spot_img
Thursday, February 2, 2023
spot_img

အာဏာသိမ်းပြီးနောက်ပိုင်း ကရင်နီပြည်တွင်းက ထောင်ဒဏ်ချ ခံရသူ ၉၄ဦးရှိနေ

spot_imgspot_imgspot_imgspot_img

ကန္တာရဝတီတိုင်း(မ်)

ကရင်နီပြည်မှာ အာဏာသိမ်းပြီးနောက်ပိုင်း စစ်ကောင်စီက ပုဒ်မအမျိုးမျိုးနဲ့ ဖမ်းဆီးတရားစွဲဆိုခံရသူ ၂၂၁ ဦးရှိပြီး ထောင်ဒဏ် အမိန့်ချခံထားတဲ့သူ ၉၄ဦးအထိရှိနေတယ်လို့ တိုးတက်သောကရင်နီပြည်သူ့အင်အားစု ( PKPF ) ကထုတ်ပြန်ထားပါတယ်။

ထောင်ဒဏ် အမိန့်ချခံထားရသူတွေဟာ PDF နဲ့ ဆက်နွယ်တယ်ဆိုတဲ့အကြောင်းပြချက် ၊ CDM ပြုလုပ်တယ် ဆိုတဲ့ အကြောင်းပြချက်တွေအပြင် စစ်သား၊ တပ်သား၊ အရာရှိတွေကို သတ်ဖြတ်တယ်ဆိုတဲ့ အကြောင်းပြချက်တွေနဲ့ ဖမ်းဆီးခံထားရသူတွေ ဖြစ်တယ်လို့ PKPF တာဝန်ရှိသူတစ်ဦးက ပြောပါတယ်။

“ဒီ ၅၀၅ထဲမှ ဒီစစ်သင်တန်းကျောင်း ပြန်လာပြီး ဖမ်းဆီးခံရတဲ့ ၇၀ကျော်လည်း ပါတယ်ပေါ့နော။ အဲ့ဒီ ၅၀၅ထဲမှာ အဲ့တာလည်း ပါသလို တချို့ စစ်ဘေးရှောင် ပစ္စည်းသွားပို့ရင်းနဲ့ အဖမ်းဆီးခံရတာလည်း ပါပါတယ်။ ၅၀၅ထဲမှာ အဓိက အဲ့ဒီနှစ်မျိုးကို ကျနော်တို့ တွေ့ရတယ်။ ကျနော်တို့ မှတ်တမ်းထဲမှာပေါ့နော။ တချို့ ကျန်တဲ့ အမိန့်မချပဲနဲ့ စစ်ဆေးထားတဲ့ ၅၀၅ကတော့ တခြားအကြောင်းကြောင့် အများကြီးပါတယ်။ CDM လုပ်လို့ ၅၀၅နဲ့ စွဲထားသလို တချို့ PDF နဲ့ဆက်နွယ်မှုကြောင့်၅၀၅နဲ့ အမှုစစ်ဆေးခံထားရတဲ့ စစ်ဆေးနေတန်းလန်းနဲ့ အများကြီးရှိသေးတယ်။ “ လို့ ၎င်းက ဆက်ပြောပါတယ်။

အမိန့်ချခံရတဲ့အထဲ ပညာရေးကောလိပ်ကျောင်းဆင်း CDM ကျောင်းဆရာ ခူးလယ်ဝါးလည်း ပါဝင်ပြီး သူ့ကို အကြမ်းဖက်မှုတိုက်ဖျက်ရေးဥပဒေ ဆိုင်ရာ ပုဒ်မ ၅၂ ( က )နဲ့ တရားစွဲဆိုခဲ့ပြီး ထောင်ဒဏ် ၅နှစ်ချမှတ်ခံခဲ့ရပါတယ်။

ဆရာခူးလယ်ဝါးဟာ စစ်ဘေးရှောင်ကူညီဖို့အတွက် ဆန်သွားသယ်ရင်း ဖမ်းဆီးခံခဲ့ရတာြဖစ်ပြီး ဒီလိုအမိန့်ချမှတ်ခံရတဲ့အပေါ် စိတ်မကောင်းဖြစ်မိတယ်လို့ ဆွေမျိုးနီးစပ်သူ တစ်ဦးက ပြောပါတယ်။

“သာမာန်လူသားပဲ။ ပြီးတော့ အချင်းချင်း ကူညီနေတဲ့ အချိန်မှာ မတရား ဖမ်းဆီးသွားတဲ့ စစ်ကောင်စီကိုတော့ ကျမတို့က တရားသောအမှု မှန်ကန်သောအရာကိုပဲ ကျမတို့ လိုချင်တယ်။ ဆိုတော့ သူတို့က မတရားသောအမှုနဲ့ပဲ သူတို့က တရားစီရင် အမိန့်ချလိုက်တဲ့အချိန်မှာ ကျမတို့အတွက်တော့ တကယ်စိတ်မကောင်းစရာတွေ ဖြစ်တယ်။” လို့ ခူးလယ်ဝါးနဲ့ ဆွေမျိုးနီးစပ်သူ တစ်ဦးက ပြောပါတယ်။

ကရင်နီပြည်မှာ အာဏာသိမ်းပြီးနောက်ပိုင်း ပုဒ်မ ၅၀၅( က )နဲ့ တရားစွဲခံရပြီး ထောင်ဒဏ်သုံးနှစ် အမိန့်ချခံရသူ ၇၆ဦး၊ ပုဒ်မ ၅၀၅( က )နဲ့ တရားစွဲခံရပြီး ထောင်ဒဏ်နှစ်နှစ် အမိန့်ချခံရသူ ၅ဦး၊ ၅၀၅( ခ )နဲ့တရားစွဲခံရပြီး ထောင်ဒဏ်နှစ်နှစ်ချခံရသူ ၁ဦး၊ ပုဒ်မ ၁၇/၁ နဲ့ တရားစွဲခံရပြီး ထောင်ဒဏ် ၃နှစ် အမိန့်ချမှတ်ခံရသူ ၇ဦး၊ ပုဒ်မ ၅၂ ( က ) နဲ့ တရားစွဲခံရပြီး ထောင်ဒဏ် ၅နှစ် အမိန့်ချခံရသူ ၁ဦး၊ ပုဒ်မ ၅၀၅၊ ၁၂၄၊ ၅၀၊၅၂၊ ၃၀၂ နဲ့ တရားစွဲခံရပြီး ထောင်ဒဏ် တစ်သက်တစ်ကျွန်းချခံရသူ ၄ဦး အထိရှိနေတယ်လို့ PKPF ထုတ်ပြန်ထားပါတယ်။

ကရင်နီပြည်မှာ စစ်ကောင်စီ ဖမ်းဆီးတရားစွဲဆိုခံရသူ ၂၂၁ဦးအထိရှိနေပြီး ၁၂၇ဦးကတော့ တရားစွဲဆိုနေဆဲဖြစ်တယ်လို့ PKPF ထုတ်ပြန်ချက်အရ သိရပါတယ်။

spot_imgspot_imgspot_imgspot_img

More from the blog

ဒီကနေ့ လွိုင်ကော်မြို့ပေါ်မှာ စျေးဆိုင်ဖွင့်ဖို့ စျေးသည်တွေ ဖိအားပေးခံရတာရှိ

ကန္တာရဝတီတိုင်း( မ် ) ဒီကနေ့ ( ဖေဖော်ဝါရီလ ၁ ) ရက်နေ့ လွိုင်ကော်မြို့ပေါ်က စျေးဆိုင်တချို့ စျေးဆိုင်ဖွင့်ဖို့ ဖိအားပေးခံရတာရှိတယ်လို့ လွိုင်ကော်မြို့ဒေသခံတွေဆီကနေ သိရပါတယ်။ “ ကျမစျေးဝယ်ထွက်တော့ စျေးရောင်းနေတဲ့ စျေးသည်တွေ ပြောပြတာ။ တချို့ ထင်ရှားတဲ့ ဆိုင်တွေကို စည်ပင်က ခြိမ်းခြောက်ထားတယ်။ ဆိုင်မထွက်ရင်...

ဒီးမော့ဆိုအရှေ့ဖက်ခြမ်းကို စစ်ကောင်စီတပ်မှ မီးကျည်လက်နက် အသုံးပြုပြီး တိုက်ခိုက်

ကန္တာရဝတီတိုင်း(မ်) စစ်ကောင်စီတပ်ကနေ ဒီးမော့ဆိုအရှေ့ဖက်ခြမ်းမှာ အဆောက်အဦးတွေကို လောင်ကျွမ်းစေနိုင်တဲ့ မီးကျည် လက်နက် အသုံးပြုပြီး တိုက်ခိုက်လာတာကို တွေ့ရှိရတယ်လို့ ကရင်နီပြည်အစိုးရ ပြည်ထဲရေးဝန်ကြီးဌာနမှ ဝန်ကြီး ခူညေးရယ်က ပြောပါတယ်။ “ အဲ့မီးကျည်က အဆောက်အဦးတွေ ဘာတွေ လောင်တယ်ပေါ့။ နောက်ပြီးတော့ နောက်ပိုင်းကျတော့ အဲ့ဒီ ထွက်လာတဲ့ အခိုးအငွေ့တွေက ဓါတုတွေ...

တောင်ယာအပြန် စစ်ရှောင်အမျိုးသားတစ်ဦး မိုင်းနင်းမိပြီး ဘယ်ခြေထောက်ဆုံးရှုံးခဲ့

ကန္တာရဝတီတိုင်း( မ် ) ကရင်နီပြည် လွိုင်ကော်မြို့အရှေ့ဘက်ခြမ်း ဒေါတဟေးကျေးရွာမှာ စစ်ရှောင်နေတဲ့ အမျိုးသားတစ်ဦး ယမန်နေ့ ( ဇန်နဝါရီလ ၃၀ ရက်နေ့ ) က တောင်ယာကအပြန် မိုင်းနင်းမိပြီး ဘယ်ခြေထောက်တစ်ဖက် ဆုံးရှုံးခဲ့တယ်လို့ သွားရောက်ကူညီခဲ့တဲ့ ရွှေလွိုင်ကော်ပရဟိတအသင်းဝင်တစ်ဦးက ပြောပါတယ်။ “မနေ့က ပဲစဉ်းငုံသွားခူးတာ ဒေါတဟေးရွာအရှေ့ဘက်မှာ ပဲစေးငုံသွားခူးပြီးတော့...

စစ်ကောင်စီက ကျူးလွန်တဲ့ လူ့အခွင့်အရေးချိုးဖောက်မှုတွေကို ထုတ်ဖော်ပြောဆိုဖို့ လိုအပ်တယ်လို့ ကရင်နီလူ့အခွင့်အရေးအဖွဲ့ ပြော

ကန္တာရဝတီတိုင်း(မ်) အာဏာသိမ်းပြီးနောက်ပိုင်း လူ့အခွင့်အရေးချိုးဖောက်ခံရမှုကို ကရင်နီဒေသခံတွေလည်း မျက်မြင်ကိုယ်တွေ့ ခံစားနေကြရပြီး အဲဒီကျူးလွန်မှုကိုလုပ်ဆောင်တဲ့ စစ်ကောင်စီလုပ်ရပ်နဲ့ ပတ်သက်ပြီး ထုတ်ဖော်ပြောဆိုဖို့ လိုအပ်တယ်လို့ ကရင်နီလူ့အခွင့်အရေးအဖွဲ့မှ ဒါရိုက်တာ ဆရာဗညားက ပြောပါတယ်။ “သူတို့(စစ်ကောင်စီ) ချိုးဖောက်မှာပဲ။ အဲ့တော့ သူတို့လုပ်ရပ်ကို ကျနော်တို့သိတယ်ဆိုရင် ရက်တိုင်း ပြောနိုင်မယ်ဆိုရင် မလုပ်ရဲတော့ဘူး။ ဒါက သဘောသဘာဝဖြစ်တယ်။ လူ့အခွင့်အရေးကိုချိုးဖောက်တယ်ဆိုတဲ့နေရာမှာ...