ကန္တာရဝတီတိုင်း(မ်)
ကရင်နီပြည် ဒီးမော့ဆိုမြို့မှာ ဒီကနေ့ (ဖေဖော်ဝါရီ ၂၁ရက်) မနက်အစောပိုင်း
(၆) နာရီ အချိန် တိုက်လေယာဉ် (၂)စီး ပျံဝဲလာပြီး ခဏအကြာ သေနတ်ပစ်ခတ်သံတွေ ကြားရတယ်လို့ ဒီးမော့ဆိုဒေသခံတွေ ဆီက သိရပါတယ်။
တိုက်လေယာဉ်ပျံဝဲလာပြီး ခဏအကြာ ဒီးမော့ဆို လမ်းခွဘက်ကနေ သေနတ်သံတွေ ကြားရတယ်လို့ ဒီးမော့ဆိုဒေသခံတစ်ဦးကပြောပါတယ်။
” ဒီမနက်အစောကြီး တိုက်လေယာဉ် (၂)စီးလာတာတွေ့လိုက်တယ်။ ပြီးတော့ ခဏ အကြာမှာတော့ မိနစ် (၂၀)လောက် ပစ်ခတ်မှု အသံကြားရတယ် ” လို့ ဒီးမော့ဆိုဒေသခံတစ်ဦးကပြောပါတယ်။
ဖေဖော်ဝါရီလ ၁၉ ရက်နေ့ ညနေပိုင်းမှာ ကင်းလှည့်နေတဲ့ စစ်ကောင်စီတပ်နဲ့ ကယား(ကရင်နီ)တော်လှန်ရေးတပ်ပေါင်းစု(KRU)တို့ ဒီးမောဆို ကုန်းသာကျေးရွာဘက်မှာ ထိတွေ့တိုက်ပွဲ ဖြစ်ပွားခဲ့ပြီး စစ်ကောင်စီဘက်မှ (၆)ဦးခန့် သေဆုံးပြီး MA-1 တစ်လတ်နဲ့ ကျဉ်အချို့ကို သိမ်းဆည်းရမိခဲ့တယ်လို့ သိရပါတယ်။