NCA လက်မှတ်မထိုးသေးသောအဖွဲ့များအတွက် UPDJC တွင် နေရာအသင့်ရှိနေ

ထျိူ းမြာ

တစ်နိုင်ငံလုံးပစ်ခတ်တိုက်ခိုက်မှုရပ်စဲရေးဆိုင်ရာသဘောတူစာချုပ်(NCA)ကိုလက်မှတ်ထိုးရန်ကျန်ရှိနေသည့်အဖွဲ့များလက်မှတ်ရေးထိုးပြီးပါက ပြည်ထောင်စုငြိမ်းချမ်းရေးဆွေးနွေးမှု ပူးတွဲကော်မတီ (UPDJC) တွင် ပါဝင်နိုင်ရန် အတွက် နေ ရာအဆင်သင့်ရှိထားပြီးဖြစ်ဟု အဆို ပါ ကော်မတီ ဝင် ဒေါက်တာ ဆလိုင်း လျန်မှုန်းဆာခေါင်း က စက်တင်ဘာလ ရရက်က ပြောသည်။

“ UPDJC member(အဖွဲ့ဝင်)က တရားသေ သတ်မှတ်တာ မဟုတ်ဘူး။တစ်ဖွဲ့ ၃၂ဦးဆီနဲ့ကျွန် တော်တို့ လူဦးရေတိုးလို့ ရတယ်။ ဟိုဘက်ကလည်း လိုက်တိုးမယ်။သူတို့ လက်မှတ်ထိုးရင် UPDJC မှာ သူ တို့ ပါလာဖို့ အတွက် ရှင်းရှင်းလင်းလင်းနေရာပေးထားပြီိးသားဖြစ်တယ်” ဟု ၎င်းက ပြောသည်။

UPDJC ကို NCA စာချုပ်အရ နိုင်ငံရေးဆွေးနွေးပွဲများ အောင်မြင်စွာ ကျင်းပနိုင်ရေးအတွက် ရည်ရွယ် ပြီး ၂၀၁၅ခုနှစ် အောက်တိုဘာလ (၁၅)ရက်မှ (၁၇)ရက်အထိ ကျင်းပသော ပထမအကြိမ် တစ်နိုင်ငံလုံး အပစ် ခတ်တိုက်ခိုက်မှုရပ်စဲရေး သဘောတူစာချုပ်အကောင်အထည်ဖော်မှု ဆိုင်ရာညှိနှိုင်းအစည်းအဝေး(JIMC) က ဖွဲ့စည်းပေးခဲ့ခြင်း ဖြစ်သည်။
လက်ရှိတွင် ပြည်ထောင်စုငြိမ်းချမ်းရေးဆွေးနွေးမှုပူးတွဲကော်မတီ (UPDJC) ကိုအစိုးရအဖွဲ့၊ လွှတ်တော် နှင့် တပ်မတော်ကိုယ်စားလှယ်များ၊ NCA လက် မှတ်ရေးထိုးထားသည့် တိုင်းရင်းသားလက်နက်ကိုင်အဖွဲ့အ စည်းမှ ကိုယ်စား လှယ်များနှင့်တရားဝင်နိုင်ငံရေးပါတီတို့မှ ကိုယ်စားလှယ်များ ဟူ၍ လူဦးရေစုစုပေါင် ၄၈ ဦး ဖြင့် ဖွဲ့စည်းထားသည်။

တစ်နိုင်ငံလုံးပစ်ခတ်တိုက်ခိုက်မှုရပ်စဲရေးဆိုင်ရာသဘောတူစာချုပ်(NCA)ကို လက်မှတ်မထိုးရသေး သော တိုင်းရင်းသားလက်နက်ကိုင်အဖွဲ့အစည်းများ ငြိမ်းချမ်းရေးဖြစ်စဉ်တွင် ပါဝင်လာနို်င်ရန်အတွက်ကို မိမိ တို့ UPDJC အဖွဲ့အနေ နှင့် ပြည်ထောင်စုငြိမ်းချမ်းရေးညီလာခံ ၂၁ရာစုပင်လုံကျင်းပရာတွင် တံခါးအကျယ်ကြီး ဖွင့်ပေးလိုက်ပြီးဖြစ်သည် ဟုလည်းဒေါက်တာ ဆလိုင်းလျန်မှုန်းဆာခေါင်က ပြောသည်။

UPDJC ကော်မတီဝင် ဒေါက်တာဆလိုင်းလျန်မှုန်းဆာခေါင်း
UPDJC ကော်မတီဝင် ဒေါက်တာဆလိုင်းလျန်မှုန်းဆာခေါင်း

NCAသဘောတူစာချုပ်တွင် လက်မှတ်ရေးထိုးရန်အတွက် အဓိက စိန်ခေါ်မှုသည် တိုင်းရင်းသားလက် နက် ကိုင်အဖွဲ့များ တောင်းဆိုသည့် အစိုးရ ၊ နိုင်ငံရေးပါတီ နှင့် လက်နက်ကိုင်အဖွဲ့အစည်းဟူ၍ အစုအဖွဲ့ သုံးပွင့်ဆိုင်ဆွေးနွေးခြင်းကို အစိုးရ၏ လက်ခံမှုအပေါ်တွင် မူတည်ကြောင်း ညီညွှတ်သော တိုင်းရင်းသားများ ဖက်ဒရယ်ကောင်စီ UNFC ဒု-ဥက္ကဋ္ဌ နိုင်ဟံသာ က ပြောသည် ။
NCA လက်မှတ်ရေးထိုးပြီးဖြစ်သော ရှမ်းပြည်ပြန်လည် ထူထောင်ရေးကောင်စီ ရှမ်းပြည်တပ်မတော် RCSS/ SSAမှဦးစိုင်းငင်းကUNFCအဖွဲဲ့့နှင့် NCA လက်မှတ်ရေး ထိုးပြီးသားဖြစ်သော လက်နက်ကိုင်အဖွဲ့တို့ကြား တွင် NCAစာချုပ်အရ စည်းခြားထားခြင်းမရှိဘဲ အပြန်အလှန်ညှိနှိုင်းမှုများ ရှိသည်ဟု ဆိုသည်။
NCA စာချုပ်ကိုမူ တိုင်းရင်းသားလက်နက်ကိုင်အဖွဲ့အစည်းများ စုပေါင်းထား သည့် တစ်နိုင်ငံလုံး အပစ် အခတ်ရပ်စဲရေးညှိနှိုင်းဆောင်ရွက်ရေးအဖွဲ့ (NCCT)နှင့် အစိုးရဘက်မှ ပြည်ထောင်စုငြိမ်းချမ်းရေးလုပ်ငန်းကော် မ တီ(UPWC)တို့ ရေးဆွဲခဲ့ကြခြင်းဖြစ်ပြီး NCA တွင်မူ NCCT မှ တိုင်းရင်း သားလက် နက်ကိုင် ရှစ်ဖွဲ့ကသာ လက်မှတ်ထိုးခဲ့ခြင်းဖြစ်သည်။

NCAတွင် လက်မှတ်ရေးထိုးထားသည့် လက်နက်ကိုင်အဖွဲ့များမှာ ကရင်အမျိုး သား အစည်းအရုံး( KNU )၊ ကလိုထူးဖောတပ်ဖွဲ့(DKBA)၊ ကရင်အမျိုးသား အစည်းအရုံး/ကရင်အမျိုးသားလွတ်မြောက်ရေးတပ်မတော်-ငြိမ်းချမ်းရေး ကောင်စီ(KNU/KNLA–PC)၊ မြန်မာတစ်နိုင်ငံလုံးဆိုင်ရာကျောင်းသားများဒီမိုကရင်တစ်တပ်ဦး (ABS DF)၊ ချင်းအမျိုးသားတပ်ဦး(CNF) ၊ ရခိုင်ပြည်လွတ်မြောက်ရေးပါတီ(ALP)၊ ရှမ်းပြည်နယ်ပြန် လည်ထူထောင်ရေး ကော်စီ(RCSS/SSA) နှင့် ပအိုဝ်းအမျိုးသား လွတ်မြောက်ရေးတပ်မတော်(PNLO)တို့ဖြစ်သည်။

NCAတွင် လက်မှတ်ရေးထိုးခြင်းမရှိသေးသည့် တိုင်းရင်းသား လက်နက်ကိုင် အဖွဲ့များမှာ မွန်ပြည်သစ် ပါတီ(MNSP)၊ ကချင်လွတ်လပ်ရေးတပ်မတော် (KIA)၊ ရှမ်းပြည်တိုုးတက်ရေးပါတီ/ရှမ်းပြည်တပ်မတော် (SSPP/ SSA)၊ ရခိုုင်အမျိုးသားကောင်စီ (ANC)၊ ကရင်နီအမျိုးသားတိုုးတက်ရေးပါတီ (KNPP)၊ လားဟူဒီမိုုကရက်တစ် အစည်းအရုံး (LDU)နှင့် “၀”အမျိုးသားအဖွဲ့ချုပ် (WNO) တို့ ဖြစ်သည်။

Comments

comments

Next Post

ညီညွတ်သောတိုင်းရင်းသားလူမျိုးများ ဖယ်ဒရယ်ကောင်စီ(UNFC) ဒုတိယဥက္ကဌ နိုင်ဟံသာ နှင့် တွေ့ဆုံမေးမြန်း ခြင်း

Sat Sep 10 , 2016
ထျိူ းမြာ ”စိုးရသစ်ရဲ့အနေအထားက အမှန်တော့ သူတို့လည်း တပ်ကို အမိန့်မပေးနို်င်ဘူး။ သူတို့လည်း တပ်ကို မလွှမ်းမိုးနိုင်သေးတော့ အချိန်ယူပြီးတော့ တဖြည်းဖြည်းချင်း လုပ်ဆောင်နေရတဲ့ပုံစံမျိူးလို့ မြင်တယ်’’ အစိုးရသစ်လက်ထက် ပထမဆုံးအကြိမ် ကျင်းပသည့် ပြည်ထောင်စုညီလာခံ ၂၁ ရာစုပင်လုံ ပထမအကြိမ် အစည်းအဝေးကို နေပြည်တော် ရှိ မြန်မာ ကွန်ဗင်းရှင်းစင်တာ-၂တွင် ဩဂုတ်လ ၃၁ ရက်မှ စက်တင်ဘာလ ၃ ရက် နံနက်ပိုင်းအထိ ကျင်းပခဲ့သည်။ အဆိုပါ အစည်းအဝေးသို့ တစ်နိုင်ငံလုံး ပစ်ခတ် တိုက်ခိုက်မှုရပ်စဲရေး သဘော တူစာချုပ်(NCA) လက်မှတ်ရေးထိုးပြီးသည့် တိုင်းရင်းသား လက်နက်ကိုင်များနှင့် NCA လက်မှတ်ရေးထိုးခြင်းမရှိသေးသည့် တိုင်းရင်းသားလက်နက်ကိုင်များ အပါအဝင် စုစုပေါင်း ၁၈ […]