) တိုက်ပွဲတွေ ဆက်တိုက်ဖြစ်ပွားနေတဲ့ ကရင်နီပြည်နယ်မှာ စစ်ကောင်စီက လေကြောင်းနဲ့ ဗုံးကြဲတိုက်ခိုက်မှုတွေ ပြုလုပ်နေပါတယ်။ တိုက်ပွဲဖြစ်ပွားမှုမရှိတဲ့ စစ်ရှောင်စခန်းတွေအထိပါ ဗုံးကြဲတိုက်ခိုက်တာတွေ ပြုလုပ်နေတာကြောင့် စစ်ဘေးရှောင်တွေဟာ...