spot_img
Tuesday, January 31, 2023
spot_img

လွိုင်လင်တိုက်ပွဲမှာစစ်ကောင်စီရဲ့ လက်နက်တချို့သိမ်းဆည်းရမိ

spot_imgspot_imgspot_imgspot_img

ကန္တာရဝတီတိုင်း(မ်)

မနေ့က (ဩဂုတ်၂၈) လွိုင်လင်မြို့နယ် မှာ တိုက်ပွဲ လေးကြိမ် ဖြစ်ပွားခဲ့ပြီး ကရင်နီတပ်မတော် (KA)နဲ့ ကရင်နီအမျိုးသားကာကွယ်ရေးတပ်(KNDF)တို့ က စစ်ကောင်စီရဲ့လက်နက်တချို့ကို သိမ်းဆည်းရမိခဲ့တယ်လို့ သိရပါတယ်။

သေနတ်၊ ကျည်ဆံ၊ လက်ပစ်ဗုံးနဲ့ RPG 7စတာတွေကို သိမ်းရခဲ့တယ်လို့ ကရင်နီတပ်မတော် က တာဝန်ရှိသူတဦးထံက‌နေသိရ ပါတယ်။

” သေနတ်တစ်လက်က MA2 (စက်လတ်ကလေး)လို့ခေါ်တယ်။နောက်ပြီးတော့ ကျည်ဘောက်တစ်ဘောက်ပါတယ်။ RPG တစ်လုံးပါတယ်။ နောက်ပြီးတော့မှ MA1၊ MA2ကျည်ဆံတွေ စုစုပေါင်း ၃၅၀လောက်ပါတယ်။ နောက်ထပ်တစ်ခုက လက်ပစ်ဗုံးပေါ့နော။ “

စစ်ကောင်စီဘက်က တပ်မဆုတ်သေးတဲ့အပြင် စစ်ကြောင်းဆက်ထိုးနေသေးတာ‌ကြောင့် ရက်ပိုင်းအတွင်း တိုက်ပွဲတွေ ဆက်ဖြစ်လာနိုင်တဲ့အတွက် ဒေသခံတွေ စိုးရိမ်လျက်ရှိနေကြပါတယ်။

မနေ့က ဖြစ်တဲ့ တိုက်ပွဲကြောင့် လွိုင်လင်မြို့နယ် ဒေသခံတွေ ထွက်ပြေးတိမ်းရှောင်နေကြရပြီး ရိက္ခာမပါတဲ့သူတွေ ရိက္ခာပြန်မယူရဲကြသေးဘူးလို့ ဒေသခံတစ်ဦးက ပြောပါတယ်။

”ကိုယ့်ရိက္ခာနဲ့ကိုယ်ပေါ့။ကျနော့ရွာထဲက သူငယ်ချင်းတစ်ယောက်ဆို ရိက္ခာမပါသွားဘူး။ အဲ့တာပြန်လာလို့ရမလား။ အခြေအနေဘယ်လိုလဲ။မေးတော့။ အေလာခဲ့လေ။ လောလောဆယ်တော့ရွာမှာဘားမဖြစ်ဘူး။ ဒါပေမယ့်လမ်းတော့အားမ မခံဘူးပြောတော့ သူလည်းမလာရဲဘူး။ ”

ဒေသခံတွေ ထွက်ပြေးတိမ်းရှောင်နေကြချိန်မှာ အကြမ်းဖက်စစ်ကောင်စီကနေပြီး ပြည်သူတွေရဲ့ ဆိုင်တွေ ကို ဝင်ရောက်မွှေနှောက်တာတွေလည်း ရှိနေတယ်လို့ ဒေသခံတွေဆီကနေ သိရပါတယ်။

” ရွာသူရွာသားတွေ ထွက်ပြေးပြီဆိုရင် ဒီကွန်နားအောက်ရွာက ရှမ်းရွာဆိုတော့ ဆိုင်တွေရောင်းတယ်။ ရွာသားတွေ ထွက်ပြေးပြီဆိုလို့ရှိရင် သူတို့ ဆိုင်တွေမှန်တွေခွဲပြီးတော့မှ ပစ္စည်း တွေယူတယ်ပေါ့နော။ သူတို့လက်နက်ကြီးပစ်ချတာလည်း အိမ်ကဆယ်လုံးလောက်ပျက်သွားတာပေါ့နော။ ရွာသားတွေက တိုက်ပွဲဖြစ်ပြီဆို အကုန်ထွက်ပြေးသွားပြီလေ။ ဆိုတော့ ဘယ်သူမှမနေရဲတော့ သူတို့ပစ္စည်းတွေ စိတ်ကြိုက်ယူမယ်။ ဆိုင်ထဲရှိတဲ့ ပစ္စည်းတွေ သူတို့ယူမာပဲလေနော။ “

တိုက်ပွဲမှာ စစ်ကောင်စီဖက်က လက်နက်ကြီး ရမ်းသမ်းပစ်ခတ်တဲ့အတွက်ကြောင့် လူနေအိမ်ပျက်စီးတာတွေရှိတဲ့အပြင်၊ နောင်လုံ ရွာသားတစ်ဦး လက်နက်ကြီး ကျည်စထိမှန်ပြီး ဒဏ်ရာရခဲ့တယ်လို့ သိရပါတယ်။

spot_imgspot_imgspot_imgspot_img

More from the blog

ယခင်နှစ်ထက် ဈေးတစ်ဆနီးပါးရတဲ့ ကယန်းဒေသထွက် ငရုတ်သီး

ခွန်းကလိုင်းဖရီး (ကန္တာရဝတီတိုင်း(မ်)) ကယန်းဒေသကထွက်ရှိတဲ့ ငရုတ်သီးတွေကို ပွဲစားတွေက ယခင်နှစ်ကထက် ဈေးတဆ လောက်ပိုပေးဝယ်နေတာကြောင့် ဈေးကောင်းရနေတယ်လို့ ငရုတ်စိုက်တောင်သူတွေက ပြောဆိုကြပါတယ်။ ငရုတ်သီးဈေးကောင်းရတဲ့အပေါ် အလယ်ကယန်းဒေသက ငရုတ်စိုက်တောင်သူ စခွန်းကြီးမောင်က "အရင်တစ်နှစ်က ဈေးနှုန်းက ရှစ်ထောင် ၊ တစ်သောင်း ဘားဆုံးပဲ။ ဒီတစ်နှစ်ကတော့ တစ်သောင်းရှစ်ထောင် များတယ်။ တစ်သောင်းကိုးထောင်၊ နှစ်သောင်းကတော့...

ဒေသခံတစ်ဦး လက်နက်ကြီး ထိမှန်ပြီး သေဆုံး

ကန္တာရဝတီ တိုင်း(မ်) ယမန်နေ့ ဇန်နဝါရီလ ၂၉ ရက်နေ့က ကရင်နီပြည် ဒီးမော့ဆိုမြို့နယ် အရှေ့ဘက်ခြမ်းမှာ အကြမ်းဘက်စစ်ကောင်စီရဲ့ လက်နက်ကြီး ပစ်ခတ်မှုကြောင့် ဒေသခံတစ်ဦး ထိမှန် သေဆုံးသွားခဲ့ပါတယ်။ လက်နက်ကြီးဟာ မနက်ပိုင်း ၉ နာရီခွဲ ဝန်းကျင်လောက်က ကျလာတာဖြစ်ပြီး နေအိမ်မျာ ပစ္စည်းပြန်ယူတဲ့ အသက် ၂၇ နှစ်အရွယ်...

စစ်ရှောင်လူဦးရေ ထပ်မံတိုးလာတာကြောင့် ရေအခက်အခဲကြုံတွေ့နေရ

ကန္တာရဝတီတိုင်း(မ်) ကရင်နီပြည် ဒီးမော့ဆိုအရှေ့ဘက်ခြမ်းမှာ ၂၀၂၃ခုနှစ် ဇန်နဝါရီလ နောက်ဆုံးပတ်လောက်ကစပြီး လူဦးရေ သုံးထောင်ငါးရာ ဝန်းကျင်လောက်ဟာ ထပ်ဆင့်ထွက်ပြေးတိမ်းရှောင်ရတဲ့အတွက် လက်ရှိမှာ ရေရှားပါးမှုပြသာနာနဲ့ ကြုံတွေ့နေကြရပါတယ်။ ယခင်ရှိပြီးသား စစ်ရှောင်စခန်းအများစုမှာလည်း ရေကိုမျှဝေသုံးစွဲနေကြရပြီး ယခုလို စစ်ရှောင်လူဦးရေ ထပ်မံတိုးပွားလာတာကြောင့် ရေရှည်မှာ ခက်ခဲလာနိုင်တယ်လို့ ကရင်နီလူ့အခွင့်အရေးအဖွဲ့မှ ဒါရိုက်တာ ဆရာဗညားက ပြောပါတယ်။ "အခုလောလောဆယ် ရှောင်တဲ့နေရာတွေ...

တိုက်ပွဲကြောင့် ထပ်ဆင့်ပြောင်းရွှေ့ရတဲ့ IDPs များ စားနပ်ရိက္ခာ အခက်အခဲ တွေနဲ့ ကြုံတွေ့နေရ

ကန္တာရဝတီ တိုင်း(မ်) ကရင်နီပြည် ဒီးမော့ဆို အရှေ့ဘက်ခြမ်းကို စစ်ကြောင်းထိုးလာတဲ့ စစ်ကောင်စီတပ်နဲ့ ဒေသခံ ပြည်သူ့ကာကွယ်ရေး တပ်ဖွဲ့တို့ ဇန်နဝါရီလ ၂၂ ရက်နေ့စ တိုက်ပွဲ ပြင်းထန်နေပြီး စစ်ရှောင်စခန်းအတွင်း လက်နက်ကြီးများ ကျရောက်ပေါက်ကွဲ ထိခိုက်မှုတွေကြောင့် IDPs စစ်ရှောင်စခန်း (၃)ခု ထပ်မံပြောင်းရွေ့ခဲ့ကြရပါတယ်။ ဇန်နဝါရီလ ၂၃ ရက်နေ့လောက်က...