ကန္တာရဝတီတိုင်း(မ်) ပြည်ထောင်စုအစိုးရအနေဖြင့်လက်ရှိ အတည်ပြုလိုက်သည့် မြေလွှတ်မြေလပ်၊ မြေရိုင်းဥပဒေသည် ကယားပြည်နယ်ဒေသတွင်းတည်ငြိမ်အေးချမ်းရေးနှင့် တိုက်ရိုက်သက်ရောက်နေသည့်အတွက် ပြန်ရုပ်သိမ်းရန် ကယား(ကရင်နီ)ပြည်နယ်အခြေစိုက် တိုင်းရင်းသားပါတီများက တောင်းဆိုလိုက်ပါသည်။ “အခြားတိုင်းရင်းသား ဒေသအသီးသီးမှာ ရှိတဲ့နိုင်ငံရေး ဒေသတွေတွက် အခြေခံတဲ့ နိုင်ငံရေး အစုအဖွဲ့တွေ ပြည်ထောင်စုကို မြေသိမ်းဥပဒေ ကို ဆိုင်းငံ့ထားဖို့ သတိပေးပြောကြားပြီးဖြစ်တယ်။ ပြည်ထောင်စုအစိုးရဆက်လက်ညွန်ကြားဆောင်ရွက်နေတာကတော့ ပြည်နယ်တွေမှာ အဓိကတည်ငြိမ်ရေးနှင့် သက်ဆိုင်ရာတိုင်းရင်းသားဒေသမှာရှိတဲ့ ပြည်သူတွေရဲ့ နိုင်ငံရေးအခွင့်အလမ်းကို ချိုးဖောက်နေတယ်လို့ဘဲ ကျတော်မြင်တယ်”ဟု ကယားပြည်နယ် ဒီမိုကရက်တစ်ပါတီမှ စိုင်းနိုင်နိုင်ထွေးက ပြောပါသည်။ ၎င်းဥပဒေသည် လက်ရှိငြိမ်းချမ်းရေးလုပ်ငန်းစဉ်တွင် တိုက်ရိုက်အကျိုးသက်ရောက်သည့်အတွက် ပြည်ထောင်စုအစိုးရကိုယ်၌က ပြန်လည်ရုပ်သိမ်းပေးစေလိုသည်ဟု ဆက်ပြောပါသည်။ အစိုးရအနေဖြင့် လက်ရှိမြန်မာနိုင်ငံက မြေယာဥပဒေကို အလေးပေးစဉ်းစားပေးစေလိုကြောင်းနှင့် စနစ်တကျ ပြန်လည်စဉ်းစားသင့်ကြောင်း ကယန်းအမျိုးသားပါတီ ဥက္ကဌ ခွန်းဘီထူးက […]

ကန္တာရဝတီတိုင်း(မ်) ဇွန်လ ၂၁ ရက်နေ့မှာပဲ ဒေါမူကလားက တပ်သိမ်းမြေယာကိစ္စမှာ တောင်သူနဲ့ စစ်တပ်နဲ့ အငြင်းပွားမှု အပြီး အဲဒီ ညသန်းခေါင်ယံလောက်မှာ တောင်သူ၂ ဦးကို လွိုင်ကော် ရဲစခန်းက လာရောက်ရှာဖွေဖမ်းဆီးသွားပါတယ်။ ပြည်သူပိုင် ပစ္စည်းများကိုဖက်ဆီးတဲ့ အမှု ပုဒ်မ ၆ (၁) နဲ့အမှုဖွင့် တိုင်ကြားထားပြီးအခုချိန်အဆိုပါ တောင်သူ ၂ဦးကို လွိုင်ကော်မြို့မ ရဲစခန်းမှာ ထိန်းသိမ်းထားတယ်လို့ ကရင်နီပြည်တောင်သူလယ်သမားသမဂ္ဂ ဆီကနေသိရပါတယ်။ ဖမ်းဆီးခံရတဲ့ သူတွေ ၂ ဦးက ပြည်နယ် အေးချမ်းသာယာရေးနဲ့ တရားဥပဒေစိုးမိုးရေးကော်မတီ အဖွဲ့ဝင် တဦးဖြစ်တဲ့ ဦးကိုရယ်စိုးညွန့်နဲ့ တောင်သူတစ်ဦးဖြစ်တဲ့ ဦးရှားရယ် တို့ဖြစ်ပါတယ်။ “အခုလက်ရှိ နောက်ဆုံးအခြေအနေကတော့ ပုဒ်မ ၆(၁) နဲ့ […]

နော်ဒွေးအယ်ခူ ကယားပြည်နယ်၊ လွိုင်ကော်မြို့၊ ဒေါမူကလားကျေးရွာမှ တောင်သူများစိုက်ပျိုးရာ တောင်ယာမြေကို အမတ ၃၅၆ နှင့် ခမရ ၂၅ဝ တပ်တို့မှ တပ်သိမ်းမြေအဖြစ် သတ်မှတ်ထားပြီး အုတ်တံတိုင်းခတ်ရန် တိုင်များ စိုက်ထူထားခြင်းကို ဒေသခံတောင်သူများက ဇွန်လ ၂၁ရက်နေ့ နံနက်ပိုင်းတွင် ဖယ်ရှားဖျက်ဆီးလိုက်ကြောင်း သိရသည်။  “သူတို့ကလည်း ငါတို့မှန်လို့ငါတို့လုပ်တယ် မင်းတို့လည်း မင်းတို့မှန်တာလုပ် ဆိုတော့လည်း တောင်သူတွေကလည်း ဒေါသတွေဖြစ်လာတယ်ပေါ့။ ဒီလိုမှ မကာကွယ်လည်း နည်းလမ်းမရှိတော့ဘူး။ အစိုးရကလည်း ပါဝင်ပြီးတော့ ကြားဝင်စေ့စပ်ပေးတာမျိုးလည်း မရှိလို့လေ။ အဲဒါကြောင့်တောင်သူတွေလည်း ဒီလိုအင်နဲ့အားနဲ့ အားလုံး ဒီလိုလုပ်မှပဲ တစ်ခုခုအဖြေထွက်မလားပေါ့နော” ဟု တောင်သူတစ်ဦးဖြစ်သည့် ဦးရယ်က ပြောသည်။ အုတ်တံတိုင်းများ ဖျက်ဆီးခြင်းနှင့်အတူ “ ဤတောင်ယာသည် […]

ကန္တာရဝတီတိုင်း(မ်) ဒီးမော့ဆိုမြို့နယ် ဒေါဆိုရှေးကျေးရွာမှ တောင်သူများကို စစ်တပ်မှ အကျိုးပျက်စီးစေသည့် ပုဒ်မနှင့် ပိုက်နက်ကျူးကျော်မှု ပုဒ်မတို့ဖြင့် ဒီးမော့ဆိုမြို့မ ရဲ့စခန်းသို့ အမှုဖွင့် တိုင်ကြားထားသည်ဟု ဒီးမော့ဆို မြို့မ ရဲစခန်းမှ သိရှိရပါသည်။ တောင်သူ ၆ ဦးက အကျိုးပျက်စီးစေသည့် ပုဒ်မ ၄၂ရ နှင့် တောင်သူ ၃၆ ဦးကို ပိုင်နက်ကျူးကျော်သည့် ပုဒ်မ ၄၄ရ တို့ဖြစ် တိုင်ကြားထားသည်ဟု သိရသည်။ ၃၆ဝ အမြောက်တပ်မှ သိမ်းယူထားသည့် မြေယာတွေပေါ်မှာ တောင်သူများက သွားရောက်ရောက်ထွန်ယက်စိုက်ပျိုးခဲ့တာကြောင့် ယခုလို စစ်တပ်မှ တိုင်ကြားထားခြင်း ခံရသည်ဟု ကရင်နီပြည်တောင်သူလယ်သမားများသမဂ္ဂ ဥက္ကဌ ကိုတူရယ်က ပြောပါသည်။ “ပြဿနာဖြစ်တိုင်းသာ တရားစွဲ စတမ်းဆိုတော့ […]

ပြီးခဲ့တဲ့ မေလ ၃၁ ရက်နေ့မှာ လွိုင်ကော်မြို့နယ်အတွင်းမှာရှိတဲ့ ဒေါမူကလား၊ ၃မိုင်ပကြဲ၊ လွယ်တမူ၊ မြေနီကုန်း စတဲ့ ကျေးရွာတွေက တောင်သူတွေ ထွန်ယက်စိုက်ပျိုးနေချိန်မှာ တပ်တာဝန်ရှိသူက လာရောက်တားဆီခဲ့ပါတယ်။ တောင်သူတွေက တပ်နဲ့ထိပ်တိုင်ရင်ဆိုင်နေရတာကြောင့် လွိုင်ကော်မြို့နယ်အုပ်ချုပ်ရေးမှူးကနေ လာရောက်ပြီး ဖြေရှင်းပေးတာတွေ လုပ်ပေမဲ့လည်း အုပ်ချုပ်ရေးမှူးအနေနဲ့ တောင်သူတွေအတွက် ကျန်းမာရေး၊ ပညာရေး စတဲ့အခက်အခဲတွေကို ပြည်နယ်အစိုးရနဲ့ ဒကစမှူးထံကို တင်ပြပေးဖို့သာ နည်းလမ်းရှိတယ်လို့ ပြောဆိုသွားတယ်လိုု့ တောင်သူတွေက ပြောပါတယ်။

ပင်ပလုပ်ငန်းရှင်တွေက မြေလွတ်၊ မြေလပ်၊ မြေရိုင်းလုပ်ပိုင်ခွင့်ကို ဖရူဆိုမြို့နယ် နေရာ ၄ နေရာအတွင်းမှာ လျှောက်ထားတဲ့အတွက် ဒေသခံတွေက လုံးဝသဘောမတူကြောင်း၊ လက်မခံနိုင်ကြောင်းနဲ့ ကန့်ကွက်ကြောင်းကို သက်ဆိုင်ရာဌာနဆိုင်ရာကို မေလ ၃၁ ရက်နေ့က ဥပဒေနည်းလမ်းအရ ကျေးရွာအသီးသီးက ရွာလုံးကျွတ် လက်မှတ်ရေးထိုးပြီး ကန့်ကွက်စာတင်ခဲ့ကြပါတယ်။

ကိုရယ် ခလရ (၁၀၂)တပ်ရင်းက အသုံးမပြုပဲ သိမ်းဆည်းထားသည့် ကယားပြည်နယ်၊ ဒီးမော့ဆိုမြို့နယ် ငွေတောင်ရွာဟောင်းကို စစ်တပ်က ခြံစည်းရိုးခတ်ထားလိုက်သည့်ကိစ္စကို ဖြုတ်သိမ်းပေးရန် ဒေသခံများက ပြည်နယ်အစိုးရအဖွဲ့ ထံ တောင်းဆိုတင်ပြထားသည်ဟု သိရသည်။ “ခြံစည်းရိုးခတ်တာတို့ တော့ တင်ပြတာပဲလေး။ သူတို့ရဲ့ သူတို့ဟာနဲ့သူတို့ သီးသန့်ဆောင်ရွက်နေတာပဲလေး။ ဒါပေမယ့်ဒါကိုတော့ ခရိုင်ကနေတော့ ခေတ္တရပ်ဆိုင်းပေးဖို့ အဲလောက်ပါပဲ။” ငွေတောင်ကျေးရွာအုပ်စု အုပ်ချုပ်ရေးမှူး ဦးမြင့်သိန်းချိုက ပြောပါသည်။ ပြီးခဲ့သည့် ဇွန်လ ၁ ရက်နေ့ က ငွေတောင်ရွာသို့ ဝန်ကြီးချုပ်ခရီးစဉ်အတွင်းမှာ သိမ်းဆည်းခံထားရသည့် ဒေသခံများက မြေပြန်လည်စွန့်လွှတ်ရန် ယခင်အစိုးရလက်ထက်ကပင် တောင်းဆိုတင်ပြထားသည့် ငွေတောင်ရွာဟောင်းကိစ္စ ရပ်ကို ယခုလို ခြံစည်းရိုးခတ်ပြီးလုပ်ငန်းပြန်လည်စတင်ခြင်းသည် လယ်ယာမြေဥပဒေနှင့် မကိုက်ညီကြောင်း၊ ပြည်နယ်အစိုးရမှ လိုအပ်သည့်အရေးယူဆောင်ရွက်မှုများ […]

KEAN ရေ​မြေ​တောတောင်​တွေဟာ ဌာ​နေတိုင်​းရင်​းသားတွေရဲ့ဘဝ၊ ​မျှော်​လင်​့ချက်​နှင်​့ အနာဂတ်​ဖြစ်​ပါတယ်။ သို့​ပေမယ်လို့ လက်​ရှိ ဗဟိုထိန်​းချုပ်​မှုလွန်​ကဲ​တဲ့ မြေယာဥပ​ဒေတွေကြောင်​့ ၄င်​းတို့ရဲ့ဖြစ်​တည်​မှုတွေအ​ပေါ် ​နေ့စဉ်​ခြိမ်​း​ခြောက်​​မှုတွေ ရှိနေပြီဖြစ်ပါတယ်။ ဌာနေတိုင်းရင်းသားဒေသနဲ့ ကိုက်ညီအောင် ရေးဆွဲထားခြင်းမရှိတဲ့ ၂၀၁၂ ခုနှစ် လယ်ယာမြေဥပဒေနှင့် မြေလွှတ်၊ မြေလပ်၊ မြေရိုင်းဥပဒေ ကြောင့် ဌာနေတိုင်းရင်းသားတွင် မြေယာပြဿနာများစွာဖြစ်ပေါ်စေခဲ့ပါတယ်။   ဖရူဆိုမြို့နယ် ထီးပေါ်ဆိုကျေးရွာအုပ်စု ဒေါကူးခူကျေးရွာမှာ ပုံစံ(၇) ကြောင့် မောင်နှမအချင်းချင်းအကြား အငြင်းပွားမှုပြဿနာတွေ ရှိခဲ့လို့  မောင်နှမအချင်းချင်းကြား လူမှုဆက်ဆံရေး ပျက်ပြားခဲ့တဲ့ ဖြစ်ရပ်တွေရှိခဲ့ပါတယ်။ အဲဒီမြေယာအငြင်းပွားမှု ပြဿနာကို ကိုယ်တိုင်ကြုံတွေ့ ဖြေရှင်းခဲ့ဖူးတဲ့ ဒေါကူးခူကျေးရွာ၊ ထီးပေါ်ဆိုကျေးရွာအုပ်စုမှ ရပ်ကျေးလယ်/စီအဖွဲ့ဝင် ဦးဖရေရယ်ကို Kayah Earthrights Action Network – […]

ကန္တာရဝတီတိုင်းမ် ဖရူဆိုမြို့နယ် နေရာ (၄)နေရာအတွင်းတွင် မြေလွတ်၊ မြေလပ်၊ မြေရိုင်းလုပ်ပိုင်ခွင့် လျှောက်ထားမှုနှင့် ပတ်သက်၍ ဒေသခံကျေးရွာလူထုတရပ်လုံးမှ လုံးဝသဘောမတူကြောင်း၊ လက်မခံနိုင်ကြောင်းနှင့် ကန့်ကွက်ကြောင်း သက်ဆိုင်ရာဌာနဆိုင်ရာသို့ မေလ ၃၁ ရက်နေ့တွင် ဥပဒေနည်းလမ်းအရ အသိပေးအကြောင်းကြားကန့်ကွက် ထားပြီးဖြစ်သည်ဟု ဒေသခံများထံမှ သိရသည်။ ၎င်း(၄)နေရာများမှာ ဖရူဆိုမြို့နယ်၊ ရာဧပရားကျေးရွာအုပ်စု၊ ခိုးဘာကျေးရွာအနီးတွင် ဦးမြင့်မောင်မောင်က ဧက ၂၀၀၊ ဦးမျိုးသန့်နိုင်က ဧက ၅၆.၅၆ဧက ၊  မိုဆိုကျေးရွာအုပ်စု၊ မိုသီဒိုကျေးရွာအနီးတွင် ဗိုလ်မှူးကြီးမိုးဟိန်းက ဧက ၅၁.၂၆ဧကနှင့် မြို့မကျေးရွာအုပ်စု လောဂျာကျေးရွာအနီးတွင် ဒေါ်ခင်မိုးနှင်းက ဧက ၈.၅ဝဧကဖြင့် မြေလွတ်၊ မြေရိုင်းလုပ်ကိုင်ခွင့် အသီးသီး လျှောက်ထားခဲ့ကြရာ ဒေသခံများက ပြန်လည်ကန့်ကွက်ခြင်းဖြစ်သည်။ ၎င်းကန့်ကွက်ကြောင်းစာကို […]

နော်ဒွေးအယ်ခူ ကယား(ကရင်နီ)ပြည်နယ် ဒီမော့ဆိုမြို့နယ် ၆မိုင်စံပြ ကျေးရွာအုပ်စု၊ ဒေါဆိုရှေ့ကျေးရွာရှိ တောင်သူတွေ သွားတဲ့ တောင်ယာလမ်းတွေကို အမတ ၃၆ဝ တပ်ရင်းကနေ မြောင်းတူးပြီး ပိတ်ဆို့ဖျက်စီးထားတဲ့အတွက် ဒေသခံတွေက ပြန်လည်ပြုပြင်နေကြရတယ်လို့ ဒေသခံတွေကဆီကနေ သိရပါတယ်။ ပိတ်ဆို့ဖျက်စီးသွားတဲ့တောင်ယာလမ်းတွေကို ဒေါဆိုရှေ့တောင်သူတွေကနေ မေလ ၃ဝ ရက်နေ့မှာ လယ်ယာမြေစိုက်ပျိုးထွန်ယက်သွားလာနိုင်ဖို့ အချိန်မှီ ပြန်လည်တူးဖော်ပြုပြင်မှုတွေ ပြုလုပ်ခဲ့ကြတယ်လို့ ဒေါဆိုရှေ့တောင်သူတစ်ဦးဖြစ်တဲ့ ဦးဆော်ရယ်က ပြောပါတယ်။ “အလုပ်လုပ်မှရမှာ ဒီအတိုင်းပဲ စောင့်နေလို့မဖြစ်ဘူးလို့ ရွာသူရွာသားခေါ်ပြီးမှ ပြန်ပြင်တာပေါ့နော။ ဖျက်စီးတဲ့လမ်းပြန်ပြင်တယ်။ ဘာအတွက်ကြောင့်ပြင်တာလဲဆိုရင် အလုပ်လုပ်ဖို့ စိုက်ဖို့ ပျိုးဖို့ အချိန်တန်ပြီလေ။” လို့ ပြောပါတယ်။ စိုက်ပျိုးရာသီရောက်လာပြီဖြစ်တဲ့အတွက် တောင်သူတွေက တောင်ယာသွား စိုက်ပျိုးဖို့ လိုအပ်တာကြောင့် အမတ ၃၆ဝ […]