spot_img
Friday, March 24, 2023
spot_img

လွိုင်လင်လေးအရှေ့ဘက်ခြမ်းက ဖမ်းဆီးခံရပြီး ပြန်မလွှတ်သူ ၉ ဦး ရှိနေသေး

spot_imgspot_imgspot_imgspot_img

ကန္တာရဝတီတိုင်း(မ်)

ကရင်နီပြည်နယ်၊ လွိုင်ကော်မြို့နယ်၊ လွိုင်လင်လေးအရှေ့ဘက်ခြမ်းမှာ အကြမ်းဖက်စစ်ကောင်စီတပ်က ဖမ်းဆီးသွားသူ ၁၁ ဦးအနက် ၂ ဦးသာ ပြန်လွှတ်လာပြီး ၉ ဦး ကျန်နေသေးတယ်လို့ လွိုင်လင်လေးအရှေ့ဘက်ခြမ်းမှ ဒေသခံအမျိုးသားတစ်ဦးက ပြောပါတယ်။

“ နှစ်ယောက်က ပြန်လွှတ်ပြီးပြီ။ ကျန်တဲ့ဟာက ပြန်မလွှတ်သေးဘူး။” လို့ အဆိုပါ အမျိုးသားက ပြောပါတယ်။

ပုံဟောင်းအသုံးပြုခြင်းသာ ဖြစ်သည်။

လွိုင်လင်လေးအရှေ့ဘက်ခြမ်း ဒေါတဟေးကျေးရွာနဲ့ ကွန်နားကျေးရွားအနီးတွေမှာ ပြီးခဲ့တဲ့ ဩဂုတ်လ၂၈ ရက်နေ့ကနေ စက်တင်ဘာလ ၃ ရက်နေ့အထိ တိုက်ပွဲပြင်းထန်ခဲ့ပါတယ်။
တိုက်ပွဲအပြီးမှာ အကြမ်းဖက်စစ်ကောင်စီတပ်များက ရွာတွေထဲဝင်မွှေပြီး တွေ့တဲ့သူကို ဖမ်းဆီးခေါ်ဆောင်တာတွေ ပြုလုပ်ခဲ့တယ်လို့ ဒေသခံတွေက ဆိုပါတယ်။

ကွန်နားကျေးရွာက အသက် ၆၀ ကျော် လင်မယားနှစ်ယောက်အပါအဝင် ဒေသခံ ၇ ယောက်ကို ပြီးခဲ့တဲ့ စက်တင်ဘာလ ၄ ရက်နေ့မှာ ဖမ်းဆီးခဲ့ပါတယ်။

တိုက်ပွဲဖြစ်ပွားတဲ့ကာလ၊ စစ်ကြောင်းအတွင်းမှာလည်း နွားကျောင်းသားနှစ်ဦး၊ ကျွဲကျောင်းသားတစ်ဦး နဲ့ လယ်ထဲသွားနေတဲ့ လယ်သမားတစ်ဦးကို လမ်းပြအဖြစ် ခေါ်ဆောင်သွားပြီး ယခုအချိန်ထိ ပြန်မလွှတ်လာသေးဘူးလို့ သိရပါတယ်။

ဖမ်းဆီးခံရသူထဲမှာ အသက် ၆၀ ကျော် လင်မယားနှစ်ယောက်ကိုတော့ ပြန်လွှတ်ပေးခဲ့ပြီး ကျန်တဲ့သူတွေရဲ့ အခြေအနေကိုတော့ မသိရှိရသေးဘူးလို့ ဒေသခံတွေက ပြောပါတယ်။

တိုက်ပွဲကြောင့် ဒေသခံ အများအပြား စစ်ဘေးရှောင်ခဲ့ရပြီး ယခုအချိန်အထိ နေအိမ်ကို ပြန်မနေရဲကြသေးဘူးလို့ လွိုင်လင်လေးဒေသခံတစ်ဦးက ပြောပါတယ်။

” ပြန်လာကြတယ်။ ဒါပေမယ့် ပြန်လိုက်လာလိုက် သွားလိုက် သူတို့က တိုက်ပွဲက ဒီးမော့ဆို၊ လွိုင်ကော်ဘက်မှာ တောက်လျှောက်ဖြစ်နေတဲ့ အခါကျတော့ ကျနော်တို့ဆီကိုလည်း အချိန်မရွေး နေ့တစ်ပိုင်းလည်း ရောက်လာတယ်။ ကားနဲ့လာလည်း ခဏလေး ရောက်လာတယ်ဆိုတော့ သူတို့က သတိနဲ့ပဲ နေကြတယ်။ သူတို့က လာတယ်။ သွားတယ်။ ပြန်လာတယ်။ အလုပ်ပြန်လာလုပ်တယ်။ ပြန်သွားတယ်။ အဲ့လိုပဲ လုပ်ကြတယ်။ ” လို့ အဆိုပါ ဒေသခံက ဆိုပါတယ်။

စစ်တပ်က အာဏာသိမ်းပြီးနောက် ဖေဖော်ဝါရီလ ၁ ရက်နေ့ကနေ စက်တင်ဘာလ ၁၈ ရက်နေ့အထိ ကရင်နီပြည်နယ်မှာ အကြမ်းဖက်စစ်ကောင်စီတပ်ရဲ့ ဖမ်းဆီးမှုခံရတဲ့ ဒေသခံပြည်သူပေါင်း ၁၂၄ ဦးအထိ ရှိလာတယ်လို့ တိုးတက်သောကရင်နီပြည်သူ့အင်အားစုက ထုတ်ပြန်ထားပါတယ်။

spot_imgspot_imgspot_imgspot_img

More from the blog

ဒီးမော့ဆိုမြို့နယ် အရှေ့ဘက်ခြမ်းကို လေကြောင်းတိုက်ခိုက်ပြီး နေအိမ် ( ၁၀၀ ) ဝန်းကျင် မီးလောင်ပျက်စီး

ကန္တာရဝတီ တိုင်း(မ်) ဒီကနေ့ မတ်လ ၂၄ ရက်နေ့ ကရင်နီပြည်၊ ဒီးမော့ဆိုမြို့နယ် အရှေ့ဘက်ခြမ်း တစ်နေရာကို စစ်ကောင်စီတပ်မှ လေကြောင်းဖြင့် တိုက်ခိုက်မှု ပြုလုပ်ခဲ့တယ်လို့ ကန္တာရဝတီတိုင်း(မ်)ရဲ့ မြေပြင်သတင်းထောက်မှ သတင်းပေးပို့ချက်အရ သိရပါတယ်။ ကျေးရွာတစ်ရွာထဲကို ယနေ့ နေ့လည် ၁၂ နာရီ မိနစ် ၄၀ ဝန်းကျင်မှာ...

စစ်ကောင်စီစစ်ကြောင်းထိုးမှုကြောင့် ကရင်နီ စစ်ရှောင်ဦးရေ နှစ်သိန်းခွဲအထိ ရှိလာ

ကန္တာရဝတီတိုင်း(မ်) ကရင်နီပြည်နယ်အတွင်းမှာ စစ်ကောင်စီတပ်ရဲ့ စစ်ကြောင်းထိုးမှုတွေကြောင့် စစ်ရှောင်ပြည်သူ နှစ်သိန်းခွဲအထိ ရှိလာပြီလို့ ကရင်နီပြည်အတိုင်ပင်ခံကောင်စီ(KSCC) ရဲ့ လူသားချင်းစာနာထောက်ထားမှုကော်မတီ တာဝန်ခံ ဦးဗညားက ပြောပါတယ်။ “အနည်းဆုံးကတော့ ၂သိန်းခွဲရှိသွားပြီလို့ ကျနော်တို့က ယတိပြတ်ပြောလို့ရသွားပြီပေါ့နော။ ဘာဖြစ်လို့ အဲ့လိုပြောရတာလဲဆိုရင်တော့ အရင်က ၂ သိန်းဝန်းကျင် ရှိတယ်လို့ ခန့်မှန်းခဲ့ကြတယ်။ ဒီလိုမျိုးခန့်မှန်းချက်ကလည်း မြို့နယ်အလိုက်...

ဒီးမော့ဆိုအရှေ့ဘက် (၂)ပတ်ကျော် တိုက်ပွဲအတွင်း စစ်ကောင်စီတပ်မှ တစ်ရာဝန်းကျင် သေဆုံးပြီး ပူးပေါင်းတပ်မှ (၄)ဦးကျဆုံး

ကန္တာရဝတီတိုင်း(မ်) ဒီးမော့ဆိုအရှေ့ဘက်ခြမ်းမှာ မတ်လ ဒုတိယအပတ်ကနေစပြီး စစ်ကြောင်းထိုးနေတဲ့ စစ်ကောင်စီတပ်နဲ့ ကရင်နီဒေသခံကာကွယ်ရေးပူးပေါင်းတပ်တို့ တိုက်ပွဲဖြစ်ပွားနေတာ ၂ပတ် ကျော် ရှိလာပြီဖြစ်ပါတယ်။ အဲဒီတိုက်ပွဲတွေအတွင်းမှာ နှစ်ဖက် ထိခိုက်ကျဆုံးမှုတွေ ရှိနေပြီး စစ်ကောင်စီဖက် တစ်ရာဝန်းကျင်သေဆုံးပြီး ပူးပေါင်းတပ်မှ (၄)ဦး ကျဆုံးခဲ့တယ်လို့ သိရပါတယ်။ “ အရေအတွက်တော့ မသိဘူး။ ဒါပေမယ့် အကျအဆုံးတော့...

ဒီးမော့ဆိုအရှေ့ဘက်ခြမ်းတိုက်ပွဲအတွင်း KNDF တပ်ရင်း (၁၀)မှ ရဲဘော်နှစ်ဦးကျဆုံး

ကန္တာရဝတီတိုင်း(မ်) တိုက်ပွဲနေ့စဉ်ဖြစ်ပွားနေတဲ့ ကရင်နီပြည် ဒီးမော့ဆိုအရှေ့ဘက်ခြမ်းရှိ ဒေါညေးခူ၊ ဒေါတမကြီးကျေးရွာတိုက်ပွဲအတွင်း ကရင်နီအမျိုးသားများကာကွယ်ရေးတပ် ( KNDF ) တပ်ရင်း (၁၀)မှ ရဲဘော်နှစ်ဦး ကျဆုံးခဲ့တယ်လို့ KNDF တပ်ရင်း (၁၀)က ဒီကနေ့ ( မတ်လ ၂၄ ရက်နေ့) မှာ သတင်းထုတ်ပြန်ပါတယ်။ စစ်ကြောင်းသုံးကြောင်းနဲ့ ထိုးစစ်ဆင်လာတဲ့...