spot_imgspot_imgspot_imgspot_img
Friday, March 29, 2024
spot_imgspot_imgspot_imgspot_img

လွိုင်ကော်မြို့မှာ ဆန်တင်လာတဲ့ ကုန်ကားတချို့ကို စစ်ကောင်စီ ဖမ်းဆီးခဲ့

ကန္တာရဝတီတိုင်း( မ် )

လွိုင်ကော်မြို့ လင်ဖုန်းလေးကျေးရွာအနီးမှာ စစ်ကောင်စီက ဆန်အပါအဝင် ကုန်ပစ္စည်းတွေကို တင်ဆောင်လာတဲ့ ကားတချို့ကို ဖမ်းဆီးခဲ့ပြီး ၃ရက်အကြာမှာ ပြန်လွှတ်ပေးခဲ့တယ်လို့ ဖမ်းဆီးခံရသူတွေနဲ့ ဆွေမျိုးနီးစပ်သူတွေရဲ့ ပြောပြချက်အရ သိရပါတယ်။

ပြီးခဲ့တဲ့ တစ်ပတ်က လင်ဖုံလေးကျေးရွာအထွက်မှာ ကားသုံးစီးကို ဖမ်းဆီးသွားခဲ့ပြီး သုံးရက်အကြာမှာ ပြန်လွှတ်ပေးခဲ့တယ်လို့ ဆိုပါတယ်။

‘’၃ ရက်လောက်ဖမ်းခံလိုက်ရတယ်။ ငွေနဲ့ ပြန် ရွေးခိုင်းတာမျိုးတော့မဟုတ်ဘူး။ နှိပ်စက်ထားတာလည်းမတွေ့ရဘူး။ ဒါပေမဲ့ ကားပေါ်က ပစ္စည်းတွေတော့ပြန်မပေးဘူး။ ကားတောင် မပေးဘူးလုပ်နေလို့ မနည်းတောင်းပန်ခဲ့ရတယ်။‘’ လို့ ဖမ်းဆီးခံရသူတွေနဲ့ ဆွေမျိုးနီးစပ်သူတွေက ပြောပါတယ်။

လင်ဖုံလေးကျေးရွာဟာ တိုက်ပွဲတွေမကြာခဏဖြစ်ပွားခဲ့တာကြောင့် လူသွားလာနည်းပါးနေသလို လက်ရှိမှာလည်း စစ်ကောင်စီက စစ်ဆေးရေးဂိတ်တွေထားရှိတာမျိုးလည်းမရှိပါဘူး။

‘’ လင်ဖုံလေး လမ်းက လာတော့ အရစ်ခံရသက်သာတာပေ့ါ။ ခရီးလည်းတွင်တယ်။ ဒါပေမဲ့ တခါတလေ အန္တာရာယ်တော့လည်းရှိတယ်။ ကျနော်သွားနေကျတော့ဘာမှ မဖြစ်ခဲ့ပါဘူး။’’လို့ မိုးဗြဲကနေ လွိုင်ကော် ခရီးသွားနေသူတစ်ဦးက ပြောပါတယ်။

အာဏာသိမ်းပြီးနောက် လွိုင်ကော်မြို့ပေါ်မှာ စစ်ကောင်စီက စစ်ဆေးရေးဂိတ်တွေကို ထားရှိပြီး စစ်ဆေးနေတာတွေရှိသလို ရှောင်တခင်အနေနဲ့လည်း စစ်ဆေးတာရှိနေပါတယ်။ အဲဒီလိုစစ်ဆေးပြီး မသင်္ကာသူတွေကို ဖမ်းဆီးပြီး ထောင်ချတဲ့အထိ ပြုလုပ်လေ့ရှိပါတယ်။

spot_img
spot_img