ဒီးမော့ဆိုမြို့ အနောက်ဘက်ခြမ်း ဒေါရောက်ခူအုပ်စုအတွင်းက မြတ်ဗေဒါ လို့ခေါ်တဲ့ မသန်စွမ်းသူများအဖွဲ့ အစည်းအကြောင်းကိုလည်း တင်ပြမှာ ဖြစ်ပါတယ်။
ဒီးမော့ဆိုမြို့အနောက်ဘက် ဒေါက်ရောက်ခူအုပ်စုအတွင်းမှာ မသန်စွမ်းတွေ စုစည်းထားတဲ့အဖွဲ့ငယ်လေး တစ်ဖွဲ့ရှိပါတယ်။
အဖွ့ဲဝင် ၃၇ ယောက်ပဲရှိတဲ့ “မြတ်ဗေဒါ” မသန်စွမ်းသူများအသင်းဖြစ်ပါတယ်။ ၂ဝ၁၉ ခုနှစ်၊ ဇန်နဝါရီလမှာ စတင်ထူထောင်ခဲ့တာပါ။ အခုဆိုရင် တစ်နှစ်ပြည့်ခဲ့ပါပြီ။
ဒေါရောက်ခူအုပ်စုအတွင်းက ဒေါရောက်ခူကျေးရွာ၊ လေမအန်းခူ၊ ခူးဘာတို၊ ဟန်လီ၊ ဒေါဝယ်ကူး၊ ဖေါ်ငံ၊ ဖရူးခေါ စတဲ့ ကျေးရွာ (၇) ရွာက မွေးရာပါ အကြားအာရုံ၊ ကိုယ်အင်္ဂါ၊ ဉာဏ်ရည် မသန်စွမ်းသူတွေ၊ မတော်တဆမှုကြောင့် ကိုယ်လက်အင်္ဂါ မသန်စွမ်းသူတွေနဲ့ ဖွဲ့စည်းထားတာပဲဖြစ်ပါတယ်။
