ပျောက်ဆုံးဆိုင်ကယ် ၃ဝ စီး ဖေါ်ထုတ်ခဲ့သော ကယားရဲတပ်ဖွဲ့နှင့် အရပ်သားကို အစိုးရဂုဏ်ပြု 

လင်းသန့်

ခိုးယူပျောက်ဆုံးခဲ့သည့် မော်တော်ဆိုင်ကယ်များကို စွမ်းစွမ်းတမံဖော်ထုတ်ခဲ့သည့် ရဲတပ်ဖွဲ့ဝင်များနှင့် အရပ်သား ၄ ဦးကို ကယားပြည်နယ်အစိုးရအဖွဲ့၊ ပြည်နယ်ဝန်ကြီးချုပ်နှင့် တာဝန်ရှိသူများမှ ဂုဏ်ပြုမှတ်တမ်းလွှာများ အသီးသီး ပေးအပ်ချီးမြှင့်ခဲ့သည်။

ကယားပြည်နယ်၊ ရှမ်းပြည်နယ်နှင့် မကွေးတိုင်းဒေသကြီးတို့မှ ခိုးယူပျောက်ဆုံးခဲ့သည့် မော်တော်ဆိုင်ကယ်များကို ဖော်ထုတ်ပေးခဲ့သည့် ရဲတပ်ဖွဲ့ဝင်များနှင့် အရပ်သားများအား ဂုဏ်ပြုဆုချီးမြှင့်ခြင်းကို ဒီဇင်ဘာ ၁၁ ရက်နေ့ နံနက် ၁ဝ နာရီက လွိုင်ကော်မြို့၊ ပြည်နယ်ရဲတပ်ဖွဲ့မှူးရုံး၊ ကန္တရဝတီခန်းမတွင် ပြုလုပ်ခဲ့ခြင်းဖြစ်သည်။

ကယားပြည်နယ်ရဲတပ်ဖွဲ့မှူးမှ ရှမ်းပြည်နယ်၊ တောင်ကြီးခရိုင်၊ ညောင်ရွှေမြို့မ ရဲစခန်းတွင် မိတ္ထီလာမြို့ဘက်မှ ဆိုင်ကယ်ခိုးသည့် အဖွဲ့များအား ဖမ်းဆီးရမိထားကြောင်း သတင်းရရှိသဖြင့် ကယားပြည်နယ်အတွင်း ပျောက်ဆုံးနေသည့် ဆိုင်ကယ်များအား စုံစမ်းဖော်ထုတ်ရန်အတွက် လွိုင်ကော်ခရိုင်မှုခင်းနှိမ်နင်းရေးဌာနမှ ရဲအုပ်မြသန်းဦးစီး အဖွဲ့အား တာဝန်ပေးအပ်ခဲ့ပြီး စုံစမ်းစစ်ဆေးခြင်းများ ဆောင်ရွက်ခဲ့ရာက အဆိုပါ ပျောက်ဆုံးဆိုင်ကယ်များကို ကွင်းဆက်ဖေါ်ထုတ်ခဲ့ခြင်းဖြစ်ကြောင်း သိရသည်။

ဖမ်းဆီးရမိသည့် တရားခံ(၅)ဦးအနက် ရဲစိုးဦး(ခ)စစ်နိုင်(ခ) ကလီမွတ်လား(ခ)မွတ်လား ထံမှ လွန်ခဲ့သော (၁) လခွဲကျော်က လွိုင်ကော်ပြည်သူ့ဆေးရုံကြီးဝန်းမှ (၂)စီးနှင့် နောင်ယားကန်ဘေးမှ (၁) စီး ခိုးယူခဲ့ကြောင်း စစ်ဆေးပေါ်ပေါက်ခဲ့သည်။

အဆိုပါစုံစမ်းစစ်ဆေးရေးအဖွဲ့မှ မတ္ထီလာမြို့သို့ သွားရောက်ပြီး ကွင်းဆက်တရားခံ ဂျွန်နိုက်(ခ)ကိုမိုး(ခ) ကျော်ဇေယျမင်းနှင့် သားသား(ခ) သီဟကိုကို (ခ)ဟာရွန်းတို့ (၂)ဦး အားထပ်မံဖမ်းဆီးရမိခဲ့ပြီး လွိုင်ကော်မြို့ပေါ်မှ တို့ (၃)ဦးခိုးယူခဲ့သည့် ဆိုင်ကယ်(၄) စီး သိမ်းဆည်းရမိခဲ့ပြန်သည်။

ဖမ်းဆီးရမိခဲ့သော တရားခံ(၂)ဦးအား အခြားဆိုင်ကယ်များပါ ထပ်မံ ကျူးလွန်နိုင်ကြောင်းယူဆရသဖြင့် ဆက်စပ်အမှုများအား ဖော်ထုတ်ခဲ့ရာ လွန်ခဲ့သော (၅)လ အတွင်း တစ်ဦးတည်းသော်လည်းကောင်း၊ (၂)ဦးသော်လည်းကောင်း၊ သုံးယောက်ပေါင်းပြီး သော်လည်းကောင်း၊ ရှမ်းပြည်နယ်မှ (၂၃)စီး၊ မကွေးတိုင်းဒေသကြီးမှ (၂)စီး၊ ကယားပြည်နယ် မှ (၁)စီး စုစုပေါင်း (၂၆) စီး ခိုးယူခဲ့မှုကိုလည်း ဖေါ်ထုတ်နိုင်ခဲ့သည်။

အဆိုပါ ဂုဏ်ပြုပွဲသို့ ကယား ပြည်နယ်အစိုးရအဖွဲ့၊ ပြည်နယ်ဝန်ကြီးချုပ်၊ ပြည်နယ်လွွှတ်တော် ဒု ဥက္ကဌ၊ ပြည်နယ် တရား လွှတ်တော် တရားသူကြီးချုပ်၊ ပြည်နယ်အစိုးရအဖွဲ့ဝင် ဝန်ကြီးများ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ ပြည်နယ်အစိုးရအဖွဲ့အတွင်းရေးမှူးတို့မှ တက်ရောက်ခဲ့သည်။

Comments

comments

Next Post

မြန်မာ့ငြိမ်းချမ်းရေးဖြစ်စဉ်၌ အမျိုးသမီးပါဝင်မှုကို အားရကျေနပ်မှု မရှိသေးသော အမျိုးသမီးအဖွဲ့

Mon Dec 11 , 2017
မူအက်စတာရေးသားသည်။ ၂၀၁ဝခုနှစ် နိုင်ငံရေးပြုပြင်ပြောင်းလဲမှုများ စတင်ခဲ့ပြီး ငြိမ်းချမ်းရေး ပြုပြင်ပြောင်းလဲမှုများလည်း စတင်အသက်ဝင်လာခဲ့ပါသည်။ ထိုအချိန်မှစ၍ ငြိမ်းချမ်းရေးဖြစ်စဉ်တစ်လျှောက်လုံးတွင် အမျိုးသမီးများ ပါဝင်နိုင်ရန်နှင့် ငြိမ်းချမ်းရေးဆွေးနွေးပွဲများတွင် ပါဝင်ဆွေးနွေးနိုင်သည့် အခွင့်အလမ်းကို အမျိုးသမီးထုတစ်ရပ်လုံးက ပါဝင်တောင်းဆိုမှုသည်လည်း ကျယ်လောင်လာသည်။ ငြိမ်းချမ်းရေးဖြစ်စဉ်တွင် ပါဝင်ဖို့ အမျိုးသားထုကိုယ်တိုင်လည်း လက်တွဲခေါ်သည့်အပိုင်း အားနည်းနေကြောင်း အမျိုးသမီးအဖွဲ့က ဝေဖန်သည်။ “ဒီအမျိုးသမီးတွေ ပါဝင်မှု ဘာကြောင့်အားနည်းနေတာလဲဆိုရင် အမျိုးသားတွေရဲ့ လက်တွဲကူညီမှုတွေ အားနည်းလို့ပါ။ ပြီးတော့ သူတို့ရဲ့ တွန်းအားပေးမှုတွေလည်း အားနည်းနေသေးတယ်” ဟု ကရင်နီအမျိုးသမီး အစည်းအရုံး(KNWO)မှ မအန်းဂျေလာက ပြောသည်။ ၂၀၁၂မှ ၂၀၁၅ ကာလအတွင်း တိုင်းရင်းသားလက်နက်ကိုင်အဖွဲ့အစည်းများမှ ဖွဲ့စည်းသည့် တစ်နိုင်ငံလုံး အပစ်အခတ်ရပ်စဲရေးဆိုင်ရာ ညှိနှိုင်းရေးအဖွဲ့(NCCT)မှာ လူဦးရေ ၁၆ ဦးပါဝင်ပြီး […]

ဆက်စပ်သတင်းများ