spot_img
Tuesday, January 31, 2023
spot_img

လွိုင်လင်ဘက်မှာ တိုက်ပွဲတွေ ပိုပြင်းထန်လာနိုင်တဲ့အတွက် ဒေသခံတွေ စိုးရိမ်မှုရှိနေ

spot_imgspot_imgspot_imgspot_img
ဓါတ်ပုံ – Free Burma Ranger

ကန္တာရဝတီတိုင်း(မ်)

အခုရက်ပိုင်းတွေမှာ အကြမ်းဖက်စစ်ကောင်စီနဲ့ ကရင်နီတပ်မတော်(KA)၊ ကရင်နီအမျိုးသားကာကွယ်ရေးတပ် (KNDF) တို့ ရှမ်း-ကယားနယ်စပ် လွိုင်လင်လေးမှာ ထိတွေ့ တိုက်ပွဲတွေ မကြာခဏဖြစ်ပွားနေပြီး တိုက်ပွဲ ပိုပြင်းထန်လာနိုင်တဲ့အတွက် ဒေသခံတွေ စိုးရိမ်မှုရှိနေကြပါတယ်။

အကြမ်းဖက်စစ်ကောင်စီဘက်က လွိုင်လင်လေး အနီးတဝိုက်တွေမှာ ထိုးစစ်ဆင်မှုတွေရှိပြီး တိုက်ပွဲ ဖြစ်မှာကို စိုးရိမ်နေကြတယ်လို့ စစ်ရှောင်နေတဲ့ ဒေသခံတစ်ဦးက ပြောပါတယ်။

” အဲ့တာတော့ အဓိကပဲ လူတိုင်း စိုးရိမ် ဆုံးပဲ။ ဘာလို့လဲဆို အခုထိ သူတို့ တပ်မခေါက်သေးဘူးလေ။ ထပ်တောင် တိုးလာသေးတယ်။ “

တိုက်ပွဲတွေ ပိုပြင်းထန်လာနိုင်တဲ့အပေါ် KNDFတာဝန်ရှိသူတစ်ဦးက လူထုတွေအနေနဲ့ အားတင်းထားပေးကြဖို့ အခုလို ပြောပါတယ်။

” ဒီတလောမှာတော့ တိုက်ပွဲပို ပြင်းထန်လာနိုင်ခြေတယ်ပေါ့လေ။ အားလုံးကတော့ တိုက်ရမှာပဲပေါ့နော။ မတိုက်ရင်လည်း ကျနောတို့ တစ်သက်လုံး ကျနောတို့ မျိုးဆက်သစ်တွေ ခံနေရမယ့် အနေအထားမျိုးတွေ ဖြစ်တယ်။ အဲ့ဒီအတွက်ကြောင့်မလို့ ကျနောတို့ ဒီကာလမှာတော့ ဘယ်လိုပဲ ဖြစ်ဖြစ် လူထုတွေအနေနဲ့ လည်း ခက်ခဲမယ်။ ဒါပေမယ့် အားတင်းထားဖို့ ပေါ့နော။ အကြောက်မလွန်ဖို့။ တိုက်ပွဲက ရပ်နားမှာ မဟုတ်ဘူး။ ပိုပြီးတော့ ပိုပြီးတော့ ပြင်းထန်လာမယ့် အနေအထားပဲရှိပါတယ်။ အဲ့ဒီအတွက်ကြောင့်မလို့ ပို သတိရှိရှိနဲ့ နေသွားဖို့ အဲ့တာတွေလည်း ကျနောပြောချင်တယ်ဗျ။ “

လွိုင်လင် ဘက်မှာဆိုရင် နှစ်ရက်ဆက်တိုက် ထိတွေ့ တိုက်ပွဲတွေ ဖြစ်ခဲ့ပြီး အနီးအနားမှာရှိတဲ့ ကျေးရွာပေါင်း (၁၁)ရွာလောက် နီးစပ်ရာ ကျေးရွာတွေနဲ့ တောတောင်ထဲ တိမ်းရှောင်နေရပြီး ခန့်မှန်းခြေ လူဦးရေ ငါးထောင်ကျော်လောက် တိမ်းရှောင်နေရတယ်လို့ KNDFတာဝန်ရှိသူတစ်ဦးက ကန္တာရဝတီတိုင်း(မ်)ကို ပြောပါတယ်။

အခုလို တိမ်းရှောင်နေရပြီး ရိက္ခာမပါတဲ့သူတွေ အိမ်ကိုပြန်မယူရဲကြသေးဘူးလို့ ဒေသခံတစ်ဦးက ပြောပါတယ်။

” အခက်အခဲဆိုလည်း စားဖို့ သောက်ဖို့ ပေါ့။ တချို့ဆိုလည်း ရိက္ခာမပါလာဘူး။ ကိုယ့် အချင်းချင်းပဲ ပြန်တောင်းပြီး စားသောက်နေရတာပေါ့။ ပြန်လာမယ် ဆိုရင်လည်း မပြန်လာရဲကြဘူး။ လောလောဆယ် ကိုယ့်ရွာကို ပြန်လာချင်တဲ့သူတော့ အများကြီးပဲပေါ့။ ဒါပေမယ့် မပြန်လာရဲကြဘူးလေ။ “

အကြမ်းဖက်စစ်ကောင်စီဟာဆိုရင် လက်နက်ကြီးတွေနဲ့ ရမ်းသမ်း ပစ်ခတ်တာတွေရှိပြီး ဩဂုတ် ၂၈ ရက်နေ့ကဆိုရင် ကွန်နားကျေးရွာက လူနေအိမ် ၁၁လုံး ပျက်စီးသွားတယ်လို့ သိရပါတယ်။

ဩဂုတ် ၂၈ ရက်နေ့က လွိုင်လင်ဘက်မှာ ထိတွေ့ တိုက်ပွဲ လေးကြိမ်နဲ့ ၂၉ ရက်နေ့ညနေပိုင်းမှာ ဆိုရင် ထိတွေ့ တိုက်ပွဲ တစ်ကြိမ် ဖြစ်ပွားခဲ့တာ ဖြစ်ပါတယ်။

KA၊ KNDFပူးပေါင်းတပ်ဖွဲ့ကနေပြီး စစ်ကောင်စီတပ်တွေထံကနေ လက်နက်တွေ သိမ်းဆည်းရမိခဲ့တာလည်း ရှိတယ်သလို ၂၉ရက်နေ့ ဖြစ်တဲ့တိုက်ပွဲမှာ အကြမ်းဖက်စစ်ကောင်စီဖက် ၇ဦးသေဆုံးပြီး ဒဏ်ရာရရှိသူအများအပြားရရှိခဲ့တယ်လို့ သိရပါတယ်။

spot_imgspot_imgspot_imgspot_img

More from the blog

ယခင်နှစ်ထက် ဈေးတစ်ဆနီးပါးရတဲ့ ကယန်းဒေသထွက် ငရုတ်သီး

ခွန်းကလိုင်းဖရီး (ကန္တာရဝတီတိုင်း(မ်)) ကယန်းဒေသကထွက်ရှိတဲ့ ငရုတ်သီးတွေကို ပွဲစားတွေက ယခင်နှစ်ကထက် ဈေးတဆ လောက်ပိုပေးဝယ်နေတာကြောင့် ဈေးကောင်းရနေတယ်လို့ ငရုတ်စိုက်တောင်သူတွေက ပြောဆိုကြပါတယ်။ ငရုတ်သီးဈေးကောင်းရတဲ့အပေါ် အလယ်ကယန်းဒေသက ငရုတ်စိုက်တောင်သူ စခွန်းကြီးမောင်က "အရင်တစ်နှစ်က ဈေးနှုန်းက ရှစ်ထောင် ၊ တစ်သောင်း ဘားဆုံးပဲ။ ဒီတစ်နှစ်ကတော့ တစ်သောင်းရှစ်ထောင် များတယ်။ တစ်သောင်းကိုးထောင်၊ နှစ်သောင်းကတော့...

ဒေသခံတစ်ဦး လက်နက်ကြီး ထိမှန်ပြီး သေဆုံး

ကန္တာရဝတီ တိုင်း(မ်) ယမန်နေ့ ဇန်နဝါရီလ ၂၉ ရက်နေ့က ကရင်နီပြည် ဒီးမော့ဆိုမြို့နယ် အရှေ့ဘက်ခြမ်းမှာ အကြမ်းဘက်စစ်ကောင်စီရဲ့ လက်နက်ကြီး ပစ်ခတ်မှုကြောင့် ဒေသခံတစ်ဦး ထိမှန် သေဆုံးသွားခဲ့ပါတယ်။ လက်နက်ကြီးဟာ မနက်ပိုင်း ၉ နာရီခွဲ ဝန်းကျင်လောက်က ကျလာတာဖြစ်ပြီး နေအိမ်မျာ ပစ္စည်းပြန်ယူတဲ့ အသက် ၂၇ နှစ်အရွယ်...

စစ်ရှောင်လူဦးရေ ထပ်မံတိုးလာတာကြောင့် ရေအခက်အခဲကြုံတွေ့နေရ

ကန္တာရဝတီတိုင်း(မ်) ကရင်နီပြည် ဒီးမော့ဆိုအရှေ့ဘက်ခြမ်းမှာ ၂၀၂၃ခုနှစ် ဇန်နဝါရီလ နောက်ဆုံးပတ်လောက်ကစပြီး လူဦးရေ သုံးထောင်ငါးရာ ဝန်းကျင်လောက်ဟာ ထပ်ဆင့်ထွက်ပြေးတိမ်းရှောင်ရတဲ့အတွက် လက်ရှိမှာ ရေရှားပါးမှုပြသာနာနဲ့ ကြုံတွေ့နေကြရပါတယ်။ ယခင်ရှိပြီးသား စစ်ရှောင်စခန်းအများစုမှာလည်း ရေကိုမျှဝေသုံးစွဲနေကြရပြီး ယခုလို စစ်ရှောင်လူဦးရေ ထပ်မံတိုးပွားလာတာကြောင့် ရေရှည်မှာ ခက်ခဲလာနိုင်တယ်လို့ ကရင်နီလူ့အခွင့်အရေးအဖွဲ့မှ ဒါရိုက်တာ ဆရာဗညားက ပြောပါတယ်။ "အခုလောလောဆယ် ရှောင်တဲ့နေရာတွေ...

တိုက်ပွဲကြောင့် ထပ်ဆင့်ပြောင်းရွှေ့ရတဲ့ IDPs များ စားနပ်ရိက္ခာ အခက်အခဲ တွေနဲ့ ကြုံတွေ့နေရ

ကန္တာရဝတီ တိုင်း(မ်) ကရင်နီပြည် ဒီးမော့ဆို အရှေ့ဘက်ခြမ်းကို စစ်ကြောင်းထိုးလာတဲ့ စစ်ကောင်စီတပ်နဲ့ ဒေသခံ ပြည်သူ့ကာကွယ်ရေး တပ်ဖွဲ့တို့ ဇန်နဝါရီလ ၂၂ ရက်နေ့စ တိုက်ပွဲ ပြင်းထန်နေပြီး စစ်ရှောင်စခန်းအတွင်း လက်နက်ကြီးများ ကျရောက်ပေါက်ကွဲ ထိခိုက်မှုတွေကြောင့် IDPs စစ်ရှောင်စခန်း (၃)ခု ထပ်မံပြောင်းရွေ့ခဲ့ကြရပါတယ်။ ဇန်နဝါရီလ ၂၃ ရက်နေ့လောက်က...