spot_img
Thursday, February 9, 2023
spot_img

ဝါရီဆူးပလိုင်ကျေးရွာဘက်ကို စစ်ကြောင်းထိုးလာတဲ့ စစ်ကောင်စီတပ် ဖြတ်တိုက်ခံရပြီး ၁၀ဦးသေဆုံး

spot_imgspot_imgspot_imgspot_img
ဓာတ်ပုံ – KNDF B-03

ကန္တာရဝတီတိုင်း(မ်)

ယမန်နေ့ (ဇူလိုင် ၂၅ ရက်) မှာ မိုးဗြဲ ဝါရီဆူးပလိုင်ဖက်ဦးတည်ပြီး မိုးဗြဲမြို့ထဲကိုစစ်ကား ၂၁ စီး၊ အင်အား (၃၀၀) ဝန်းကျင်နဲ့ စစ်ကြောင်းထိုးလာတဲ့ စစ်ကောင်စီကို ကရင်နီဒေသခံကာကွယ်ရေးပူးပေါင်းတပ်ဖွဲ့က ကြားဖြတ်တိုက်ခိုက်ခဲ့တာ ဖြစ်ပါတယ်။

တိုက်ပွဲအတွင်း စစ်ကောင်စီဖက် ၁၀ ဦး သေဆုံးခဲ့ပြီး ကရင်နီဒေသခံကာကွယ်ရေး ပူးပေါင်းတပ်ဖွဲ့ဖက်က တစ်ဦး မစိုးရိမ်ရတဲ့ ထိခိုက်ဒဏ်ရာရရှိခဲ့တယ်လို့ မိုးဗြဲ PDF ဒု-တပ်ရင်းမှူးက ပြောပါတယ်။

“ ကြားဖြတ်တိုက်တော့ ၄ဦးတော့ မျက်မြင်တွေ့ရတယ်။ ပြီးတော့ ကျနော်တို့ ထောင်ထားတဲ့ မိုင်းကွင်းထဲကို ေ-ွး တွေက ဝင်သွားတယ်ပေါ့နော။ ဝင်တယ်ဆိုတော့ သူတို့ရဲ့ ခြေရာ ကျန်တယ်။ နောက်ပြီးတော့ သူတို့ရဲ့သွေးတွေပေါ့နော။ ကျဆုံးသွားတဲ့ရဲဘော်ရဲ့ သွေးတွေ ကျန်တာ ကြည့်ခြင်းအားဖြင့်တော့ ၁၀ဦးထက်မနည်း သေဆုံးတာတွေ့နိုင်တယ်။ အလောင်းတွေက သူတို့ ပြန်ပြီးတော့ ကောက်သွားတယ်ပေါ့နော။ “ လို့ မိုးဗြဲ PDF ဒု-တပ်ရင်းမှူးက ပြောပါတယ်။

စစ်ကောင်စီ တပ်ကို မိုးဗြဲ PDF၊ လွိုင်ကော် PDFနဲ့ URFတို့ ကြားဖြတ်တိုက်ခိုက်ခဲ့ကြတာဖြစ်ပါတယ်။

ညနေပိုင်း ၅နာရီအချိန်မှာ စတင် ထိတွေ့ တိုက်ပွဲ ဖြစ်ပွားခဲ့ပြီး ၃နာရီကြာအောင် တိုက်ပွဲ ဖြစ်ပွားခဲ့ပါတယ်။ တိုက်ပွဲ ပြီးတဲ့ နောက်မှာ စစ်ကောင်စီဖက် လမ်းကြောင်းပြောင်း ဆက်လက် စစ်ကြောင်းထိုးတာတွေ ရှိတယ်လို့ သူက ဆက်ပြောပါတယ်။

လူထုတွေအနေနဲ့လည်း စစ်ကောင်စီ လှုပ်ရှားမှုတွေ ရှိတဲ့အချိန်မှာ အသွားအလာ မလုပ်ကြဖို့လည်း လို့ မိုးဗြဲ PDF ဒု-တပ်ရင်းမှူးက တိုက်တွန်းထားပါတယ်။

“ မြို့ထဲက ပြည်သူတွေကို ပြောချင်တာက စစ်​ွေး တွေ လှုပ်ရှားနေတယ်ဆိုတာနဲ့ ဒီအချိန်မှာ အနီရောင်အဆင့်ထက်ကျော်လွန်တဲ့ အဆင့်ဖြစ်တဲ့အတွက်ကြောင့်မလို့ မြို့ထဲမှာ အသွားအလာတွေ မလုပ်ကြပါနဲ့ပေါ့နော။ တစ်ခုခုဖြစ်ပြီဆိုရင် လုံခြုံတဲ့ နေရာမှာ ပုန်းပါ။ စပ်စုချင်လို့ ဓါတ်ပုံရိုက်ချင်လို့ အပြင်ချောင်းထွက်တာမျိုး မလုပ်နဲ့ ။ ဒါကျနော်တို့ ကို စစ်ရေးသုံးသပ်ချက်နဲ့ ကျနော်တို့ကို မေးပါပေါ့နော။ “

စစ်ကောင်စီဖက်ကနေ လက်နက်ကြီး ပစ်ခတ်မှုကြောင့် စည်းကား (၃)ရပ်ကွက်နေ အသက် ၇၀ ကျော် အဘွား တစ်ဦး သေဆုံးခဲ့ရသလို စည်ကား(၁)ရပ်ကွက် စည်းလုံးညီညာဘေးမဲ့ကျောင်းမှာ စစ်ရှောင်ခိုလုံနေတဲ့ ပြည်သူ အမျိုးသားနှစ်ဦးထိခိုက်ဒဏ်ရာရခဲ့တယ်လို့ Mobye Rescue Team အဖွဲ့ဝင်တစ်ဦးက ပြောပါတယ်။

မိုးဗြဲမြို့ ပေါ်က လူထုတွေအနေနဲ့ကတော့ နီးစပ်ရာ လုံခြုံမယ်လို့ ယူဆတဲ့ ဘုန်းကြီးကျောင်းတွေမှာ တိမ်းရှောင်နေကြတာတွေ ရှိတယ်လို့ သိရပါတယ်။

“လောလောဆယ်တော့ ဘုန်းကြီးကျောင်းမှာ တိမ်းရှောင်နေကြတယ်ရှင့်။ ဒီရက်လည်း အသံနည်းနည်း ငြိမ်နေတော့ တချို့လည်း အိမ်မှာ ပြန်နေတာတော့ ရှိတယ်ရှင့်။“ လို့ Mobye Rescue Team အဖွဲ့ဝင်တစ်ဦးက ပြောပါတယ်။

ယမန်နေ့ မနက် ၁၀နာရီခွဲအချိန် ဖယ်ခုံ မြို့နယ် ဆောင်းနန်းခဲ ကျေးရွာ အရှေ့ရှိ တောင်ပေါ်မှာ တပ်စွဲထားတဲ့ စစ်ကောင်စီနဲ့ ဖယ်ခုံ PDF၊ KNDF B-03နဲ့ ၁၀၀၈ တပ်ရင်းတို့ ပူးပေါင်းပြီး သွားရောက်တိုက်ခိုက်ခဲ့ကြပါတယ်။ တိုက်ပွဲ ၁နာရီကြာမြင့်ခဲ့ပြီး စစ်ကောင်စီဖက် သေဆုံးသူနဲ့ ဒဏ်ရာရသူ ၈ဦး ရှိတယ်လို့ သိရပါတယ်။

၂၀၂၂ခုနှစ် မေလကတည်းက ဆောင်နန်းခဲကျေးရွာဘက် စစ်ကြောင်းထိုးလာပြီး တောင်ကြောပေါ်မှာ လက်ရှိအချိန်အထိ တပ်စွဲနေသေးတယ်လို့ ဖယ်ခုံ PDFတပ်ရင်း (၂) တာဝန်ရှိသူ တစ်ဦးက ပြောပါတယ်။

ကျေးရွာထဲက နေအိမ်တွေဆိုရင် အကုန်လုံး နီးပါး မီးရှို့ဖျက်ဆီးခံရတာဖြစ်ပြီး တောင်ပေါ်တွေမှာ စစ်ကောင်စီတပ်စွဲထားတဲ့အတွက် ကျေးရွာတွေထဲ ပြန်ဝင်လို့ မရဘူးလို့ ဆိုပါတယ်။

“ ရွာထဲ ပြန်လို့မရဘူးဗျ။ ရွာထဲကို ပြန်တာနဲ့ ဝင်တာနဲ့ သူတို့ အရိပ်တွေ့တာနဲ့ တန်းပစ်တာဗျ။ တောင်ပေါ်မှာရှိနေတယ်။ “ လို့ PDFတပ်ရင်း (၂) တာဝန်ရှိသူ တစ်ဦးက ပြောပါတယ်။

ဒါ့အပြင် လွယ်ပေါဘုရား တောင်ပေါ် မှာ စစ်ကောင်စီ စစ်ကြောင်းထိုး လာစဉ်ပစ်သတ်ခဲ့တဲ့ ရုပ်အလောင်း တစ်ခုကိုလည်း တွေ့ရှိတာတွေ ရှိခဲ့ပြီး ရှင်းလင်းတာတွေတော့ မလုပ်ဆောင်ရသေးဘူးလို့ ဆိုပါတယ်။

spot_imgspot_imgspot_imgspot_img

More from the blog

စစ်ရှောင်တွေ မွေးမြူတဲ့ကြက် အနာကျပြီး သေဆုံးမှုရှိ

ကန္တာရဝတီတိုင်း(မ်) ကရင်နီပြည် ဒီးမော့ဆိုမြို့နယ် အရှေ့ဘက်ခြမ်း စစ်ရှောင်စခန်းတစ်နေရာမှာ ပြီးခဲ့တဲ့ ဇန်နဝါရီလကစပြီး အာဟာရဓါတ်ရဖို့ မွေးမြူတဲ့ကြက်တွေ အနာကျ သေဆုံးတာတွေ ရှိတယ်လို့ စစ်ရှောင်တွေက ပြောပါတယ်။ တောင်ယာလုပ်ငန်းမှာလည်း ရိုးရာအရ ကြက်ရိုးထိုးရတာတွေ ရှိသလို ကျောင်းနေ အရွယ်ကလေး အာဟာရဓါတ် တိုက်ကျွေးမှုမှာလည်း အများအားဖြင့် ကြက်ကို အသုံးပြုကြတာကြောင့် အခုလို...

စစ်ကောင်စီရဲ့ အင်အားအလုံးအရင်း ထိုးစစ်ဆင်မှုကြောင့် မိုးဗြဲ-ပီကင်းလမ်း ယာယီပိတ်ထား

ကန္တာရဝတီတိုင်း(မ်) မိုးဗြဲမြို့မှာ ယမန်နေ့ (ဖေဖော်ဝါရီ ၇ရက်နေ့) က အင်အားအလုံးအရင်း ထိုးစစ်ဆင်လာတဲ့ စစ်ကောင်စီနဲ့ ထိတွေ့တိုက်ပွဲဖြစ်ပွားခဲ့ပြီး လက်ရှိမှာစစ်ကောင်စီဖက် လှုပ်ရှားမှု ရှိနေဆဲဖြစ်တဲ့အတွက် မိုးဗြဲ-ပီကင်းလမ်း ကိုလည်း ရက်အကန့်အသတ်မရှိ ယာယီပိတ်ထားတယ်လို့ မိုးဗြဲPDFတာဝန်ရှိသူတစ်ဦး ကပြောပါတယ်။ “ လောလောဆယ် မိုးဗြဲက မနေ့က စစ်ကောင်စီဖက်က အင်အားအလုံးအရင်းနဲ့ ထိုးတက်လာတော့...

စစ်ရှောင်စခန်းတစ်ခုမှာ ကိုယ်ပိုင်ဝင်ငွေတွေ ရနိုင်ဖို့ တစ်ပိုင်တစ်နိုင် မွေးမြူရေးပြုလုပ်

ကန္တာရဝတီတိုင်း(မ်) ဒီးမော့ဆိုအနောက်ခြမ်းမှာရှိတဲ့ သစ်ယားတောစစ်ရှောင်စခန်းမှ စစ်ရှောင်တွေဟာ တစ်ပိုင်တစ်နိုင် မွေးမြူရေးကို လုပ်ကိုင်ကြပါတယ်။ စစ်ရှောင်အိမ်တိုင်းလိုလို မွေးမြူရေးကို လုပ်ကိုင်ကြပြီး အဓိက ကြက် နဲ့ ဝက်ကို မွေးမြူကြတာဖြစ်ပါတယ်။ အခုလို တစ်ပိုင်တစ်နိုင်မွေးမြူရေး လုပ်ရတာဟာ နောင်တစ်ချိန် ရိက္ခာပစ္စည်းတွေလာရောက်ထောက်ပံ့ခြင်း မရှိတော့ရင် ကိုယ်ပိုင် ဝင်ငွေရစေဖို့ဖြစ်တယ် လို့ စစ်ရှောင်အမျိုးသမီးတစ်ဦးက အခုလိုပြောပါတယ်။ " နောင်တစ်ချိန်မှာ...

ဒိုယှက် စစ်ဘေးဒုက္ခသည်စခန်းမှာ ၅ နှစ်အောက် ကလေးငယ်တွေ ကာကွယ်ဆေး မထိုးနှံရသေး

CJ ကန္တာရဝတီတိုင်း(မ်) ကရင်နီပြည် ဖရူဆိုမြို့နယ် အနောက်ဘက်ခြမ်း ဒိုယှက် စစ်ဘေးဒုက္ခသည်စခန်းမှာ ၅ နှစ်အောက် ကလေးငယ်တွေ ကာကွယ်ဆေး မထိုးနှံရသေးတာကြောင့် ထိုးနှံဖို့ လိုအပ်နေတယ်လို့ ဒိုယှက် စစ်ဘေးဒုက္ခသည် ကော်မတီဝင်တစ်ဦးထံကနေ သိရပါတယ်။ ဒိုယှက် စစ်ဘေးဒုက္ခသည်စခန်း အနေနဲ့ ယခင်နှစ်ကတည်းက ၅ နှစ်အောက် ကလေးငယ်တွေ စာရင်းပြုစုထားတာရှိပေမယ့်...