spot_img
Sunday, April 2, 2023
spot_img

လွိုင်ကော်မြို့နယ်အတွင်းက စစ်ရှောင်စခန်းတနေရာမှာ ကိုဗစ်လူနာ ၂၂ ဦးထိရှိလာ

spot_imgspot_imgspot_imgspot_img

ကန္တာရဝတီတိုင်း(မ်)

ကရင်နီပြည်နယ် လွိုင်ကော်အရှေ့မြောက်ဘက် စစ်ရှောင်စခန်းမှာ ကိုဗစ်ပိုးတွေ့ရှိသူ ၂၂ ဦးထိရှိပြီလို စစ်ဘေးရှောင်တွေကို ကူညီပေးနေသူတစ်ဦးက ပြောပါတယ်။

စစ်ရှောင်စခန်းက ကိုဗစ်လူနာတွေအတွက် ဆေးဝါးနဲ့ အောက်ဆီဂျင်လိုအပ်နေတယ်လို့ သူက ဆက်ပြောပါတယ်။

”လောလောဆယ်က အောက်ဆီဂျင်တော့ မလုံလောက်သေးဘူးပေါ့နော။ သူတို့အတွက်က အောက်ဆီဂျင်က တစ်ခုနှစ်ခုပဲရှိသေးတယ်။ ပြင်းထန်လူနာတစ်ယောက်အတွက်ပဲ ရှိနေသေးတယ်ပေါ့နော။ ကျမတို့က အောက်ဆီဂျင်ကိုတော့ ကြိုးစားပြီးရှာနေသေးတယ်ပေါ့နော။ ဆေးဝါးကတော့ ဆရာဝန်နားမှာတော့ တချို့ရှိသေးတယ်။ လုံလောက်တာမျိုးတော့ မဟုတ်ဘူးပေါ့နော။ လိုအပ်နေသေးတယ်။ အောက်ဆီဂျင်လည်းလိုအပ်နေသေးတယ်။ ထပ်ပြီးတော့မှ စစ်မယ်ဆိုလို့ရှိရင်လည်း positive တွေလည်းထပ်ပြီးတွေ့လာနိုင်သေးတယ်။ အခုထိတော့ လုံလုံလောက်လောက်တော့ မရှိသေးဘူး။ ထပ်ပြီးတော့ ရှာရအုံးမယ်ပေါ့နော။”လို့ စစ်ရှောင်တွေကို ကူညီပေးနေသူ တစ်ဦးက ပြောပါတယ်။

အဲ့ဒီစစ်ရှောင်စခန်းမှာ လူဦးရေ နှစ်ထောင်ကျော်ရှိပြီး ကိုဗစ်လူနာတွေကို သီးသန့်ထားပြီး ဆေးကုသပေးနေတယ်လို့ သိရပါတယ်။

” အဲ့တာကတော့ သူတို့ကိုတော့ ကျနော်တို့ စည်းတားထားတဲ့ ပုံစုံလေးတွေထားပြီးတော့မှ နည်းနည်းပါးပါးတော့ ဂရုစိုက်ကြည့်နေတယ်ပေါ့နော။ တတ်နိုင်တဲ့ ရှိတဲ့ ဆေးဝါးတွေနဲ့ပဲ။ ဒါပေမယ့် တကယ်တမ်း အောက်ဆီဂျင်လိုအပ်နေတယ်ပေါ့နော။” KSCC မှ တာဝန်ရှိသူတစ်ဦးက ပြောပါတယ်။

စစ်ရှောင်စခန်းမှာရှိတဲ့ ဖျားနာသူတွေကို RDT Test Kit စစ်ဆေးကြည့်တဲ့အခါမှာ positive တွေ့တာဖြစ်ပြီး ပိုးတွေ့သူတွေဟာ လူငယ်ပိုင်းတွေပဲ ဖြစ်တယ်လို့ သိရပါတယ်။

ပြင်ပက ပြန်လာသူတွေဆီကနေ ပိုးစတင်တွေ့ရှိတာဖြစ်ပြီး လက်ရှိမှာတော့ စခန်းကို Lock down ချထားတယ်လို့ သိရပါတယ်။

ကရင်နီပြည်နယ်မှာ သြဂုတ်လ ၅ ရက်နေ့အထိ ကိုဗစ်အတည်ပြုလူနာ ၇၈၁ ဦး သေဆုံးသူ ၃၄ ဦး အထိ ရှိလာပြီ ဖြစ်ပါတယ်။

spot_imgspot_imgspot_imgspot_img

More from the blog

လူထုထောက်ခံမှုရှိနေသ၍ ပါတီဆက်ရှိနေအုံးမယ်လို့ KySDP ပြော

ကန္တာရဝတီတိုင်း( မ် ) ကရင်နီပြည်နယ်အခြေစိုက် တိုင်းရင်းသားပါတီအပါအဝင် တိုင်းရင်းသားပါတီ ၄၀ ကို ဖျက်သိမ်းကြောင်း စစ်ကောင်စီရဲ့ ရွေးကောက်ပွဲကော်မရှင် ( UEC ) က မတ်လ ၂၈ ရက်နေ့မှာ ကြေညာခဲ့ပေမယ့် လူထုထောက်ခံမှုရှိနေသ၍ ကတော့ ပါတီဆက်လက်ရှိနေအုံးမှာဖြစ်တယ်လို့ ကယားပြည်နယ် ဒီမိုကရက်တစ်ပါတီ ( KySDP...

နှစ်ရက်တိုက်ပွဲအတွင်း စစ်ကောင်စီတပ်မှ (၁၅)ဦးသေဆုံး၊ လေကြောင်းတိုက်ခိုက်မှုပြုလုပ်ခဲ့

ကန္တာရဝတီတိုင်း(မ်) ကရင်နီပြည် ဒီးမော့ဆိုမြို့နယ် အရှေ့ဘက်ခြမ်း ဒေါလျားခူကျေးရွာအနီးရှိ ညေးဘူးခူတောင်ပေါ် ဖက်ကို စစ်ကြောင်းထိုးလာတဲ့ စစ်ကောင်စီတပ်နဲ့ ကရင်နီတပ်မတော်(KA)၊ KNDF ပူးပေါင်းတပ်ဖွဲ့နဲ့ တိုက်ပွဲဖြစ်ပွားခဲ့ပြီး စစ်ကောင်စီတပ်မှ ၁၅ ဦးသေဆုံးခဲ့သလို လက်နက်ခဲယမ်းအသုံးအဆောင်ပစ္စည်းတွေ သိမ်းဆည်းမိခဲ့တယ်လို့ ကရင်နီအမျိုးသားများကာကွယ်ရေးတပ် (KNDF) က ဒီကနေ့ မတ်လ ၃၁ ရက်နေ့မှာ...

တစ်လကျော်ကြာတိုက်ပွဲပြင်းထန်နေတဲ့ ဖယ်ခုံ-ပင်လောင်း နယ်စပ်မှာ လေကြောင်းတိုက်ခိုက်မှုပြင်းထန်စွာ အသုံးပြုနေ

ကန္တာရဝတီတိုင်း(မ်) ပင်လောင်းမြို့နယ်ဖက် စစ်ကြောင်းထိုးနေတဲ့ စစ်ကောင်စီတပ်နဲ့ ပြည်သူ့ကာကွယ်ရေးပူးပေါင်းတပ်ဖွဲ့တို့ ထိတွေ့တိုက်ပွဲ အပြင်းအထန်ဖြစ်ပွားနေတာ တစ်လကျော်ကြာရှိနေပြီဖြစ်ပြီး စစ်ကောင်စီဖက် လေကြောင်းတိုက်ခိုက်မှု ပြင်းထန်စွာ သုံးနေတယ်လို့ ပြည်သူ့ကာကွယ်ရေးပူးပေါင်းတပ်ဖွဲ့တွေက ဆိုကြပါတယ်။ မတ်လ (၂၉)ရက်နေ့ ဖယ်ခုံ-ပင်လောင်းနယ်စပ်တစ်နေရာမှာ ဖြစ်တဲ့ တိုက်ပွဲမှာ စစ်ကောင်စီဖက် တိုက်လေယာဉ် (၄)စင်းနဲ့ အပြင်းအထန် တိုက်ခိုက်ခဲ့တယ်လို့ ဆိုပါတယ်။ အဲဒီရက်တိုက်ပွဲမှာ...

ဒီးမော့ဆိုအရှေ့ဘက်ခြမ်းရှိ အထက်တန်းစာသင်ကျောင်း လေကြောင်းတိုက်ခိုက်ခံရ

ကန္တာရဝတီတိုင်း(မ်) ဒီကနေ့ မတ်လ ၃၀ ရက်နေ့ မွန်းလွဲ ၁ နာရီအချိန်မှာ ဒီးမော့ဆိုမြို့နယ်အရှေ့ဘက်ခြမ်းကို စစ်ကောင်စီ လေကြောင်းအသုံးပြုတိုက်ခိုက်ခဲ့တဲ့အတွက် အထက်တန်း စာသင်ကျောင်းတစ်ကျောင်း ထိမှန်ပျက်စီးခဲ့ရပါတယ်။ “၁ နာရီ ၁၆မိနစ်မှာ တိုက်လေယာဉ် နှစ်ပတ် ပတ်ပြီးဝဲတာ ဝဲပြီးတော့ ၁၈မိနစ်လောက်မှာ တစ်ခါတည်းတန်းပစ်တာ။ ၈ခေါက်တိတိပစ်တယ်။ လေယာဉ်ဒုံးနဲ့လည်းပစ်တယ် ရွာတစ်လျှောက်...