spot_imgspot_imgspot_imgspot_img
Thursday, March 28, 2024
spot_imgspot_imgspot_imgspot_img

မယ်စဲ့နယ်စပ်ကုန်သွယ်ရေးစခန်းသို့ရာသီပေါ်သီးနှံသာ တင်ပို့နိုင်သည့်အတွက်အရှုံးပေါ်

Author

Date

Category

မူအက်စတာ

ကယားပြည်နယ်နှင့် ထိုင်းနိုင်ငံ နှစ်နိုင်ငံကြား ကုန်သွယ်မှုတွင် ကယားပြည်နယ်မှ ရာသီပေါ်သီးနှံများသာ တင်ပို့နိုင်သည့်အတွက် ဒေသခံကုန်သွယ်ရေးပွဲစားများ နစ်နာနေကြောင်း မယ်စဲမြို့နယ် အုပ်ချုပ်ရေးမှူး ဦးမျိုးသိန်းက ပြောသည်။

“သူ့ကာလ မဟုတ်သေးလို့ပါ။ ပို့ကုန်က အများအားဖြင့် ကြက်သွန်ဖြစ်တယ်ကော။ ကြက်သွန်ထွက်တဲ့ ကာလမဟုတ်သေးလို့ ပို့ကုန်နည်းတာပေါ့ အဲဒီသဘောပါပဲ။ ခုချိန် ငရုပ်သီးဆိုလည်း ခုချိန်ဆို မရှိသေးဘူးလေနော သူ့ရာသီကာလ မဟုတ်သေးဘူး။ ပို့ကုန်က ကြက်သွန်တို့ ငရုပ်သီးတို့လို ပို့တဲ့အတွက် ဒီအချိန်ကာလမှာ မထွက်သေးဘူး။ ရာသီသီးနှံမထွက်တဲ့အတွက် မပို့နိုင်သေးတဲ့ အတွက်ရှုုံးတာပေါ့” ဟု ပြောသည်။

ထိုင်းနိုင်ငံမှ အဓိကအားဖြင့် အလှကုန်ပစ္စည်းနှင့် အချိုရည်၊ ပင်လယ်စာစသည့် အသင့်စားအစားအစာများကို တင်သွင်းနေပြီး ကယားပြည်နယ်မှ ကြက်သွန်ဖြူ၊ ငရုပ်သီး၊ စသည်တို့သာ တင်ပို့နိုင်ခဲ့သည်။ ကုန်ဝင်ကုန်ထွက်မှာ ကယားဖက်မှ သွင်းကုန်ပိုများနေကြောင်း ဦးမျိုးသန့်က ဆက်ပြောသည်။

ကုန်သွယ်ရေးနှင့်ပတ်သက်ပြီး တစ်ဖက်နိုင်ငံ၏ စီးပွားရေးမူဝါဒ အပြောင်းအလဲကိုလည်း လေ့လာသင့်ကြောင်း ကယားပြည်နယ်ဒီမိုကရက်တစ်ပါတီ၏ ပြောရေးဆိုခွင့်ရှိသူ ဦးစိုင်းနိုင်နိုင်ထွေးက ပြောသည်။

“တစ်ဖက်နိုင်ငံက စီးပွားရေးမူဝါဒဘယ်လိုရှိတယ်၊ စီးပွားရေးဆောင်ရွက်နိုင်မှု စီးပွားရေးဇုန်ပြင်ဆင်ထားမှု ရှိ/မရှိ မသိဘဲနဲ့ နာမည်ရရေးတစ်ခုတည်းအတွက်ဘဲ ကိုယ့်ဖက်က သီးသန့်သွားလုပ်နေတယ်၊ သက်ဆိုင်ရာ အာဏာပိုင်လို့ပြောပေမယ့် သူများဖက်ကလည်း သက်ဆိုင်ရာ ပြည်ထောင်စုအဆင့်စတဲ့ အချက်တွေကို ထည့်သွင်းစဉ်းစားရပါတယ်။ ထိုင်းနိုင်ငံဆိုပေမယ့် နိုင်ငံရေးရဲ့ စီးပွားရေးမူဝါဒ သက်ဆိုင်ရာဒေသအသီးသီးရဲ့ စီးပွားရေးဆုင်ရာ စီမံကိန်းဖေါ်ဆောင်မှု စတာတွေကို အဆင့်ဆင့် သူတို့လည်း ထည့်သွင်းစဉ်းစားရသေးတာ။ တစ်ဖက်နိုင်ငံရဲ့ စီးပွားရေးမူဝါဒကိုမသိဘဲ ကိုယ့်ဖက်ကဘဲ သွားလုပ်နေလို့မရဘူး”ဟု ပြောသည်။
ကယားပြည်နယ်နှင့် ထိုင်းနိုင်ငံကြား ကုန်သွယ်ရေးလမ်းကြောင်နှင့် ပတ်သက်ပြီး ပြည်နယ်အစိုးရသည် ထိုင်းအစိုးရနှင့် တွေ့ဆုံသည့်အချိန်တိုင်း ကုန်သွယ်ရေးလမ်းကြောင်း အမြန်ဆုံး ဆောင်ရွက်နိုင်ဖို့ရန် တိုက်တွန်းပြောဆိုကြောင်း ဦးမျိုးသန့်က ပြောသည်။

“ခဏခဏကတော့ သွားတိုင်း ဟိုဘက်အစိုးရနဲ့ ဒီဘက်အစိုးရဆုံလိုက်တိုင်း လမ်းကိစ္စပဲ တောက်လျှောက်ပြောနေတာ။ သူတို့ဘက်က အဓိကကတော့ သစ်တောပေါ့ သစ်တောထိန်းသိမ်းတဲ့သူတွေက ဥပဒေက ခွင့်ပြုလို့မရသေးတဲ့အတွက် သူတို့ဘက်ကလည်း ကြိုးစားနေတုန်းပေါ့။ ရဖို့အလားအလာတော့ ရှိပါတယ်။ ဒါမဲ့ ခုထိတော့မရသေးပါဘူး။ သူတို့ဘက်ကလည်း ကြိုးစားတယ် ဒီဘက်ကလည်း တိုက်တွန်းတယ်။ ဒီအချိန်ထိတော့ ကြိုးစားနေဆဲပေါ့။ ရဖို့အလားအလာတော့ ရှိပါတယ်” ဟု ဦးမျိုးသန့်က ပြောသည်။

ကယားပြည်နယ်ဖက်၌ ကုန်စည်စီးဆင်းမှု ပိုမိုမြန်ဆန်လာစေရန်အတွက် ကုန်သွယ်ရေးလမ်းကို ထပ်မံတိုးချဲ့နေပြီ ဖြစ်သည်။ နယ်စပ်ကုန်သွယ်ရေးလမ်းကို ယခင်နှစ် ၂၀၁၆ခုနှစ် အောက်တိုဘာလတွင် ပြည်နယ်ဝန်ကြီးချုပ်နှင့် အစိုးရအဖွဲ့ဝင်များက ဖွင့်လှစ်ခဲ့ခြင်း ဖြစ်သည်။

spot_img
spot_img

Recent posts