spot_img
Wednesday, November 30, 2022
spot_img

လွိုင်လင်အရှေ့ဘက်ခြမ်းတွင် တိုက်ပွဲ လေးကြိမ်ဖြစ်၊ ပြည်သူ့အိုးအိမ်တချို့ ပျက်စီးဆုံးရှုံး

spot_imgspot_imgspot_imgspot_img

ကန္တာရဝတီတိုင်း(မ်)

ဒီကနေ့ ဩဂုတ် ၂၈ရက်မှာ ကရင်နီပြည်နယ် လွိုင်ကော်မြို့၊ လွိုင်လင်အရှေ့ဘက်ခြမ်းမှာ တိုက်ပွဲလေးကြိမ်ဖြစ်ရာ ပြည်သူအိုးအိမ်ဆယ်လုံးကျော် ပျက်စီးသွားတယ်လို့ သိရပါတယ်။

ကရင်နီတပ်မတော် ( KA ) ၊ ကရင်နီအမျိုးသားများကာကွယ်ရေးတပ် (KNDF) နဲ့ စစ်ကောင်စီတို့ တိုက်ပွဲ‌ေလးကြိမ် ဖြစ်ခဲ့တယ်လို့ KNDFက ဒီက‌ေန့ညမှာ ထုတ်ပြန်ထားပါတယ်။

မနက် ၈နာရီ၊ နေ့လည်နဲ့ ညနေပိုင်းတို့မှာ သုံးကြိမ် နှစ်ဖက်ထိတွေ့တိုက်ပွဲ ဖြစ်ပွားခဲ့ပါတယ်။

မနက်ပိုင်းမှာ ကွန်နားကျေးရွာ၊ နောင်လုံ ရေကန်အနီး နဲ့ နေ့လည်ပိုင်းမှာ ဒေါတဟေးကျေးရွာ အနီးတို့မှာ တိုက်ပွဲ ဖြစ်ပွားခဲ့ပြီး စစ်ကောင်စီဖက် လက်နက်ကြီးပစ်ခတ်မှုကြောင့် ကွန်နားကျေးရွာရှိ နေအိမ်အချို့ ပျက်စီးသွားတယ်လို့ ထုတ်ပြန်ချက်မှာ ပါရှိပါတယ်။

တိုက်ပွဲဖြစ်ပွားရတဲ့‌အ‌‌ေကြာင်းအရင်းကို ကရင်နီအမျိုးသားများကာကွယ်ရေးတပ် (KNDF) ပြောရေးဆိုခွင့်ရှိသူတစ်ဦးက အခုလိုပြောပါတယ်။

” ဒီနေ့တိုက်ပွဲအခြေအနေကတော့ စစ်ကောင်စီဘက်ကပဲ ထိုးစစ်ဆင်တာတွေများတယ်။ ကျနော်သိရသလောက်ကတော့ ဒီတစ်ရက်နှစ်ရက်အတွင်းမှာ စစ်ကောင်စီက ပိုမိုတင်းကျပ်တဲ့ ပိတ်ဆို့မှုမျိုးတွေလုပ်တယ်။ လုံခြုံရေးတွေ ပိုမိုတင်းကြပ်တဲ့အနေအထားမျိုးတွေလုပ်တယ်။ အဲ့တာကြောင့်မလို့ တိုက်ပွဲတွေဖြစ်ကြတာပေါ့လေ။ သဘောကတော့ ကျနော်တို့ KNDF ကော KA ကော ဒီပြည်နယ်မှာပဲရှိနေတဲ့အတွက် ထိုးစစ်ဆင်လို့ တိုက်ပွဲဖြစ်ရတဲ့အခြေအနေပါပဲ။ ”

တိုက်ပွဲအတွင်း အကျအဆုံးကို‌ေတာ့ အတိအကျမသိရှိရသေးပါဘူး။ တိုက်ပွဲကြောင့် ဒေသခံပြည်သူတွေ နီးစပ်ရာ တောတောင်တွေထဲ ထွက်ပြေးတိမ်းရှောင်နေကြရပါတယ်။

spot_imgspot_imgspot_imgspot_img

More from the blog

စစ်ရှောင်နေအိမ်အမိုးပိုကြာရှည်ခံဖို့ မိုးကာအစား သက်ကယ်ကို အစားထိုးအသုံးပြု

ကေးဒူ (ကန္တာရဝတီ တိုင်း(မ်)) ကရင်နီပြည်တွင်းက စစ်ဘေးရှောင်အိမ်တွေမှာ ယခင်က မိုးကာနဲ့ အသုံးပြုပေမယ့် တစ်နှစ်မှာ မိုးကာ နှစ်ခါ သို့မဟုတ် သုံးခါ လဲလှယ်ရတဲ့အတွက် အဲဒီအစား တစ်နှစ်စာပိုခံနိုင်ဖို့ စစ်ရှောင်တွေဟာ သက်ကယ်ကို ရှာပြီးတော့ ရိတ်ယူနေကြပါတယ်။ ဒီးမော့ဆို အရှေ့ဘက်ခြမ်း စစ်ရှောင်စခန်းမှာ နေထိုင်တာ တစ်နှစ်ကျော်ပြီဖြစ်တဲ့ အာဒြေးကိုကတော့...

စစ်ရှောင်စာသင်ကျောင်းတစ်ခုမှာ သင်ပုန်းမလုံလောက်၊ မိုးကာပေါ် စာရေးသင်ကြားနေရ

ကန္တာရဝတီတိုင်း( မ် ) ဒီးမော့ဆိုအနောက်ဖက်ခြမ်း စစ်ရှောင်စာသင်ကျောင်းတစ်ခုမှာ KG တန်းအတွက် စာသင်ပုန်းမလုံလောက်တဲ့အတွက် ကျောင်းက အမိုးအကာ ပေါ်မှာ စာရေးသင်ကြားပေးနေရတယ်လို့ ဆရာမ တစ်ဦးက ပြောပါတယ်။ "ကျမတို့ KG တန်းမှာ White Board မရှိတော့ ဆရာမတစ်ယောက်ကနေပြီးတော့ မိုးကာပေါ်မှာဘဲ စာရေးပေးရတယ် အဲလိုမျိုးပေါ့။" လို့...

ယင်းတလဲစာပေတွေကို စာသင်ကျောင်းတွေမှာ ထည့်သွင်း သင်ကြားပေးနေ

ကန္တာရဝတီတိုင်း( မ် ) ကရင်နီပြည်ထဲမှာရှိတဲ့ ယင်းတလဲ လူမျိုးစု အနေနဲ့ လူမျိုးမပျောက်ကွယ်အောင် စာပေတွေကို ယင်းတလဲလူမျိုးတွေ အများစုနေထိုင်တဲ့ဒေသက စာသင်ကျောင်းတွေမှာ ဘာသာရပ်တစ်ခုအနေနဲ့ စတင်သင်ကြားပေးနေပြီလို့ ယင်းတလဲလူမျိုး တစ်ဦးက ပြောပါတယ်။ “လူမျိုးလည်း နည်းလာပြီပေါ့နော။ လူမျိုးနည်းလာတော့ အခုကလည်း ဘယ်လိုပြောရမလဲ။ ယဉ်ကျေးမှုပဲ လွှမ်းမိုးတာလား။ လူမျိုးအချင်းချင်းကပဲ လွှမ်းမိုးတာပဲဖြစ်ဖြစ်...

ဖရူဆိုမြို့နယ်တွင်းက စစ်ကောင်စီတပ်စခန်းနဲ့ ခြေကုပ်စခန်းတို့ကို KA၊ KNDF တို့သွားရောက်တိုက်ခိုက်

ကန္တာရဝတီတိုင်း( မ် ) ကရင်နီပြည် ဖရူဆိုမြို့တွင်းမှာရှိတဲ့ စစ်ကောင်စီတပ်စခန်းနဲ့ ခြေကုပ်စခန်းတို့ကို သွားရောက်တိုက်ခိုက်ခဲ့ပြီး စစ်ကောင်စီဘက်က ၄ဦးသေဆုံးခဲ့တယ်လို့ KNDF B-15 က ဒီကနေ့ နိုဝင်ဘာလ ၂၉ ရက်နေ့မှာ ထုတ်ပြန်ထားပါတယ်။ ပြီးခဲ့တဲ့ နိုဝင်ဘာလ ၂၅ ရက်နေ့မှာ ဖရူဆိုမြို့နယ်တွင်းမှာရှိတဲ့ စစ်ကောင်စီရဲ့ အမှတ် (၁၄)...