spot_img
Wednesday, November 30, 2022
spot_img

လွိုင်ကော်အရှေ့ဖက်ခြမ်းစစ်ရှောင်စခန်းတစ်ခုမှာ နှစ်ရက်အတွင်း ကိုဗစ်လူနာ (၇၈)ဦးတွေ့ရှိ

spot_imgspot_imgspot_imgspot_img
ဓာတ်ပုံ – Pyae Phyo Kyaw Facebook (ပုံဟောင်း အသုံးပြုခြင်းသာဖြစ်သည်။)

ကန္တာရဝတီတိုင်း(မ်)

ကရင်နီပြည်နယ်ရှိ၊ လွိုင်ကော်မြို့ အရှေ့ဖက်ခြမ်းစစ်ရှောင်စခန်းတစ်ခုမှာ စစ်ရှောင်နေကြတဲ့ ပြည်သူအားလုံးနီးပါး ဖျားနာနေကြတဲ့အတွက် စက်တင်ဘာ (၂၈)ရက်ညနေပိုင်းမှာ စစ်ကြည့်ရာ ဒီကနေ့အထိ နှစ်ရက်အတွင်း (၇၈)ဦး တွေ့ရှိခဲ့တယ်လို့စစ်ရှောင်စခန်းမှာ ကူညီပေးနေသူ တစ်ဦးက ကန္တာရဝတီတိုင်း(မ်)ကို အတည်ပြုပြောပါတယ်။

စစ်ရှောင်စခန်းမှာ ကိုဗစ်စတွေ့ခဲ့တာ ဖြစ်ပြီး အသက် (၂)နှစ်၊ (၃)နှစ်အရွယ်ကနေ အသက် (၆၅)နှစ်အထိနဲ့ ကိုယ်ဝန်ဆောင်မိခင်နှစ်ဦးလည်း ကိုဗစ်တွေ့ရှိနေတာ ဖြစ်တယ်လို့ သိရပါတယ်။ လူဦးရေ သုံးရာကျော်ရှိတဲ့အထဲTest Kitလုံလောက်မှုမရှိတဲ့အတွက် လူဦးရေ နှစ်ရာလောက်သာ စစ်ပေးနိုင်သေးတာ ဖြစ်တယ်လို့ စစ်ရှောင်ကူညီပေးနေသူက အခုလို ပြောပြပါတယ်။

“ကျမတို့မလုံလောက်ဘူးလို့ဘဲ ပြောရမယ် ဘာဖြစ်လဲဆိုရင် ဒီမှာတော့Test Kitက ဟိုတစ်နေရာ နည်းနည်းလိုက်တောင်း၊ ဒီတစ်နေရာနည်းနည်းလိုက်တောင်း အဲ့လိုမျိုးပဲရှိတာပေါ့နော။ လောလောဆယ်အထိ လူအားလုံးက စစ်မယ်ဆိုရင် တော့ ကျမတို့အတွက်တော့ လုံလောက်မှုမရှိသေးဘူး။ လောလောဆယ်ကတော့Test Kitက ကုန်နေသေးတော့ အကုန်လုံး မစစ်နိုင်သေးဘူး ဖြစ်နေတယ်။” လို့ ပြောပါတယ်။

လက်ရှိ ကိုဗစ်တွေ့ရှိတဲ့ လူနာတွေက တုတ်ကွေးပုံစံ အဖျားတက်တာတွေ ၊ နှာစီးချောင်းဆိုး တာတွေ စတဲ့ လက္ခာဏာတွေ သာပြသေးတာဖြစ်ပြီး ပြင်းထန်လူနာတွေတော့ မရှိသေးဘူးလို့ သိရပါတယ်။ အသက်ရှူကြပ်တဲ့အထိ ရောဂါလက္ခာတွေ ပြင်းထန်လာရင်တော့ အခက်အခဲတွေ ရှိတယ်လို့ဆိုပါတယ်။

“ကျမတို့ ဒီမှာကတော့ ဆရာမလုံလောက်မှုမရှိဘူးလေနော။ ဆေးမှူးတွေပေါ့။ ဆရာဝန်လည်း မရှိဘူးဆိုတော့ တကယ်လို့ ပြင်းထန်လူနာတွေရှိလာခဲ့ရင်တော့ ကျမတို့ ဘယ်လိုမျိုး လွဲပြောင်းမလဲ ဆိုတာတော့ ဆရာဝန်တွေရှိတဲ့ နေရာပဲ ပြောင်းပေးရမယ်ထင်တယ်ပေါ့နော။ ဒါပေမယ့် လောလောဆယ် နိုင်ငံရေးခြေနေအရလည်း သွားလို့လာလို့လည်း အဆင်မပြေတော့ ဘယ်လိုမျိုး နည်းနဲ့ လွဲပြောင်းမလဲဆိုတာတော့ ကျမတို့ အခုထိတော့ မသိသေးဘူးပေါ့နော။ ဆရာဝန်ဆီတော့ မဖြစ်မနေလွဲပေးရမှာပေါ့နော။” လို့ ကူညီဆောင်ရွက်ပေးနေသူက ပြောပါတယ်။

လွိုင်ကော်အရှေ့ဖက် ခြမ်းအတွင်း စစ်ရှောင်စခန်း နှစ်နေရာက ကိုဗစ်တွေ့ရှိနေပြီး ကိုဗစ်တွေ့ရှိတဲ့ စခန်းတွေ ၊ ကျေးရွာတွေကို အသွားအလာကန့်သတ်ထားတာတွေ ပြုလုပ်ထားပေမယ့် တိုက်ပွဲတွေ ဖြစ်ပွားတာတွေရှိရင်တော့ ကိုဗစ်အတွက် စိုးရိမ်မှုတွေ ရှိနေတာ ဖြစ်ပါတယ်။

လွိုင်ကော်အရှေ့ဖက်ခြမ်းက စစ်ရှောင်စခန်းတစ်ခုမှာ ကူညီပေးနေတဲ့ ဒေါက်တာ ဗစ်တာကတော့ လက်ရှိကိုဗစ်တွေ့တဲ့အထဲမှာ သက်ကြီးရွယ်အိုတွေ ပါလာတဲ့အတွက် စစ်ရှောင်တွေရဲ့ ကျန်းမာရေးအတွက် စိုးရိမ်မှုတွေရှိတယ်လို့ ပြောပါတယ်။

“ကျနော်နဲ့ နီးတဲ့သူတွေကတော့ သိပ်ပြဿနာမရှိပေမယ့် ကျနောတို့ စစ်ရှောင်စခန်းတွေကဧရိယာတွေက ကျယ်တယ်လေ။ ကျယ်တော့ အရေးပေါ်တခုခုဖြစ်တယ်ဆိုလို့ရှိရင် လမ်းခရီးမကောင်းတော့ သယ်ရပြုရတာခက်တယ်။ အရင်အသုတ်တွေတုန်းက ဖြစ်တဲ့လူနာတွေက အသက် ခြောက်ဆယ်ကျော် တစ်ယောက်မှမပါဘူး။ အများဆုံးက ငါးဆယ်ကျော်အကြီးဆုံးပဲ။ သိပ်စိုးရိမ်စရာမရှိဘူးပေါ့။ ပြင်းထန်လူနာနည်းတယ်။ဒါပေမယ့် အခုဒီတစ်ခေါက်ဖြစ်တဲ့အသုတ်ထဲမှာ ခြောက်ဆယ်ကျော်တွေ ပါလာတဲ့အတွက်ကြောင့်မို့လို့ သူတို့ကတော့ အောက်ဆီဂျင်က ၈၀၊ ၉၀ အဲ့လောက်ကျသွားတဲ့သူတွေရှိတယ်ပေါ့နော။ အဲ့ကြောင့် သူတို့အတွက်တော့ ကျနောစိတ်ပူတယ်။” လို့ ဒေါက်တာက ပြောပါတယ်။

လွိုင်ကော်အရှေ့ဖက်ခြမ်းမှာဆိုရင် ဆင်စစ်ရှောင်စခန်းကစပြီး ကိုဗစ်စတွေ့ခဲ့ပေမယ့် လက်ရှိမှာတော့ ကိုဗစ် လူနာသုံးဦးသာ ကျန်ရှိတော့ပြီး အယောက် ၇၀ကျော် ပြန်လည် သက်သာသွားပြီ ဖြစ်ပါတယ်။ ယခုအတည်ပြုလူနာ ၇၈ ဦးဟာ နောက်ထပ် စစ်ရှောင်စခန်း တစ်ခုမှာ ထပ်မံတွေ့ရှိတာ ဖြစ်ပါတယ်။

spot_imgspot_imgspot_imgspot_img

More from the blog

စစ်ရှောင်နေအိမ်အမိုးပိုကြာရှည်ခံဖို့ မိုးကာအစား သက်ကယ်ကို အစားထိုးအသုံးပြု

ကေးဒူ (ကန္တာရဝတီ တိုင်း(မ်)) ကရင်နီပြည်တွင်းက စစ်ဘေးရှောင်အိမ်တွေမှာ ယခင်က မိုးကာနဲ့ အသုံးပြုပေမယ့် တစ်နှစ်မှာ မိုးကာ နှစ်ခါ သို့မဟုတ် သုံးခါ လဲလှယ်ရတဲ့အတွက် အဲဒီအစား တစ်နှစ်စာပိုခံနိုင်ဖို့ စစ်ရှောင်တွေဟာ သက်ကယ်ကို ရှာပြီးတော့ ရိတ်ယူနေကြပါတယ်။ ဒီးမော့ဆို အရှေ့ဘက်ခြမ်း စစ်ရှောင်စခန်းမှာ နေထိုင်တာ တစ်နှစ်ကျော်ပြီဖြစ်တဲ့ အာဒြေးကိုကတော့...

စစ်ရှောင်စာသင်ကျောင်းတစ်ခုမှာ သင်ပုန်းမလုံလောက်၊ မိုးကာပေါ် စာရေးသင်ကြားနေရ

ကန္တာရဝတီတိုင်း( မ် ) ဒီးမော့ဆိုအနောက်ဖက်ခြမ်း စစ်ရှောင်စာသင်ကျောင်းတစ်ခုမှာ KG တန်းအတွက် စာသင်ပုန်းမလုံလောက်တဲ့အတွက် ကျောင်းက အမိုးအကာ ပေါ်မှာ စာရေးသင်ကြားပေးနေရတယ်လို့ ဆရာမ တစ်ဦးက ပြောပါတယ်။ "ကျမတို့ KG တန်းမှာ White Board မရှိတော့ ဆရာမတစ်ယောက်ကနေပြီးတော့ မိုးကာပေါ်မှာဘဲ စာရေးပေးရတယ် အဲလိုမျိုးပေါ့။" လို့...

ယင်းတလဲစာပေတွေကို စာသင်ကျောင်းတွေမှာ ထည့်သွင်း သင်ကြားပေးနေ

ကန္တာရဝတီတိုင်း( မ် ) ကရင်နီပြည်ထဲမှာရှိတဲ့ ယင်းတလဲ လူမျိုးစု အနေနဲ့ လူမျိုးမပျောက်ကွယ်အောင် စာပေတွေကို ယင်းတလဲလူမျိုးတွေ အများစုနေထိုင်တဲ့ဒေသက စာသင်ကျောင်းတွေမှာ ဘာသာရပ်တစ်ခုအနေနဲ့ စတင်သင်ကြားပေးနေပြီလို့ ယင်းတလဲလူမျိုး တစ်ဦးက ပြောပါတယ်။ “လူမျိုးလည်း နည်းလာပြီပေါ့နော။ လူမျိုးနည်းလာတော့ အခုကလည်း ဘယ်လိုပြောရမလဲ။ ယဉ်ကျေးမှုပဲ လွှမ်းမိုးတာလား။ လူမျိုးအချင်းချင်းကပဲ လွှမ်းမိုးတာပဲဖြစ်ဖြစ်...

ဖရူဆိုမြို့နယ်တွင်းက စစ်ကောင်စီတပ်စခန်းနဲ့ ခြေကုပ်စခန်းတို့ကို KA၊ KNDF တို့သွားရောက်တိုက်ခိုက်

ကန္တာရဝတီတိုင်း( မ် ) ကရင်နီပြည် ဖရူဆိုမြို့တွင်းမှာရှိတဲ့ စစ်ကောင်စီတပ်စခန်းနဲ့ ခြေကုပ်စခန်းတို့ကို သွားရောက်တိုက်ခိုက်ခဲ့ပြီး စစ်ကောင်စီဘက်က ၄ဦးသေဆုံးခဲ့တယ်လို့ KNDF B-15 က ဒီကနေ့ နိုဝင်ဘာလ ၂၉ ရက်နေ့မှာ ထုတ်ပြန်ထားပါတယ်။ ပြီးခဲ့တဲ့ နိုဝင်ဘာလ ၂၅ ရက်နေ့မှာ ဖရူဆိုမြို့နယ်တွင်းမှာရှိတဲ့ စစ်ကောင်စီရဲ့ အမှတ် (၁၄)...