ဖရဲရယ် ကရင်နီဂေဟစနစ်စိုက်ပျိုးရေးကျောင်းမှ သင်ယူခဲ့သော စိုက်ပျိုးရေးဆိုင်ရာ အသိပညာများကို လူထုထံသို့ ပြန်လည်ပို့မည့်အစီအစဉ်ကို သင်တန်းဆင်း ကျောင်းသား/သူများက ဆင့်ပွားပြုလုပ်သွားမည်ဖြစ်ကြောင်း သိရသည်။ ကယား(ကရင်နီ)ပြည်နယ်အတွင်း   ဖြတ်လမ်းဖြင့် အသုံးပြုလာသော ဓါတ်မြေဩဇာနှင့် နည်းလမ်းမမှန်သော စိုက်ပျိုးမှုကြောင့် သဘာဝပတ်ဝန်းပျက်ဆီးနေမှုကို တစိတ်တပိုင်း ပြန်လည်ကုစားနိုင်ရန် သင်တန်းကျောင်းအား ရည်ရွယ်ပြီးဖွင့်လှစ်ခဲ့ခြင်း ဖြစ်သည်။ “သင်တန်းပြီးသွားတဲ့ ကျောင်းသူ/သားတွေ ဒီသင်တန်းမှာ ဘယ်လိုမျိုး သင်တန်းမှာ သင်ယူရရှိခဲ့ သင်ခန်းစာ ဘာသာရပ်တွေကို ကိုယ့်ရဲ ့ပြည်သူ အတွင်းမှာ ပြန်လည်ပို့ချမယ်။ ပြီးတော ကိုယ်တိုင်လည်း အသုံးချပြီးတော့ လေ့လာမယ် လုပ်ကိုင်ဆိုလို့ရှိရင် ကျနော်တို့ ရေရှည် ဝင်ငွေတိုးတဲ့ စိုက်ပျိုးရေးနည်း စနစ်တွေ ရရှိသွားအောင်ဆိုတဲ့ ရည်ရွယ်ချက်တွေနဲ့ ဖွင့်ရတာဖြစ်တယ်။”ဟု  ကရင်နီဂေဟစနစ် စိုက်ပျိုးရေးသင်တန်းကျောင်း၏ […]

ဒီနေ့ ခေတ်မှာ သဘာဝပတ်ဝန်းကျင်က ဓါတ်တုဆေးဝါးတွေ၊ မြေဩဇာတွေ ၊ ပိုးသတ်ဆေးတွေကြောင့် သဘာဝဂေဟစနစ် ပျက်စီလာသည်နှင့်အမျှ စိုက်ပျိုးသီးနှံတွေက ကျန်းမာရေးအတွက် မသင့်လျော်ပါဘူး။ ဘယ်လိုတွေလုပ်ဆောင်ရမလဲ၊ ဘာတွေစိန်ခေါ်မှုရှိနေကြလဲဆိုတာ ဗွီဒီယိုမှာ ကြည့်ရှုနိုင်ပါတယ်။ https://youtu.be/utHXl5VlVxI

မော်ဦးမြာ ဓါတ်မြေဩဇာနှင့် ပိုးသတ်ဆေးများကြောင့် လယ်ယာမြေရှိ မြေဆီလွှာတွေ ပျက်စီးနေတဲ့ကိစ္စကို ပြည်နယ်အစိုးရမှ စိစစ်ပေးရန် တိုင်းရင်းသားပါတီ၏ လွှတ်တော်ကိုယ်စားလှယ်က ပြည်နယ်လွှတ်တော်တွင် မေးမြန်းခဲ့သည်။ သီးနှံအထွက်တိုးရေးအတွက် ဓာတ်မြေဩဇာ အသုံးပြုမှု များပြားလာနေပြီး တစ်နှစ်ပြီးတစ်နှစ် စိုက်ပျိုးမြေများ ပျက်စီးလာနိုင်သည့်ကိစ္စအား ကြိုတင်ကာကွယ်ရန် လုပ်ဆောင်သင့်ပြီဟု ဖရူဆိုမဲဆန္ဒနယ် ပြည်နယ်လွှတ်တော်ကိုယ်စားလှယ် ဦးသဲရယ်က ပြောသည်။ “ဘာကြောင့် ဒီလိုဖြစ်ရတာလဲဆိုတဲ့ သုတေသနလုပ်ငန်းတွေ သေချာလုပ်ဖို့ လိုအပ်တယ်လို့ ကျွန်တော့်အနေနဲ့ မြင်တာပေါ့နော။ ပြည်နယ်အစိုးရနဲ့ ဆိုင်ရာ စိုက်ပျိုးရေးဌာနတွေကလည်း ဒီအပေါ်မှာ သူတို့သုတေသနလုပ်ငန်းလုပ်တာတွေ ရှိပြီလား မရှိသေးဘူးလား။ တကယ်လို့ မရှိသေးဘူးဆိုရင် ဒီလိုဖြစ်နေတဲ့အပေါ်မှာ ဒါဘာကြောင့် ဒီလိုဖြစ်ရတာလဲ၊ ဒီမြေနေရာက ဘာလို့စိုက်လို့မရတော့တာလဲ ဆိုတဲ့ဟာမျိုးတွေလည်း တိတိကျကျ အဖြေဖော်ထုတ်သင့်တယ်။”ဟု ၎င်းက […]

လင်းသန့် ဘိလပ်မြေစက်ရုံ၊ အထည်ချုပ်စက်ရုံ၊ ရေအားလျှပ်စစ်စက်ရုံ၊ သစ်အခြေခံစက်ရုံများကဲ့သို့ လုပ်သားအင်အား အများအပြား အသုံးပြုသည့်စက်ရုံများ ကယားပြည်နယ်အတွင်း လာရောက်ရင်းနှီးမြှုပ်နှံပါက ဦးစားပေးအဖြစ် ခွင့်ပြုမည်ဖြစ်ကြောင်း ကယားပြည်နယ်ဝန်ကြီးချုပ် ဦးအယ်လ်ဖေါင်းရှိုက ပြောကြားလိုက်သည်။ “ဒါတွေ မလုပ်လို့ ရှိရင် ခုနကပြောတဲ့ အလုပ်အကိုင်အခွင့်အလမ်းပေးပါ ပေးပါ။ ၁ဝ အောင်တဲ့သူတွေ တပုံကြီး၊ ကွန်ပျူတာဘွဲ့ရတဲ့သူ တပုံကြီး၊ နည်းပညာသင်တန်း ဆင်းတဲ့သူတွေ တပုံကြီး၊ ဘယ်မှာလဲ သူတို့ အလုပ်။ ကျနော်တို့ ပြည်နယ်မှာ စက်ရုံ အလုပ်ရုံမှ မရှိတာ။ ဒါတွေရဖို့အတွက် အများဆန        ္ဒနဲ့လည်း ကိုက်ညီမယ်၊ သဘာဝပတ်ဝန်းကျင် ထိခိုက်မှု မရှိအောင်လည်းလုပ်မယ်။”ဟု ပြည်နယ်ဝန်ကြီးချုပ် ဦးအယ်လ်ဖေါင်းရှိုက ပြောသည်။ ကယားပြည်နယ်ရင်းနှီးမြှုပ်နှံမှုကော်မတီ အမှတ်စဉ်(၂/၂ဝ၁၇) လုပ်ငန်းညှိနှိုင်းအစည်းအဝေးကို […]

မူအက်စတာ ကယားပြည်နယ် ဘိန်းစိုက်ပျိုးရာမြို့နယ်ရှိ ကျေးရွာများသို့ ဘိန်းအစားထိုးစိုက်ပျိုးနိုင်ရန်အတွက် အစိုးရမှနေကြာမျိုးစေ့ကို ထောက်ပံ့ပေးခဲ့ပါသည်။ “ဘိန်းအစားထိုးသီးနှံလုပ်တဲ့အခါမှာ သူတို့ရွာမှာ ဒီလိုအစားထိုးသီးနှံတွေ စိုက်ပျိုးလာနိုင်ခြင်းအားဖြင့် ဒီလိုသီးနှံတွေ စိုက်ပျိုးလို့ရတယ်ဆိုတဲ့ အလေ့အထကောင်းရယ် သူတို့မိသားစု ဝင်ငွေလေးတွေ တိုးလာနိုင်ဖို့ရယ် ဘိန်းသီးနှံလျှော့ချပြီး ပပျောက်သွားဖို့ ရည်ရွယ်ပါတယ်” ဟု ဒီးမော့ဆိုမြို့နယ် စိုက်ပျိုးရေးဌာနမှ ဦးစီးမှူးဒေါ်ဌေးဌေးစိန်က ပြောသည်။ ဒီးမော့ဆိုမြို့နယ်တွင် ဘိန်းစိုက်ပျိုးသည့်ဒေသများမှ ကျေးရွာအုပ်စု ၃အုပ်စုဖြစ်တဲ့ ဒေါရောက်ခူ၊ လိုဘာခို၊ ဝါဘန်းပလိုအတွင်းမှာရှိတဲ့ ကျေးရွာ ရရွာအတွက် ဘိန်းအစားထိုးစိုက်ပျိုးရန် ရေဆင်းနေကြာမျိုးစေ့နှင့် ကွန်ပေါင်းဓာတ်မြေဩဇာကို အောက်တိုဘာလကုန်တွင် အစိုးရမှ ပေးအပ်ခဲ့သည်။ အစိုးရမှ ပေးအပ်သည့်မျိုးစေ့သည် ၎င်းတို့ဘိန်းစိုက်ပျိုးသည့် ဒေသနှင့်ကိုက်ညီမှုရှိပြီး စိုက်ပျိုးရေးဌာနမှလည်း စံပြကွက်များ သွားရောက်စိုက်ပျိုးရန် အစီအစဉ်ရှိကြောင်း သိရသည်။ ယခုပေးအပ်သည့် […]

ကန္တာရဝတီတိုင်း(မ်) ပြည်နယ်အတွင်း မှီတင်းနေထိုင်ကြသည့် ဒေသခံအများစုသည် စပါးစိုက်ပျိုးခြင်းဖြင့် အသက်မွေးဝမ်းကျောင်း ပြုလုပ်လျှက်ရှိသည်။ စပါးစိုက်ပျိုးရန်အတွက် ရေရရှိသော နေရာများတွင် လယ်စပါးများ စိုက်ပျိုးကြရာ၌ ဈေးအတန်အတင့် ရရှိနေသော်လည်း၊ အခြား ကုန်းမြင့်ဒေသဘက်တွင် စိုက်ပျိုးသည့် စပါး၏ ဈေးကွက်သည် ကွာဟမှုများ ရှိနေသည်။ ကယားပြည်နယ်သည် ကုန်းမြင့်ဒေသအများစုဖြစ်ပြီး မြေပြန့်အနည်းငယ်သာ ရှိသည်။ ကုန်းမြင့် ဒေသဘက်တွင်အများစုနေထိုင်ကြသည့်အတွက် ရွေ့ပြောင်းတောင်ယာဖြင့် အသက်မွေးကြရသည်။ အဓိက ဝင်ငွေရရှိသော အရင်းအမြစ်မှာ ဆန်စပါးစိုက်ပျိုးခြင်း လုပ်ငန်းသာ ဖြစ်သည်။ သို့သော် အိမ်ထောင်စု အများစုသည် လယ်ယာစိုက်ပျိုးရေးတစ်ခုတည်းဖြင့် စားဝတ်နေရေး မဖူလုံနိုင်ပေ။ စပါးစိုက်ပျိုးခြင်းဖြင့် အသက်မွေးဝမ်းကျောင်းကြသည့် ဒီးမော့ဆိုမြို့နယ် ယူဆမိုဆိုကျေးရွာကို ကရုဏာ လူမှုစည်းလုံးညီညွတ်ရေးအသင်း (လွိုင်ကော်)မှ သုတေသနပြုလုပ်ခဲ့ရာတွင် အများစုက […]

ဖဲဘူးရေးသားသည်။ သဘာဝပတ်ဝန်းကျင် မပျက်စီးစေဘဲ စိုက်ပျိုးနည်းဖြစ်သည့် ဂေဟစနစ်ကို စိုက်ပျိုးရေးကျောင်းက သင်ကြားပေးနေသည်။ ကယား(ကရင်နီ)ပြည်နယ်အတွင်း ဖြတ်လမ်းဖြင့် အသုံးပြုလာသော ဓါတ်မြေဩဇာနှင့် နည်းလမ်းမမှန်သော စိုက်ပျိုးမှုကြောင့် သဘာဝပတ်ဝန်းပျက်ဆီးနေမှုကို တစိတ်တပိုင်း ပြန်လည်ကုစားနိုင်ရန် သင်တန်းကျောင်းက ရည်ရွယ်နေခြင်းဖြစ်သည်။ အဆိုပါသင်တန်းကျောင်းမှ နည်းပညာများကို ဒေသခံလူငယ်ထံသို့ ဆင့်ပွားပို့ချနေခြင်းပြီဖြစ်ကြောင်း ကရင်နီ ဂေဟစနစ် စိုက်ပျိုးရေးသင်တန်းကျောင်း တာဝန်ခံ ကျော်ဇင်လီယိုက ပြောသည်။ “မိရိုးဖလာစိုက်နည်းနဲ့ နောက် ဂေဟစနစ်စိုက်နည်းကို စနစ်တကျ ဘယ်လိုစိုက်ပျိုးရင် ကောင်းမလဲဆိုတာ ဒေသခံတောင်သူတွေ သိသွားအောင်ပေါ့နော။ အဲဒီတစ်ချက်ဖြစ်တယ်။ နောက်တစ်ခုကျတော့ ကျွန်တော်တို့ဒေသမှာရှိတဲ့ သစ်ပင်ပန်းမန်တွေ။ အဲဒီမျိုးစိတ်တွေကို ပြန်ပြီးထိန်းသိမ်းမယ်။ အဲဒါဘာလဲဆိုတော့ အဓိက ဂေဟစနစ်လည်း ဖြစ်တယ်။ ပြီးတော့ အော်ဂဲနစ်လို့လည်းခေါ်လို့ရတယ်။ ဆိုတော့ ကျွန်တော်တို့ […]

မူအက်စတာ “ပေါက်ပြားကိုင်ပြီဆို ကိုယ့်စီမံကိန်းနဲ့ကိုယ် ရှိနေပြီ။ ပထမတစ်ချက် ဒါ ရဲအတွက် ကိုယ်ပေါက်လိုက်ပြီ၊ ဒုတိယတစ်ချက် ဒါစစ်သားအတွက် ပေါက်လိုက်ပြီ၊ တတိယတစ်ချက် လက်နက်ကိုင်အဖွဲ့အစည်းအတွက် ထပ်ပေါက်လိုက်ပြီ၊ စတုတ္တအချက် ထပ်ပေါက်လိုက်တယ် ရပ်ရွာဒေသဖွံ့ဖြိုးရေးအတွက်၊ ငါးချက်မြောက် ကိုယ့်အတွက်ပေါက်လိုက်ပြီ၊ ကိုယ့်အတွက်ဆိုပြီး အားရပါးရပေါက်လိုက်တဲ့အချိန်မှာ အောက်မှာကျောက်ခဲရှိတော့ ပေါက်ပြားလည်းပဲ့၊ လူလည်း ပန်း”  အသက် ၆ဝ ဝန်းကျင်ခန့်ရှိတဲ့ လိုဘာခိုကျေးရွာက တောင်သူဦးမင်းသိန်းက သူ့ရဲ့ ဘဝ လုပ်ငန်းကို ကန္တာရဝတီတိုင်း(မ်) အဖွဲ့တွေနဲ့ တွေ့ဆုံဆွေးနွေးတဲ့အခါ ယခုလို ဦးစွာ ညည်းညူသွားတဲ့ အသံဖြစ်ပါတယ်။ ဦးမင်းသိန်က သူ့ပေါက်ပြားနဲ့ ဘိန်းစိုက်ပျိုးဖို့ လုပ်ခဲ့ရတဲ့ ပုံကို ရင်တွင်းခံစားချက် ဖေါ်ပြသွားတာဖြစ်ပါတယ်။  ဘိန်းစိုက်ပျိုးတဲ့ဒေသတွေကတော့ ခူးပရာကျေးရွာအုပ်စု ၊ […]

လင်းသန့် ယခုနှစ် အစေ့ထုတ်ပြောင်း(အခြောက်)များ ထွက်ပေါ်ချိန်က ၁ ပိဿာ ၅၆ဝ ကျပ် အထိ ဈေးကောင်းရခဲ့သော်လည်း သီတင်းကျွတ်အချိန်အတောအတွင်း ၃၃ဝ ကျပ် အထိ ကျဆင်းသွားခဲ့ကြောင်း လွိုင်ကော် သီးနှံအဝယ်ဒိုင်များထံမှ သိရသည်။ ယင်းသည် မူလဈေးအဖွင့်၏ ၃ဝ ရာခိုင်နှုန်းအထိ ဆက်တိုက်ကျဆင်းနေခြင်းပင် ဖြစ်သည်။ ဈေးစတင်ဖွင့်ခဲ့သော ဩဂုတ်လ နောက်ဆုံးအပတ်မှ အောက်တိုဘာလ ပထမအပတ်အထိ ဈေးနှုန်းကျဆင်းမှုနှုန်းသည် တစ်ရက်လျှင် ၂ဝ ကျပ်ဖြင့် အရိပ်ရိပ် ကျဆင်းနေခြင်း ဖြစ်သည်။ ယခုဈေးကျဆင်းမှုကို အလွန်အမင်းမစိုးရိမ်ရန်နှင့် အောက်တိုဘာလ ဒုတိယအပတ်အတွင်း ပြောင်းအဝယ်ဒိုင်များဈေးဖွင့်ပါက ဈေးနှုန်းများ ပြန်လည်တက်လာလိမ့်မည်ဟု မျှော်လင့်ရကြောင်း ကယားပြည်နယ်ပြောင်းစိုက်ပျိုးထုတ်လုပ်သူများအသင်း၏ ဥက္ကဌ ဦးမြင့်မောင်က  ပြောကြားသည်။ “တောင်သူတွေ ဒီကြားထဲ […]

ထျိုးမြာ အလုပ်အကိုင်အခွင့်အလမ်းအတွက် အသက်မွေးဝမ်းကြောင်းဆိုင်ရာ ကာလတိုသင်တန်းကို finnish refugee council (FRC)မှ အစိုးရနည်းပညာအထက်တန်းကျောင်းနှင့် ပူးပေါင်းပြီး ကာလတိုသင်တန်းဖွင့်လှစ်ပေးလျက်ရှိသော်လည်း ကယားပြည်နယ်အတွင်း ဆောက်လုပ်ရေးလုပ်ငန်းများ အများအပြားမရှိသေးသောကြောင့် ကျောင်းသူကျောင်းသားများ ကွင်းဆင်းလေ့ကျင့်ပေးရန်အတွက် အခက်အခဲဖြစ်နေကြောင်း သိရသည်။ စက်တင်ဘာ ၂ ရက်နေ့ Famous Hotel တွင် FRC မှ ကြီးမှူးကျင်းပသော အလုပ်အကိုင်အခွင့်အလမ်းချိတ်ဆက်ပွဲအခမ်းအနားတွင် ကွင်းဆင်းနေသော ကျောင်းသားတစ်ဦးမှ ၎င်းတို့၏ လုပ်ငန်းခွင်နှင့် ပတ်သက်၍ အခက်အခဲများကို တင်ပြခဲ့ရာ FRC မှ ဆရာများက ပြန်လည်ဖြေကြားခဲ့ခြင်း ဖြစ်သည်။ “ကျနော်တို့ဆင်းတဲ့နေရာကျတော့ ကျနော်တို့သဲတွေဘာတွေပဲ မ ရတယ်။ ပြီးတော့ တကယ့်အလုပ်ကြမ်းတွေပဲ လုပ်ရတယ်ပေါ့နော။ ဒါပေမဲ့ ဒါတွေကတော့ ကောင်းပါတယ်။ […]