ကန္တာရဝတီတိုင်း(မ်)
ကရင်နီပြည်မှာ ဧပြီလ ၂ရက်နေ့မှာ ၃ရက်နေ့ နှစ်ရက်အတွင်း မူးယစ်ဆေးဝါး အလုံး လေးသောင်းသုံးထောင်ကျော်ကို ဖမ်းဆီးရမိတယ်လို့ သိရပါတယ်။
ဒီကနေ့ မတ်လ ၃ရက်နေ့မှာ အသွားအလာပြုလုပ်နေတဲ့ အိမ်စီးကားတစ်စီးကို စစ်ဆေးပြီး WY အမျိုးအစား မူးယစ်ဆေးဝါး အလုံး သုံးထောင်ကို တွေ့ရှိခဲ့ပြီး ဖျက်စီးခဲ့တယ်လို့ KNDF B-09 က ထုတ်ပြန်ထားပါတယ်။
ဧပြီလ ၂ရက်နေ့မှာ မူးယစ်ဆေးဝါးရောင်းဝယ်နေတဲ့သူ နှစ်ဦးဆီကနေ မူးယစ်ဆေးဝါး လေးသောင်းကျော်ကို KA၊ KNDF B-12တို့က ဖမ်းဆီးရမိပြီး သိန်းနှစ်ရာကျော်တန်ဖိုးရှိတယ်လို့ KNDF B-12က ထုတ်ပြန်ထားပါတယ်။
ဖမ်းဆီးရမိတဲ့ ရောင်းဝယ်သူနှစ်ဦးနဲ့ WY မူးယစ်ဆေးဝါးတွေကို သက်ဆိုင်ရာ ကရင်နီပြည်ရဲဌာန ( KSP ) ကို လွဲပြောင်းပို့ဆောင်ခဲ့တယ်လို့ သိရပါတယ်။
ပြီးခဲ့တဲ့ ဇန်နဝါရီလမှာလည်း ကရင်နီပြည်အတွင်းမှာ မူးယစ်ဆေးဝါး တစ်သိန်း ငါးသောင်းကျော် တန်ဖိုး သိန်းတစ်ထောင်ကျော်ရှိတဲ့ မူးယစ်ဆေးဝါးကို ကရင်နီအမျိုးသားတိုးတက်ရေးပါတီ ( KNPP ) က ဖမ်းဆီးရမိခဲ့ပါတယ်။
