ကန္တာရဝတီတိုင်း ( မ် )
အာဏာသိမ်းကာလအတွင်း ဒေသတွင်းတိုက်ပွဲတွေကြောင့် ကရင်နီပြည်က ဒေသခံအများစုဟာ နေရပ်ကိုစွန့်ခွာပြီး ထွက်ပြေးတိမ်းရှောင်နေရတာ ၄နှစ်ဝန်းကျင်ရှိနေပါပြီ။ စစ်ဘေးရှောင် ကာလာကြာမြှင့်လာတာနဲ့အမျှ အဖက်ဖက်က လိုအပ်ချက်လည်း များပြားနေဆဲဖြစ်ပါတယ်။
ကဏ္ဍအသီးသီးမှာလည်း အမျိုးသမီးတွေအနေနဲ့ ပါဝင်ဆောင်ရွက်နေကြပါတယ်။ အိမ်ထောင်ရှင်အမျိုးသမီးတွေအနေနဲ့လည်း မိသားစု စားဝတ်နေရေးအတွက် ပူပန်နေရတာတွေ ရှိနေပြီး စိတ်ဖိစီးမှုကို ရင်ဆိုင်ခံစားနေရတယ်လို့ သိရပါတယ်။
ဒီကာလမှာ အမျိုးသမီးတွေအနေနဲ့ ဘာကြောင့် စိတ်ဓတ်မြှင့်တင်ဖို့ လိုအပ်တာလဲဆိုတာကို ကရင်နီပြည်မှာ ကျန်းမာရေးစောင့်ရှောက်မှုလုပ်ငန်း ဆောင်ရွက်နေတဲ့ ကရင်နီသူနာပြုများ အစည်းရုံး( KNA ) ရဲ့ ကျန်းမာရေးဝန်ထမ်းတွေကို တွေ့ဆုံမေးမြန်းထားပါတယ်။